vincidog的个人专页

中秋早放想搵地方坐低傾下偈，無意中喺新商場內發覺比較少見嘅店舖，羅宋湯店。似夠靜同埋有唔駛太飽嘅選擇，所以揀咗件「的的色色」嘅芝士餅同果汁。朋友試咗個湯、法包、沙律同咖啡。1。湯餅同包都係暖暖咁上，個法包夠脆，係我好在意嘅嘢（自己偷偷咁🥰開心）。2。朋友開始攪個湯嘅時候，似係其中一位，「應該係」老闆行埋嚟話，有乾辣椒可以落，問朋友要唔要？吓，莫非佢細心到見到落黑椒就知友人朋友無辣不歡？咁細心🫣⋯⋯3。食到七八成時，（應該係）老闆行埋嚟話呢個係「家鄉 Mooncake」，請我哋食，仲伴埋香草茶。P.S. 其餘兩成食飯時間我係咁search東歐邊度有月餅，臨走問先知…原來係隨意講嘅名。（內心聲音：即係作個名請你食嘢呀女！😅）返去查返Google同Openrice，似乎佢哋以往係火炭嘅小店。咁可能解釋到點解成程飯都咁有溫度。凌晨夜麻麻嘅心情都未平復。下次試埋其它湯。過咗個好暖嘅中秋🥮。…查看更多

第一次食鰻魚玉子燒，即整、又流心又香，有90分；第二次返嚟食明太子：現成、微䁔、太咸、蛋還蛋小乾、油/汁還汁喺個底度、唔覺明太子、太多蟹柳，芝士溶唔晒、食到我好失落…..無分想俾係我唔啱，無食一啖就反映。無論我返唔返嚟食都好，以後食掃街小食必定要即整，無妥協空間。…查看更多

嚟過幾次，喺繁忙時間俾我哋一大一細坐四人枱，感謝招待🙏🏻。今次嗌個特別啲嘅菜式：紅菜頭意大利飯（睇相都睇到幾eye catching 同啲煙），加咗個湯同side dish 蒜蓉牛油炒雜菇。個意大利飯係微硬有口感嗰種，好睇又好味，個紅菜頭仲係清甜嘅☺️。我嗰粒bb今次好鍾意佢個炒雜菇同湯，上次嚟佢就第一次愛上薯條（由嗰時開始佢見親我哋食薯條都會搶😅）。諗返有啲surprise, 細細嘅餐廳，都會有小童餐具。食物熱辣辣，人情味暖暖。下次希望避得開bb監視嚟試吓佢嘅burger …查看更多

兩個人，嗌左兩個餐同小食加飲品。牛肉牛筋都好好；手工麵有口感；藥饍雞飯普通，普通嘅意思係唔難食；小食煎葱餅普通，一般冰格嗰啲咁厚；我煎嘅會更好食，因為我會用透氣網上；啲前菜唔錯，會想買佢罐筍返去；杯飲品性價比好低，matcha latte 個奶比三花淡奶更淡，其實係凍抺茶水，收34蚊？第一次飲呢間日出茶太，好surprise 咁嘅質素會生存到？原來淨返一間。兩個人埋單三百五左右，如果唔係個牛肉麵真係唔錯，我會好嬲咁出返嚟。應該無下次，或者淨嚟食個麵就算。…查看更多

放工買飯返去食，想叫蠔餅剛好無晒，見前台姐姐好好介紹，唯有改豬頸肉繼續買。主要嚟喇，個黃咖哩蝦晚餐九折後79蚊，呢個餐犀利，首先餐要薄餅但俾錯白飯，跟住個蝦只有四粒，尺寸見圖。豬頸肉正常，但出面買急凍嘅會厚切啲好味啲。青木瓜絲過辣。成餐唯一正常係……個咖哩汁。不過又無咗個薄餅點。我唔明，其實洋蔥同青椒好平啫？點解都得幾粒？個餐嘅包裝仲多過食物本身，令人大開眼界。零分俾攪到廚房諗呢啲縮數嗰位。食到成肚氣，而家好肚餓。…查看更多

食過幾次～每個午餐飯盒😋都色香味俱全，店員話咖哩魚因為即炸同炸完焗過嘅味道差好遠，所以廚房堅持客人到達先即炸。真係好～我都係一個好介意脆脆食物變得唔脆嘅生物～望見佢哋嘅外賣餐盒寫住 ‘plant fiver will turn into soil in 90days in a commercial composting system’，就自然諗起出面唔少餐廳，就連堂食都用緊膠碗同膠叉。遇見仍堅持嘅店同人，好感動嘅lunch ⋯…查看更多

買咗個lunch set 外賣，杯嘢飲「午夜」好喜出望外，應該無落糖，而且感覺好健康。好欣賞佢哋外賣器皿幾乎完全無膠🤗個意粉嘅蝦亦彈牙，不過我鍾意重口味，所以加咗啲salt嚟食。…查看更多

食麵最緊要夠熱、麵有咬口，都做到。豬頸肉同湯底普通。不過如果要張紙巾抺嘢要收五蚊，首先要解決餐具們滿滿嘅油漬，唔係點飲個湯好呢？（望實廿分鐘都唔乾推斷係油漬，嚟食麵或要自備飲管）…查看更多

第一次食旺囍，啱啱好因為同整完牙嘅家人嚟食，但我又未飽完，苦惱食啲咩好。所以見到有唔un胃嘅鴨舌，就即刻嗌咗。個蒜香同滷水味好夾，好鍾意呢～所以上嚟見無人提過個鴨舌，其實我係有啲surprise 的～BTW,又唔覺個腩汁如某文寫咁偏咸，個牛筋軟軟咁啱啱好中咗老人家嘅心意…查看更多

食完好似一陣風一樣...睇完相再比較吓廣告個尺寸...我下次都係過隔離dondondonki食章魚丸算數...個吉士蘋果批可以完全感覺唔到加吉士嘅理由嗰吓....先過份…查看更多

山頂跑完步諗住醫吓肚，上網搵到呢間店，入到嚟先發覺自己一身跑裝，原來同個環境唔太match, 幸好店員照樣俾位置我坐低點菜。食物質素、店內佈置同音樂、店員嘅細心同款待、都好觸動到誤打唔撞嘅我。希望下次可以帶住更平復嘅心情再嚟。（之後上網搵先發覺，原來一般要book位，我只係好彩。近來四處搵良心食店，已經去過好幾區，咁鮮明嘅態度，應該好唔容易⋯感謝堅持緊嘅小店，同埋每一位搵緊佢哋嘅您。嚟後街牛扒，何止搵到牛扒？）…查看更多

因為就腳，所以一落車見到就搵嘢食，見到米糕咁特別，就停低試下，叫「麻糬肉鬆米榚」。等咗5分鐘，第一個煎壞咗，再等唔夠10分鐘先出爐。咁就無咗三個字。Menu入面嘅相：皮薄脆脆咁。實物係：個底厚過格仔餅，或者蛋糕，淨返邊嘅位脆。中間黐住兩種涵嘅，竟然係沙律醬。食落口時，感覺係獨立食咗四種食材入口咁，四種食物入口後獨立無關連，無任何化學作用。我喺印尼食過一次，嗰次香口加好味十倍。我懷疑，煎嘅姐姐自己都無試過食過一個好味嘅版本，先再煎俾客人食。門口張貼咗嚴禁喺佢哋店舖附近食嘅告示，連租錢都無用佢，咁收我廿五蚊，真係好貴。幾餓都無下次。…查看更多

幫襯咗好多年，每次都買成百蚊。呢兩次都好失望，上次好Un.今次啲羊，一反底睇，全部黑晒。其他豬/牛/牛脷未試。其實佢啲肉一向算正常，個汁同燒烤味係忠誠咁多年嘅理由，偏甜，有香料味，又有花生，燒烤味，好易入口。所以特別落飯。先去幫襯咁多年。好想問老闆，係咪排隊就唔休做？係咪見附近無乜印尼沙嗲，就可以唔控制品質？我希望只係因為你老咗，大意，如果係咁，請多加留意。有老人家眼唔好，會食壞人。買咗：羊x3牛x2豬x1牛脷x1…查看更多

嚟食過兩次。食物質量、味道，都非常之好。第一次嚟：堂食。下午茶抵食，飯係日本米，食物有點偏甜但正合我意，可惜飲唔到魚湯。加咗膠板之後，坐位由偏窄感覺變更窄。因為坐得唔太舒服，傾唔到兩句，食完匆匆走。第二次嚟：外賣。速度好快，包裝做足，而且飲到魚湯喇，係好味道的我見到前面負評多數寫服務態度，我都有類似感受；第一次：入坐過程同坐低後都好緊張。可能係因為密佈嘅警告字眼比食物菜單更eye catching, 而且為數不少，內外都有，入坐前度體溫、吱埋搓手液俾你（但隻手有濕疹問題嘅我係錯愕咗半秒），外賣又好nice咁問清楚攞乜再包埋俾你。可能係呢種嚴謹嘅氣氛，加上坐位空間，第二次我決定買外賣。第二次：尷尬俾完外賣錢，唔想吸塵所以企喺店內，但店內空間細，企又有啲尷尬，咁多warning又唔似可以俾我坐住等，所以企出去。。。。一直開住等我走嘅門，半秒就close咗.明明剛見到店員同其它客人傾得幾開心，緊接呢幕。。。。如果係好實際嘅朋友，呢間係不錯嘅選擇，有實力。但如果希望放鬆吓開心食個飯，愛悠閒，又敏感如我，我估計要先成為熟客，先更適合吧？…查看更多

（如果openrice有「有待改善」呢個選擇，唔會揀劣評。加油！）跨站嚟附近買開嘢，第一次行到咁入，見到間烘焙店，打算試下新嘢，希望遇到靚面包店。初時見面包們都好靚好多款式，覺得一定要幫襯吓，又睇中窗口22蚊四件嘅細puff試下實力，到埋單時，俾收銀前嘅拿破侖吸引，店員亦好nice咁推薦話一直有賣，話好味道。抱住要脫離美x系列嘅心態，買咗嚟試。結果係⋯試食者A：「非常難入口，根本唔係拿破崙吧？」我原本半信半疑，只咬了兩口後.....尤其偏橙色嘅酥皮偏硬，無酥皮應有分層嘅口感。掉酥皮食又太甜，果仁味道同放咗一段時間嘅果仁近似。觀察者B: (做過面包店老闆，已經無做）話切拿破侖，平均好重要，但呢間唔合格。B亦一件都唔願試。的確我咬一啖後⋯係想細件啲⋯掉又浪費⋯唔掉又唔知點算⋯見其他人食評同埋自己眼睇，相信面包質素較好，希望小店們，除咗多款式，都可重視每種款式嘅質素。香港嘅小店們，一齊加油吧。…查看更多