demisoda's Profile

好耐之前食過呢間西餐廳，所以今次再返食，但覺得就無已前咁好，叫咗個午餐set 豬扒飯及日式冷麵，個豬扒肉質就無咁爽，份量就一般同啲茶餐廳差唔多，個冷麵就比較乾，如果多啲醬就會好好多，但overall 都可以，只係無已前咁好，呢間餐廳就比較隱蔽，工廈門口唔見有餐廳牌，所以估計都係做熟客多或係果頭返工嘅人，佢個 lunch set 由早上11時至下午3時。…Read More

其實好耐前已想試下呢間嘅點心放題，近排嘅疫情下好多間酒店中式酒店都有做點心放題優惠，但呢間係最平，啱又周末就決定試下。本來諗住咁嘅價錢都唔會有咩要求，都諗住嘢食會麻麻哋，但係相反係有 d 驚喜，首先叫咗限定每枱只有兩隻蝦肉燒賣及蝦餃，材料都好足，蝦肉夠大，另外叫咗魚肚，魚肚好食，鮮竹卷都足料，但佢個湯幾入味，好好飲 😋，蒜香雞翼都好味，但唔係啱炸起，山竹牛肉都可以，Total 食兩個人食咗廿幾籠點心 😅，只係細咗 d, overall 嚟講呢間嘅點心同其他嘅煎炸食物都唔差，個人覺得好過去飲茶 d 酒樓一籠都要廿幾三十蚊啦，服務嚟講就無咩服務，但就唔會完叫都唔理你，咁嘅價錢都唔會 expect 得太多喇。…Read More

話說呢間啱上星期新開張，見今日係星期五去行商場就去試下，坐底咗睇完餐牌，價錢普通，大部份嘅小菜或小炒都唔包嘢飲，飲品可半價。當要落單時佢有個 QR code 要你自助用部電話落單，問題來喇，同我要自助落單時，一路都去唔到佢個 link, 因我有兩張唔同台嘅 SIM, 試過另一個網都唔得，所以叫個侍應幫我落，但個侍應話要自己落單，我就同佢講試過但一路都係咁 load 空氣，出唔到個畫面，佢叫我用商場個 WiFi 喎，我亦都試過都係唔得，佢之後叫我用 Wechat 會快 d 喎，咁我想問無用wechat 係唔係唔使落單？佢話因為公司嘅規定喎，咁係唔係唔使食先？我話無理由要客人自己落單，我唔係唔識，係個網絡去唔到，之後先肯幫我落單，我心諗又要玩到咁 high tech, 餐廳係唔係要自己提供埋個免費 WiFi 畀客用咁埋唔會有呢問題囉，唔係就無學人玩咁嘅嘢啦。好喇，講返正題，叫咗個咖哩豬扒飯，有兩大大快豬扒，肉質都軟爽，幾好食，咖哩汁都夠濃，所以都 ok，另一個係沙嗲牛肉麵，沙嗲味都夠入咩，個餐包搽咗牛油搭埋 d 蛋一齊食就一流，其他嘅菜式都算多款揀，價錢就都算貴咗d, 因為無湯或嘢飲，除咗常餐或指定晚餐。…Read More

第一次試呢間餐廳，因為晨早經過間商場見到呢間未食過，所以試下，叫咗個番茄雞扒米線湯，有跟個厚多士及炒蛋，個米線湯農味足夠，雞扒肉質啱好及入味，唔會太硬，加埋炒蛋配多士係幾好食，價錢合理唔算貴，加埋凍飲都係 $35. 好過食老麥 d 早餐通粉餐。…Read More

今日去咗旺角行街到晚上搵嘢食，記得有間成日都經過但未試過食晚飯，今晚就特登試下呢間餐廳。坐低咗睇餐牌見有兩個瑞士餐及幾個咖哩餐，咁就叫咗個瑞士豬扒煎蛋飯要 $45，個分量都算足，但呢個餐唔包嘢飲，要加多 $13 先有杯凍嘢飲，成個套餐要 $58. 如果有跟個湯或飲品半價都好 d, 可能佢哋仲係用做遊客嘅價錢，講返碟嘢就普通炸咗嘅豬扒，畀個話係瑞士汁，但感覺似普通甜醬油多，豬扒肉質就軟，食落都 ok, 其他就無咩特別或驚喜，有樣覺得唔好係佢哋d 侍應，食完嘢就一陣過來陸陸續續係咁收走 d 嘢，唔知係佢哋無嘢做吖定係想趕你快 d 走，但餐廳仲有好多位無人坐，我知有 d 餐廳好鐘意做呢 d 小動作，但已我來講呢 d 餐廳食過一次後都唔會再幫襯， 所以我都係試過一次就夠喇。…Read More

今日觀塘行街又落雨，到了晚上想去醫肚又唔知食咩，後來諗起行過一個商業大廈樓下有好間餐廳就去睇下，本來想去紅XX室但見到呢間先就去試下。叫咗兩個小菜，個海鮮雜菜煲幾好，好足料及味道入味，另一個係椒鹽豬扒，椒鹽味係夠濃，但豬扒就比較硬，食落去唔夠爽及軟，個忌廉湯都幾好飲，總算都 ok. 下次有再去都會試下其他小菜。…Read More

係呢間酒家飲過幾次下午茶係幾好，但未試過佢嘅晚飯，所以今次特別去試下佢嘅晚飯,首先見佢有個3選1 有個可以送碟叉燒，叫咗個波羅炒骨及個炒通菜。個叉燒係細碟，肉質都食落唔硬，所以都可以，送嘅嘢係咁常下啦，個波羅骨就肉比較硬，味道就一般，碟炒通菜就入味，都想唔錯，但出菜就出得好慢，來咗個餸茶唔多食完其他餸都未來，食得唔係咁舒服，食下停下等，所以試過一次就算。…Read More

呢間都係近排開張咗唔係好耐，睇個價錢都平過其他日式放題些少，所以就去試下。揀咗最基本嘅餐，豚肉，雞肉餐，肉質就一般，雞肉就幾好，但個五花腩肉就肥咗 d, 另外出面攞嘢有熟食日式炸雞及餃子，丸類都算多，菜，姑都多選擇，有白飯可撈日式咖喱汁，最好係有格仔病自助整，但就如果有牛油及花生醬仲正，終結都叫咗可以。…Read More

今日去咗土瓜灣行街本來諗住去一間酒樓食晚飯點知好多人，就決定搵另一間，行行下見到呢間潮州菜飯店有個牌嘅套餐三餸一湯 $268 都幾抵，因散叫仲貴，最後叫咗呢個套餐，一個梅菜炆扣肉，扣肉都瘦肉小肥膏，所以唔會好肥，味道都可以，只係肉質未夠淋，份量就足，另外叫咗個紅燒肉片豆腐煲，豆腐好滑及肉質好爽，份量都 ok， 送飯係最正，仲有個凍烏頭都 ok，只係要點個豆漿先有味，個湯叫咗胡椒豬肚湯都幾好飲，味道好農，最後仲有個蛋散嘅甜品係好好食，好香加咗 d 橙色嘅粉，芝麻及煉奶，好好味，有個侍應話如果星期一至五食晚飯唔使茶介同加一服務，午市嘅小菜都抵食，所以 overall 呢間潮州菜係不錯，下次會再食過。…Read More

又來嘅一年一度壹蚊食到隻雞，一蚊買唔到隻龜，本來都無諗住食但見啱開始埋去再試下，叫咗個孖寶餐嘅白菜仔及個茄子斑腩煲，味道一般，白菜仔無咩味，斑腩都係普通貨仔，只係隻燒雞好食，夠入味及好大隻，但唔好係酒樓唔會同你切到一件件，係成隻畀你自己去剪，小菜散叫都貴，其實係用一蚊雞去吸引你去食，食過一次都可以，其他菜式就無咩特別。…Read More

係呢個疫情下已好耐無出去食飯，今晩搵到間係太子始創中心有個 $188 三送一湯吸引我去試下，首先叫咗個咕嚕肉，滑蛋炒蝦仁，炒碟清菜及個例湯。咕嚕肉就肉幾軟及入味，份量都 ok, 滑蛋蝦仁蛋炒到濕濕哋所以幾好食，只係份量少咗 d,炒清菜果碟就一般，因為淨加咗鹽落去就，蒜蓉都無，份量又少，但終結都 ok, 埋單加埋飯，茶錢 $280 及送咗一支消毒手液， 都算係 ok,係疫情下都算係咁。…Read More

因屋企人想食泰國菜，所以就再來試呢間泰國餐廳，屋企人食唔到太辣所以今次盡量叫無咁辣嘅菜式。今次叫咗個炸蝦餅，屋企人都覺得好食，我亦覺得唔錯，見有個套餐可揀三個菜式就叫咗個泰式鳳爪沙律，一條魚及青咖哩羊腩煲，個沙律就 ok 味道夠辣，條魚就差咗 d, 係無味，要點海鮮醬先好一些，個咖哩羊腩煲就好酥，青咖哩味入唔到羊肉，佢啱又做緊個泰式咖哩蟹，呢味就唔錯，蟹肉好足及有蟹膏，另一叫咗半打沙嗲串燒，豬同雞肉就幾好食，牛串燒肉質好硬，再叫個海鮮炒飯及冬蔭功湯，炒飯味道都唔錯，有帶子，蝦同魷魚，但個冬蔭功湯味道就唔正宗，湯比較酸，味道唔似真正冬蔭功，佢個湯唔見有落 d 香矛及淡奶。總結都叫做有些進步，勝在唔收加一服務費，但奇怪係每位要收水費錢 $3. 如果要收加一未必會再食。…Read More

周末去咗深水埗區行街之後夜晚係醫肚嘅時候，本來想去間附近出名日式扒類嘅餐廳又排長龍所以見到附近呢間冰廳試下，叫咗個中式牛柳，味道都可以，肉質就幾爽，唔會好硬，份量嚟講都算係標準，另一個係金銀蛋小白菜，味道就比較淡 d, 佢嘅鹹蛋係完全唔鹹，但係叫做清清哋易送飯，價錢都叫做合理。…Read More

今日諗住試下呢間餐廳，見出面個牌有好多午餐選擇，諗住都應該唔會差到邊，見個餐牌有個京都肉排飯，來咗個餐後只見到幾塊切散嘅豬扒，份量少到無朋友，唔係餐寫係京都肉排咩？完全貨不對版，個餐成$44 加凍飲食 $47 一個咁嘅餐都唔知係食緊咩，無下次囉 …Read More

一向我對食嘢有個要求，我次屋企人揀咗呢間熟食中心嘅大排檔，本來無帶好大期望會係好食，當晚叫咗九個小菜，叫咗隻燒鴨幾好味，無食食下有d 怪臭味，個雞煲都足了，雞肉唔會係骨多過肉，炒咗碟通菜及一碟蜆都夠鑊氣同入味，生炒骨都大碟，梅菜扣肉煲好大煲，面好多梅菜同肉，低面仲有白菜仔所以都有多種菜食，講真今次都無諗過會好食，但食咗後覺得去食大排檔好食過中式酒樓，價錢都合理，所以如果唔係食環境，熟食中心大排檔都係不錯嘅選擇。…Read More