benbenchuchu's Profile

一個人悶悶地走到,諾士佛臺Penthouse,諗住食飯飲杯啤酒.位處3樓, 一上到嚟,環境好好,坐高高幾舒服,大電視睇英超,正. 侍應擺低nuts 樣樣都好新鮮好香,先叫杯Kronenbourg 1664 Blanc 啤酒,好純,悶氣全消.肉醬千層麵,肉醬好入味,千層麵索晒肉汁,完全融為一體,份量亦足夠,食完麵,繼續睇波食花生,爽.…Read More

入到屯門又想食台灣野,選了這間一碗肉燥.叫了菜膽雞鍋加肉燥飯,飲凍蜂蜜紅茶.先講肉燥飯,肉燥好惹味又不會太鹹,那一隻有少少似溫泉蛋好正,很滑很新鮮感覺.菜膽雞鍋,配菜木耳,菇.味道略嫌太淡,但雞很鮮味,有很多肉,白菜亦好林.凍蜂蜜紅茶好清新,飲完精神一振.好解渴.…Read More

約個老朋友中午出來吃飯,想食下上海野,到了這間上海姥姥. 一人叫了一個客飯share食,糖醋魚塊及回窩牛肉.跟餐還點了西湖牛肉羹,凍豆漿. 西湖牛肉羹味道適中,不濃不淡,有口感. 糖醋魚塊酸甜得宜,皮有少少脆,又不會太厚粉,好送飯  回窩牛肉少少辣,好惹味,牛肉林好入口,紅青椒都煮到好林好入味. 飲杯豆漿,好爽口,吹完水又要返工. …Read More

上完堂好肚餓,好彩味皇還未關門,快手叩了香茅雞扒炒蛋飯加杯熱檸茶.雞扒煎得好香好林,肉汁豐富,香茅味香濃.炒蛋好嫰滑,不生也不老.蛋汁令雞扒更香口.沙律這麼晚還算新鮮,飲杯熱檸茶,飽飽回家休息.…Read More

做完gym來食番餐，來到花園餐廳又唔想鋸扒便叫了海南雞飯餐。雞略略肥了點，總算多肉，伴碟花生好香口，油飯非常好味。西蘭花好嫰，三色醬用來點雞真的有不同味道，很豐富。配埋餐湯，凍檸茶，吃到飽飽又不貴。…Read More

上完堂係佐敦食晚餐，走入了這間沙記叫了燒肉燒鴨飯，奉送例湯先44蚊都無咩期望。先飲例湯，算唔錯，有瓜有肉，估唔到入面煲湯嘅燒肉比飯上面的更好食。飯到了，餸算是多舖滿飯面，燒肉皮有點硬，肉有一半肥，肉不靭也不”林”。燒鴨算是香口，但很少肉。飯算是最好吃了，很軟綿。算罷，吃得飽，中規中矩。…Read More

星期日成班人去呢間經典嘅醉瓊樓開餐，叫咗一圍全家歡套餐，總共七餸一湯加甜品汽水啤酒。先來鴻運灼蝦，好大隻蝦好爽口，點埋豉油，好有口感好味道。跟住飲咗胡椒白果豬肚湯，胡椒辣辣地驅寒，呢度冷氣都算夠，啱晒，豬肚煮”林”幾好食。跟住有時果西檸鴨，酸酸地好開胃，鴨好軟熟，唔會炸到好多粉，薄薄的。跟住有個梅菜蒸鯇魚，好大條鯇魚呀，蒸到啱啱熟，好鮮味。嚟到醉瓊樓最緊要食鹽焗雞，呢隻雞好大隻，我最鍾意食雞胸肉好大舊，好入味，點埋沙薑汁，真係呢度招牌菜，無得頂。跟住京都骨大腸，京都骨，酸酸地，完全唔靭，大腸好脆好香口，翡翠炒雜素，清清地，食啲菜幾好。最後一個腰果炒肉丁，炒得好有鑊氣。最後食個綠豆沙，估唔到呢度啲糖水都煮得幾好，大家吹下水食咗個幾鐘散水。…Read More

電腦節去黃金行下先，行下好快肚餓，過對面呢間”文記車仔麵”食啦。坐低好有幼稚園返學嘅感覺，大家排排坐對住牆，坐得好迫好迫。填張卡紙點咗兩個餸，有我最鍾意食嘅牛膀，難得呢度有得食，再加埋個牛孖筋，健康d食米粉。牛膀好”林”，鞋鞋地又綿綿地感覺好正。牛孖筋好”林”好入味，骨膠原豐富呀。兩味餸吸曬啲腩汁精華。食個米粉飽飽再飲杯凍檸樂，好爽好爽。今次食車仔麵，竟然唔口渴，真係真材實料冇味精，食完又去電腦節再睇有無平嘢買。…Read More

星期六一個人去午餐，想食上海野，咁入咗嚟呢間-上海麵家，叫咗個上海粗炒同小籠包。上海粗炒，麵質好煙韌，亦都唔油膩，鹹甜適中。小籠包，一咬落去，湯味滲滿口腔，好香雞湯味，皮好薄，肉好嫩，點上醋放落口，美味非常。…Read More

打完風幾個friend諗住一齊去食晚飯聯誼下，簡簡單單搵返間屋邨酒樓，嚟咗山景邨山景商場呢一間-喜讌好廚。慳慳哋叫咗個優惠孖寶，有海皇冬瓜盅同半隻一品蒜香脆皮雞，再加多一個優選優惠三小菜嘅晚飯優惠，我哋叫咗三個小菜包括椒鹽鮮魷豆腐、鮮茄珍菌泡青蔬、仲有酥炸廣島蠔。冬瓜盅，有蓮子有肉粒有火腿粒，非常清甜，消暑嘅好選擇。一品蒜香脆皮雞，雞皮炸到好脆好香，肉質好新鮮。鮮茄珍菌泡青蔬，番茄好鮮味，真菌同菜都煮得好”林”，清清地食番啲菜都唔錯。廣島蠔，蠔非常大隻，加上酥炸得非常香口，加喼汁酸酸地非常美味。椒鹽鮮魷豆腐，豆腐炸到好脆，鮮魷除咗外面脆之外,入面好”林”，加埋白飯飲杯茶呢個晚飯都有80分。…Read More

灣仔搵個地方舒舒服服食lunch 係一個好大挑戰 ，幾個同事行幾步就腳就試一試呢間曼谷泰菜，我叫了午餐黃咖哩豬軟骨飯加杯凍檸茶少甜，咖哩汁味道很香濃，送飯好正，我仲用匙羹直接飲咖哩汁，不甜不辣味道剛剛好。豬軟骨真的軟到好易咬爛，咖哩味滲入肉中，好美味。著仔不軟也不硬，粉得來好夾咖哩汁。飲埋杯凍檸茶，埋單食飽飽又要開工…Read More