epicure_888's Profile

放假想舒舒服服食個 lunch Buffet， 打去四季Argo book 位，可惜full 咗，但外面Gallery 有位，兩間餐廳可以打通，於是book 咗Gallery。12:00 前去到已經好多客人喺度排隊等入座，Argo 好細間座位好少， 而Gallery 就位於lobby嘅大堂，座位較多，Argo 同Garllery 可以打通。餐廳環境好舒服，好光猛，枱與枱之間唔擠迫，食物擺設精美。食物：凍盤有沙律、生菓、24個月西班牙白毛豬風乾火腿、煙燻西班牙牛肉等凍海鮮有生蠔、龍蝦、蟹、青口、螺、蝦等等。亦有熟海鮮如芝士汁焗海鮮、香草牛油焗田螺。帶子壽司，油甘魚、甜蝦和三文魚刺身。熟食如湯、中式熱盤、油雞、义燒、燒牛肉、點心有蝦餃、燒賣、牛肉、菜苗餃。甜品：細細件的蛋糕仔、Mousse cake 等即開生蠔，每次使用都會攞少少出嚟，每次都好快俾人攞晒，質素唔錯，味道鮮甜，唔會太腥壽司只得帶子壽司刺身有三文魚甜蝦油甘魚雖然種類少，但質素唔錯，非常鍾意帶子壽司自助餐有焗田螺非常罕有，香草牛油味都濃郁我食咗好多隻。好食。芝士焗海鮮，裡面有魚、魷魚….. 好好食。甜甜蛋糕選擇比較多，好精緻，唔會太甜。總結：Argo lunch buffet 食物貴精不貴多，擺設精緻，環境舒適，味道有水準備。服務態度非常好👍。 話說有一款甜品，每次只出4杯，因為我坐得比較遠，每次我都攞唔到，於是問負責食物嘅侍應，仲會唔會出，佢話幫我留意，如果有就會攞一杯比我，最後佢真係攞比我，服務真係一流。當然有少少貴，但物有所值。有機會會再幫襯。…Read More

開咗好多分店嘅阿參雞飯，終於有機會食到。位置在又一城food court 入面的一間獨立舖。是食馬來西亞、新加坡菜。海南雞飯必食，有雞味，雞肉嫩滑，配三款醬料。飯味道適中，唔會太油，夠乾身，粒粒分明。這個喇沙又係必叫喇沙湯底味道濃郁好夠椰香味有蝦、荳腐卜、魚片、芽菜、雞蛋米線淋咗少少多士好脆，咖央唔係太甜，配埋鮮牛油，好食。炸魚餅，我覺得唔好食。香茅薄荷特飲，味道夠清新，不太甜柑桔特飲，甜酸味適中。總結：茶餐廳格局，座位舒適，衛生。晩飯時間客人少，不擠迫。海南鷄飯不是特別出色，但可以接受。因為我係重口味人士，所以特別鍾愛湯底濃郁嘅喇沙米線。阿參的喇沙米線和海南雞飯可以媲美Chatterbox，但阿參價錢比較便宜。有機會我會再幫襯阿參。…Read More

據聞係全港最好食嘅漢堡包，去開灣仔順便去試下。Honbo 位於灣仔日街，小巷中的小店，座位大約20 個，位置有啲隔涉。我哋在平日晚上8:30 左右去到，唔洗等位。枱面上放上三款醬汁，可以隨意添加。Cheese Burger 芝士漢堡 $984oz 牛肉、芝士、酸瓜、洋蔥、生菜個包底面都烘過，外脆肉軟牛肉好juice， 啲汁漏哂出嚟。 但唔係特別出色。The Golden Standard $178雙層4oz 牛肉漢堡、煙肉、酸瓜、洋蔥、生菜 （本來是雙層芝士但我哋走芝士）個包烘得外面香脆內面軟熟，牛肉夠厚夠大塊，煎得有少少焦香味，好香好脆好Juice，加上一樣香脆嘅煙肉，啲牛肉汁多到漏到成隻手都係。這個真係好好食。薯條$38 熱辣辣，炸得香脆好好食，總結： 即叫即造嘅牛肉漢堡，份量大，由個包到牛肉到感覺到係好用心去做，個漢堡包本身無加醬汁, 我哋自行加上自己喜愛的醬汁，鍾意加幾多都得，唔加醬汁本身都好香好juice, 加咗醬汁立即將味道提升👍。 價錢累嫌貴咗啲，而且位置較為隔涉，間中試吓無妨。下次會去其他分店試吓其他漢堡包。…Read More

今日去紅茶冰室食早餐見到餐牌有全日早餐，好似幾豐富，ordered 咗一個。另外叫咗一個招牌沙爹牛肉一丁。招牌沙嗲牛肉一丁包括丹麥酥多士，炒滑蛋，一杯凍飲$45丹麥酥多士，同普通多士唔同，烘到好香脆，麵包皮係酥皮，滑蛋炒得香滑沙爹牛肉，沙爹湯底濃郁，麵軟硬席適中全日早餐跟一凍飲 $63 炸魚柳、丹麥酥多士、黑松露炒滑蛋、煙肉、腸仔、豆炸魚柳好大塊， 炸到好香脆，炸粉唔厚，黑松露炒蛋，夠滑，好多黑松露醬，腸仔同煙肉都煎得好香👍總結：第一次喺茶餐廳食全日早餐，比西餐廳的全日早餐更加豐富，味道唔差，而且價錢比西餐廳相宜。另外丹麥酥多士都係第一次食，個麵包皮係好脆，牛油適中，比普通多士好味。感覺上這間餐廳食物質素唔差，真係用心去做。服務態度都幾好，乾淨衛生，有機會會再幫襯。…Read More

平時去深井食燒鵝，都一定去裕記，今次想試吓陳記。因為裕記都食過幾次，所以想試吓陳記燒鵝。陳記大門口對正大馬路，好容易搵，而且有免費代客泊車。假日中午到達，都幾多客人。套餐唔吸引，最後決定散叫。燒鵝半隻，色澤都唔錯，但啲皮唔夠脆, 同埋燒鵝有少許臊味。比我預期的差。金銀蛋莧菜份量多，味道唔錯。蒜香骨味道一般，肉質比較硬，唔好食，失敗之作。總結：陳記以馳名深井燒鵝作為招牌菜，但沒有預期的好食。如果將來再去深井食燒鵝，我會試吓其他餐館。…Read More

中午時間到新港中心，俾佢門口嘅咖喱餐牌吸引咗我入去，餐廳佈局好舒適。餐牌圖片好精美，咖喱可以選擇咖喱辣度。特製吉列豬扒庵列咖喱飯套餐 $115 庵列煎得剛好，好滑不會太熟， 可惜咖喱唔夠香。吉列豬扒炸粉唔係好厚，炸得好脆牛肉片咖喱烏冬套餐 $106 咖喱湯汁好稀，不是我預期的咖喱濃郁湯底。跟餐雪糕太甜散叫紐紋薯條$20總結：我未食過日本的Coco 壹番屋，不知道味道是否跟香港一樣。香港這間我就覺得一般，標榜日本咖喱，但沒有咖喱應有嘅香味。須然服務態度好，地方整潔乾淨，但佢嘅招牌咖喱吸引唔到我回頭幫襯。…Read More

今日中午專誠去三聖邨食海鮮，海鮮街售賣嘅海鮮種類繁多，有好多選擇，當日遊客不多，我哋可以慢慢揀，我哋買咗蟶子皇4隻、墨魚一條、鮑魚4隻、扇貝2隻、龍蝦一隻，共$500。我哋無去附近酒樓，我哋去咗屋村嘅冬菇亭，見到一間青山灣美食廚房，這間是沒有海鮮供應的，但可以買海鮮去加工。蟶子皇大隻鮮甜，但唔夠惹味。上湯焗龍蝦👍芝士焗龍蝦👍椒鹽墨魚薑蔥鮑魚煲好食，鮑魚夠大隻，加上薑蔥炆得好淋好入味👍扇貝夠大隻，鮮甜。總結：餐廳係茶餐廳格局，中午時分客人多數是街坊或附近工友，多數食午餐、碟頭飯，只得我哋一枱食海鮮。服務態度就係一般茶餐廳正常服務。海鮮新鮮鮮甜，加工收費正常，但環境就麻麻，感覺不太衛生，可能晚上來感覺會好啲🤔。將來有機會再來三聖村，我會試吓其他食肆比較下。…Read More

平時見好多人排隊，今日12點開門之前經過，等到12點開門第一個衝入去買。入到去收銀機，開始揀食物1. 選擇麵包種類2. 選擇要牛肉、蝦、豬定魚等3. 選擇蕃茄、芝士、青瓜、煙肉、洋蔥等4.選擇醬汁, 照燒汁、他他醬、芥茉蛋黃醬、松露醬等5. 選擇跟餐，薯條可、雞翼、可樂等當然以上每項都要收錢我order 咗牛油漢堡安格斯牛肉煙肉、芝士松露蛋黃醬三重松露薯條加忌廉汽水$64 漢堡包烘過，安格斯牛肉冇咩特別，但煙肉就好香脆，加上松露蛋黃醬，好惹味。三重松露薯條，剛剛炸好，熱辣辣，好脆。可以點松露醬。其實唔加松露醬都好好食。總結：餐廳只得外賣沒有堂食。自選漢堡可以選擇真係幾好。因為係即叫即整，所以要等，出品係熱辣辣，比起麥當勞好食好多，但價錢比較貴。服務方面就麻麻哋，第一次幫襯唔知道程序，行入去收銀姐姐到想order時，先知道原來要自己填紙比佢入機，收銀姐姐雖然冇黑面冇鬧人，但就一副唔休做嘅態度。 將來有機會經過都會再試，但如果人多要排隊就唔會幫襯囉，因為鋪面好細，人多時要係門口排隊買飛，買完飛仲要企喺門口等，天氣熱時真係好容易中暑。…Read More

星期六突然好想食冰鎮咕嚕肉，於是search下邊間冰鎮咕嚕肉出名，上網搵到高高酒家唔錯，好彩訂到枱。高高似係做街坊生意，應該係老字號開咗好多年，這個係新舖，所以地方都好光猛。我哋兩個人叫咗必食避風塘賴尿蝦肉、冰川無骨咕嚕肉、鐵板滋味魷魚鬚。坐低就見這碟小食，$20避風塘賴尿蝦肉$258一碟大約有15 隻小賴尿蝦，全部無殼，不太辣賴尿蝦細細隻，去咗殼，啖啖肉，但炸得唔夠脆。冰川無骨咕嚕肉，隻碟好大，放咗好多冰，咕嚕肉大約20 件，炸粉唔厚，甜酸度適中，外層好脆，裡面仍然好熱，當然放得耐一定會凍，但比啲冰雪耐咗外層仍然好脆。鐵板魷魚鬚上枱時熱辣辣香噴噴，好惹味。總結：入到酒樓已經覺得好擠迫同好嘈，我哋被安排樓上座位，樓上一樣好擠迫，枱與枱之間只能夠一個身位通過，我哋張枱係路口，經常俾人撞到， 坐得好唔舒服，我哋食完都嗱嗱臨走人。服務方面尚算禮貌快捷。食物雖然好食但被環境扣咗分。如果下次再有機會嚟，我都會揀平日，希望無咁多人。…Read More

平時食得日式同燒肉放題多，今次試吓食中式。平日每位$272，包括：每位一份：紅燒佛跳牆波士頓龍蝦爵士湯/碗仔翅紅燒乳鴿Movenpick 雪糕8款小食，18 款小菜，6款健康菜。飲料另收費，$30 任飲菓汁汽水。$40 任飲啤酒菓汁汽水。碗仔翅鹹咗少少，但味道唔差紅燒佛跳牆，份量唔少，有水準。紅燒乳鴿雖然細細隻，但炸得幾香脆波士頓龍蝦，雖然唔係好多肉，味道一般，但肉質唔錯，無其他小菜咁出色。總結：中式放題無日式放題咁多人，當晚六成座滿。待應姐姐雖然好忙，但唔會黑面，服侍周到，有求必應，有漏單情況，但好快就可補上，食到尾聲，有小菜無認領，待應姐姐問我哋要唔要。小菜夠穫氣，味道好，有水準。茶芥每位$14，加一只加在茶芥上。埋單每位$287.5，值得一試。…Read More

假日下午2:30 去到要排隊，又曬又熱係門口排咗20 分鐘先有位。被安排坐樓上閣樓，我哋2人坐4人座位要搭枱，枱面又細，好擠迫。烏龍茶$30好頭好尾 $102川味和牛面頰肉/法式燴牛尾/牛骨湯麵底可以選擇烏冬或陽春面，我哋揀咗烏冬。牛肉炆得好淋，但唔係特別好食。牛骨湯湯底濃郁有藥材味，忍唔住飲咗大半碗湯。這個是烏冬，唔係我哋平時食開嘅日本烏冬。好似普通粗麵，質感麻麻。我理想嘅烏冬係煙靭彈牙。海龍皇湯麵 $130藍蟹肉/海蝦/廣島蠔肉/墨魚滑/蝦頭油/皇湯面底揀咗幼麵海鮮料同幼麵好普通皇湯湯底濃郁，重蝦味，我將成碗湯飲哂。這個是幼麵，比烏冬好食，但唔夠爽口。普普通通嘅芝麻醬海蜇雞絲粉皮$44總結：這間舖主打係濃郁湯底，配料同麵底一般。唔明點解唔派飛，要客人日曬雨淋排隊，如果唔使排隊食下無防。服務態度一般，人手不足。枱與枱之間只夠一個人身位出入，好擠迫，枱面亦好細。價錢咁貴應該坐得舒服啲先岩，食得咁辛苦我寧願選擇其他。…Read More

西貢有好多海鮮酒家，尤其是近西貢碼頭海旁，有好多選擇，但我最鍾意都係海旁另一邊嘅勝記海鮮酒家。平日晚上只得幾枱客，非常冷清。套餐分別有2人、4人、6人、8 人及12 人我哋揀咗海鮮2 人餐$798，包括：-脆皮滑金磚-天婦羅炸大蝦（4隻）-椒鹽鮮鮑魚（2隻）-自家製酒糟粉絲蒸元貝（2隻）-金不換炒蟶子皇（2隻）-芝士波士頓龍蝦（開邊）配伊麵-上湯浸時蔬-自家製甜品這個套餐，已經包括了佢哋嘅必食招牌菜：椒鹽鮮鮑魚、酒糟粉絲蒸元貝、蟶子皇、龍蝦伊麵。脆皮滑金磚外皮炸到金黃色，好脆，豆腐好滑，做得非常出色👍天婦羅炸大蝦, 當然同日式天婦羅唔同，炸粉畧厚，蝦爽口。自家製酒糟粉絲蒸元貝平時食開用蒜蓉蒸，佢哋用酒糟蒸，紅色嘅外型非常吸引，酒味唔重，元貝新鮮鮮甜。金不換炒蟶子皇，蟶子皇好大隻，新鮮多肉彈牙，夠哂鑊氣，味道濃郁香口。芝士波士頓龍蝦配伊麵龍蝦肉質厚實、新鮮，份量足。上湯伊麵好多汁，越食越好味。龍蝦和伊麵都係主角。椒鹽鮮鮑魚外層炸得香脆，味道香口，肉質煙韌。上湯浸時蔬總結：近海旁的海鮮酒家，枱與枱之間相距太近，遊人又多，坐係室外，人來人往，好嘈，食得唔自在。而勝記的位置比較偏僻，遊人較少，不會太擠迫。如果坐在室外，食得舒服。而且食物質素保持一貫水準，所以去西貢食海鮮，勝記係我嘅首選。…Read More

又到左假日要relax嘅時間，今次又比我搵到一間環境舒適嘅海景餐廳食lunch。餐廳位於新近落成嘅東涌喜來登酒店旁邊商場，環境清幽，窗口望出去大海對面就是香港機場，雖然睇唔到跑道，但也看到疏疏落落嘅飛機係上空經過。雖然自己冇得飛，但坐喺餐廳一邊食lunch一邊望吓飛機都幾寫意，就當自己去咗旅行。逢星期六及日12:00-15:00 有weekend brunch $228 包前菜、主菜和朱古力蛋糕，不包餐飲。另外2小時任飲酒類每位$248。我哋order左兩個套餐 ：前菜：牛肉他他主菜：炸魚薯條甜品：朱古力蛋糕前菜：Eggs Benedict 主菜：牛扒煎蛋配薯條（加$88）甜品：朱古力蛋糕附送麵包，熱辣辣，外脆內軟單點飲料Tropical punch $75前菜：牛肉他他，賣相唔係好掂，味道一般前菜：Egg Benedict 一份兩件，夠哂份量，裡面蛋黃流哂出嚟炸魚薯條，好大份，望落去好似牛脷酥😆炸得比較燶，外皮太厚，魚肉嫩滑，薯條香口。牛扒太陽蛋下面就係牛扒😁，唔明點解要加隻蛋牛扒燒得好香，肉質好淋，有牛味。朱古力蛋糕唔係太甜，幾好食總結：餐廳不屬於酒店，不要祈望有五星級酒店服務。門口receptionist 麻麻地，其他侍應就好友善，服務態度亦好。前菜同主菜份量大，一定夠飽。在這舒適環境食lunch, 每位$228 加10%，都算抵食。餐廳內有桌球枱，可以比客人打下桌球。另外有一個唱歌嘅臺同樂器，晚上應該有樂隊唱歌。下次有機會會選擇晚上再來聽歌食晚餐。…Read More

以前為咗食豚王拉麵，真係排足一個鐘都願意。自從一蘭拉麵同埋好多過江龍進軍香港之後，都未食過豚王，星期六晚大約7:30，在中環搵食，路過豚王，裡面竟然無客，我仲以為佢哋收咗舖，後來才來了幾枱客。拉麵有五款，包括豚王（原味）黑王（墨魚汁）赤王（辣味）、翠王（芝士和羅勒汁）和期間限定。個人口味選擇：湯底可以選擇醬油多少、香味油濃淡、蒜蓉多少。义燒可以選擇腩肉或肩肉，或唔要。配菜可以選擇蔥或椰菜。唐辛醬可以選擇1辛至10 辛。麵種類可以選擇幼麵或扁平麵，亦可選擇軟硬度。我哋揀咗赤王同黑王，另加溏心日本蛋。赤王，少香油、普通蒜蓉、腩肉、硬幼麵。1辣的赤王，食得辣嘅人，1辣係好普通。湯底濃郁，辣得嚟好香，麵硬唔夠爽口。黑王，普通香油，多蒜蓉、腩肉，軟扁平麵。麵太林，下次都係揀返普通硬度。湯底濃郁但無辛王咁香。溏心蛋必叫，蛋黃汁流哂出嚟，勁正❤️（$17）腩肉好薄，半肥瘦，口感好淋好軟身。下次試吓肩肉可能無咁肥。 湯底味濃，所以要叫罐啤酒飲吓札幌啤酒$26 總結：我鍾意重口味，所以接受到濃郁湯底。如果同一蘭比較，一蘭個湯底如果唔加辣，其實係唔夠香只係鹹。 䐁王有五款選擇，而且唔洗自己係門口買飛，所以我還是會覺得䐁王比較優勝。 埋單無加一，每人$117.5。…Read More

聽聞灣仔分域碼頭就快清拆，從來未去過分域碼頭嘅海軍商場，想去逛一下順便試吓一樓嘅意大利餐廳。海軍商場地點偏僻，地下入口處有一個露天停車場只可以拍大約10部車左右免費先到先得。好彩我哋早咗去所以仲有車位，食飯之前我哋喺商場行咗一個圈，商場共3 層，地下商場有一間意大利小型超市，有唔少顧客在購物。商場其他地方堆滿雜物，相信是結業的商舖留下的，有點淒涼的感覺。二樓有數間商舖但很冷清。一樓就是我哋要去的意大利餐廳。星期六日佢哋有半自助 brunch, 星期六早上打電話去訂枱它們分為11:30至1:30和1:30至3:30 兩個時段。 我哋食11:30第一輪。我哋11:20 去到一樓reception, 已經有客人在等侯入座，但reception 無人招呼，似乎要到11:30 先比客人入座，後來越來越多人，迫爆成個reception. 最後餐廳都坐滿哂，原來咁多人嚟食。餐廳環境舒適，好開揚。我哋order $338 一位半自助餐午餐，包括意大利前菜和甜品buffet counter 和可以任選一個主菜。主菜揀咗 Mixed seafood and cheery tomatoes thin spaghetti 要加$28另一個 Veal Milanese (boneless), roasted potatoes, rocket salad 加$48自助區有好多選擇，新鮮，味道亦好，我最種意係煙肉凱撒沙律，pama ham, 生菓，各式芝士，煙三文魚，tiramisu. 這個芝士吧枱，放了大約10 款芝士，芝士控一定鍾意。主菜大失所望Thin spaghetti, Mixed seafood and cherry tomatoes 份量少，味道ok, 我覺得這間正宗意大利餐廳嘅意粉同外面餐廳無分別，所謂嘅海鮮係八瓜魚同1-2 粒帶子，但要加$28 。Veal Milanese (boneless), roasted potatoes, rocket salad 加$48 牛好薄，亦無牛味牛同炸粉炸到分離總結：buffet counter 確實唔錯，有幾款幾有特色，但又未必適合香港人口味。主菜真係唔得，見到餐牌$298 buffet only, 加埋主菜$338，咁一般都會加$40 加個主菜好似抵啲，但原來好多款主菜又要另外再加錢，加錢無問題，但要好食先得。客人和侍應都係外國人多，加上餐廳地點偏僻，環境舒適，我覺得自己好似身在外國。如果我下次再幫襯，我會選擇buffet only, 主菜免了。…Read More