shh684819's Profile

幾年前已經想食。亦都曾經兩次去紅磡嘗試尋找。但店鋪位置比較難找，第一次去找了差不多半小時也找不到店鋪。第二次因為有第一次的經驗找了十多分鐘便找到，但可惜已關門可能已經賣曬。結果一拖又拖直到最近知道觀塘有分店。專門下午再去一次。買了原只海南雞加一個湯。原本想要沙薑醬但沙薑醬冇，所以只係選咗蔥油汁同泰式醬汁。蔥油汁一般大路貨沒有特別，但泰式汁驚為天人。食咗咁多年泰國海南雞，呢個就係最好嘅一個泰式汁。微微少少辣同埋合適的香料味道。無論送飯撈麵點雞都係無敵。另外個湯都好好味道，但係加九文只得一碗咁細嘅湯。目測湯水可能連200毫升都冇。裝湯個碗細到人哋其他店鋪只係用嚟裝汁醬，我寧願去佢加多十零文畀返一碗正常份量嘅湯。至於主角海南雞。絕對係名不虛傳。煮到雞肉全熟嘅情況底下仍然有這種嫩滑度。連雞胸都及得上其他店鋪嘅雞髀肉嫩滑程度。實力非同小可。唯一缺點係雞味不足。但呢個都冇辦法，應該係同隻雞有關係，同廚師嘅功夫冇關係。自從當年禽流感發生之後都好少食到有雞味嘅雞。整體嚟講呢個價錢哩只雞值得食。個泰式醬更加係能夠畫龍點睛。一定會再買，到時試下個沙薑醬睇下得唔得…Read More

見網上好評如潮。每次經過都未開門今日等晏晝去試下。叫咗燒腩仔燒鵝套餐。跟一個湯，一個蠔油菜心，同一個蒜蓉醃青瓜。菜心味道唔錯。幼嫩好食。醃青瓜出乎意料好味。我本身一向都唔鍾意食呢類做法嘅青瓜都覺得好食，差唔多食曬成碟。例湯正正常常不過唔夠熱，白飯正常。凍檸茶非常唔掂。冇茶味冇檸檬味。燒腩仔味道麻麻地有少少過鹹，而且肥瘦比例亦都唔係咁好。肥肉占六成。皮脆脆地但係唔算特別脆。燒鵝就真係有啲失望。有少少凍。皮薄。但係唔脆。可能係凍咗嘅關係。脂肪唔算多d肉好嫩滑。冇騷味但係亦都冇乜鵝味。油脂唔多。如果100分滿分我比，油菜80分，青瓜95分，燒腩仔65分，燒鵝75分，，成個餐食落都還可以，價錢唔算貴。都算合理。但食店環境麻麻地。我去到嘅時候地下好多水濕濕納納。周圍亦都放咗好多雜物。坐落真係覺得唔係咁舒服…Read More

聞名已久。今日去大埔搵人經過。雖然唔係好肚餓，但係見到排隊嘅人唔多。所以都特登等左一陣入去試下。叫咗幼麵，豬頸肉，豆卜同埋滷水豬大腸，湯底加牛腩汁。麵底唔錯，如果再有少少咬口就更加好。豆卜有驚喜，豬頸肉味道雖然唔係好濃但係肉質好柔軟冇渣。水準中上食得過。豬大腸滷水味都係屬於淡口唔濃。口感好好，軟腍但係有少少咬口。賣相都好好。但可惜有少少淡淡嘅大腸臭味，有人覺得呢啲先至係大腸嘅味道但係我就麻麻地唔係咁鍾意。湯底飲落唔算濃有少少淡，但係食到兒時的味道。食落都比我有種六七十年代傳統香港車仔麵嘅味道。成碗麵我覺得都算係中上水準。另外食咗一嚿朋友嘅豬手，睇落好似好正，見佢骨肉分離以為會好冧，結果咬落感覺啲皮都幾硬，味道亦都麻麻，呢個就唔多合格，如果住喺附近應該都會經常去食。另外有一點我非常滿意嘅。就係佢哋嘅侍應服務非常細心體貼。會主動攞張凳畀我擺背囊。見我搣咗飲筒個包裝紙亦都即刻過嚟幫我收咗佢。講嘢時候嘅語氣都令人覺得幾舒服，以今時今日香港嘅食肆嚟講。佢嘅服務真係值得一讚👏👍…Read More

上個禮拜去食個下午茶，覺得味道唔錯價錢亦都合理，今日經過又入去食下午茶，叫咗迷你福建炒飯，凍檸茶，福建炒飯賣相唔錯，有一隻大蝦，好過落一啲好細隻嘅雪藏蝦，佢有落青豆，但同其他茶餐廳嘅豆唔同，食落都幾好味，我唔鍾意食青豆嘅人都覺得可以接受，其他材料都幾多，個炒飯底都算係合格，唔算特別好食，但係比其他好多茶餐廳都好少少，碟飯份量都夠，有一般嘅午餐8成差唔多，都算好食，凍檸茶都夠大杯，但係就冇乜檸檬味，不過不失普普通通，埋單49文，呢個價錢呢個質素係呢個區都算幾好，服務普普通通，不過出餐好快我上次食同今次食都係落單唔夠五分鐘就有得食，環境都算舒服，衛生亦都幾好，可能係新開嘅關係，應該會再有下次…Read More

幾日前去呢度食左午餐叫咗滑蛋牛肉飯，味道唔錯，分量都幾多，仲有一碗例湯送，碟飯加例湯加凍飲都係42文，可惜白飯唔知係唔係因為午市比較忙所以一早裝定係碟度都幾凍下，跟住過幾日再去試下午茶，叫咗菜遠牛河加凍檸茶，牛河到咗賣相都幾好，咁嘅價錢分量都算多，食落味道唔錯河粉都好新鮮，可惜牛肉好難食，有部分好似硬膠噉樣，根本咬都咬唔到，上次食個滑蛋牛肉飯都覺得啲牛肉比較一般，但係都冇今次咁離譜，最後其它都食曬牛肉就剩返四片冇食…Read More

呢間店幫襯咗好多年，近幾年因為少喺呢區出入所以幫襯少咗，最近嗰次都半年前食晚飯，嗰次都覺得味道差咗但係都可以接受，十幾20年前呢度食晚飯味道非常好，價錢又實惠，我一星期都會去兩三次宵夜或晚飯，今日下晝專登過去食下午茶，入去前本來想食乾炒牛河，但見到同台另一食客嗰碟賣相好差，所以改為食揚州炒飯，40蚊連凍飲加三文，呢區嚟講價錢都算平，份量都可以接受有平時嘅六成，但可惜個飯炒得好差，飯粒好多都仲係一嚿嚿未炒散，而且啲飯又濕又爛，調味本來都唔錯但係嗰啲鹽未炒溶，間唔中食到一粒粒嘅鹽，咬到嗰下即刻覺得好鹹，今次真係幾失望應該都唔會再有下次…Read More

坐樓上，座位舒適光猛，坐到有啲唔想走真係幾舒服，相比樓下，睇落樓下就比較暗同逼夾，叫咗午餐時菜排骨飯，份量正常，味道亦都係正常一般茶餐廳水準，價錢亦都唔貴。食得過…Read More

最近裝修完開返啲鴻圖茶餐廳，今日行過見到開返就走入去食下午茶，仍然好抵食30文一個下午茶餐，今日叫咗榨菜肉餅飯，味道仍然保持裝修前水準，好味又抵食，份量女士一定夠，男士一般來講都ok，裝修前因為見食評話啲燒味好正所以嚟食，但係食過覺得啲燒味都係好一般，但係廚房嘢同水吧野都可以的，唔可以話好好食但係以價錢來講算係交足功課，唔建議由其他區特登搭車去食，但係如果喺附近返工或者居住，間唔中過去食都幾好…Read More

這店很久以前已經想去，今天去太子買東西剛好經過，見到有空位便走進去，裝修環境頗為舒適，清潔衛生方面亦不差，看食評說牛腩和雲吞都很好吃便叫了一個雙拼，有2粒雲吞和3小件牛腩，結果頗為失望，柱候牛腩味道比較淡，煮的火候不足夠，腩汁不夠濃，不起膠，頗爲水汪汪，肉質比較乾硬，但幸好不算韌，雲吞調味一般，但蝦肉頗為新鮮，收口不是散開而是對接的，加上雲吞皮比一般厚，口感比較差，第2粒只吃了蝦沒吃皮，面和湯底不算很出色，只能算合格多少少，整體水準比起附近另一出名的雲吞麵名店頗有距離…Read More

剛剛食完午飯行去新都城，見到呢間燒肉店，就喺地鐵站出口斜對面馬路，睇完餐牌覺得超級抵食，明明飽咗都行入去試下，叫咗下午茶豬五花腩，加多一罐烏龍茶，都係41元埋單，飲品一般都係加三元，除左烏龍茶加五元，但係唔加飲品到可以，因為會有一壺清水畀你，嗰餐有一碗白飯一個小菜跟，小菜有幾樣野選一樣，沙律/韓式泡菜/枝豆/冷豆腐，我選咗韓式泡菜，味道正正常常都可以，白飯普普通通冇乜特別，豬五花腩有六片，噉嘅價錢肉質都冇乜可以要求，食落有d硬，但係我60幾歲都可以食到冇問題，醬汁有幾款揀，我揀咗蒜蓉汁同埋味噌汁，蒜蓉汁幾好，好重蒜蓉味好香，但唔會好辛辣嗆鼻，麵豉汁超好味，中途我將兩隻汁混埋更加好食，食完我都試埋其他幾隻汁，平平無其可以唔用，老實講呢個價錢仲平過去茶餐廳，下星期我應該會再去試下牛肉，亦要提下佢個燒爐好夠力，開最細多小小唔使到中火已經夠用，如果用中火會好快濃，員工服務態度都好0k，出餐好快，值得推薦…Read More

今天中午時間11.45分入到餐廳，大約有一半座位冇人坐，我特登行入去角落兩人位，因爲我只係一個人，但係收銀立即大聲叫入嚟，搭枱啊，其實呢個時間一個人行入茶餐廳食飯，相信大部分都係好快吃完就會走，明明有咁多位點解仲要我搭枱，而且語氣亦都唔算友善，於是我立即轉身走返出去唔食，去咗另一間茶餐廳由進入到食完走人，全程都係20分鐘左右，寶林冰室真係畀我一個極差嘅感覺，我住喺將軍澳20幾年，除咗坑口嗰間元朗正記，未試過有一間餐廳令我咁討厭，決定了永不幫襯…Read More

下午茶叉燒飯加凍檸茶走甜，白飯唔熱，飯上邊淋嘅燒鵝汁幾好味，唔太鹹都幾香，叉燒分量唔算少，但係味道就真係好差，肉質幹硬，搽咗太多蜜糖好甜，其中兩小片冇咁乾，但食落完全唔入味，只係表面有啲味入邊好淡，結果白飯差唔多食完，但係叉燒淨係食咗兩片 ，其他都放低冇食，第一次食祺哥真係好失望，下午茶42文唔算貴，噉嘅質素就真係差，冇下次…Read More

下午打算去明德商場剪頭髮，見店內人多便打算先食飯後再剪，去到餐廳叫咗沙爹牛肉炒河和凍檸茶，炒河外表正正常常，但其實是非常難吃，整體來說這碟炒河是我人生中食過最難食的一碟，河粉微暖不熱，好似之前已炒好了，再用微波爐翻熱，而且河粉食落好硬應該不太新鮮，沙爹汁完全冇沙爹味，牛肉有大有細有片有絲有粒，形狀各有不同，食落完全冇牛肉味，菠蘿味道怪怪的，就是沒有菠蘿味，應該是室溫內放了太久，最後我只吃了半碟，凍檸茶茶味淡，檸檬冇味，侍應全場黑面而且第一次送來一碟炒飯，而且放下時不是慢慢放下而是拋下來，之後炒河送來時侍應卻說這碟是豉椒排骨飯，但我見名稱雖然錯了但食物沒有錯，所以也沒有跟他說，結論是這餐廳我不會再去…Read More

見食評不錯，今天下午去食，叫左炸豬扒菜飯，鍋貼，四喜烤麩，烤麩調味咸甜適中，香軟多汁，十分出色，菜飯咬落啖啖小棠菜的香甜，咸味適中，可惜飯粒太硬，吃了半碟就放棄，如果炒飯時加少少上湯去蒸軟飯粒，結果定會好很多，炸豬扒賣相滿分，份量十足，但咬落表面堅硬，肉質乾柴，也只吃了3分1便放棄，鍋貼外表麻麻，但內裹多汁，調味可口，可惜底部看似香脆，但事實是十分軟淋，如吃濡米磁，可能是一早整定返熱比我，整體麻麻，下次在坑口食上海野，還是去謝謝濃會比較啱我口味…Read More

晏晝去食叫左一個大雜錦106元，有朱肉牛肉雞肉共360g，白飯味噌湯及沙律，沙律是白耶菜，切成一小塊，口感麻麻，沙拉油幾好，白飯一般是珍珠米，湯ok夠熱，整體唔好要求太高但係都可以一試，cp值幾高，調味汁還可以有幾款可以揀蒜蓉汁，燒肉汁，生薑汁幾辣，肉類很一般，但這樣價格完全可以接受，但我自己下次就會比多2，30元去德福燒肉like,質素好很多，另外加左可樂1支要10元…Read More