pollypockethk's Profile

突然想食芋泥，專登去呢間到買係外賣店，不設堂食長髮女店員對答無表情、無笑容全情態度敷衍落單完全多謝唔該都無句，就咁行開左直情連落好單未都唔知？呢啲都算買完，就咁放低入芋泥吐司就咁喺客人手上拎張單一句多謝唔該都無繼續係零笑容、零唔該、零多謝體驗很差點了芋泥奶凍吐司芋泥的份量一般，奶凍不凍，咬落口感奇怪，奶凍偏硬奶凍同芋泥都無乜味吐司普通，沒有烤過勝在算厚$42 定價不算好抵食同樣價錢的其他店舖 可以食到滿滿更多芋泥總而言之，不會再光顧…Read More

每碟餸菜都煮得非常好吃！菜單有很多台灣特色菜，是台灣的味道😋😋😋 不會過於油膩，而且賣相一流！位置坐得舒服，份量足，上菜快，價錢合理，而且有多款不同的傳統台灣菜，非常滿意的一餐，十分推薦！魯肉飯不算過份油膩，份量算小，但吃起來有油脂香味。豬紅帶點麻辣，怕辣之人仍然可以應付到，十分開胃。綠豆沙牛奶是在香港罕見的飲品，上菜時見到真的如菜單展示般，會有白色的忌廉流下來，非常好飲，甜而不膩。不過本來對芋泥加芋圓有點期望，但芋泥卻做得一般，呈方塊狀，卻不是一般的泥狀，芋圓的數量也不算多。…Read More

新店開張不久，想去試下生煎包定價中等，不算太抵食。環境迫狹，店內嘈吵。冷氣超凍。而且需要服務時，好耐都無店員幫手。其中一名店員對客無禮。試試生煎包，生煎包果然爆汁，可以從圖中所見，一咬會噴汁出黎，直情會噴到桌面，而且生煎包是放在煎Pan 上，所以是熱呼呼的。生煎包上的黑白芝麻令外皮更香口，而且底部有少少燶，好好食。內裡是肉和滿滿的肉汁帶油，味道不錯。不過幾好食都好，態度差都是不能接受的。新店開張，可能未上手，但唔代表要責罵客人，非常差勁。嗌野食落單時，在餐單上寫左豆漿走冰，但年紀較大的男店員就態度很差的話「唔洗寫走冰架，呢度都唔落冰。」咁作為客人又點會知呢？另外，其他較年輕的店員都正正常常，但唯獨是那位中年樓面態度差。食完埋單，同佢講話個位有啲凍，冷氣好大。佢就語氣惡劣的話「話熱又話熱，開冷氣又話凍，而家真係好難服侍」親耳聽住咁樣講話「好難服侍」。請問而家咩態度？點解要咁惡去話客人呢？人地善意提醒，就要話客人好難服侍架喇咩？希望店方多加留意店員態度。…Read More

首先，任何一間餐廳無論多好吃也好，服務態度都是令人看重的事。始終消費是為了享受，無諗過在中環地段的Birdie用膳會令人咁受氣。整個用膳體驗不好，大部分員工都很友善，但白衫男店員態度令人咋舌，如果是已經去到經理級別，那便十分不專業，希望會改善，認真檢討待客之道。Birdie的定價偏貴，當然好食就無問題，本來對這餐都滿有期望，但實情是過於吹捧，名不付實。餐牌上是一串的價錢，都有專登試招牌推介的款式。某些串燒不過不失，但某些則大感失望。店內氣氛不錯，但油煙味甚濃，會攻到出食客區，有時甚至會煙霧瀰漫。當然，食得串燒店都有心理準備，但件衫會痴到啲味，所以要小心注意。不過可以見到師傳煮食過程，又是另一番體會，因為這是用炭爐燒，會用扇撥。順帶一提，廁所會有漱口水提供。店內裝潢是這樣子的，亦可以選擇吧位，就可以看到師傳即席煮食。雞肉親子飯，份量少得可憐仲要只如相片中所見的雞肉，只有幾塊孤獨又可憐的小雞肉但平心而論，滑蛋是流心狀，質地幼滑旁邊的是雞湯，不算油膩，也是值得一提的點醬方面，會有芥末醬和柚子醬左邊是$42 五花腩紫蘇卷右邊是$42雞腹肉同樣，味道普通，而且燒到好油，就算落埋檸檬，食入口都好大陣油味。不值紫蘇葉飯糰，$40多咬落去好硬，飯焦太多，煮到好燶無乜味，而且份量偏小呢個係見好多人推介嘅崩沙腩，$70多一串都想一試究竟，一串裡面有四舊小牛肉。但其實好普通，完全無講到醬汁香濃的程度，只能說是普通煮熟了的串燒，沒有特別可言。進店時，有提到可以用膳個半鐘。但食到九個字左右就不停過黎催last order。就算之後有人book，但我都食緊野，都係客人，理應仲有接近45分鐘食飯，點解要不停催促客人呢？而且係短時間內「提醒」左兩三次，會否太頻密？另外，服務都是食評非常重要的一環！大部分店員態度尚算有禮，但唯獨白衫的男店員，看似是經理級，他的態度真的令人大感不滿。食完飯後，他問飲唔飲啲綠茶或者汽水。我想知在餐牌邊一頁，想一次過睇下drink list有咩飲，想揀下其他，同埋都要知個價錢。跟住佢就好晦氣話，唔洗架喇，直接嗌得架喇。我再問邊一頁，佢都係無指俾我睇餐牌邊度，但明明餐牌就在我前面，只見他趕急地係咁叫我即刻嗌野飲。佢的口吻會令人誤會好似係附送的免費餐飲咁，人地想問清楚又唔show俾人睇，處理手法略嫌不恰當。之後我又覺得唔太口渴又趕時間，就話唔需要。跟住呢位白衫男店員面色一轉，收起笑容，好似嫌棄唔嗌多杯野飲。咁講真，都知中環租貴，店員可能要落足咀頭，游說客人多消費，但無理由人地唔嗌就要俾面色人睇，消費多與少，客人有自由選擇的。而且埋單時，本來話用優惠券有折扣，但白衫經理話要條款係食飯前要講明用優惠卷，佢就話幫我試下俾，唔知得唔得，所以之後等左超耐，但明明收銀機就在隔離。OK FINE，我當真係無留意到條款，但佢說明條款的態度確實令人吃不消，同埋就算用優惠卷，都係消費緊，張優惠券都係佢地公司出，都係想客人去用，我覺得表達手法可以正常一d，而唔係要用令人難堪的語氣，食到一肚氣。希望可以認真檢討，和懂得將心比己真摯的對待每一位客人。…Read More

向來都好鐘意食鷹嘴豆泥，覺得係comfort food，如果好想食果時會去特定超級市場買，但始終係雪藏過會硬身少少。中環呢間falafel TLV的鷹嘴豆泥應該係食過最好食的一間，極之香滑、好綿、無雜質、好重豆香。食落口唔會鞋身，會食到少少磨碎咗嘅豆。而且上面有啲油，食起上黎好滑。同埋上菜會連埋包，用黎搽包一流。另外叫左個falafel夾包，好足料，裡面應該有兩三粒，同埋連埋包食都幾飽。最後就叫左個主菜，係芝士蕃茄，叫做Shakshuka，應該係佢地嘅地道菜，都煮得唔錯。佢地會問想要多啲mozzarella 定feta cheese，我地鐘意食拉芝同芝士味濃啲，所以就揀左要多啲mozzarella ，味道唔錯。兩個人食三個菜其實好飽，可能豆類食物同包都好飽肚，再加上每碟份量都好足好地道，真係飽到夜晚都唔洗食。餐廳員工好有禮貌，同客人講說話時甚至會雙手交疊，又會不時過黎睇下有咩需要，問下我地啲野食如何，又會介紹唔同醬料係咩黎、要點食，好細心照顧客人需要。說話時亦有笑容，令人感到親切。位置方便，就係七彩繽紛的打卡場隔離，從地下行少少樓梯就上到。唯一美中不足嘅係飲杯水要收$17，但事前無講明收費，所以少少扣分，其他都做得好好。…Read More

之前食過太子果間，已經留下深刻印象，因為出名抵食又大碗。佐敦開左新分店，就喺澳牛隔離，就走去試下首先門口同落單的侍應都滿面笑容，每句都唔該前唔該後，好有禮貌。香港人普遍都唔太expressive，會收埋表情，甚至好多大型餐廳都唔及呢度的店員咁好笑容同態度，所以留下很好的第一印象。叫左兩個火車頭越車河，材料有生牛肉、熟牛肉、和牛牛丸、扎肉。唔係講笑，份量好足，超大碗，食完好飽肚，和牛牛丸有4粒，咬落彈牙！碗河粉仲有好多香蔥和洋蔥，好鐘意加埋呢啲配料一齊食仲有叫蝦春卷，因為見到餐桌上面介紹會用蝦膠製作。食落脆而不膩，最正係卜卜脆的響聲。又叫左個煙三文魚米紙卷，有六件，塊透明皮好煙韌，呢個配搭幾好，好爽。佢餐牌仲有大蝦、扎肉同炸軟殼蟹揀。餐廳會提供紙巾、牙簽同搓手液，幾周全。一路食飯時，聽到餐廳收到好多外賣單，生意應該幾好。食物水準各方面都性價比咁高，真係會值得再食。另外，見到有外賣步兵催單時，老闆仲笑笑口咁應對，同埋老闆同員工之間對談都有禮貌，唔淨止對客人、對員工、對外賣員都咁有禮貌，令人欣賞。所以呢度食飯食得好舒服，唔會太拘謹。…Read More

之前上過BASAO tea的官網，似係一個寧靜的日式茶室，所以特意前往，但事實大感失望。入座前店員有提到入座時間90分鐘，但如果無客人時都可以繼續坐。可能早去，好多野食都未有叫左個蜜糖烤雞卷（$68），味道不錯，有芝士餡。份量不算多，定價有點高，性價比不高。本來想靜靜地做野，但店員談話聲浪過大，又在說人是非，令人感到他們工作時是否被刻薄對待，仲買左茶餐廳野食在鋪面食。因為他們說得太起勁，有點嘈，令到整個體驗扣了點分。過左90分鐘後，見店面都仍然在座位同唔算滿座。但扎馬尾平陰店員走過來，態度有點強硬的說：「你都坐左好耐，要讓番位出黎。」其實作為店員，呢句說話令客人不太好受，因為起初店員話無客時可以繼續坐，而且我亦隨時可以離開，但用到「你都坐左好耐。」一話未免有點無禮貌。日式茶室的外觀，但沒有寧靜的環境，體驗真的很一般，服務很重要的，希望可以改善。…Read More

有日突然好想食腸粉，但平時好多時個皮都好厚身，所以一路好想搵間薄身多餡的腸粉店。呢間石磨的位置是在大街轉角位，而且細細間，不算顯眼。但好彩無就咁行過左，因為試左d腸粉，全部皮薄餡靚，超好食！！腸粉價錢大概二十蚊上下。蒸點就$20 三件同店員傾開，佢話佢地開業兩個月左右。講開附近都有腸粉店，佢用手指指店內，話佢地真係用石磨去整腸粉，好正宗。令到我好急不及待想試下！好開心呀！好多食物，有腸粉、蒸點，仲有佢地自家製豆漿，好養生。D蒸包仲熱辣辣！摸上手好熱，好岩食！呢個係香蔥豬肉腸$20好多蔥，隔住個食都聞到香氣。呢個係日式野菌和牛腸$28超好食呀呢個！！強烈推薦！！個皮係薄到精營剔透咁，睇得到入面的餡。仲要好足料，啖啖都係和牛同野菌，個配搭好夾，仲有微微黑椒香！佢有送埋甜豉油同辣醬，另外用醬料盒入住，好整齊衛生。好開心土瓜灣有間咁好食的石磨腸粉！…Read More

店內有兩名員工，女店員負責落單同收錢，男店員整飲品。女店員係極度無禮貌！由叫野食、到俾錢到俾野飲都係全程黑口黑面。問佢中杯同大杯的size有幾大，佢係飛隻杯出黎，好大力放在抬，一句解釋都無。全程一句唔該多謝都無，就黎連客都有基本禮貌過佢。用個袋裝完野飲都係飛出黎，好似要個客貼錢受佢氣咁。呢種服務態度真係世界級，黑面黑到咁。杯茶啡紅豆的紅豆又係硬到好難食。將心比己，都係飲杯野，都係果幾分鐘，點解要咁惡對人。食野都其次，但服務態度真係非常唔要得。…Read More

黎到MIKIKI商場，見到呢間六本木屋店餐廳外在門面好可愛，店內裝潢都好靚，好適合打卡，又突然間想食鰻魚飯，所以就入去試一試。環境幾舒服😌地方又大同闊落。香港好少地方可以坐得舒服又傾到計，食野又抵食。下午茶餐有4款，價錢$30幾 - $45左右，都算抵食。好貼心，仲會附送韓國包裝酒精搓手液。下午茶鰻魚飯$45，有半條鰻魚，加鰻魚汁，飯都算幾好食。由於太肚餓，食完都無影相。如果想食原條鰻魚，店員推介有另一個正價餐，係$91 的蛋包飯配原條鰻魚，睇落都幾吸引。買野食程序係到櫃台嗌野食同付款，之後會俾一個感應器，到響的時候出去拎餐就得喇。送餐時會有酒精搓手液在餐盤上。有得自助斟水，全部都乾淨整齊食完之後，見到佢有$10 的限定3.6牛乳雪糕🍦，仲要買一送一，即係$5一個！但食緊果時發生左段小插曲，原先店員用雪糕筒裝住個雪糕俾我。我食食下時，成舊雪糕跌左落地！丫，個地下污糟哂！跟住出去同店員講想清潔下，佢地好好，即刻處理，仲係咁話好小事、唔緊要！仲俾番杯雪糕我，用杯裝就穩陣點。真係唔好意思同埋多謝佢地咁好人！態度又好！問番先知原來佢地新開，算唔錯呀！…Read More

去食果次係近萬聖節，佈置都充滿萬聖節氣氛，同埋有好多貓貓裝飾。燈光偏暗，算有情調。餐廳空間大，每張桌子距離足夠，傾計都舒服。一路想食威靈頓三文魚扒好耐，咁岩呢度有得食，即刻試下！好開心，整得神乎其技咁好食！外面酥皮脆卜卜，時間調教得剛剛好，包住三文魚扒，肉質鮮嫩，仲有煙出，可見師傅掌握得好好！隔離的配菜有翠玉瓜、秋葵同蕃茄仔，配搭得一流，好新鮮！成道菜完全無懈可擊！德國豬手都唔錯，但可能食完三文魚扒再食肉，有點膩，所以學精左叫食物的配搭都係試多幾種唔同口味同口感。好想試另外果個帶子意大利飯，平時自己整都花時間，下次有機會可試。豬手有配酸菜，好開胃，豬手都好足料，而且唔算多骨。叫餐的話會包括餐湯、沙津同甜品。是日甜品係栗子蛋糕。成餐飯都食得好滿足，餐廳仲提供好多玩具同board game，原來荃灣有呢間咁別緻又好味的餐廳！呢度的員工雖然睇落有點冷淡，開頭叫野食是見佢會掛住睇電話，如果多留意客人就更好，但其實佢地全部都好有禮貌，好願意幫忙。食完飯讚左一下員工話d野食好好味，佢即刻笑逐顏開，有笑容咪幾好。性價比幾高又食得心滿意足，唔錯唔錯！…Read More

見有新店開張，就去試下，原來都開左兩個月左右。內在環境裝修簡約且有西餐廳風格，位置距離恰當，都坐得舒服。下午茶餐算抵食，迷你批怪獸至尊都係$35配埋餐湯。見佢供應時間係星期一至五下午2:30至6點。論味道就好難比得上大連鎖店的Pizza，但都不過不失，食得到肉粒的香烤味道。仲可以任落芝士粉。$35咁抵，仲想點。非常飽肚！當埋晚飯都仲飽緊！雜菜湯都好足料，勁多蔬菜🥬！仲叫左個是日飯 - 蕃茄肉丸飯，都唔錯，都係$35。如果d飯唔太稔身就更好。見有其他食客食肉醬意粉，好大碟，下次可以試下。員工服務態度好好，好有禮貌，同埋有笑容，令客人食得舒服，值得一讚…Read More

九龍城出名多泰國菜，就梗係搵間平靚正。見到好多有名氣的泰國菜館已經推高哂個價錢。行過見到呢間金麥泰泰國餐廳，地點唔算最當旺，但有好野食都寧願行過一條街食呢間。佢出面的午市餐牌好吸引，每樣都係九概$40，就去試下。今時今日呢個價錢真係好益食客，唔收加一，仲送西米露/湯/飲品 食果日仲要係星期日，咪額外收順，真係執到寶！叫左碟泰式雞肉炒金邊粉，好有鑊氣，最厲害係落單到上菜都只係10分鐘內！勁快手！！仲要好足料，雞肉好多，唔似其他大店雞肉變幾條雞絲。所以係抵讚。另外仲叫左個甜酸豬扒飯，又係好足料，豬扒質地軟硬適中，好好味份量多到夜晚都飽住。最後仲要飯後甜品椰汁西米露！見到佢用正宗泰國椰汁，唔怪得之咁香，又唔想太甜或者太膩，味道剛剛好！個西米露又係無欺場，西米多到似西米膏多過似西米露，好煙韌！成餐飯，兩個午餐，埋單都係$80，好抵！店主同店員態度和藹親切，好有禮貌，佢地仲要係食食下飯，食到一半都走過黎落單。今時今日食到性價比咁高的餐廳，真係要專登寫個好評俾佢！…Read More

芝士 全部都係芝士！睇左好耐餐牌 1-4號 係熱狗棒 裡面有條腸5-8號就係濃濃拉芝芝士除左8號就又有芝士又有腸仔揀左6號的芝薯拉絲棒（$34）等左一陣有得食 仲熱呼呼架拎上手都有少少熱燙燙外面係痴左好多薯條 裡面全部芝士好好味呀！不枉我專登提自己出開旺角要食左佢！仲要調味料可以任加加左蜜糖芥末、蕃茄醬同芝士醬喂喂喂 原來真係每啖都拉芝得好交關未必每個人都咁鐘意食芝士但見住佢既芝士咁濃郁 真係有少少邪惡的幸福感不過食完係好熱氣 即刻生痱滋要飲番涼茶下下火但可以值得一試！不過女店員講野語氣輕少少有番少少笑容就好…Read More

呢度的下午茶menu抵食，香港物價咁高，仲有三四十蚊有飯有麵揀，仲幾抵。落單後五至乾分鐘就差唔多上齊四個菜，速度好快，即叫即煮！最想食飛天通菜，唔算辣，仲要好入味，係泰國風味！叫左個泰式豬手飯，可惜味道偏淡，豬手係似平時煲完湯的湯肉味。泰式奶茶都唔錯，偏甜少少，但味道幾濃，有茶香。芒果糯米飯值得一讚！作為飯後甜品真係唔錯！芒果好難揀，但呢度的芒果好甜又香，唔會酸。糯米有齊兩款，白色同黑色，可以試到兩種不同味道。但如果可以加埋泰國當地的脆脆會更好味。跟店內的員工傾計，佢地都係泰國人，但都講得流利的廣東話。…Read More