美食沙漠倖存者's Profile

食之劇場西貢隱世的Omakase，今次要為大家介紹鬼是食之劇場餐廳。他是位於西貢白沙灣碼頭酒店。店內的環境都好優雅舒服，十分適合情侶和朋友聚會。他們的剌身很新鮮，而且壽司的創意度也很高。最令我驚喜的是燒物𥚃的燒海膽龍蝦。龍蝦本身而經很香濃及鮮甜，再配上海膽，令到整碟菜式層次感大大提高。食下去，除了有香濃的龍蝦鮮甜味之外，還有海膽的甘香。靚人靚環，真心可以再約下三五知已，一大班人一適係到食飯chill chill下。…Read More

早兩天去了翠亨邨吃中秋節晚飯，看到他們在promote ‘’seafood loves sake‘’的餐牌。感覺很特別，中菜配sake，好像fusion 菜般。我和家人們都覺得可值一試，所以我們分別點了下列菜式配sake:1.焗釀蟹蓋配真澄漆黑Kuro純米吟釀2.頭抽鱈魚球配惣譽純米大吟釀五百萬石3.桂花蟹肉炒銀絲配燦然純米大吟釀雄町50 生原酒我個人比較喜歡 「頭抽鱈魚球配惣譽純米大吟釀五百萬石」鱈魚的魚肉肥美腍滑，而且配以純米大吟釀能把魚的鮮味帶出來。…Read More

識我的朋友都知道我喜歡食魚 尤其係辣個隻今次要介紹係尖沙咀的小魚兒嘩 今次知一定無去錯地方一入到去就聞到陣好香嘅麻香味佢地落單個流程都好簡單 佢係用手機上掃瞄QR code 落單今次我地點左一條鮮九葉花椒BB豆花江團魚 （BB辣）佢入面的魚是預先整好的所以只要等湯滾一滾就可以吃D魚肉好係超超超實吖佢唔會話一夾就散最重要既係佢係入口超嫩滑同超肥美overall黎講呢 小魚兒都算唔錯 Remark返先佢個湯底入面有少少薯粉 真心推介 喜歡的朋友唔好錯過…Read More

呢派倖存者鐘意去啲偏嘅地方，貪個啲地方無咩人。呢間舖頭，花咗倖存者20分鐘去搵，佢外表係間復古家品店但內藏精緻cafe - Jouer，最出名係睇得又食得嘅筒cake。每個cake 至少有4層，每層以mousse相隔，睇佢好似好細個但其實飽肚感好足！一打開menu就俾呢兩款吸引住!Chocolate cake 每層chocolate mousse好濃朱古力味，倖存者欣賞佢唔係太甜，甜味其實都係黎自toppings嘅綿花糖同焦糖脆片。雖然味道十足，但減免唔到cream 嘅油膩感，呢點非常可惜Passion fruit cake呢款期間限定不得了!整體感覺係酸酸甜甜，但因為有熱情果酸，頭先講嘅油膩感無晒！因為熱情果本身甜味唔突顯，cafe加咗幾層白朱古力嘅mousse，令蛋糕甜酸兼備…Read More

今日想同大家分享係天后隱隱地世嘅coffee shop。平時大家聽得Pause it 多，除咗pause it, 仲有呢間Prisma! 店面較為隱蔽，但咖啡質素值得你花少少時間去搵路。而且啲店員nice到一個點，會主動推薦客人飲咩，簡單幫咗有選擇困難症嘅倖存者一個大忙！Iced Latte 外觀層次分明，清楚見到奶啡比例1:1。評啡先，就咁飲啡唔會過酸唔會過苦，睇黎啲豆係偏淺炒，但咖啡Fruity 味仍然得到保留，加埋奶嘅時候，倖存者略嫌咖啡味被奶味掩蓋，唔夠出，如果就咁齋啡例如cold brew個豆味效果應該更加出色。…Read More

有日倖存者心血來潮想去屯門行山，點知去到個陣又掛一號波加紅雨。天公不造美，唯有苦中作樂將健康行山團變元朗屯門美食之旅。今之倖存者黎到鼎鼎大名嘅元朗燒賣皇后一嚐馳名豬肉燒賣。講起豬肉燒賣，係街邊食嘅通常係魚肉燒賣，酒樓食嘅係豬肉燒賣，係街邊食豬肉燒賣真係賣少見少，難得搵到隨街可督嘅豬肉燒賣 - 不可不督！豬肉燒賣足料大粒係基本野，難得大粒又好食 - 首先個皮好薄又唔乾！倖存者好驚食到啲乾淨淨嘅皮，食到個口澀晒，但呢個就唔會！第二，鹹度適中！豬肉本身帶少少咸味，好多時啲人為咗要遮蓋唔新鮮嘅味，特登整咸舊肉，呢到啲燒賣肉無落重鹽，食完個口只會有肉汁嘅juicy！最後係價錢，豬肉燒賣成本較高，但呢到價錢合理，食得過！…Read More

自從見過Chef lemon整威靈頓牛柳，倖存者成個腦都係威靈頓呀、牛柳呀！過咗好奈，終於搵到間性價比高嘅工廈西餐廳 - Mini Friday 完咗威靈頓牛柳嘅心願!皇牌威靈頓牛柳叫得皇牌，當然對佢好大期望！份量夠晒4個人食。充滿油香嘅酥皮包著juicy 牛柳-肉汁全部被酥皮吸收，中層經調味嘅雜菌提昇肉味，一切開啲啲香氣湧出黎。倖存者推薦大家一定要加汁食，啲汁酸酸甜甜，襯翻件牛胡椒蜜糖雞翼本身諗住好辣，但倖存者接受到個種椒味。純粹第一口食落少少辣，蜜糖味即刻顯現，係燒烤個種蜜糖雞翼2.0龍蝦海鮮意粉大大隻龍蝦放係你面前！龍蝦肉太生會痴底，太熟啲肉會老，呢隻啲肉可以全條起，證明烹調時機岩岩好！意粉用茄醬調味，呢個組合永遠唔會輸…Read More

秋高氣爽最岩踩單車。講到單車一定要提馬鞍山！倖存者假日踩完單車想休息下食下野，發現呢到有間岩晒單車友嘅cafe!之前倖存者都黎過呢到食，但個陣啲menu選擇較少，雖然好食，但多多少少都期望可以多啲選擇唔使食死一款。過咗一派無黎發現佢地更新咗menu,除咗甜品同主食，仲加咗小食、沙律同下午茶等輕食。唔似次次黎到一係勁飽一係勁似食完等於無食咁走。辣肉腸厚批 $58對比pizza, 呢個更加有口感同埋一個人都可以搞掂。包底烤到好鬆脆，一切落去就好容易分開到。面頭有茄醬、芝士，形做翻pizza味道。topping 係辣肉腸，而呢個腸辣到一個點，倖存者第一次食個陣辣到要飲好多水先平衡到，呢到呼籲唔食得辣人士小心食，但唔好唔食，呢個肉腸有調味作用，唔加會失晒色。…Read More

唔知幾時開始，當堆砌係街嘅唔係遊客而係香港人時，九記嘅人龍都慢慢消失。每次經過都諗緊到底有咩吸引，但每次都俾長長嘅人龍嚇到打退堂鼓。今次倖存者之所以食到係因為過咗peak hour無人排隊。茶記嘅服務水平大家都預咗，無咩特別之處。都係坐底，9秒9叫野食，然後9秒9交臺。九記清湯牛腩河最經典嘅菜式點少得佢。湯算清、河算滑、但牛腩少少失色。首先要讚佢嘅切法，切到岩晒一啖放入口，但又唔會太細件。同埋懷疑佢嘅切法同牛腩紋路有關，避免食到筋部咬唔開，但可惜肉味唔濃同食落都係痴牙，聽聞以前食佢都牛腩係唔痴牙加入口即溶。俾倖存者評嘅話，佢正常發揮，無唔好食，無特別之處。…Read More

假日朝早係觀塘真係無咩選擇，倖存者一心想飲下啲咖啡，唔想去連鎖店飲杯咁悶嘅咖啡，結果好多間都休息。終於搵到呢間裝修充滿藍調風味嘅cafe!由於第一次飲同太興奮，唔記得睇佢出名啲咩，於是膽粗粗咁叫咗Hot Latte (Oat milk) - 心諗應該正常發揮嘅。點知，佢超班發揮咗！Hot Latte with Oakmilk $45加oakmilk嘅latte最重要係oakmilk 唔好掩蓋咖啡味。oatmilk比full cream更重身，無論口感同燕麥味都強烈幾倍，落重手咗就一去不返。呢到2種味都幾平均，入口先咖啡味再奶味，飲完個口唔酸，但味道停留係口腔嘅時間唔長，難啲品嚐到餘韻，抵讚嘅係呢到連紙杯設計都有心機過人！不過倖存者覺得以觀塘區黎講佢有少少貴，唔係日日都可以隊一杯嘅價錢，所以建議都係要因應大家負擔。…Read More

西貢餅店大家無可能唔知！最出名嘅菠蘿油大家無可能唔知！睇完網上正評俾野食但負評俾服務態度，倖存者預料外賣自取先係皇道！倖存者一直都覺得菠蘿油係矛盾嘅包，因為佢考究嘅地方係對比：包括質感對比、味道對比同溫度對比。質感嘅對比指香脆菠蘿酥同軟滑牛油-呢個控制得好好，咬落啲菠蘿酥有食crunch嘅感覺，而鮮牛油嘅軟滑無可挑剔。味道對比指牛油油酥味同菠蘿包甜味嘅平衡-兩都味道都濃，但唔會話側重一邊。溫度對比指鮮牛一定要凍而菠蘿要熱（最好岩岩出爐）-呢到絕對做到冷暖要求一有新包出爐，人龍就會隨之而出現。倖存者排咗10分鐘左右。…Read More

星期六係西貢按摩完心血來潮想搵野食，突然見到呢間外表幾港式西餐嘅港式西餐廳。就咁睇menu佢主打傳統豉油扒。一入到去幾有家嘅感覺，唔知係咪家族相傳嘅關係，啲裝飾偏走家庭風。餐具整齊放係檯上，見得出佢地對細節嘅堅持。倖存者叫咗個晚市套餐，套餐包餐湯、餐包、主食同甜品。個個份量都好多，男仔會好飽，女仔會好肯飽！蘑菇白湯入口有奶油香味，口感香滑而且足料。感覺creamy，食落去每一湯匙都食到蘑菇牛油餐包MVP非呢個莫屬！邪惡嘅牛油漫滿港式餐包，最過份係仲要熱上！未食入口已經聞到個陣牛油香味。侍應知道倖存者鐘意食仲唔介意送多塊俾倖存者食肉眼牛扒(3成熟) 配炒飯配炒飯呢個組合少見，但倖存者一定要推介炒飯！因為鐵板餘溫令飯粒更加乾身堅挺，咬落口感加倍，別有一翻風味！牛扒睇相唔使多講，三成熟火喉控制得爐火純青，整體分咗3種層次：肉心呈鮮紅、肉外表呈一層薄薄嘅輕烤、兩層中間呈嫩粉紅。食落肉汁仍然豐富，俾到驚喜倖存者…Read More

大家揀食咩一定諗起旺角，如果唔介意行多5分鐘，其實大角咀都好多驚喜餐廳。今次倖存者同朋友一探大角咀，發現咗價錢親民而又好好食嘅慶記!一入門口，環境算寬敞，就算得2個人，侍應都好nice咁俾咗卡位倖存者。第一樣野要介紹嘅係電子點餐! 萬萬諗唔到呢間看似傳統嘅麵店引入自助點餐，倖存者好欣賞佢地呢種有效率嘅做法!要scan QR code locate 每張檯店裡面都有教學說明講點落單，唔使驚唔識用口水醉雞卷$34雞卷食落酒味好出，加埋四川椒辣醬，辣味係喉嚨慢慢滲出，本身雞卷冰冰涼涼，夾埋好岩做開胃小菜XO醬蟹肉小籠包 $35咬落去啲湯係爆出黎！肉湯嘅咸香味同時帶出蟹肉味，唔會話側重係一方特色山葵醬青瓜撈麵 $38大碗到同朋友一齊share都食唔晒。麻醬+wasabi+青瓜呢個組合無得輸，配咩都好食茶燻煎軟雞配滷肉慶麵 $66都係好好好大碗！茶燻雞唔好睇佢咁深色以為好硬，純粹係茶燻效果，裡面啲肉汁仍然保留，肉質彈牙洛神花蜜 $12最後飲埋杯足料花蜜就人生足矣。花蜜呢個價錢算好足料，洛神花仲有利消化，岩晒餐後飲…Read More

開始食評之前, 大家首先要對Grandma’scone 有所認識 - 同一般經典英式scone唔同, Grandma’s scone 結合咗英式scone 嘅鬆軟同美式典奇嘅香脆。千其唔好以為侍應拎錯食物俾你或者餐廳偷工減料！Scone set $60倖存者叫咗個scone set (包2款scone) - 百利甜酒配焦糖同海鹽朱古力味。整體黎講有啲失色(可能對佢期待好高) 首先，百利甜酒味道唔太突出，反而試到濃濃牛油味。如果以原味去計，佢超級出色，以百利甜酒嘅話，酒味可以再強烈啲。海鹽朱古力遇到差唔多情況，以朱古力計佢都係超晒班，可可味充滿成個口腔但又唔會太甜好膩，不過加埋海鹽又另一回事，食到最尾2啖先試到海鹽，因為咁岩有幾粒鹽係面頭。啤酒炸雞翼 $98倖存者推測佢地將啤酒混合埋炸漿，炸出黎啲外皮比平時炸雞翼香脆。略嫌上碟時無吸油，食嘅時候啲油由雞翼流到去手。但啲肉無可否認地juicy,唔計多油嘅話，呢個雞翼都會帶到驚喜俾倖存者…Read More

日日要對住唔同嘅突發事件,倖存者同同事忍唔住遠離一下office,暫時離開下呢個世界，要搵間坐得舒服又可以傾到計嘅餐廳補償一下自己。呢間Doubleshot 由Cupping Room 開辦，朝早係cafe/餐廳，夜晚搖身一變，變成美酒佳餚混集嘅酒吧。係中環生活開嘅人對cupping room呢個名唔陌生。每日人來人往嘅店面顯示出呢到咖啡嘅質素有幾咁高。倖存者去嘅時候係朝早，一於睇下除咗咖啡, 其他野食嘅質素如何！倖存者好憎食菜，但個日唔太肚餓就是旦叫咗個small plate椰菜花食，點知...好好食！Roasted Cauliflower $78知你呢刻實諗倖存者係咪癲咗，椰菜花憑咩值$78？佢嘅價值係做得仔細。煮法,配搭,擺盤等等看似簡單卻魔鬼在細節中。首先煮到四成熟，成個花塗上牛油去焗，目的想除去煮時嘅水份。第一次焗完後,再搽秘製Garlic Sauce同anchovy, 利用天然咸味提升整體風味，然後為咗令外皮香脆,多佢放焗爐再焗第二次。食落去有驚喜，同一般烚椰菜花分別再於口味 少少咸味),味道有變化同令人想一啖一啖繼續食，而倖存者全個食晒...…Read More