eatwith00's Profile

夜媽媽搵宵夜食，見到佢嘅營業時間16-2，個名又好有feel咁，就揀咗嚟依間～開post嘅依家又想再嚟食啦！依間真係唔錯～🔹花甲鮮魷粉 $54佢嘅招牌—花甲粉，係會用錫紙包住咁上菜，非常特別。可能因為我本身中意食粉絲，而煮完花甲嘅湯底同粉絲真係好夾，再加埋啲花甲又真係大大隻咁，所以個花甲粉真係👍🏻👍🏻👍🏻 佢係可以再額外加餸/菜嘅，我今次就加咗鮮魷～份量正正常常啦～下次再嚟就會想加多幾樣嘢落去～🔹雞軟骨串燒 $13串燒入面最鍾意嘅果然都係雞軟骨～🤤🤤 貌到有就即刻揀咗～味道係正正常常嘅串燒味🤣🤣唔會太淡亦都唔會太濃🔹牛油金針菇 $18金針菇都係用錫紙包住嘅上～加咗牛油真係超級無敵香🤤🤤📍回憶客棧…Read More

普普通通不過不失咁啦，比起主食，紫薯薯餅反而比較出色～🔹半熟糖心蛋牛肉飯 $68牛肉飯就係似似地sukiya嗰種～牛肉份量都唔算少，糖心蛋好香～不過值得讚嘅係佢個包裝🤩有將湯、餸、飯分開真係要讚👍🏻🔹加配：紫薯甘粟薯餅 $10真係皮薄餡靚！有紫薯蓉外，咬落去仲可以食到一粒粒嘅紫薯粒！仲要食完半個主食先食佢都仲係熱嘅☺️☺️真係好彩有加配到～📍OISHI DON…Read More

🧚🏻‍♀️【木系梳乎厘班哉Café：CP值超高dinner set】中環經過見到依間Café個名特別地提到pancake，馬上吸引到鍾情於梳乎厘班戟嘅我！即刻影低同埋mark低咗個名，估唔到一有機會諗住試嘅時候會係走咗嚟美孚依間～～一坐低見到佢個dinner set就毫不猶豫地落咗單～加埋一之後都只係$187就有梳乎厘班戟+主食+餐湯+飲品，真係超級抵！細食嘅仲可以兩個人share一個set，簡直係性價比之最！(不過dinner set嘅梳乎厘選擇同埋份量都比較少，決定下次嚟要單點梳乎厘班戟試下啲再特別啲嘅味😌❤️‍🔥～Btw想講埋，就係，佢個menu嘅cover真係超得意！😆😆有沒有～Dinner set $170 *1.1 =$187～🔹是日餐湯🥫正正常常普普通通嘅羅宋湯～🔹士多啤梨梳乎厘(2件)🍓🥞好食好食好好食！果然主打梳乎厘班哉係唔同啲！啖啖都有好香嘅蛋味之餘，仲有十足嘅空氣感(仲要我影相影咁耐都仲keep到咁蓬鬆～)🔹辣蕃茄蟹肉扁意粉🦀🍝估唔到主食同樣出色！蟹肉比想像中多，食落嘅辣度係少辣左右，好惹味！🔹抹茶鮮奶 🍵🥛好香濃嘅茶味(對我嚟講係超苦🤐)，即刻加咗牛奶都中和唔到抹茶嘅苦澀味，對於怕苦嘅我嚟講就真係唔係我杯茶啦😮‍💨📍PHICoffee&Pancake…Read More

🧚🏻‍♀️ 【隱蔽巷仔中嘅餃子店🥟】 #三一餃子朋友嘅朋友提起先知道嘅一間隱藏喺中環巷仔之中嘅餃子店～好嘅係味道幾好，米線嘅湯底幾好，餃子有湯餃有煎餃幾好；不過缺點就係佢點都要加埋個米線咁點，唔可以就咁叫6隻餃子佢有三個套餐(詳見menu)，我哋叫咗最簡單嘅套餐一～套餐一：A(餃子)+B(主食) $58 x3～🔹A: 粟米豬肉餃 煎+$4 肉餡偏咸，但可以接受～都係好香好脆好好食～粟米嘅餃子，永遠都係我嘅最愛～🔹B: 鰹魚昆布湯米線湯底幾香濃～比想像上入味🔸A: 芯豬肉餃 煎+$4 幾香因為加入咗蒜芯，帶起咗肉餡嘅甜味，🔸B: 平壤撈米線 味道係淡淡嘅蒜香(不過真係好淡🤏🏻)，加啲枱面上嘅調味料撈嚟食都真係幾唔錯～🔹A: 韭菜蝦皮豬肉餃 湯幾香韭菜味，鍾意韭菜嘅可以一試～🔹B: 豆漿蝦皮湯米線 多蔥 湯底幾特別亦幾香味～鍾意海鮮湯底嘅話可以揀依個～📍三一餃子🥟…Read More

🧚🏻‍♀️ 【我最愛嘅冰屋：開心果味冰🍧】 依間嘅雪花冰真係我嘅最愛！暫時仲未食到另一間係可以做到好似佢嘅質地、口感同味道。佢款款嘅冰都係可以做到質地蓬鬆柔軟，入口即溶，食落唔會有冰粒，仲要啖啖都可以食到佢調得啱啱好嘅味道，真係不得了！🤤🤤而今次試咗佢期間限定，同佐賀莓小姐聯乘嘅開心果味！之前去過銅鑼灣嗰間見到依隻味，但嗰時唔敢貿貿然咁試開心果味嘅甜品(排咗咁耐隊唔想中伏)。嗰排去銅鑼灣間ikea試咗個開心果味新地筒覺得開心果味甜品原來好ok，但當想試嘅時候，佢已經冇咗。所以當我早兩日ig見到佢今次聯乘有出返嘅時候就即刻過嚟試！今次咁啱嚟咗中環分店。第一次嚟咗中環依間分店，比我想像中大間(但都唔算好大間)，但位置就真係偏高嘅(?)，強烈建議唔好跟google map行樓梯，搭咗中環街市對面嘅電梯一路上到去先，再行過去！今次我哋就係冇搭到電梯，而係自己慢慢咁行上去，所以行到 超 級 攰 ！不過都因為咁而發現咗一間我係油麻地嗰邊食過幾次嘅，好食抵食嘅、性價比之最嘅紐約Pizza店，佢係中環都有分店！！！(之後再po返~~)🔹開心果味 (配佐賀莓小姐🍓) $140佢真係完全冇令我失望！質地、口感同味道就同平時一樣咁完美～😋😋開心果嘅味道均衡分布咗係成個冰度，而味道調得啱啱好，唔會太濃亦唔會太淡，同士多啤梨的味道加埋變得更清新！佢特別嘅位係表面上會有一層嘅士多啤梨cream同埋紅卜卜嘅士多啤梨🍓，cream嘅味道唔會好假，貌似有少少沙冰嘅感覺🤏🏻，而中間亦會有啲打溶咗一半嘅士多啤梨😆非常特別～P.s.今次嘅聯乘活動貌似只去到3月7日！📍shari shari 氷屋…Read More

🧚🏻‍♀️ 【Ikea嘅港式奶茶新地筒🧋🍦】 Waa!!! Ikea成日都會出唔同味道嘅新地筒，今次終於到港式奶茶味啦yaaa🔹港式奶茶雪糕 $6真係完全擊中我嘅心！佢完全就係維他嗰隻紙包港式奶茶嘅新地筒版，同我一樣中意港式奶茶嘅話真心可以一試！🔹港式奶茶新地伴迷你雞蛋仔 $19 (我冇試到🙈)依個我見到佢只係加咗超迷你嘅雞蛋仔，於是就冇試到🤣 (其實我超鍾意食雞蛋仔，但係佢真係太細份，叫唔落手)，有興趣嘅都可以試下～📍Ikea美食站…Read More

返嚟香港完晒3+4後食嘅第一餐就係拉麵啦🤤店入面嘅裝修好日系風(廢話🙈)，仲有個bar係度！可惜我哋都唔係愛酒之人，冇試到酒，但係個感覺都即刻係齊度😆
🔹北海道極濃蟹湯拉麵 $138個湯真係好濃味，味道唔會太假，唔錯唔錯！只不過因為之前都冇試過蟹湯嘅拉麵，所以都比較唔到🤣🔹金鶴.雞白湯拉麵 $98佢話依個湯底熬製咗6個鐘，佢有冇熬到6個鐘我唔清楚，但係佢個湯底係真係幾濃郁！🔹鹽味拉麵、醬油拉麵 $88, $88我衰仔，我唔記得咗試，所以就唔評論啦🥲👉🏻👈🏻不過賣相ok，朋友們嘅表情都ok，所以我諗都ok嘅😌🔹日式餃子 $38就係普通嘅煎餃子，味道上不過不失，雖然外皮唔係算特別脆，不過gathering嘅時候叫埋佢，一人一隻咁樣都幾好～…Read More


由夏天想食到冬天，終於試到西環依間嘅芋圓冰火鍋啦！🤩店內裝修偏懷舊風，切合店名嘅主題，將卡位設計成一檔又一檔嘅菜市場攤檔，相當有特色😍🔹芋圓冰火鍋 $99佢可以選擇「湯底」、三款「醬料」、仲可以加其他嘅食材。因為我哋兩個人食，而點單紙寫住2-3人份，於是我哋都冇加到其他食材啦～我今次就揀咗皇室奶茶，而醬料就揀咗煉奶、蜂蜜、Oreo碎碎。皇室奶茶就咁飲會有淡淡嘅茶香味，加咗落火鍋入面之後茶味就淡咗好多，會有淡淡嘅甜味，唔算太膩～雖然食物下面會有冰墊住，不過食材都算多，對得住依個價錢👍🏻 食物都好好食同埋好豐富！(相信都唔洗我多講啦🤣) 而醬料倒咗落啲冰度，好似雪花冰咁食，三款醬料加冰都好好食～個人私心煉奶，煉奶加冰真係好正🤤Btw其實就嚟食完嘅時候諗住再加多樣熱食暖暖個身，依家依個天氣食冰火鍋真係有啲涷🥶。不過因為想落單嘅時候已經5:30pm，而依家6pm禁堂食，所以落唔到單🥲 建議冬天嚟食嘅話就點多樣熱食啦～❄️…Read More



🔹蜂蜜芝士粉炸雞(無骨), 配薯條 $128炸雞外皮香脆可口，無骨嘅就更加方便食。表面嘅白色粉末應該就係蜂蜜芝士粉🤔，但食落就真係唔太食得出有蜂蜜或者係芝士嘅味道，感覺好似食緊糖咁(?)，不過甜甜地咁都算係幾好食嘅😶。去到後期，將啲炸雞點卡邦尼汁，超正🤤🤤 而薯條係熱辣辣啱啱出爐嘅，唔知點解，啱啱拎到嚟食嘅時候佢唔太脆，反而隨咗少少時間再食嘅時候佢就變到好香脆🤤👍🏻🔹卡邦尼炒年糕 $88卡邦尼超好食，有淡淡嘅芝士同埋牛奶嘅味道，超好食(同時都好邪惡啊🤣)，除咗點依味餸入面嘅食物之外，點炸雞都好好食😋。不過佢嘅年糕算係偏淋嘅感覺，我自己會偏向鍾意食煙煙韌韌有咬口嘅嗰個質地。年糕入面仲會有啲菜、腐皮同埋炸物，配菜上幾豐富～🔹水冷麵 $78我真係好鍾意食韓式水冷麵！特別係食完啲芝士嘅嘢食，又或者係濃味嘢食之後，再食一啖水冷麵，個感覺即刻清新好多～而佢嘅水冷麵係偏韌嘅，有少少難咬斷，不過味道上都有保持到水準😋🔹芒果雪冰 $78佢嘅芒果冰真係幾好食！之前食過啲甜品店嘅雪花冰都會有一個共通點，就係當食到尾嘅時候，剩低嘅都係無味嘅冰，佢係我第二間食到係由頭食到尾都有味嘅雪花冰！佢嘅芒果味適中，唔會特別甜，亦唔會特別淡，旁邊用咗一圈嘅啫喱同埋一圈嘅芒果作為配搭，最頂嘅係一球嘅香濃嘅雲呢拿味雪糕🤤真係好好食❄️唯一嘅缺點應該就係個份量比想像中嘅小😶‍🌫️…Read More

🔹牛油果沙律蛋三文治 $27平時好中意食牛油果嘅我🥑今次見到有牛油果沙律蛋嘅大大件三文治🥪就即刻買咗嚟試🤤估唔到一拎出嚟，佢用嚟包住嘅紙仔會摺到咁靚，超方便～完全唔洗驚會跌咗出嚟👍🏻 三文治仲要超足料～估唔到佢嘅牛油果嘅份量都會咁多，啖啖都可以食到牛油果🥑🤤🔹沙嗲豚肉爽飯 $50估唔到紙盒都可以咁保溫～行咗一段路仔，差唔多15-20分鐘先食都仲係熱～沙嗲豚肉嘅沙嗲味唔算濃，個肉質就真係有小小驚喜！爽口之餘仲冇肥肉～份量都比想像中更大份～仲跟咗杯熱飲～🤤…Read More