華小's Profile

難得平日放假，今天陪爸媽出將軍澳探親友，姨媽話請我地去飲茶，來到食評一般的畔溪尚粵館，起初都有擔心，但一向識飲識食的姨媽話佢常常光顧的，叫我地放心。我地主要叫了不同的點心，點心是即叫即蒸，上台的時候仲熱辣辣，賣相都唔錯。先來的是鮮蝦菜苗餃，一籠三隻，每隻都脹卜卜，皮夠薄，餡料充足且新鮮，味道不錯。再來2籠燒賣，賣相無咩特別，但特別之處是用雞肉和鮮蝦做餡，夠晒彈牙，唔似外面個d用豬肉做的燒賣咁油膩，感覺清新、好味，值得一試。我自已點左一碟一口漢堡，個賣相同張圖一樣，個包都幾鬆化，中間的魚柳應該係即炸既，有d菜同沙律醬，一口一個，應該好受年輕一代歡迎。而牛肉球一籠有三粒，份量也足，但味道和賣相也無咩特別。姨媽點左個鴛鴦炒飯，一邊係茄汁雞肉，一邊係白汁海鮮，我就鍾意白汁個邊多d，都幾好味！仲有個嫩雞煨麵，單看個湯的顏色已覺得好濃郁，一試果然係好鮮甜，而且雞肉去皮，又多菜粒菇粒，美味又健康。雞煨麵一直係我至愛，估唔到竟然係間酒樓吃到一碗好味過出面好多上海鋪的的雞煨麵，強烈推介這個!姨媽果然無介紹錯！下次有機會帶埋我個為食女友來試下先！…Read More

今天早上到尖沙嘴見客，同女朋友一起共度午餐，經過聞名已久的翠華，於是入去試試。點了豬軟骨撈一丁、至潮魚蛋片頭河和冰鎮芥蘭。先上魚蛋片頭河，個湯不錯，有魚味又不覺味精味重，河粉較爽口，魚蛋和片頭也彈口，果然是招牌的推介，如果份量再多d就好啦！ 再來豬軟骨撈一丁，豬軟骨的份量也頗多，但味道一般般，而且這個配搭感覺有點怪怪的。最後是冰鎮芥蘭，這個做法也挺創新的，用冰鋪著芥蘭上，感覺很新鮮，配合日本鼓油和washabi，好味，值得一試！總括而言，翠華的出品也不錯，但作為茶餐廳來說，價錢偏貴！…Read More

今日出街吃午餐，原本想去個間餐廳竟然無開。行過見到一間叫營Café的餐廳，間鋪好細，住大埔咁耐都無幫襯過。不過見不用等位，就即管入去試一試。叫左一個黑椒牛扒飯，一個煙三文魚碎蛋牛角包配沙律。黑椒牛扒飯整體來講也不錯，牛扒夠大塊，而且厚肉得來又唔韌，不過黑椒汁略為稀了一dd。呢個餐加凍飲只剩$39，價錢合理。個煙三文魚碎蛋牛角包配沙律好有驚喜，個牛角包烘熱了，中間夾有一片煙三文魚、醉蛋還有生菜作配料，味道很好。此外，個沙律是雜果加薯仔，還配兩片青瓜，份量超足，製作很用心。這個餐也包埋凍飲，只係$32，真係好抵！想不到，一間細細不起眼的Café竟帶比我地意外驚喜！…Read More