barbei's Profile

好想食一餐稍為有質素既日本野， 又唔想出市區， 上網見食評唔差， 立即過黎試下。 兩個人， 坐壽司bar 枱最一流先黎兩個小食，我至愛既 麥粒青瓜 & 螢光魷魚. 各$3x再叫濁酒一支一輪刺身， 有池魚薄切， 活北寄貝， 劍魚， 油金， 等等除左大路既雪藏刺身， 仲有d 時令刺身， 唔錯， 唔錯。 用上即磨芥辣， 值得一讚又開多支sake壽司都有試幾款， 一般般， 最失敗係軍艦既 紫菜係淋既即叫即煮 "汁煮蠔壽司"最後以飽肚的蕃薯天婦蘿作結…Read More

上次係三家姐有不好的經歷, 今次試下伍仔記.炸香辣豬手 – 1客有10多件, 豬手膠質重, 少少辣, 唔錯唔錯., 送啤酒一流 ~~金銀蛋莧菜 – 都係咁上下, 冇乜特別.冰鎮併盤 – 有鮑片 , 苦瓜, 鱔 , 生腸, 鮑片 甜甜地有少許鮑魚味 , 我平時都唔食苦瓜的, 勉強食左3-4條就算, 鱔-有魚味爽爽地好味道 , 生腸夠爽, 可惜冇醃過的, 一定要點豉油至得.…Read More

星期日７點左右黎到，都唔知好彩定唔好彩，仲有一張２人枱，順理成章坐低左．．． 炸大腸　－　賣相差唔在講　（Ｄ腸東一舊，西一舊）本人臭覺較靈敏，碟野一上枱已聞到陣陣臭味，一係大腸極不新鮮，一係大腸仍未洗乾淨．．．啫啫魚雲煲　－ 好大煲，份量足，味道都算ｏｋ，只可惜真正膏狀“魚雲”不多．芝士焗大蝦伊麵底　－　等左好耐，諗住因為要焗所以先咁耐啦，　點知黎到見到好似冇焗過咁，只係一大pat 冇味既茶餐廳白汁，更加唔好講芝士味！！大蝦雖不夠爽口但尚算正正常常，不過伊麵底差到不得了，ｄ麵烚過龍，勁淋，仲要係淋到冇牙都食到果隻．．． 三小姐呀三小姐，人地伍仔記平又平過你，好食又好食過你，請問你係咪要改進下呢？…Read More

係openrice 買左團購$178 意大利半自助晚餐, 見到一眾食家既食評真係好擔心!!不過唔買都買左, 點都要食嫁啦, 唯有係閒日去希望人少d食物都好d啦.7pm 去到, 不到10枱客. 坐底後開始出去攞野食喇:即開生蠔 – 好細隻 (size 同 kumamoto差唔多…) 唔算好新鮮, 只有淡淡的蠔味,不過還可以啦. Parma ham – 由其中一個開蠔師傅負責埋切火腿, 一次只會切3片…. 火腿唔夠甘香, 不過勝在切得夠薄 ! 另外佢地本來冇預備蜜瓜, 好在8pm 左右出甜品生果, 我至有蜜瓜送parma ham….湯 – 試左羅宋湯, 有好多料, 都幾好味 沙律 bar – 有什椒沙律, 煙三文魚沙律, 燒什菇, 仲有d cold cut 等等多士 – 有3款, 鵝肝醫(應該係鴨肝醫黎), 蛋沙律, 三文魚他他?? 講真蛋沙律&三文魚他他多士賣相真係麻麻, 只食左鴨肝醫多士, 包唔夠脆.主菜 – 朋友的牛柳, feel到加左大量的鬆肉粉醃, 肉質淋而冇牛味.我的羊架, 有3件, 味道一般般, 不過起碼比牛柳好甜品 – 唔太吸引, 我只食左cream burlee, 蛋味好香, 如果再滑d 就更好另外, 侍應間中會拎住d pizza呀, 意粉呀4圍派, 朋友食左pizza, 我見佢好快食哂,應該都唔差掛. 講真開蠔/切火腿師傅既手腳真係好慢, 好在當日食客少, 問題不大, 如果唔係就肯定出現排隊攞蠔排到出街的情況.總結, 以 $200黎講, 還可以既... 不過就唔會再食lu …Read More

生蠔:　唯一好處就係唔駛排隊．　落order 侍應會攞俾你．　不過又“聲”又苦勁難食，　我直頭吐番出黎．海鮮bar 有蝦，青口等等，　我冇食蝦，　不過青口就食完一隻又一隻，鮮味拍得住mussel !呢度有好多不同的cold cut ，其中有隻辣椒味salami好好味，　好有辣椒香，　只有少少辣，　好香口！ 泰式沙律都幾好，雖然料唔多，不過味道唔差，夠多芹菜　（我至愛芹菜～～）　湯：有中湯西湯，　西湯係龍蝦湯，呢個龍蝦湯真係幾得！　以buffet 黎講交足功課粥檔：永遠大排長龍，　有不同的配料可加，（有高檔配料如海參，蟹黃，蟹肉，燕窩等等）再俾師傅製作生滾粥，　粥底都幾綿，唔錯！熟食款式都有１０款８款，　食過其中一，兩款味道ｏｋ的．　另外仲有燒味，粉麵檔，不過唔太受歡迎．甜品方面，疏乎里好多人食，　師傅密密手焗都供不應求，　仲有cream burlee ，　cheese cake 等等，我只試左cream burlee，　一般啦，唔夠蛋香，不過都算滑.今日係公眾假期冇優惠, 要 $280, 不過食物種類又多又好味, 價錢都算合理啦…Read More

其實原本想食佢對面的韓國野，不過只得２個人，擔心韓國太大碟，見到魚八水產又有＄７９隻松葉蟹，　結果就入左去．一入到去有ｄ驚，　話哂星期日晚市喎，點解得果兩枱客？？ 都唔理得咁多，　照食啦，　叫左 松葉蟹一隻　－已經開哂殼，淡淡肉，唔算太鮮甜，不過＄７９已超值魚八風什錦海鮮壽司　－　放面的蟹肉,吞拿魚碎,三文魚子,海膽,三文魚都唔錯，　其中三文魚子非常新鮮，　好有口感．　另有青瓜小卷墊底，個人就喜歡同海膽一齊食．串燒併　－有７串，　我覺得質素平平啦．．珍珠貝串燒－店方話係全香港獨家的，不過真係熟食冇生食，　肉質彈牙，都幾得意，仲重要係真係有粒珍珠俾你拎走．魷魚豉油漬　－　呢樣唔係間間有得食呢，有肝的，　味道非常強烈，　真係要飲多兩杯呀（見到樓下食評都好大碟喎，　不過我果次好似得６件？？　希望係我記錯啦．．．．）李白濁酒　－　最令我印象深的，竟然係佢既sake 杯　！！　好鬼靚．．．　係sogo 要過百蚊隻．．　（食飯前我就係去sogo搵sake 杯呀，因為太貴所以冇買到．．．所以係呢度見到隻杯我真係好開心） **本身想叫活雞魚刺身, 可惜是日冇貨,一於下次再食過 !! …Read More

兩年前已經想黎楓林… 上個星期日walk in , 點知full house, 冇得食..今次有book 位, 終於得償所願.2個人叫左3個餸, 一於食餸飽.- 乳鴿1隻, 開邊 ($85) 一人半邊用手食, 好過癮, 乳鴿有少少肥, 肉汁夠, 好味道. (不過唔見有內臟送??) - 芋蓉香酥鴨 半隻 ($130) 大約有10件, 芋蓉都幾滑唔錯, 炸漿亦香脆, 不過鴨件過肥, 少肉, 鴨肉唔香, 冇乜鴨味. 潮州酒家的好食得多.- 炸鮮奶 ($75) 炸漿脆口, 厚薄適中, 不過2個人食真係好灟呢…加多一枝啤酒 $ 35 , 一罐可樂 $12 , 加一茶介等等, total $368, 真的貴左d…Read More

張木魚 2食 (唔知有冇記錯個名?) 刺生 -肉質爽, 有少許油份, 不錯, 不過$320就貴左少少.魚湯 – 魚頭魚骨會食黎淆湯, 待應係最後至將湯奉上, 好香濃, 好正牡丹蝦2食 $90/3隻牡丹蝦去頭去尾, 變左3粒牡丹蝦上碟 !! (加支小花, display 得好靚) 食落好甜, 非常唔錯,呢個價錢有3隻都幾抵食 師傅請將蝦膏做軍艦, 不過d 蝦膏就真係一般, 有一陣”穌”味墨作營光魷魚 $98 呢個真係搵笨啦, 因為我平時都鐘意食營光魷魚, 好有興趣試下加左墨汁既營光魷魚係點….咁就中招…. 同平時既營光魷魚, 唯一分別就係價錢囉鰻魚壽司 $45 /三文魚壽司 $30 / 特上海膽壽司 $100所有壽司1客4件, (當然比較細件的), 老實講我幾鐘意呢個size, 1口1件剛剛好.不過…. 鰻魚 同三文魚都係一般迴轉壽司貨色….什至更差…., 非常不值 (此刻真係好掛住考勢既鰻魚壽司)特上海膽份量稍多, 可惜海膽帶少許苦味,海膽唔靚,再多海膽都冇用.串燒 牛舌 / 番茄豚肉卷 / 青椒豚肉卷 / 雞皮 各1牛舌好爽口, 中心仍然係粉紅色, 味道不錯, 但係碟底好多油, 唔知係炸而唔係燒??番茄豚肉卷 – 豬肉好有肉味, 加上新鮮番茄, 好好味青椒豚肉卷 / 雞皮 – 合格仲叫左玉乃光 300ml $100 x 2, 埋單total $1100, 用呢個價錢, 大把更好的choice.…Read More

雖然我對勁大件的壽司刺生冇乜興趣，　不過呢度食物質素都是ｏｋ的，　加上價錢不貴，　所以都黎過３－４次．禽日襯黑雨再去幫襯，如我所料唔駛等位，不過食物就令我大失所望　！！角切三文魚刺生：　三文魚唔肥，　一ｄ油香都冇，　我地一人捱２件就放棄左，　連最簡單既三文魚都唔好食，　作為一間日本餐廳真係顏面何存？？ 明太子沙律壽司，帶子壽司：明太子＆帶子ｏｋ　啦，　正正常常，不過壽司飯就．．．．冇味嫁．．．　落多少少壽司醋得唔得呀 燒油甘魚頭：　呢個幾好食，好好心機燒到好香好脆，係全晚最好食既野蟹子沙律：縮左水，　以前好多好多蟹子，　而家少左，　不過＄３２都仲ｏｋ　既． 食左以上既壽司刺已經怕怕，　（老實講連元祿既壽司都好過佢幾斑）未食飽都埋單走人，　食完之後個人好空虛．．．結果要去食甜品回補番空虛既心靈．．．…Read More

原本叫崩沙腩河, 冇崩沙腩又唔講, 私底下同我轉左做牛根腩就算, 已經不太滿意, 不過因時間關係唔想再等, 將就係要左佢…牛根- 很淺色, 呢間野做清湯腩, 連d 牛根都係清湯牛根, 牛根冇身已經係冇味既野, 加上清湯做法, 食落有咩味可想而知…牛腩 – 又係完全無味, 講真, 如果蒙住眼食, 我會估自己食緊煲完湯既瘦肉囉成$29 既河粉, 我只係食左一半就放棄左...其實仲未飽嫁, 不過真係好難食....好在叫左杯奶茶, 唯有飲奶茶飽見到逼離位食緊既番茄湯底牛腩河, 哇, d粉上面既番茄好似冇煮過咁完整, 利害利害…Read More

臨時決定黎呢度睇波 打邊爐, 好正呢度夠大又唔係旺區至有位咋~~黎食飯既都係一大斑人 / 一家大細多, 我地得2個人立即有枱 . 因為要睇波, 要食耐d, 所以2個人都打邊爐 (人少真係好唔抵…) 湯底 – 細豬骨, 有3-4件大大的筒骨, 大量蘿蔔, 粟米等等, 正正常常, 唔算特別好食/差聖子王 – 好大隻好厚肉, 又甜, 好好好食. 游水中蝦 – 隻隻生猛, 不過我對蝦唔係特別鐘意, 所以覺得同平時d白灼蝦冇乜分別.手切牛 – 雖然個樣唔太靚, 食落又幾好食喎. 牛味夠重, 肉質都ok ,一d 都唔難咬, 可惜份量細左d…新鮮4寶丸 – 牛丸 麻麻地; 蝦丸 都幾彈牙; 鯪魚球, 有陳皮味, 好香; 墨丸, 彈牙好味道魚肚 - 一碟有好多件, 幾抵食, 淥到淋一淋, 索哂d 湯, 好食過棉花雞 食多過 菜, 加幾枝啤酒, 已經好飽, 埋單$500, 坐左成3個鐘, 又食靚牛又食海鮮, 都算物有所值…Read More

去左朗豪坊既近又吉列店..試佢個鎮店之寶”黑胡椒千層豬”, 勁乾呀, 又鞋又冇豬肉味, 咬落去除左黑椒味乜都食唔到.黑胡椒分佈又唔平均, 中間既位置勁多黑椒, 攪到好辣 ! 另外一個吉列豬柳+廣島蠔餐吉列豬柳反為ok, 起碼肉質軟d, 有少少肉汁. 不過有甩皮情況….廣島蠔- 都幾大隻, 味道唔差吉列皮就如樓下食評所講, 放耐左會較硬, 小心小心. 下次都食番去食丼吉算….咁多年都大排長龍, 總有原因.…Read More

去開CWB, 特登過黎食炒蛋, 呢度環境比佐敦好D, 坐位較舒服.入到黎見到咁多名星相 & 簽名?? 聽聞老闆係*華星唱片公司*前職員... 不過唔理佢邊個開, 好食最緊要 !!唔駛諗, 叫左茶餐, 首先食多士,質地 好鬆軟, 烘到少少脆, 好好味.跟住食左火腿, 依?? 凍冰冰既... 好似係雪櫃度攞出黎咁... 仲有 , 兩塊火腿一厚一溥..可以靚仔少少嗎??炒蛋, 都算滑, 但唔太香, 比起佐敦店, 仲有距離喎. 如果呢度既炒蛋有8分, 佐敦就有10分.最後, 叉燒通粉都幾好食, 不過份量較細.熱奶茶, 幾滑, 不過我鐘意濃D.應該唔會再黎.... …Read More

31 dec 晚, 3大人 + 1小朋友開左兩隻紅酒, 開兩支都有試酒的步驟. 叫左煙鴨胸沙律, 沙律汁撈得均, 菜夠新鮮, nice 南瓜忌廉車輪粉 , 個汁加左南瓜溶,好香甜, 唔差喎 紅酒炆牛尾，　牛尾都幾淋，　汁好濃，　加上附送的３片蒜溶包，　份量稍大，　已足夠２個女仔飽肚～～以份量＆味道計，價錢不貴，　salad 40-50, pasta 類around 60- 80, main course around 100-150** 冇預到咁好食, 所以冇影相** 係門口見到佢原來有ｄ黑/白松露醬賣．同citysuper 賣的是同一牌子，　價錢平over 20% !! (因為我上星期至係citysuper 買左一樽，　所以好記得價錢)　抵買!!…Read More

一行5人9pm 黎到甜品大少,應該未係peak hour 的關係, 當時入面冇客, 睇見meau 有好多甜品都暫停, 心已一沉, 唯有係有限既choice 入面簡啦.點知想叫雪耳燉世界一蘋果, waiter 話已停, 而家轉左燉雪梨, 不過今日雪梨都賣哂 !! 想叫蘋果金寶, 又冇,. 乜都冇都唔知攪咩 !! 好啦, 卒之叫左心太軟, 番薯糖水+番薯小丸子, 雪耳桂圓紅棗清心丸糖水 , 芒果黑糯米.心太軟 正正常常啦番薯糖水+番薯小丸子 等左半個鐘至黎 !! 番薯糖水唔夠薑味, 番薯小丸子幾特別.雪耳桂圓紅棗清心丸糖水 好多料, 唔差芒果黑糯米. d糯米有殼 ! 椰汁太少又唔夠甜, 泰國餐廳比好食10倍總括黎講.. 我唔會再黎.…Read More