oxofoodie's Profile

簡單懷舊香港裝修，座位寬敞唔逼夾，冷氣又夠勁，坐得舒服。下午茶餐兩點開始，價錢好實惠。芝士茄汁焗豬扒飯 ($50 連飲品）一上枱就聞到陣陣芝士香！豬扒厚切又嫩滑，茄汁酸甜適中，面頭鋪滿拉絲芝士，焗到金黃色，撈埋D飯一齊食真係無得頂～乾炒牛河 ($50 連飲品）河粉炒到條條分明，牛肉又嫩又入味，仲有芽菜、洋蔥同韭菜，夠晒傳統風味。最正係唔會成碟油淋淋，食完成碟都唔會覺得膩～ 香滑奶茶（茶走） 茶底香濃順滑，煉奶份量啱啱好，甜度適中…Read More

今日去咗間日式小店試咗兩款丼飯，真係好正！ 三文魚夠晒肥美，魚籽多到爆，一粒粒咬落去卜卜聲，配埋醋飯食超夾！油甘魚片夠新鮮，口感滑溜溜，個洋蔥醬甜甜哋，同魚生出奇地夾，食完成個口腔都係魚嘅鮮味。 最正係跟餐有鯛魚茶漬湯。食到最後將剩餘嘅丼飯倒入鯛魚高湯，瞬間變成豪華版茶漬飯！湯底用鯛魚骨熬製，清澈鮮甜，加入紫菜、芝麻同蔥花，熱呼呼咁食落去，既暖胃又解膩。最驚喜係湯裡仲有幾片薄切鯛魚肉，鮮味十足。 價錢合理，食材新鮮，下次一定會再幫襯！ …Read More

今日到訪灣仔黑膠唱片cafe，型格得來好舒適，dinner set 性價比好高，包含自家製洋蔥湯、主食同拉花咖啡炙燒吞拿魚沙律吞拿魚外層炙燒得啱啱好，內裡保持刺身嫩滑，配埋半個creamy牛油果、煙三文魚、車厘茄、沙律菜等等，個油醋汁清新得嚟帶微酸，開胃到食晒成盆！ 帶子紅菜頭Risotto粉紅色Risotto少女心爆發！意大利飯煮到al dente，紅菜頭天然甜味滲透每粒米，面頭兩粒帶子煎到金黃微脆，影相呃like一流～ …Read More

今次去壽司郎，發現佢哋做緊個超抵食嘅推廣$17三文魚壽司（增量33%）！平時呢個價錢可能只係食到普通size，而家竟然可以食到厚切版，真係忍唔住要試吓。 一上枱，已經見到塊三文魚明顯比平時大塊，厚度十足，油脂分布均勻。 今次仲試咗其他幾款特價壽司～ …Read More

今日專程去試咗呢碗招牌花膠濃雞湯米線，一上枱就比佢金黃色嘅湯底吸引住。熱騰騰嘅蒸氣帶住濃郁嘅雞湯香氣撲鼻而來，令人忍唔住即刻想飲啖湯。湯面浮住一層薄薄嘅雞油，輕輕撥開就見到湯色清澈得黎又夠濃郁，飲落去鮮甜無比，明顯係用老火慢慢熬製，完全冇味精嘅口渴感，飲完成個喉嚨都好舒服。最驚喜嘅係碗裡嘅花膠，每塊都厚薄均勻，size仲要好大方。米線方面揀咗幼身嘅款式，煮得剛剛好，唔會太淋之餘又夠掛湯。每啖米線都索滿咗濃郁嘅雞湯精華，食落特別有滋味。…Read More

來自澳門的咖喱麵專門店，澳門有六間分店，香港開咗三間，位於旺區嚟講價錢真係好實惠！咖喱牛腩飯 $52：牛腩炆到好軟爛，一咬就散開，咖喱汁撈飯真係一流！個咖喱味真係好獨特，香得嚟帶點辣，但辣完又會有少少甜味返出嚟，好過癮！牛腩同薯仔炆得好入味！不過真係幾辣，唔食得辣嘅就最好嗌其他嘢，如珠如寶麵（豬手豬皮豬紅豬頸肉）$52：一碗麵有齊咁多料，真係好豐富！豬手炆到好腍好入味，豬皮吸晒咖喱汁，豬紅又滑又彈，豬頸肉都好有咬口。總括嚟講，呢間咖喱麵店真係好值得試！佢嘅咖喱味好有特色，同坊間其他咖喱好唔同，而且份量足，價錢又抵，CP值超高！下次經過見到一定要入去試吓，包你唔會後悔！…Read More

海南雞飯份量多，大髀位啖啖肉，皮爽肉滑仲要零雪藏味。跟足三色醬，黑豉油甜香、青檸辣醬醒神、薑蓉傳統派，點乜都夾 。$60仲要跟埋熱飲，係星期六lunch set先有。$20配多件奶油脆豬，即烘上枱熱辣辣，邪惡感max，建議兩人share😆…Read More

今日去咗油麻地呢間裝修成居酒屋咁嘅日本拉麵店，試咗佢哋嘅神匠一八套餐A（$118），包一碗濃厚蝦湯拉麵同埋日式炸餃子，整體幾有驚喜！ 🍜 濃厚蝦湯拉麵個湯底真係超！濃！郁！🦐 一飲就知係落足料熬出嚟嘅蝦湯，鮮味爆棚，仲帶少少蝦膏嘅甘。特登揀咗硬麵，果然夠晒彈牙，掛湯能力一流，食到尾都唔會淋。慢煮叉燒薄切但夠入味，溏心蛋流心程度剛剛好，正！ 🥟 日式炸餃子（跟餐）外皮主煎到金黃，餡料算多汁，點埋醋汁食好開胃。…Read More

彩虹牛池灣街市附近有好多舊式酒樓茶餐廳，特別多賣點三嘅舊式茶座。嗰日見到呢間餐廳最多人樓，就入去試吓，裏面冷氣充足，夏天都冇有怕。點心方面每樣都係$1-20，嗌得多亦唔肉赤。點心嗌咗蝦餃、糯米包、南乳豬手、棉花雞。口味唔會過濃，水滾茶靚，唔怪得咁多老人家幫襯。特別推介南乳豬手，炆得好入味，豬手啖啖肉，外皮起膠。蝦餃皮薄餡靚，裏面有成三隻蝦，亦都好爽。糯米包就啱晒行山人士食，夠晒多澱粉質，補充能量。埋單每人都唔使$50。…Read More

中環物價乜都貴，食餐飯都要起碼$100。見到openrice 外賣自取一個飯俠竟然只需$30 ，嗌咗個茄子照燒雞扒飯，取餐時發現包裝精美，午餐份量充足，擺盤亦好有心機，雖然照燒雞扒冇特別雞味，但係醬料醃得唔錯，茄子唔會好油。咁嘅價錢咁嘅質素真係冇得頂。…Read More

去酒樓飲茶食飯，最怕污糟邋遢地下癡粒粒，竟然俾我發現一間飽覽河景，光猛乾淨，又近石門地鐵站嘅酒樓。看到菜牌，價錢十分親民，啱晒一家大細去食飯。當天晚上一行三人，嗌咗小炒王（$98）、沙薑雞（$78半隻）、冬瓜盅（$128）、沙巴龍躉仔（$128）。沙薑雞嘅沙薑係新鮮磨嘅，香味十足，雞肉嫩滑，生熟程度剛剛好。酒樓嘅小炒好有鑊氣，必點小炒王，配料非常充足！性價比：👍🏻👍🏻👍🏻👍🏻🎈德聲酒家 (沙田)沙田石門安睦街18號碩門商場1樓P17號舖…Read More

享樂烘焙bookmark左好耐，成日覺得新蒲崗好遠，但係開咗屯馬綫，發現鑽石山站行過去都唔使十分鐘，咁方便，梗係要試吓。做定晒research，見到蜜瓜包出爐，梗係攞返兩個，買咗抹茶味同伯爵茶味。外皮很鬆脆，有少少墨西哥包外皮感覺，裏面奶酥好重茶味，同時同奶味平衡得好好。亦大推紫薯包，麻薯好煙韌，紫薯蓉超級充足，即係超值之選。伯爵茶bagel亦都冇得輸，記住焗返熱佢，兩個人share食當早餐完全冇問題。性價比：👍🏻👍🏻👍🏻👍🏻🎈 享樂烘焙 (新蒲崗)新蒲崗大有街3號萬迪廣埸地下E舖…Read More

雞蛋仔到處都有，唔通間間都好味？雖然我唔係飲食專家，但係偏愛蛋味重嘅雞蛋仔，如果款式多更會加分。估唔到沙田屋邨臥虎藏龍，喺乙明邨街市附近，有一間好好味嘅雞蛋仔。款式好多，眼花撩亂，好彩是先睇定食評，Mark定抹茶黑櫻米，原來黑櫻米係poppy seed，卜卜脆，配搭清新嘅抹茶味，同濃郁嘅蛋味，令人啖啖食唔停。性價比：👍🏻👍🏻👍🏻👍🏻🎈潮食 (乙明邨街市) (沙田)沙田乙明邨街9號地下乙明邨街市2-3號舖…Read More