lapus's Profile

今日天氣終於轉涼，終於似返個冬天嘅氣溫。所以我哋就嚟到樓下冰室，食返啲暖笠笠嘅嘢。餐廳嘅裝修好有復古嘅味道，枱同枱之間有足夠嘅距離，空間感好好。依度係用QR code去落單非常之方便。依度嘅下午茶竟然去到6:30都仲有，所以我哋就叫咗份超厚嘅厚切牛乳炒蛋治。依份蛋治真係好好味，咁厚身嘅蛋都仲係好滑👍🏻當然唔少得要嗌依度嘅皇牌瑞士汁雞髀配蕃茄湯通粉，仲有炒滑蛋添。瑞士汁嘅味道鹹甜適中，雞髀嘅肉質都非常之嫩滑。蕃茄湯非常之濃郁，啖啖蕃茄肉。😋😋另外我哋仲嗌咗胡椒豬肚湯飯同埋上湯浸娃娃菜。胡椒豬肚湯嘅胡椒味非常濃烈！喺咁凍嘅天氣下暖下一個胃真係一流。😋另外要一讚嘅係依度嘅員工都非常友善，態度非常友善👍🏻…Read More

某日食lunch 經過見到大大幅相，上面寫住肉料理。好奇上OpenRice 睇吓發現原來係一間新開嘅日式西餐廳。依排工作壓力好大，今日放工想喺附近食餐好嘅慰勞吓自己，諗起依間餐廳就黎試吓。餐廳只有一個full course dinner menu。店員話因為餐廳剛剛新開張，sparkling water 或still water都係免費。除此之外，所有客人都會送上每人一杯Sparkling wine。店員仲送上兩碟小菜: 大根同海帶。等我地喺用餐過程中可以隨意去食，每道菜之間亦可清清口腔嘅味道，中和油膩感。UNI SASHIMI TOAST厚厚嘅鮮甜海膽加上有焦糖洋蔥，配上香脆多士。食物嘅精緻程度，作為今晚嘅第一道菜，已經足以令我地期待接落嚟嘅菜式。第二道菜係二選一，我地今晚就一人揀左一款，咁就可以試晒兩樣。WAGYU STEAK TARTARE佐賀A4和牛入而混合左Wasabi同埋Pickles，面頭加左生嘅鵪鶉蛋。將佢地撈埋放上脆脆嘅多士上面食，多重口感之餘，味道真係無得頂！MATSUBA CRAB最底係用日本高湯整嘅啫喱，上面有松葉蟹同魚子醬。撈埋旁邊嘅蟹膏一齊食，令整體味道更豐富，更多層次。IKURA PUDDING店員上菜時介紹依道係餐廳招牌菜，獨特之處係Yorkshire pudding 其他地方係用鹽，但依度係用糖，外脆內煙靭 ！Pudding 裝住滿滿嘅明太子mousse，上面加埋大大粒嘅三文魚子！一啖將佢放晒入口絕對係最佳食法！大滿足😋🈵CHARCOAL GRILL - A5 JAPAN WAGYU見到menu 已經好期待依道菜！宮崎A5和牛，旁邊仲有日本菇同大蔥。和牛油花分布平均，入口充滿油香，軟腍鬆化！肉嘅生熟程度燒到剛剛好！SAKE CLAYPOT RICE用瓦煲上嘅三文魚炊飯，一打開煲蓋就聞到好香！三文魚煮到3-4熟，上檯後等客人將三文魚攪碎撈埋啲飯黎食咁就熟得剛剛好！用瓦煲上所以會有脆脆嘅飯焦，非常香口！食完個飯非常滿足！HOJICHAMISU & YUZU PULM WINE黎到今晚最後一道菜，就係甜品喇！依個睇落好似Tiramisu 嘅甜品，其實係用左焙茶同柚子梅酒去整。有驚喜，清新得黎又唔會太甜！伴隨住個甜品亦會有一杯同款嘅柚子梅酒可以品嘗！非常滿足嘅一餐！坐bar檯可以睇住大廚為我地準備食物！人多想傾計嘅可以選擇餐廳另一邊嘅座位。上菜速度剛剛好，大廚仲會好細心問我哋駛唔駛抖一抖先上甜品。店員上每道菜都會詳細介紹同建議我地點樣食！👍🏻好鍾意佢地每隻碟都會有微溫，令食物出品質素不會被打折扣！抵讚！👍🏻👍🏻…Read More

今日約咗個同事請佢食餐飯，揀左公司附近鱷魚恤中心呢間日式放題！餐廳都好大，午餐時間好多人，原來有定食可以揀，不過我地難得出嚟食就食放題。電子落單都好方便，等緊期間就輪流出去攞左啲熱食同前菜，炸雞，小丸子，雞翼，豬手等等，但估唔到仲有凍蝦同蜆，回本選擇之一！😜轉過頭刺身就嚟啦！👍🏻叫咗甜蝦，赤蝦，帶子, 夠鮮好味道。食左幾輪刺身就開始食啲創意菜式，鮑魚壽司，吞拿魚蓉帶子塔等等，一口大小，精緻又唔會太飽！接著食一輪炸物，天婦羅炸蝦，咖喱軟殼蟹，夠晒邪惡但好滿足！ 之後就食燒物，串燒例如羊架，牛舌同埋西京鱈魚！羊架，牛舌好嫩又香，鱈魚燒到香脆好食。👍🏻整體食物質素都令人滿意，食飽又繼續有動力工作。💪🏻💪🏻…Read More

今晚去左銅鑼灣食飯，想去啲chill 少少嘅地方，所以去左fashion walk 依頭。鍾意食burger嘅我見到burgeroom 就二話不說揀左依度😋餐廳外面有啲室外座位，放工黎happy hour 應該好relaxing，不過怕熱嘅我地就揀左室內🤣我地叫左香脆鱈魚柳漢堡、黑松露芝士薯條同雞肉沙律。鱈魚柳漢堡舊魚好厚身，魚肉好滑，配埋蕃茄同生菜好fresh😋Burger質素有保證，但冇諗過連沙律都有驚喜！依個雞肉沙律有生菜、火箭菜、蕃茄同生洋蔥，淋上酸酸嘅汁非常之開胃👍🏻仲有大大塊雞扒，又有肉又有菜，令到依餐冇咁heavy😆即炸薯條配上黑松露芝士汁，食到lam lam 脷😋下次等冇咁熱可以試下坐室外chill 下…Read More

厚福街H8有好多餐廳，今日我哋就揀左位於9樓嘅Amitie Kitchen。餐廳係行小店嘅風格，裝修擺設行簡約路線。依度食物有好多唔同嘅選擇，我哋就揀左牆上黑板上推介嘅菜式。主菜未黎之前，餐廳先送上一份麵包拼盤，暖笠笠嘅麵包配上牛油同果醬，作為餐前小食份量剛剛好👍🏻法國慢煮有機雞髀伴黑松露意大利飯點菜時職員貼心提醒由於係慢煮嘅緣故，雞髀肉會呈粉紅色。如果接受唔到，可以煮至全熟，不過肉質會冇咁嫩滑。我地接受到，所以冇特別要求全熟。雞髀肉質嫩滑，雞皮都好香脆。黑松露意大利飯飯粒軟硬剛好，黑松露香味食到停唔到口😋加拿大海膽松葉蟹膏蟹肉忌廉汁意大利麵大大塊海膽加上蟹膏同埋大大條蟹肉，所有野都好鮮甜。意粉加上三色椒令口感同味道更加豐富。唔係好多地方有得食橙酒pancake，見到餐牌有，一定要點黎試下。浸住橙酒暖暖嘅pancake配上一球雲尼拿雪糕，果然冇失望😋…Read More

今日和朋友去了旺角一間好有格調的串燒店Katachi ！串燒整體質素不錯，表面燒烤得很香脆，唔會乾，啖啖都非常Juicy ，食得出廚師功力十足🤩我個人好喜歡魷魚鬚，因為食落好juicy, 食得出有好多孜然粉！最令我難忘仲有牛舌，因為我真的很喜歡和牛💋好香孜然味，花椒味都好重，所以食落嗰種麻辣感覺好正！另外，豬大腸我哋都好推介！因為一舊豬大腸就可以食得出呢一間餐廳處理食物是多麼的細膩😍完全冇羶味，外脆內軟，真係好食到停唔到口！司華力腸足以滿足我嘅肉肉子朋友！味道都不錯 ，補充熱量嘅最佳選擇！我哋仲叫咗個茄子，嗰種蒜香同孜然味，依家諗返起都食指大動🤩呢間餐廳嘅飲品好開胃，越飲越想叫多幾串燒食！另外呢間餐廳入邊有桌球枱， 真係好啱一班朋友食完串燒之後打返鋪🤣🤣 係朋友聚餐嘅最佳選擇！…Read More

喺九龍城美食區，以杏仁為主軸開咗咁大間嘅甜品舖，一定有佢過人之處。於是我今日和我的朋友去試個究竟。原來這一間甜品店是澳門的過江龍。我們分別點了蛋白杏仁茶和合桃糊。作為餐廳的招牌甜品，蛋白杏仁茶果然沒有令我們失望。每一啖我都食得出店舖用心每日的新鮮製作，甜而不膩，蛋白嘅口感就好似豆腐一樣咁滑嘟嘟，我覺得蛋白同真係一個完美嘅組合。 再加上杏仁茶有好多抗氧化物食完都覺得自己靚咗。另外我朋友叫的合桃糊我們都覺得不過不失。其實經常食合桃是對腦部有益。可以一試！…Read More

那天，我打算給我至愛一個驚喜。便慕名去了深水埗最近很出名的布甸蛋撻，我以為要排很長隊，誰不知一去到便可以買了。可以分享一個小秘訣俾大家就是早上去買, 排隊時間可以大大減少。買布甸蛋撻係先購票後取蛋撻，等候取貨時間比較耐，大家一定要保持心平氣和。我的至愛看到布甸蛋撻，欣喜若狂。 我們特別喜歡布甸蛋撻的曲奇皮，很香的牛油味，還有一讚的是布甸內涵，一試難忘，那種豐滿的蛋香，齒頰留香。我們建議翻熱食味道會更佳。…Read More

今日同草子去左大坑半天遊，揀左依間茶檔試吓地道美食。本身想試吓非常出名嘅滑蛋菠蘿油，可惜去到嘅時候，已經賣晒。我哋分別叫咗滑蛋叉燒飯同埋秘製豬扒飯。兩碟飯嘅份量都好多，我哋兩個都食唔晒。滑蛋叉燒飯嘅滑蛋炒得唔錯，加上蔥花同埋豉油，真係非常之惹味。秘製豬扒飯嘅豬扒真係非常出色！豬扒表面煎得香脆又唔會太乾，豬扒甜甜地嘅味道非常開胃。加埋隻煎蛋配白飯一流。總體而言，依間茶檔去開大坑都可以一試。但係如果想試到滑蛋菠蘿油，可能要一朝早就去。…Read More

今朝做野充滿壓力，午飯時間落街行下，行經呢間cafe被佢深深吸引，門面玻璃望入去餐廳環境好寫意，檯櫈擺放空間感好大，加上人流唔多，我就二話不說就入左去放鬆下自己。餐廳日系簡約裝修，配以木枱、木櫈同乾花擺設 ,感覺非常舒適，連餐具，杯墊我都好鐘意。點左份蒜油辣蝦蜆肉意粉，食物質素非常唔錯，好味道，意粉煮得啱啱好，辣味蒜味適中亦好夾海鮮, 蝦肉彈牙，份量充足，絕對唔會失色於西餐水準。另外試咗cold brew 咖啡，平時飲開flat white 同 iced americano。第一次飲cold brew,味道比iced americano 強烈超多，入口味道有好多層次， 第一下入口似冧酒既香醇同埋濃烈，之後就係堅果味嘅咖啡香，好有驚喜。…Read More

今日和母親大人行開，見到店外魚生相好吸引，就入咗鳥海山鐵板燒!入邊嘅和式裝修真係好似去咗日本🇯🇵咁呀😍我們都算早到店，不過鐵板燒L位都已坐滿食客! 不得了!由於睇MENU 見到魚生相好吸引，我哋叫咗一個角份魚生丼色彩繽紛的魚生鋪滿整個飯，每粒壽司飯都好軟熟，粒粒分明每一舊魚生都非常新鮮，完全沒有魚腥味，啖啖新鮮魚生，加埋軟綿綿糖心蛋，我感覺我好似去咗築地嘅壽司店食魚生飯一樣另外，我地點左精選壽司🍣九貫最有印象是拖羅壽司，油脂充斥整個口腔，個種入口即溶令人難忘左口魚邊有咬口，好好食😋海膽壽司不過不失三文魚子壽司🍣紫菜好脆鐵板燒味道不斷攻擊我嗅覺，於是我們另外點了3樣食物鵝肝多士肥美鵝肝，外層香脆，內裏嫩滑，配埋多士食，油而不膩，令人驚嘆！西班牙黑毛豬肉味芳香濃郁，感動味蕾😭雞扒香脆嫩滑，每一口雞扒都有炸蒜粒，口感豐富。仲有一點值得一讚，職員超有禮貌，好勤力，不斷fill熱茶，賓至如歸😍…Read More

今日和草子行完宜家傢俬之後，就去咗新城市食海南雞飯！天天海南雞係新加坡嘅過江龍！以前去新加坡旅行嘅時候佢係喺是熟食中心的。不過位於沙田新城市廣場嘅天天海南雞裝修富麗堂皇，每一個餐碟顏色都是和店內的裝修互相輝映！果然是米芝蓮食肆！梅情茄意每一粒車厘茄都有話梅香，酸酸甜甜，超級開胃！蝦醬生菜唔會過咸！天天海南雞 中份每件海南雞肉質鮮嫩，口感Juicy此外，佢有三個醬料可以沾不過他們的辣醬真的是非常辣！刺激到味蕾天天石鍋雞油飯粒粒油飯都充滿濃郁的雞香，每粒飯都品嚐到香噴噴的雞油精華！美祿豆花我發現這間天天海南雞的飲品份量都是偏向大杯的每一啖都有美祿同豆花，好似飲緊台式飲品㗎咁松露多士他其實是松露蝦多士，蝦非常彈牙，食落唔油膩，松露味在我口中慢慢揮發！感動到我的味蕾，滋味無窮！喺沙田又多個飯堂了！…Read More

今日放工去左尖沙咀，忽然想食泰國野，拿拿聲上網搵下有咩餐廳，見到依間評價唔錯就所以決定黎依度試下。去到門口見到好多人，餐廳分左泰式同西式，我地就揀左泰式。一入到餐廳，見到Ｄ裝潢好靚，好多打卡位。餐廳入面有個好靚嘅鞦韆，打卡一流！不過因為我地太肚餓，所以只係想快Ｄ食野所以冇打到卡。職員安排我地坐喺窗邊嘅位置，無敵大海景，好好FEEL!餐廳提供好多唔同嘅菜式，本MENU都好厚，有選擇困難症嘅我地要睇晒成本再去揀食咩，真係需要Ｄ時間。好彩每張檯都會預先準備左一碟蝦片，唔太油膩，我地可以一邊食一邊揀下食咩，差少少清晒成碟！香脆芝麻豬頸肉平時食泰國野多數會叫炭燒豬頸肉，今次試下新煮法又唔錯喎！半煎炸嘅豬頸肉加上芝麻，好香口！點醬汁食會降低油膩感！黃咖喱軟殼蟹平時好少見到依個配搭，軟殼蟹炸嘅時間剛好，唔好乾身，仲係有JUICY嘅感覺。黃咖喱汁應該係加左D蛋，所以會比較杰身。依個咖喱啱晒唔食得辣嘅我地！印度薄餅落單時職員推薦咖喱可以搭配一份薄餅，我地平時都好鐘意食，所以二話不說就叫左！薄餅唔會好油，點上咖喱真係一個完美嘅配搭！泰式炒金邊粉金邊粉用蛋包住上碟，旁邊仲跟左青檸，花生碎，糖，辣椒，可以自行調配適合自己嘅口味！仲有好多隻大蝦，金邊粉酸酸甜甜好味道！泰式咖啡依排咖啡癮好強，所以都叫左杯泰式咖啡飲，咖啡加上椰奶都幾香！…Read More

今日同草子去開葵廣，但唔想掃街企喺度食，想坐低慢慢食。行行吓就搵到依間好隱蔽嘅韓國小店。餐廳好多人人都食緊拉麵，佢哋嘅拉麵喺用拉麵鍋上檯，賣相好加分，而且食落好似返左韓國食拉麵咁，一下子好似入左韓劇咁！我叫左個年糕拉麵，拉麵湯底好味，麵軟但都不失彈性，配料有年糕呀蛋咁。草子叫左個泡菜炒飯，少少辣，配埋隻煎蛋剛剛好！炒得好惹味，Lam Lam 脷另外我地仲叫左個雞蛋卷，即叫即整，用鐵板上，熱辣辣。雞蛋卷鬆軟，蛋味濃郁！正！…Read More

之前聽朋友講過依間小店嘅食物好高質，CP值好高。今日去開深水埗，終於可以試下喇！我地今日坐喺較入嘅走廊位，自成一角靜靜地都坐得幾舒服。由於我地想試多d唔同嘅野，所以餃子分別叫左湯餃雙拼同煎餃雙拼，咁樣我地就可唔可以試到四款餡料嘅餃子喇。湯餃我地叫左雲耳椰菜豬肉餃拼菠菜豬肉餃。（$36+$2雙拼）湯底係赤小豆粉葛湯，好有屋企老火湯嘅風味！餃子皮厚薄剛好，餡料都非常足料！煎餃我地就叫左香菇粟米豬肉餃拼白菜豬肉餃。（$40+$2雙拼）餃子煎到金黃色，賣相非常吸引，食落好香口！我地都好鐘意依個香菇粟米豬肉餃，粟米好甜，同香菇豬肉好夾！餃子加$15 可以配套餐，我地兩個都揀左飯糰同凍檸茶。飯糰係用日本米，仲有啲牛蒡絲，好好味！另外仲叫左碟油菜（$20），酥脆炸肉丸（$25）。肉丸食落去似係豬肉溝左d洋蔥打碎，面頭有d麵包糠嘅質感。連平時對肉丸麻麻地嘅草子都覺得食個肉丸好食！最尾叫左個咖啡芝士蛋糕（$25），蛋糕咖啡味好香，芝士蛋糕質地順滑！必點！食埋個甜品真係超級滿足！好彩我地黎得早，走嘅時候門口有好多人等緊位！…Read More