agneswan's Profile

下午茶餐超抵食，可以揀送小食或送飲品，價錢 $38 起。我哋先叫咗兩個下午茶餐堂食：豆乳素菜烏龍麵 + 麻辣豬耳 (+$10 凍珍珠奶茶)日式咖哩炸蝦飯 + 滷水雞翼 (+$10 凍仙草冬瓜茶)豆乳湯底超正，我最後係飲曬成碗湯！！麻辣豬耳好爽脆，唔會過辣，唔係太食得辣嘅我都食到。後來，我哋仲叫多咗一個下午茶餐外賣 (豆乳麵 + 蝦卷)，竟然唔使加收外賣盒錢呀！呢間餐廳嘅服務好好，雖然唔知嗰位女士係老闆定係員工，但佢真係好有禮貌，好親切。呢間小店啲嘢抵食，好食，服務又好，真係好值得支持！…Read More

拎咗要捐贈嘅寒衣去「慈悲香港之家」後，我哋就行咗過嚟「慈悲香港食堂」度食嘢。我喜歡呢度光線充足，環境乾淨，員工友善。最重要係支持胡神父幫助有需要幫助嘅人嘅理念。我哋叫咗幾樣點心/小食，我最鐘意係吞拿魚粟米煎餃，係小時候媽媽整吞拿魚三文治俾我哋做早餐嘅味道。…Read More

第一次來，我選了清湯三鮮米線 (「三鮮」是豬肉片、肉丸片、豆卜)。米線來到後，發現除了「三鮮」之外，原來還有很多不同的配菜，例如：腐皮、生菜、花生、酸豆角，真的非常豐富，就是有點吃來吃去也吃不完的感覺。雖然是選了清湯底，但吃起來不會淡，反而覺得幾鮮味，配「三鮮」是很夾的。米線不會太硬或太軟，就是剛剛好那種，而配料亦新鮮好吃。那麼多配料的一碗米線才 $42，性價比高，下次還會再來試試他們其他的食物。…Read More

我哋兩個人叫咗個魚堡，凱撒沙律，勁脆雞，烤雞翼，同一杯星空奇遇 (鳳梨百香)。幾樣食物當中，有部份早啲有得拎，因為我哋就坐喺最近取餐處嗰張枱，於是我就拎咗埋位食先，諗住食住等，等轉頭有得拎其餘嗰啲先出去再攞。點知取餐處嗰位店員好到拎埋出嚟俾我哋，後來仲主動拎把刀俾我哋，佢話：「俾把刀你哋分享個包吖」呢個舉動真係非常窩心，呢位員工不止有禮貌，而且笑容親切，真係難得一見。食物方面，沙律，魚堡，飲品都好好味，但炸雞同烤雞翼就較乾，唔特別推介。總括嚟講，我哋對食物同員工都好滿意，一定會再嚟。…Read More

去 AEON 買嘢之前，食個晚餐先，見呢間未試過，又唔多人，可以坐得鬆動啲，咁就揀呢間試吓啦。企喺門口負責帶位嘅員工帶我去一張近門口嘅四人枱，我唔想，所以我就指咗店內另一張四人枱，問佢我可唔可以坐嗰張啦，但好奇怪，佢堅持要我坐番佢原先指定嗰張，(明明當時有大量吉位)，於是，我唯有再講：「我唔想坐咁近門口」，佢先至好唔情願咁俾我坐入面。此店用手機 scan QR code 落單，落單時，我餐飲係剔選咗「叫起」(即「後上」)，咁我食完個飯咪舉手叫人囉，但啲侍應全部面向水吧企，背對著所有客人，大聲嗌咗兩次「唔該」都冇人轉身睇吓，結果係有位最靠近水吧嘅客見我要揾人，佢就幫我叫啲員工，咁先終於有人理吓我。叫咗佢哋上埋嗰杯餐飲 (衹係至普通不過嘅熱咖啡) 之後，等咗勁耐都音訊全無，(明明全店就一直都係得嗰幾枱客，而且又唔係叫咗咩特飲喎)，咁我唯有再追啦，追完都等了又等咗好耐杯嘢先嚟到，完全唔明點解可以咁耐。總括嚟講，呢度嘅食物味道真係好一般，服務仲要咁嘅質素，員工又冇乜禮貌，真係茶餐廳嘅服務都好過佢，以呢個價錢，呢區絶對有好多更好嘅選擇，所以呢間嘢，試一次夠啦！…Read More

第一次幫襯，今晚打邊爐。因為唔食得辣，所以就揀咗椰青雞煲(半隻)做湯底，雖然話係半隻，但啲雞都算幾多。湯底(椰青水+椰青肉)味道清新，椰青肉嫩。其他火煱配料新鮮，泰式牛筋丸由泰國直送，特別好味！老闆招呼周到，熱情有禮，仲派咭片俾我哋。小店用心經營，值得支持！其實嗰度仲有另外幾款雞煲同其他泰式小食，下次可以再去試埋其他嘢。是晚消費 :椰青雞煲(半隻) $178肥牛 $88黑豚肉 $78泰式牛筋丸(半份) $24 唐生菜(半份) $24淮山麵 $12梳打水 $12全單合共 $416(冇加一服務費) …Read More