平時都有幫襯開呢間「北京樓」，有時都會漏單，漏一、兩樣咁，今日第一次體驗「全單漏單」，完全被激發要出第一篇負評。12:01手機落單，等到12:26一碟點心都未到，我哋只能食枱上一小碟價值不便宜$28的前菜，問侍應話已經等到差不多「半個鐘」，她的回覆係「我哋既點心係即叫即蒸」，然後絕塵而去。咁樣即係點呢？我哋仲要等幾耐？等半個鐘原來係「標準時間」？好明顯佢無幫我地跟，跟著要不停問好幾個侍應，起初「有禮貌」咁追，佢哋只會hea下你，直至要有開始用「投訴」既tone, 先有一個侍應「肯幫手」追，四樣點心終於嚟咗2樣。到食完2碟點心，12:46又要再追其餘2碟，跟著都只係嚟多一碟（蘿蔔糕係凍的，原來這是即叫即做的標準），又要再等，差唔多等到1點，隔離枱剛坐低點左唔夠5分鐘已經嚟咗我哋等左一個鐘既「煎釀三寶」，真係令人無名火起，同侍應講，佢終於意識到我哋「真係等左好耐」，先入廚房拎碟微暖既「煎釀三寶」出嚟。呢間北京樓「漏單」同唔夠伙記既情況已經好耐，由用點心紙到依家用手機落單，情況都係無改善過，究竟個管理點解可以咁差？其他北京樓分店、同集團嘅酒樓如八月花、圍方既美中鴨子同潮庭都無呢個問題。成日話港人北上影響香港飲食業，睇嚟因為位於新城市廣場、人流旺嘅關係，呢間北京樓既分店的確能夠「獨善其身」，存在於另一個平衡時空，可以繼續以咁既「依然故我」服務態度營業，實在令人嘖嘖稱奇。…Read More
