一些牛奶's Profile

香橙曲奇包, 麵包上蓋上一層甜甜的皮, 質感又濕又黏, 包餡係一團類似custard (吉士) 的東西, 有橙味的, 本以為會有一粒粒曲奇碎, 但原來沒有, 整體味道都偏甜, 麻麻地, 唔啱我口味, 唔會再食!輕芝士包, 麵包上面有幾條好像芝士的東西, 但冇芝士味的, 包餡係一團cream cheese (我見麵包牌既介紹係咁寫), 味道比真正原味既cream cheese略淡, 帶點甜甜的, 比起delifrance 同panash 既cream cheese 包相差好遠, 佢地既cream cheese 味道很香, 很芝士的, 但東海堂呢個就麻麻, 係未因為叫”輕芝士包”, 所以連味道都要輕點呢? …Read More

星期四晚上, 和爸爸二人來吃晚飯, 點了五款食物, 其中一樣最不濟的食物, 係夏之特撰料理中既海螺壽司, 當食物來到, 只見壽司上面放著青綠色的汁, 不是餐牌相片中放滿了海螺, 我以為送錯了食物, 於是向侍應問一問, 佢話: 「冇錯呀, 呢碟係海螺壽司呀, 因為加了wasabi, 所以就青綠色.」算了, 我照食, 心想貨不對辦, 但我們費事斤斤計較, 不過, 我仔細地挑起那些wasabi, 翻來覆去都不見有海螺的蹤影, 爸爸話食到有少少, 係d海螺碎, 有冇攪錯, 賣相貨不對辦都算了, 但連真材實料都冇, 呢碟食物應該叫wasabi 壽司, $38, 扼錢!…Read More

今次來到, 冇食雪糕, 要了杯drink, 名叫咩咩paradise, 係由strawberry 雪糕和桑莓sorbet, 打混已成, 飲落味道都幾好, 好滑!不過, 我都係喜歡吃雪糕多點! …Read More

已經搬左去荃灣廣場喇!星期三晚上, 約了一位4 年冇見既朋友吃飯, 8 點來到, 要等7張枱, 等了約15分鐘左右!點了4 款美食, 和民沙律, 炸雞軟骨, 星鰻魚天婦羅卷, 海鮮麻醬冷麵, 食物味道唔錯, 但服務就欠佳, 人手不足, 要落order, 要添水, 要埋單既時候, 總係搵唔到waiter!…Read More

同朋友來到這兒, 要了一杯double shot 的朱古力咖啡, 和一件名叫Lucy 的cut cake, 我唔知Lucy 係咩味道, 向staff 詢問過後, 便知道這蛋糕既上層是豆腐mousse , 夾有少許黑芝麻, 中間一層是海綿蛋糕, 下層是餅乾底! 豆腐mousse很滑, 味道清淡, 帶有少許芝麻香, 蛋糕軟熟, 餅底脆, 整件蛋糕絕不甜膩, 亦不是淡而無味, 這天我想吃一件較清的甜品, 這件Lucy, 正合心水! 至於杯咖啡, 味道沒有特別之處, 但又不算差, 不過, 我飲之前忘記了先攪拌一下, 所以飲到最底的朱古力醬, 就覺得頗甜了!…Read More

某星期二既下午二時, 來到這裡買了一杯熱咖啡, 因未食lunch, 但又不太餓, 所以要了從未食過的吞拿魚酥, 翻熱了的吞拿魚酥很香, 不太厚的酥皮又鬆脆, 吞拿魚餡既味道和份量都唔錯, 美中不足的是, 這吞拿魚酥的底部略油, (不過這是預料之內的), 如果可以加一張吸油紙墊底才將吞拿魚酥上碟, 這樣應該比較好一點!…Read More

Haagen-Dazs 雪糕有幾好味, 人人都知, 價錢雖貴, 但確實物有所值, 這天選擇來到這裡堂食, 除了想坐下慢慢品嚐之外, 亦想試下menu中的款式!我同妹妹揀了圖片中的兩款雪糕, 忘記了它們的名稱, 雪糕味道是可以任選的, 加上他們指定的配料, 如朱古力醬, 花生碎等等, 令味道更加美味無窮, 見上圖有少許貌似涼粉的東西, 未將之放入口前, 我和妹妹都以為是涼粉, 但原來是有咖啡味的, 似jelly 的東西, 哈, 又幾match 喎! (如果真係涼粉伴雪糕, 來一個中西合璧, 我諗都ok掛…)…Read More

同屋企人黎食dinner, 介紹佢地食佛羅倫斯卷伴薯角, 同上次在太古城pizzahut 食既一野, 好味!不過, 其他食物就差左!落左order 之後, 聽到隔離枱兩位女客人與一位waiter 正在嘈, 原來個客人話佢地食緊既芝心批點解比以前薄左好多, 我望下佢地既pizza, 都覺得真係薄左, 薄到好似紙, 個waiter 支支吾吾, 比唔到一個合理既解釋, 後來, 對面枱有兩位男客人又係食緊芝心批, 佢地叫個manager 黎解釋, 點解芝心批會薄左咁多, 以前既芝心批係厚過薄批既, (我印象中以前既芝心批的確係厚d, 所以我同意兩枱客人既投訴) 兩位男客表現得極不滿, 後來個manager收回個芝心批, 話換過一個比佢地, 不過, 我見換返黎既芝心批與以前既冇分別, 冇加厚到, 我諗那兩位男客都費事再嘈, 唯有照食!講返我地既食物, 要左一個夏威夷風光既薄批, 說真的, 的確比以前縮左水, pizza 既直徑短左, 厚度比以前既薄批更加薄, 爸爸話食厚批抵d, 會飽d, 而家好似食只材料咁!另外, 要左一個豬仔骨伴田園沙律, 我冇食, 但爸爸同細妹話唔好味, 係淡而無味, 同意粉屋既醬燒豬仔骨差天共地, 完全唔得! 只有幾片生菜, 就當係田園沙律, 有冇攪錯!仲有焗釀迷你蟹蓋拼魚圈, 又係唔得, 兩塊魚圈炸到好燶好乾, 兩個蟹蓋係超級迷你, 入面既肉只係好似蝦丸, 完全唔係佢描述既魚肉, 毫無鮮味可言, $36, 賺死佢!今次, 真係要比個劣評, 唔知其他分店係未都縮晒水, 係未因為物價上升, 佢唔加價, 便要將食物縮水呢?如有食家對pizzahut 有相似既感受, 或有其他意見, 可否與我分享一下, 我唔想一枝桿打一船人! 謝謝!…Read More

爸爸生日, 訂左一個兩磅既生日蛋糕, 選擇了catalog 裡既棉花糖石板街薄脆蛋糕, 因為爸爸鍾意食石板街雪糕, 所以選擇這個蛋糕都應該合佢心意!朱古力味蛋糕算鬆軟, 但朱古力味不夠香濃, 內裡夾了棉花糖粒和杏仁粒, 份量唔多, 算可以接受, 蛋糕底有一層朱古力脆, 記得舊年都食過聖安娜有薄脆既蛋糕, 層薄脆係十分好味, 很脆口, 但今次卻完全唔同晒, 連材料都唔同左, 今次好明顯見到個樣係好似一粒粒米, 朱古力色既米, 口感都唔脆, 反而係韌, 好奇怪, 點解會唔同左, 早知就唔要層朱古力脆, 令到我對個蛋糕扣分!其實呢個蛋糕唔算好味, 比起美心真係差好遠, 加上個蛋糕材料唔夠豐富, 食多一件已經覺得悶, 下次都係選擇什果蛋糕, 起碼有生果食下, 味道都會豐富d, 下次都係食返美心!…Read More

爸爸生日, 細妹要返通宵班, 唯有兩父女撐枱腳, 食pizza, 選擇了恆生信用卡既優惠套餐, 包括: 湯, 漁港風情芝脆批, 挪威三文魚卷, 意大利芝士蛋糕, 秋日特飲!各款食物都保持水準, 可以話每樣都好味, 不過新出既挪威三文魚卷就有d貨不對板, 看見圖片既三文魚很厚很大塊, 但實物係好薄, 只有兩薄片, 好似縮左水, 不過論味道都算好食, 另外, tiramisu雖然唔及高級餅店或酒店既水準, 但味道和口感都唔差, 起碼唔會覺得食緊一陣風和沒有芝士味!…Read More

約左舊同學食lunch, 佢提議食pizzahut, 兩個女子點了以下五款食物:夏威夷鮮果沙律---嫌佢沙`律醬太多, 不過都幾新鮮, 很奇怪, 鮮果上會有杏仁片, 脆脆地, 伴生果一起吃, 都不錯!紐西蘭青口米形粉脆窩---米形粉既size就好似加大碼既米, 口感都好似d飯, 好淋好淋, 好冇口感, 感覺唔到自己食緊咩, 味道都一般, 唔突出, 純粹出於對米形粉既好奇而order, 下次no way!什菌雞肉炒天使麵---以為炒野一定會油油地, 點知原來唔係, 完全唔似係炒過,一點油膩感覺都冇, 好! 天使麵煮得剛好, 但材料份量唔夠多…佛羅倫斯卷伴薯角---新野喎, 皮內包著溶溶地既芝士和甜甜地既菠蘿粒, 幾好味!特級小食拼盤---全部都係炸野, 唔特別, 食完之後十分熱氣!…Read More

放假的一天, 出旺角搵細妹一齊去食雪糕, 要左個鮮果華夫筒, 選了芒果和綠茶味道, 芒果很鮮甜, 又有大大粒既芒果肉, 綠茶係第一次食, 很香茶味, 又唔苦, 個華夫筒很脆, 很美味, 可惜的是配料既士多啤梨, 紅豆醬和曲奇碎都很少, 吃兩啖便冇了, 有點美中不足!…Read More

因為我有中銀信用卡, 所以老豆叫我請佢食pizza, 我地叫左個中銀信用卡既精選套餐: 龍蝦湯很杰, 蝦肉份量算勉強可以, 但不夠熱; 帶子三文魚鮮果沙律, 材料新鮮, 但我嫌佢沙律醬太多, 最好係可以將沙律醬分開上;三文魚忌廉芝脆批, 我同老豆都覺得幾好味, 雖然pizza上既材料普通, 但真係好味, 加埋批邊裡面有三文魚既cream cheese, 配合批邊上面香脆既芝士, 連不喜歡芝士既老豆都話個批邊好味, 仲話下次要再食過;三文魚班戟卷, 係DIY架, 一片班戟皮, 一片三文魚, 再加青瓜絲, 甘筍絲, 碎蛋, 蟹籽, 包住一齊食, 又幾得意, 老豆好似返老還童, 話好過癮;飲品叫左柚子冰茶同蘆薈冰茶, 柚子冰茶好味, 好多柚子肉, 但蘆薈冰茶就麻麻, 好似水溝蘆薈粒, 唔得;最後一人一客puff, 一客有五粒, 原來裡面唔係cream, 而係vanilla 雪糕, 哈哈, 正合我口味, 如果係cream, 我一定唔食, d雪糕好冰凍好滑, 仲有朱古力醬伴碟, 正, 為呢個套餐劃上甜蜜的句號!…Read More

呢個圓美玉子卷(Japanese egg roll)其實係瑞士卷, 不過顏色比較鮮黃, 質感亦比一般瑞士卷軟熟好多, 至於味道方面, 的確比瑞士卷更香蛋味, 口感更加鬆軟, 但不會有「食風」既感覺, 而cream既份量則比瑞士卷少, 這正合我心意, 吃罷一條都不覺好甜, 好漏, 雖然如此, 但蛋糕既膽固醇, 脂肪, 糖份等等既含量都屬於高, 還是少吃為妙!…Read More

美心最新推出既夏日悠閒系列共有四款甜品, 我一見有新甜品, 就急不及待試晒四款, 仲攞 埋佢份精美catalog添! 脆白天使和脆魔天使: 兩者的生果新鮮, 蛋糕軟熟, 這些是美心一向都能夠做到的, 但中間既藍啤梨醬就略少, 而最底既朱古力脆米就好脆好有朱古力味, 但明顯是在超市能夠買到的穀類早餐的一種, 但這層脆米令蛋糕增加味道, 增加口感, 雖然是新登場, 但唔見得有創意!藍啤梨芝悠切餅: 由蛋糕, mousse, 芝士和藍啤梨醬等組成了幾層, 雖然都算好味, 但冇咩特別之處!芝悠焗餅: 一見個樣就知佢似new york cheese cake, 一入口就知冇錯, 口感實淨而不硬, 芝士味香濃而不漏, 最底係酥皮層, 意想不到是中間有薄薄既藍啤梨醬, 算是驚喜!很欣賞美心經常推出新產品和新口味, 以味道, 價錢, 份量來作比較, 美心既產品算食得過!…Read More