餵食人's Profile

今日收工夜咗差不多九點，見到新開間粉麵舖諗住唔多人入去試一下，諗好食咩後就叫人落單，點知等咗好耐都未有人，唯有叫收銀幫手落單，點知態度非常惡劣，我話要韭菜餃蝦棗米線，佢大大聲話咩韭菜呀，我o曬咀，你唔想落單可以搵其他人落單，唔洗咁樣對客人。之後見到其他姐姐其實都好好禮貌，真係唔明。食物都算可以，韭菜餃幾好食，但服務咁樣既話，未必再來了。…Read More

本人於7月12日下午約16:00左右打電話去問有無得叫外賣，點知負責聽電話既嗰位員工態度超級惡劣。可能係因為佢地落緊場，我阻住佢地休息啦，但都唔應該咁差態度，其實答一句話「而家未有得order 外賣」好簡單啫，唔需要「無」，仲要語氣好差，點解啲態度要咁差呢，本身都覺得呢間嘢都幾好食，堂食服務都可以 ，但係經過今次不快經歷之後，以後唔想去了。。。…Read More

用$19買左杯"熱"既芋頭布丁珍珠奶茶(所謂的熱賣推介)一飲,底層係無味既冰凍布丁再飲下d芋頭珍珠奶茶!無芋頭味,無茶味.跟本唔知係咩味於是返轉頭諗住問下個女staff,點知佢話d布丁係要凍先得架wor.唔係會溶.我話但杯野宜家又唔凍又唔熱,跟本唔知想緊d咩.我想換杯珍珠奶茶算.(已經無叫佢退$)等左一陣,入邊的男staff話你係咪要加多杯珍珠奶茶我話我想換,呢杯好唔正常,佢竟然話落曬單唔可以換...於是我就走人,癈事19蚊同佢嘈~不過平時好小寫食評既我都忍唔住要上來寫~好心啦!!攪好d服務態度先啦,d野飲唔係撈埋一埋就可以拎出來賣~我以後都唔會幫襯,因為出面大把好好既選擇~(宜家諗返起杯野都想嘔囉)…Read More

第一次寫食評,多多指教第二次食呢個農夫包,包熱辣辣的,仍然做得很脆~配上味道不錯的咖哩和很珍貴的一粒薯仔,食得滿臉滿足~唯獨是豬柳很乾,不可以~還有忘記送上湯,但之前試過..不要也罷..成為$45...~…Read More