david.t.w.mak's Profile

叫了燒賣、蝦餃、薄撐、叉燒腸、馬拉糕同雞扎，無一滿意。燒賣、蝦餃竟然是兩件裝，各$27，價錢少貴。味道普通，食材吃得出不太新鮮，燒賣蒸出嚟不飽滿。薄撐問題極大，餅身太濕太軟，而且極之爽油，餅底已有焦黑仍煎成咁濕嘅質地，明顯師傅手勢有問題。叉燒腸內有粟米，似是北上之風。馬拉糕質地濕，夾上手會散開，用口吹吹熱氣也會吹散，味道也欠傳統酒樓之黑糖味，實在不好吃。最大問題是雞扎。魚肚有酸臭味，材料不新鮮，連冬菇、雞肉都沾有此酸醙味，完全不能入口。向老闆娘報告後她取走便算，然後到埋單時竟然仍收雞扎費用，經提點後才取消此收費，甚有博懵之嫌。最後想講的是餐廳的辣油。上薄撐時有自動送上辣油（要包茶介），用薄撐點落過嚐試發現問題極大：辣油是四川辣油，有麻辣的，不是廣東酒樓食開隻辣油。問過老闆娘，她說有很多顧客也喜歡此油，也是自製。還看四周，在中午時分店內全無港人，只有旅客（當中當然有很多帶小孩，但又容許小孩大叫及大聲看手機，令現場進食環境惡劣的），我便明白此一刻的確進入了尖沙咀人不會光顧的店舖。做點心不認真、離開傳統，實在是尖沙咀的不幸。如果不是今天大雨不想找餐廳也不會坐在裡面，也是各食客總要修的行。見OpenRice此處劣評不多，於是記下此事，望各位好自為之。…Read More

是晚路過勝利道，本來想去其他餐廳的，不過想起呢度有間開咗好耐賣拉麵嘅餐廳，就不如入去試一試。點咗牛舌拉麵，落order時老闆娘（疑似）問要唔要地獄湯底，我話唔駛了，老闆娘就話要普通豬骨湯底啦。然後等咗差不多15分鐘，其間老闆娘（疑似）繼續同佢嘅朋友在店內吹水飲酒。拉麵終於來到，一飲湯，大濟，係同出前一丁豬骨湯味係一樣。我唔敢講佢係用人地嘅湯包，但真係好奇點解可以將個湯煮到同人地一樣。豬骨湯嘅膠原、油脂、豬骨味等一一都冇，只有極為人工化嘅味精味。再試一啖麵，竟然可以比個湯更伏。黃色，麵身試油麵嘅拉麵入口竟然係漿狀，咬落去會黏牙的。我唔知咩嘢原因我要食到咁嘅質素嘅拉麵，你雖然係居酒屋，唔係主力賣麵。但你每日都將牛舌拉麵嘅宣傳牌放在門口，仲要賣到$97一碗，比番個正常少少嘅質素我唔係太過份吧？最後我只用5分鐘吃完碗上三塊正常的燒牛舌，以及那顆冰冷嘅味玉，便比錢離開這店。我都不想做甚麼投訴了。這種恐怖湯麵根本不應在勝利道存在。我唯有打開OpenRice寫下人生第一份投稿於此。是次吃飯我冇拍下照片，但也不要google了。google顯示的是牛舌醬油拉麵，湯底是透明啡色的。我吃的這碗就是出前一丁豬骨味也奶黃色。…Read More