carolcheuk.hk's Profile

門面無任何指示要在門外點餐，門口又無人介紹，等人客入店舖之後，就叫返個客出去點餐，連個「請」字都冇，咁唔止係個別服務員態度嘅問題，係成間餐廳對人客既表態，以店家自己營運方便為主，人客的感受不被理會不予尊重。服務員態度問題有很多人已經說過，這裡也不再重複了。這樣的態度，這樣的價錢，食物質素必須要很高。可惜失望了。魚湯濃稠，魚腥味也突出。店家應該是想用碗邊的柚子醬去魚腥味，但不是很夾。麵條一般，初初食都正常，但好快淋，最後已經吃不下。…Read More

食物是可以的，但份量不大，一碗粉正常是不夠的，可多叫一個小食。basic一人大約$150上下。在中環lunch算是中價。小妹公司在附近，開店至今，每星期大約食一、兩次。平時疫情冇咁嚴重的時候，午飯時間都要排隊。今天小妹1:00去食，已經不用排隊，而且有一些空位。店方安排了一個很大風的單人位，啲間隔膠板都吹到左右搖擺。拜託店方把冷氣機不要那麼大風，落單嘅時候答應調低，但過咗一陣間都冇分別，再向工作人員要求。工作人員說已經不能再調低溫度：「我話俾你聽，已經調低左，唔可以再調低。再調低就會好焗。冇得搞㗎啦，係咁㗎啦，我廚房都會好熱嘅。」又唔可以調位，冷氣又吹到頭暈，又已經落咗單唔想即刻走喺度潑婦罵街，只可以食完即刻走。其實如果真係冇空位，調唔到位我都好明白。但餐廳又有吉位，又明明工作人員都見到啲風咁大，仲要落完單先講冇得調校，咁點解唔調我位呢？我覺得好生氣？ 要知道，1:00之後，係會越來越多位。工作人員同我講完果番話之後，我已經唔想再同店裏面所有人講嘅，費事自己越來越生氣。中午出去食飯，冒着疫情嘅風險，都係想休息吓。對於餐廳呢個態度，我覺得完全係冇心幫食客解決問題。…Read More

雖然是平日下午，但還是有很多人來一嚐這裡的葡撻。由於要等葡撻出爐，排隊就差不多用了1小時。而且排隊安排不佳，排隊中途突然員工出來分了兩條隊，但解釋不足，在大家起哄後，才了解到，變成一條隊買票，一條隊用票換葡撻，這樣的安排，苦了單獨旅遊的我，因為其他人已經立即分兩批排隊了！終於嚐到葡撻，熱辣辣也好吃。不過，覺得安德魯餅店的較香及軟滑。…Read More

以前已經聽過朋友話這裡啲燒烤好好食，一直沒有機會。這次自己一個來澳門，趁着中午時間，就去享用一個休閑的BBQ午餐。地址不難找，就是在媽閣側面手信街再行上少少，再上幾步樓梯就到。如果不是看到那大大個的燒烤招牌，會以為自己去了一間可口可樂主題餐廳。因為無論牆壁的設計，還是飾櫃中的展品，都充滿可口可樂，很有趣。餐牌裡，除了燒烤之外，原來還有很多選擇。但因為只有一個人，所以叫了一個燒風鱔和一碟炒椰菜。風鱔不錯，也算大碟，魚皮脆魚肉爽口，但稍欠魚香，要以醬汁加味，價錢略貴。炒椰菜份量很多，非常新鮮爽脆，是吃燒烤的良伴！總括來說，這裡的服務人員有善，在這裏用餐愉快滿足。多些朋友一齊來更好，因為看到還有很多美食呢！…Read More

長洲有好多間在地海鮮菜館，用的都是香港附近捕捉的家常海鮮，價錢低，鮮味十足，而且保證新鮮！可以說是平民海鮮勝地。小妹第二次來這間餐廳，因為覺得這裏的調味到位，而且海鮮之外的其他菜式，亦烹調出色。加上份量十足，價錢公道，菜式選擇多，吸引我再次來這裏用餐。今次叫了三餸餐，包括蒜蓉粉絲蒸蟶子、避風塘炒蜆和蝦醬鮮魷通菜。蟶子和蜆都十分新鮮，雖然個頭不大，但飽滿。個人比較鍾意蒜蓉粉絲蒸，比較可以食到海鮮的鮮味。(忘記了幫炒蜆拍照，這裏不能供大家參考）最開心通菜很大碟。不知為何現在的餐廳，炒菜細細碟，反而其他肉食更大碟，不知是否菜價很貴。這裏的炒菜很好吃，通菜翠綠，魷魚新鮮爽脆，配上蝦醬非常滋味！我竟然最喜歡是這味菜呢！…Read More

到上環坐船過澳門，上船前去華星冰室買個三文治上船食。見到好多人都大贊這裡的食物，推薦炒蛋好好食，就要了餐蛋治。華星冰室的裝修幾有心思，好似舊冰室但顏色比較誇張，玩味十足！餐牌當眼處是常餐，好有「澳牛」的影子。三文治「行街」用紙袋裝，不會焗淋麵包，比膠袋透氣，及格！件三文治好有厚度，亦都好整齊，食指大動！食味中上，炒蛋香滑又唔散，如果午餐肉再煎脆口些會更好！…Read More

如果去食片皮鴨，港島區嘅其中一個首選就是美利堅。老店經營，侍應生都是上咗年紀伯伯級，服務好到位。上菜時，會明白相機食先，等大家影完相再分餸。餸菜份量足，所有都是大大碟，適合多人一起用餐。片皮鴨是必叫項目，而且他們家的京蔥新鮮爽脆，別家少見。素鵝不只是炸腐皮，是舊式做法，手功一層層加汁入腐皮入味。羊有驚喜，外脆內軟，喜愛羊羊的朋友必食。…Read More

踏單車經過，剛好想食芒果糯米糍(想食嗰間又無晒)，就買左一個試下。都好大隻而且結實，食落都方便，糯米糍皮比較薄身及均勻，芒果多汁，好滿足！鋪頭有好多芒果甜品，因為踩單車冇時間，下次有機會再試多啲其他甜品！…Read More

每一次來長洲，一落船，就會先來甘永泰排隊買魚蛋。這裡即叫即炸，熱度剛剛好，亦不會浸熱水使魚旦無晒彈性。每串魚旦有廚房紙巾包裹，可以吸去多餘油份。大魚旦是必買的，又彈牙又有魚香味，好吃的魚旦是什麼醬料亦不需要的！另外，推介豆腐卜魚旦！炸過的豆腐卜非常香脆，無懼「熱氣」的朋友可以試一下啊！…Read More