Miss Ginger's Profile

這間茶餐廳外表及名字都相當不起眼，但中午lunch hour必定大排長龍。除了因為價錢實惠，焗飯必定是它受歡迎的原因。每次來到必食的茄汁焗豬扒意粉/飯，連凍飲只是50多元。情意結的關係我比較喜歡配意粉，每根意粉被濃厚的茄汁包圍，加上大大片豬扒，而且是即叫即焗，上枱時必定熱到辣口！同事們就比較喜歡配飯，他們說飯是炒底穫氣十足，遠勝連鎖店的焗豬扒飯！不過要注意的是店員都比較不客氣，始終座位有限，午餐時間又大排長龍，大家記得食完就離開，畢竟人家賣你幾十元一餐飯大家將就一下吧！…Read More

不得不說自己out，因為我係第一次去猫猫cafe。自從家裡多了2隻猫猫兄妹，就對猫猫多了一份親切感。最近聽朋友講在旺角有間猫猫cafe，今日終於同老公一齊來探猫猫。店員話店內到現時為止有15隻猫猫，有幾隻去了做絕育，大部分都係流浪猫。雖然係浪浪，不過佢都唔會對人發惡，但係都要守規矩，唔可以夾硬摸佢地。地方整潔乾淨，沒有很大猫味。平時會躲在一角，一餵食就立刻出來。店員推介的和式吉列豬扒麻醬烏冬，冷食啱哂熱辣辣的夏天。豬扒炸得很脆，麻醬味道很夾，食落好舒服。另外點了牛油雜菌香草忌廉天使麵。天使麵算是比較難處理的項目，好容易煮得太軟身食落似醬糊。不過呢間店處理得不錯，硬度適中，個sauce煮得夠rich。跟餐加$20有蛋糕，我們點了藍苺紐約芝士蛋糕，味道ok。對這裡印象幾好，乾乾淨淨，猫猫可愛乖乖的！要再來探猫猫！…Read More

母親節大部分餐廳都迫滿人，想到食西餐機會一定最大，果然來到Yoho Mall，呢度真係唔使排隊直入。Set Dinner有$178同$238兩種價位，加錢仲有甜品，幾抵食。前菜我點了黑松露磨菇忌廉湯，每一口都食到粒粒磨菇，香濃撲鼻，好味！主菜我要了三文魚，煎得好香，肉質滑嫩，底下墊了波菜，吸收了所以魚油精華。母親點了鹽焗爐魚，係店長推薦的招牌菜。肉質嫩滑，一點也不覺腥味，母親讚不絕口！加$12要埋甜品，有Apple crumble同手工雪條可以選擇。Apple crumble 即叫即焗所以等了10分鐘。上枱時肉桂香味十足，餅乾做得好脆口，真心好食！呢間絕對有下次，不過位置略為隱匿，位於Homeless裡面，所以人流不算太多。整體來說，這店的食物、服務、環境屬中上，價錢合理，誠意推介。…Read More

朋友話喺呢度搞酒聚，估唔到cafe林立的登打士廣場竟然會有飲酒的地方，仲可以包個private room。是晚我們每人帶左支紅酒tasting，好䀆興！蕃薯薯條 - 又熱又脆蕃薯又甜，超正！泰式豬頸肉 - 燒得好香，最欣賞係個醬汁，泰式酸酸辣辣。老闆話佢地所有醬汁都係自家調配，全部都係功夫菜。Nachos - 好食！有驚喜！Fish & Chips - 可以媲美英國食到的fish & chips。老闆話佢地買全條魚來做，唔係就咁用魚塊。牛肝菌黑松露什菌Risotto - 個汁好rich，黑松露配磨菇真係好香，推介！主菜係羊架，羊帶少少羶味，唔多但適中，煎得好香，推介！想不到旺角樓上舖竟然有咁高質素的西餐廳，而且好適合一班朋友搞event。老闆年輕有為，食物質素高，真心推介！…Read More

同老公星期六來食lunch，已過2點所以冇乜人。是日餐湯係露筍湯，賣相還可以，但完全沒有味道，淡如水。Chopped salad $85叫了salad lunch set，包餐湯、主菜、甜品同飲品。沙律配有生菜、洋蔥、青瓜、蕃茄同紅菜頭，加上一些松子，味道不錯。有紅菜頭的沙律基本上很難敗陣。主要是被這個期間限定吸引而來。$88澳洲農場直送grass-fed安格斯西冷牛扒，加$38升級做套餐。牛味香濃，牛扒要了medium煎得剛剛好。$88 lunch 價錢食到呢個質素的確不錯。甜品是chocolate mousse ，我們覺得太甜，純粹個人口味。整體食物ok，價錢合理。要劣評的是這間店完全收唔到電話網絡，餐廳有wifi供應但密碼不正確。跟侍應查詢但他們堅稱密碼正確，收唔到wifi是因應位置有盲點。我們沒有理論下去，惟有當靜靜地渡過一個只有我們兩人的午餐。…Read More

星期六與一大班朋友相約試試這間長期大排長龍的韓式炸雞，朋友6點半已經到達排隊，結果等足一個鐘有多先被安排入座。喺香港要食好嘢真係唔容易。Apple Cider - 幾乎每枱都叫這款飲品特制芝士雞蛋卷 $148 - 雞蛋皮一層一層包著青瓜、火腿、紫菜，上面塗上了芝士。是烤雞以外必叫item。蜜糖咖哩烤雞 $168 - 蜜糖跟咖哩出奇的配合，好香好惹味，有少少辣，烤雞不用說當然是外脆內軟。黑胡椒烤雞 $168 - 比蜜糖咖哩更辣，如果不嗜辣的話建議不要叫這款烤雞。有好幾個朋友食得辣，佢地覺得勁正。這店的烤雞不錯，難怪長期都大排長龍。不過還是要人多來食會比較好，因為份量很多，烤雞都是全雞，多啲人可以試多幾款。…Read More

自從同事介紹呢間店的燒春雞lunch set之後，真係食過返尋味。我亦開心share了不少灣仔區返工的朋友，幾乎成為了我們lunch的指定聚腳地點。 燒雞配薯條加凍檸茶是每次必點的best combo。我們一行四人全部叫同一款餐，四盤剛剛炸好熱辣辣的燒雞一齊上枱，何其壯觀！燒雞外脆內軟，真係正到不得了！配有泰式辣醬及鹽，口味自己決定，不過我還是喜歡原汁原味，始終原始風味係最正！…Read More

終於完成人生大事，走向新一頁，今晚相約一同剛成人妻既wedding buddy去放縱一下味蕾-食辣野。 侍應先讓我們品嚐四川地道茶 - 苦蕎茶。味道有點像玄米茶，苦中帶點回甘，不錯。 先來一客蒜泥白肉。賣相相當精緻，豬肉肥瘦適中，中間夾著青瓜絲，食上來好refresh，亦中和了肥肉的油膩，當然亦減低了我倆的罪惡感！ 再點了𣙙麻鹽水蝦。蝦本身較為淡身，建議吃之前把底下的汁醬、青瓜同蝦一齊搞勻，讓蝦味道更出。主菜我們要了麻辣冷窩魚，亦即水煮魚。 魚肉得滑，調味用料十足，又麻又辣，芽菜暑粉好入味。越食越辣，亦越食越過隱！我倆今晚真的是大解放！幸福人妻暴肥之旅又多了一個checkpoint!…Read More

在灣仔區返工已經3年，附近以至金鐘一帶食burger的地方已經試過。從Openrice搜尋見到這間burger新貴，食評一致讚好。雖然平時很少經過酒吧街，但好奇心下決定跟同事試試。 位置於酒吧街，開放式舖面，24小時營業，屬賣酒又賣小吃的酒吧。 今晚有點頭痛不能飲酒，叫了一杯chocolate milkshake。朱古力好rich，上面滿滿的cream，非常邪惡。 點了signature double cheese burger。8oz牛肉，肉質鬆嫩同juicy，芝士加上秘製醬汁，味道好match但一點都不油膩。夾在中間的生菜蕃茄洋蔥好新鮮，感覺refresh。我覺得這個burger比The Butcher's Club更勝一籌！ Fish burger又是另一必食推介。魚塊炸到脆卜卜，但魚肉竟然保留了嫩滑，水準以上之作！如此優質，難怪是灣仔burger界新貴。睇來lunch time又多了一間飯堂！…Read More

「滄浪亭」可以稱得上是紅磡隱世小店。店內只有4張枱，賣的是上海麵及簡單的上海小吃。 先來的是雞絲粉皮，小小的碗子注滿了真才實料，花生醬濃郁，粉皮很QQ，推介！ 我點的是紅燒軟排麵，其實即是豬軟骨麵。豬軟骨很入味，滿滿的骨膠原，湯底好濃，一點也不油膩。 朋友點的是獅子頭麵。大大舊獅子頭，肥瘦參半，朋友亦大讚。睇食評見到嫩雞煨麵亦是推介，下一定再來試試！…Read More

黃埔區食肆越開越多，特別是專門吃辣的店，由以前得一兩個選擇到現在四川麻辣、雞煲火鍋任君選擇，而家連湖南菜都有。近排天寒地凍，食辣最啱驅寒，老公就提議去「香湘辣妹」試試。因為只是6點幾，未見要排隊，很快就被安排入座。 店內設計走簡約路線，感覺幾young。打開餐牌，發現全部菜色都以周杰倫歌曲作品做主題，老闆娘一定係周董的超級粉絲！我們點了兩個主菜加兩個「米蘭的小鐵匠炒鍋飯」，即兩個白飯。 剁椒魚頭可以選擇辣的程度。因為第一次來這店，還是保守一點叫小辣好了。果然沒有選擇錯，小辣已經足夠滿足我了，湖南辣椒真的非同凡響！魚頭非常新鮮，酸酸辣辣，辣味是慢慢出來，越食越辣，超過隱！而且比一般的少油，感覺幾清新。 老闆很貼心，用了熱鍋爐火上這個干鍋手撕包菜，一路食個菜都是熱辣辣的。頭幾下食落口一點也不覺辣，但慢慢地辣味就滲出來，超刺激！這店湘菜做得正宗，比大陸食到的少油，比較適合香港人口味。菜色選擇很多，睇來要快點約大班無辣不歡的朋友來叫多幾款菜色試試！…Read More

近排天氣急降又潮濕，要點熱飲驅寒。做完運動經過厚福街，見到這間剛開業不久雜誌有介紹過的Mango X'press有熱飲賣，仲要主打芒果制品，就不其然停下腳步入去試試。點了香芒桂圓薑茶。很創新的配搭，朋友覺得味道ok，而我可能平時經常飲薑茶，接受程度較高，覺得薑味可以濃一點。朋友要keep fit戒糖，店員介紹了比較少甜的芒果紅茶。紅茶配有芒果粒粒，味道都幾夾。我仲外賣了2個布甸回家諗住同老公分享，但最後我們放進雪櫃過了2天才吃，想不到品質沒有什麼變化！芒果3.6牛乳布甸 - 牛奶很濃很細滑，芒果新鮮。可以一試！鮮果芒果布甸 - 芒果布甸好香好滑，上面除了芒果肉外，還有紅豆，不錯。兩個布甸的味道不錯，不太甜，但$28一個略嫌貴左少少。…Read More

見到HeSheEat在Openrice好多好評，有幾次約朋友想試但未能成功。今晚同老公去銅鑼灣行街辦年貨就堅持要試試。由於是平日關係所以人不算多。本來被安排坐在路邊位但很快窗口位有客人走了，店員就幫我們更換位置，非常貼心。店員可能見到我們沒有什麼頭緒就主動過來推介了一些人氣菜式。我們先點了Special Menu上的Barbecue Pork Ribs和海膽Risotto。個sauce超rich！濃濃的芝士，同埋食得出個sauce係用海鮮餚製，飯的硬度切合risotto的預期。海膽有成3大片，非常新鮮。個risotto真係好邪惡不過真係好好味！之後pork ribs來了。燒烤程度剛剛好，有燒烤香味但唔燶。肉質超juicy，用了半肥瘦肉排，超嫩滑，配上超rich的barbecue sauce，真係好正！我敢保證這個ribs的質素絕對比得上那些高級餐廳，$88呢個價錢真係超值冇得輸！最後叫了一個甜品來share。店員推介了這款lemon roll甜品。賣相好靚，中間用檸檬custard做涵。檸檬的酸加上乳酪sorbet有助消化，亦為口腔帶來refresh的感覺。這個奶昔感覺一般，朱古力味太甜太搶，令香蕉味差少少。建議可以2者稍為平衡一點，但整體尚算okay。想不到HeSheEat的正餐同樣出色! 以後來銅鑼灣食飯又多個選擇了。…Read More

搬來黃埔區已經幾個月，成日經過諾亞都想買個蛋糕試試，可惜次次都未有成事。今次朋友生日，終於有籍口試到它們的半熟芝士蛋糕。店員知道我第一次試，推介了招牌的芒果溶心芝士蛋糕，話好多客人食過都話正。蛋糕上面放滿了大大粒芒果粒，用芒果啫喱包著。蛋糕中間是軟身的半熟芝士，最底層是朱古力海綿蛋糕。每一啖都有哂咁多層口味，芝士味重但又唔會搶走芒果味道，芒果非常甜。雖然晚餐已吃得好飽，但我同老公倆也可以食了半個芝士蛋糕！店員還推介了新推出、跟忌廉哥cross-over的兩款杯裝半熟蛋糕。女店員非常貼心，先問我能否半小時內回到家中放入冰箱。杯裝蛋糕有蜂蜜味及朱古力味兩款。我選了蜂蜜味，外層蛋糕鬆軟，中間是蜂蜜流心，很特別。下次要試埋朱古力味可以儲齊一套忌廉哥杯！…Read More

天氣開始凍，又係打邊爐的季節。大角咀打邊爐選擇甚多，豬骨煲、港式火鍋、日式涮涮鍋、雞煲應有盡有。有朋友竟然從來沒有食過雞煲，就讓他到前家樂試試。這晚是平日的八點多，店舖面積不算大，訂了枱但我們一行四人還是要等了約20分鐘。進入店內，不花巧的裝潢，但尚算企理乾淨。明顯這實而不華的風格真實地反映在價錢上， 比起那些裝修華麗的火鍋店，我更喜歡這實力派。朋友唔食得辣，所以叫了一個不辣的雞煲，麻度要了微麻。雞煲就食得多，唔辣倒是第一次。由於係即叫即整所以等了一會兒。過了約十多分鐘，終於來了，餓昏了的我們老實不客氣你夾一件我夾一件。店主採用了三黃雞，雞肉極之嫩滑，炒得很香很惹味，還加入了我至愛的洋蔥，大讚！洋蔥完全吸收了雞煲的精華！這個唔辣嘅雞煲完全是意料之外的驚喜！雞肉吃到差不多，店員幫我們加湯打邊爐。肥牛份量相對價錢都算係幾多，肥瘦度適中，吃落有咬口。日本蠔肥美大隻，不過上枱時未完全解凍，略嫌扣分。不過$78有成6-7隻，咁嘅價錢仲想點？芝士竹輪 $48店長自家創作，獅子狗卷外型但内裡注滿了芝士，建議等一會涼一點先食，因為芝士會爆出來，記得睇熱呀！蔬菜拼盤實屬超值之選！必叫！自問是邊爐迷，港九新界試過無數間火鍋店，但$48個蔬菜拼盤真係從未見過咁底！而且不同種類的蔬菜都有，有heart之作。份量超多，爽口彈牙，必食推介。店老闆是一名年輕人，他在店内忙著忙著，又主動問我們對店的意見，可想而知他是個有heart有幹勁想做好件事的人。他虛心接受意見的態度實在值得一讚。大家下次幫襯時不妨俾下意見，讓這位年輕老闆做得更好！…Read More