JJ:-)'s Profile

一個人去吃下午茶，真係冇咩幾可。趁仲有張20蚊現金劵，就揀嗰豪少少。邪惡一點點，食炸雞脾，補足蛋白質唔飲紅豆冰，可以免費轉凍飲。嗰頭買完飛，依頭排隊就有得拎。剛剛炸起，熱辣辣。唔會好似大x樂用炸粉炸，好厚粉，而且食落啖啖肉。脆脆的皮比豉油雞脾滋味得多。…Read More

好少平日來西貢吃早餐，以為都會好靜，但其實都生意不錯，係冇星期六日咁爆場。當日大約7點半，入面只有幾枱客，會坐得舒服啲。坐低望望餐牌。。。。媽咪揀了A2，食「沙嗲牛肉米粉+火腿炒蛋配餐包」$35。牛肉份量都好多。可能平日師傅會鬆手少少吧餐包我食左，都幾新鮮。而我一心想走肉，又唔想食太多。所以便叫了「麥皮餐配多士」$32。麥皮係沒有奶和糖，感覺健康啲。食慣了齋麥皮，就唔會覺得難入口嘅。油占多就比媽媽吃厚多士賣相都ok大概7點9，就開始坐滿了客。不過觀察所得，好似愈平的茶餐廳，個場係旺啲。…Read More

天氣熱，好想飲杯冰涼嘅飲品。見到新開的手搖店，一於就幫襯下喇!雖然喺大街，但都比巷子的生意少。選擇都多款我買「小島假期甜品沙冰」$31，得標準size，係甜品來的。好彩我選擇了無糖，因為紅豆、珍珠、涼粉都有甜味。成杯足滿配料，食晒都好飽。抹茶味道就偏淡。另外還買了「鳳梨qq凍飲」$21，不過友人指一般，一分錢一分貨。好易就儲到2個印花!…Read More

第一次去荃灣依間食lunch。一直覺得來去去都係肉燥飯，冇咩大興趣。今日一睇menu，都有期待感。我地都揀左自選套餐$69，鐘意點配就配我就揀左「柑桔檸檬配驢魚扒+紅燒手作牛肉麵」個汁酸尾尾好開胃，魚扒3件啖啖肉，肉質唔係嫩滑，但唔係嚡，非常好食 紅燒牛肉面，有一塊幾厚身的牛，麵條粗身。細細碗，細食的人都足夠。不過我覺得湯底有d過油。朋友叫「芝麻醬手撕雞+肉燥飯」友人話雞沒有味道，失色。雞絲會有雞皮痴住。前菜的「滷水蛋」配肉燥飯好夾。泡菜唔辣，相信小朋友都食到。飲品方面，我order了「紅豆薏米水」，有些辣的味道，感覺似薑味。唔會好甜，幾好味友人加了9蚊轉飲珍珠奶茶，但我覺得都係手搖店會好飲啲~…Read More

今日來到大埔搵食，次次都去街市熟食中心，今日不如試下新野喇!依間粉麵店，爸爸經常幫趁，今日第一次帶我來。價錢相對就比街市貴幾蚊，始終都係舖租關係喇!其實我想食墨魚丸，但據我所知，只係吃魚蛋，先跟魚皮。反正係第一次食，就不如食依到嘅主打「魚蛋」吧！好食嘅幼麵都好難食到，怕好重梘水味，又唔彈牙。依到嘅幼麵都ok，但又未至於好似竹昇麵咁囉。魚蛋唔算好重味精。唔要飲品，可以$41配油菜。叫番個腩汁通菜吃會飽啲。魚皮浸得太耐，淋身晒，食唔到脆脆的口感。爸爸就叫了牛筋米，米粉都叫大碗，牛筋燜得剛好，好有膠質。配兩棵菜心都算唔錯。…Read More

今早遲左食早餐，所以等到下午茶時段先去食lunch。可能是平日的關係，即使是2點幾都係得十幾人，坐得好舒服。唔想食中午飯餐，叫下午茶餐就啱晒!在西貢來說，依個價錢都算過得去。燒臘店當然要識下佢地嘅燒味。爸爸叫了燒肉米粉$32，皮非常脆，浸住湯都唔會淋晒，肥瘦均勻我想試下食手打牛根丸瀨粉$29，牛根丸麻麻地。但瀨粉比到成碗滿晒。兩碗湯底都一樣，都係奶白色，感覺上清清地，唔會好俗，嗜湯者應該會飲埋個湯…Read More

平日好少去快餐店食早餐，今日放假就出去食喇!見到報紙不斷賣廣告「龍蝦湯螺絲粉」終於轉左不用腸仔，轉了用雞片。雖然個湯有啲濃，但太耐冇食過，有啲掛住陣味，所以都決定叫這個餐。爸爸就要健康一點，叫了蛋白麥皮$28。或者朝早應付人流太多，所有野食都唔夠熱，影響了味道。爸爸指麥皮稀到冇咩味，大x活大x樂都好食過mx😅。龍蝦湯都唔係熱。雞片感覺上較腸片會天然啲，但都就嚡身，冇味。…Read More

次次來到嗚門，我都係點烏冬煮得剛剛好，好煙韌彈牙。上一次食過A22 「燒牛柳粒蕃茄湯讚歧烏冬」$68，可能因為預先落定order，來到入座的時候，已經全部放晒喺枱上，所以烏冬都已經變微暖了。燒牛柳都有10粒，但可能燒得耐，又一直浸住湯，食落有些韌和老左。有見及此，今次我便選擇石鍋上。來到的時侯，個湯都有滾滾下。本來想再吃蕃茄湯，但又比芝士吸引了。最後，我揀了A29 「石鍋牛肉咖哩芝士讚歧烏冬」$78 。入面有半粒隱藏了的雞蛋，牛肉都有十多片，份量非常足。可能肥牛薄身，容易咬，即使浸了好耐，都唔怕好嚡。咖哩味的湯底都好濃郁，不是偏甜那款，但我自己對日式咖哩一般，只是想吃拉絲芝士食晒成個烏冬，湯都仲出緊煙。冬天食就完全合適，食完暖笠笠。另外配有3件細壽司，放題般的大細。3款都唔係我心水之選😅最後，有1粒維記荔枝味糯米糍作結。…Read More

下雨天，涼涼地，飲番杯熱飲會舒服啲。上次飲過「抹茶珠珠」係用鮮乳製造今次試下「抹茶紅豆」，但店員話係用奶精，所以我覺得飲落係有分別嘅。用鮮奶明顯係好味多啲。另外，還加了白玉珍珠沒有黑糖珍珠另外再加糖，另成杯野甜上加甜。不過，配料都比較凍，令成杯野溫度降低了，完全都唔熱。飲到的紅豆和珍珠都係微凍的。因為另外再加配料，成杯飲晒都幾飽肚。因為珍珠紅豆痴住一起，吸管都比較難啜到，飲晒啲茶都剩下很多配料未吃到。…Read More

今日中午行到來餅店，其實係想買麻糬波波 $10有6個。雖然就唔係有好重芝士味，淡淡地，但起碼隔天食都唔會淋晒，焗番熱都食得。另外，還買了合桃咖啡蛋糕$13，盒內有3件，是輕身的雪芳蛋糕。只有面上有少少合桃碎。我覺得就貴左少少，因為一大條瑞士卷都係$15，相對冇咁抵食。雲石蛋糕看來都幾吸引，不同顏色的蛋糕混合一齊，所以壓得實左，食多兩件都飽晒。加上都偏甜，會有些膩滯。很多時候都見到做特價$12，我想可能係用賣淨的蛋糕拼合而成。…Read More

天都未光，又未時候check in，又怕過關之後唔夠時間食早餐，只好去arrival果層搵下有咩吃。因為同行有老人家，打算吃中式早餐，點知太興仲賣梗宵夜餐，唔係咁啱食，同埋類似早餐的輕食都已經賣完，沒有太多選擇。我地只好去對面Delifrance食(完全正合我心意) 以前吃過，都覺得食物質素好，價錢相對合理。可能果到沒有其他選擇，成間餐廳都坐晒人，但我們拎住行李，只好坐外面的枱。老人家都係食粉麵會易入口，而最多人叫都係B1「烤雞有機鮮蘑菇香甜粟米煎蛋+蘑菇長通粉」($38)。本來想選擇素食餐，但覺得芝士烘蛋有點肥，所以我都係B6的「自選特級早餐」($44)，我可以選擇不吃肉類，又可以長通粉和麵包二選一。爸爸就選擇了B4「迷你火雞片蘑菇長通粉+煎雙蛋和麵包」($42)。我覺得這裡好的地方是，可以比客人自己選擇蛋的煮法，麵包的種類又多。爸爸少吃西式早餐，當然要叫番個「牛角酥」食吧!非常酥脆，外型美觀。我們三人都係食蘑菇長通粉，通粉煮得唔會好淋，喜歡有口感的人就合適，但對於老人家就會硬左D。湯底好濃郁，嚐湯者會飲清光。烤雞好香口，唔會難咬。炒蘑菇比較淡味，可能自行加調味會更佳。整體來說，都好味，但熱度就差一點(雖然侍應送餐時，已經有蓋蓋上，但可能環境太凍，食物快變涼。…Read More

成條街大把手搖店，要搶生意，當然要有試飲吸引下人喇!本來打算來飲「黑糖珠珠厚奶」，上面有個大星星，好吸睛。但見到有新產品「抹茶珠珠」和「抹茶珠珠厚奶」，即刻就改變主意!烏龍白玉珍奶，即使係全糖也相比起抹茶嗰杯冇咁甜，因為抹茶的珍珠是用黑糖煮，第一啖真係會好甜，整體來說，都好好味!如果想食珍珠，但又唔想咁甜，我或者會考慮下買「宇治抹茶」$27，加$3配白玉珍珠…Read More

過年冇咩邊間餐廳開門，就算開門都加一加二加三，倒不如食下大快活，反正又有優惠券用!新年吃太多，早餐都係輕怡一點好。我揀了$22的輕怡早餐，原來可以轉其他粉麵，不一定要吃牛奶麥皮如果每個餐都標示有幾多卡路里就仲好!我用煉奶雞蛋夾多士，好特別的食法爸爸選擇牛奶麥皮，想健康啲喎!這個餐份量足夠，主要都係因為有塊大多士，可以頂下肚。這個餐可以用優惠券減$3，好抵食!麥皮淡淡地易入口，如果唔夠甜，可以自行加煉奶或糖去調。炒蛋有水準，唔會過火。…Read More

新年前夕已經見到佢地擺晒啲賀年食品在舖前，我都比佢吸引左，但日子尚早，所以決定年廿幾先買。免得未到新年，就已經食光光了。芋蝦真的非常吸引，我未曾見過咁抵。這裏一磅的價錢，喺出面的店舖，可能只買到一半咋!!!角仔有得試食，唔會好甜。最後，我買了角仔和芋蝦各半磅試下芋蝦放在咁多日，依然脆卜卜，一啲疏風都冇，五香味不太重，食完都唔會好口渴。同日仲幫朋友買多半磅角仔芋蝦另外，呀姐仲介紹我買年糕!! 雖然沒有椰汁，正合我口味，但質地好軟身，唔夠煙韌，可以再減甜一點。雖然大年糕較平（$43），買個細年糕（$23）試下咩口味會穩陣啲。…Read More

新年流流，巿係冇邊間食肆開，即使開門做生意，都要加一加二，仲要排晒長龍。唔想等的話，就揀連鎖式快餐店，價錢都唔會標得太高。當日都尚早，但午市某些餐都售罄。揀冇可揀之下，我地只好揀了「沙丹雞扒飯」配凍檸茶（包凍飲）$39 和「鮮蝦雲吞麵配炸兩」$38。這間一粥麵的環境大，坐得闊落，枱又好多，容易搵位。麵有5粒雲吞，都大大粒，但麵質就同雲吞麵舖差得遠。炸兩的油炸鬼都脆身，不過都已經攤凍。「沙丹肉餅」係平時爸爸至愛，但今天只有雞扒咋。塊雞扒相比平時真係細得可憐。菠蘿片送飯都幾開胃。另外附上的甜豉油要讚一讚，好好送飯。唔知係咪新年後加價，兩個餐都各加了一蚊呢？…Read More