iampumpkin's Profile

「🤍美好總要經過漫長等待, 就如梔子花開🌸」難得老闆早放我工，梗係要去Cafe扮吓文清，hea住過返個唔使用腦嘅悠閒下午啦～ 加上見到佢地咁有意境嘅理念同花語💭🙈🌸梗係要支持一下啦🙆🏻‍♀️《🥑牛油果蟹肉意大利麵🦀》$148被譽為「超級食物」嘅牛油果，本身冇咩味道，但卻有淡淡獨特嘅奶香和草香，同埋乳酪咁嘅質地。估唔到用來做意粉汁會咁好味，呢碟意粉，肯定用咗唔止一隻牛油果🥑！味道超濃烈！另外，佢嘅意粉加咗一啲芝士融喺汁入面，雖然有啲膩，但係非常夾！令味道更加醇厚，口感極為順滑。而且蟹肉份量都唔少，絕對值回票價，小編真心推介俾大家。🥰《炸魷魚軟骨🦑》$58炸雞軟骨就食得多，炸魷魚鬚都食唔少，就係炸魷魚軟骨就好似未食過🤔熱辣辣、脆卜卜，又有咬口，一食就停唔到口，如果有埋杯啤酒就好喇🍻～🤪🙈《芝士磨菇釀雞翼🧀🍗》$68雖然只係得四件，但係每一件都真係幾好味😋釀雞翼係一款功夫菜，最難得係令到裏裏外外都夠熱之餘，雞肉又要保持到肉嫩多汁，加上芝士蘑菇已呢個不敗組合，好味！😋《🍵Hot Matcha Latte》$45有拉花，抹茶味超濃，冇死甜。記得要一邊飲一邊攪拌，因為抹茶粉太多，有機會會沉底🙈但我就喜歡咁濃厚嘅抹茶鮮奶🤪🍵。總括而言，餐廳嘅嘢食物真係唔錯，價位都係同區Cafe嘅一般定價，環境舒適寧靜，位置亦交通方便，值得一試。下次一定要試埋佢個招牌開心果蛋糕🍰！😣…Read More

又返嚟香港仔喇～不過今次唔係做嘢，而係幫人湊細路哥👨‍👩‍👦，帶住個小朋友，梗係要搵間坐得舒服又要簡單抵食先得。《紅燒排骨湯米線》🐷 湯底可選牛骨或豬骨湯，小編點左豬骨湯幾清甜。紅燒排骨用一粒粒嘅細排骨粒，肉質排骨軟糯，入口即溶，可以食到甜甜地嘅冰糖味🤪。米線配有酸菜，加上每一張枱提供嘅辣椒油，麻酸辣令口米線湯底更惹味🤤。辣椒油一定要試吓，有少少似口水汁，比一般辣椒油更加着重麻嘅味覺👅。至於米線口感，小編則認為比較脆身，差點軟糯煙韌。《芫荽皮蛋脆鯇魚泡飯》🦆🥚🐟湯底係奶白色嘅魚湯，清清地，無味精真係值得一讚👍🏻😋鯇魚片爽脆，碎骨唔多。份量方面，鯇魚片同皮蛋都好多，超飽肚！泡飯仲要用上日本珍珠米😍，口感煙韌好多～《藤椒雞粒蔥油餅》🐓🍕呢樣小食係餐廳推介，蔥油餅包住麻辣雞粒一齊食，食法夠新意而且味道都幾夾👍🏻。蔥油餅好酥脆，略嫌藤椒雞粒唔夠辣同有啲乾～《剁椒皮蛋》🥚簡單菜式，為咗迎合本土嘅口味，多蒜🧄多辣椒🌶️，香醋夠酸，就係呢度菜嘅靈魂。最令小編覺得特別嘅就係佢個口感，唔知點解食落去有啲似溏心蛋嘅感覺🤤，非常特別。《麻辣豬耳朵》🐷份量唔少，夠麻、夠辣，由佢嘅顏色已經得知佢有幾入味。豬耳朵切得幼細，方便送飯。加埋白芝麻粒，加強香脆口感👏🏻。《炸蝦醬雞翼》🦐蝦醬味道唔會太鹹太濃烈，用淡蝦醬醃剛剛好，做到提味效果，估唔到兩者會咁夾。炸得非常香脆金黃，醃過嘅雞翼，好難做到入味之餘又唔炸燶，雞翼剛熟，肉嫩多汁。小編非常推介！😋✌🏻《辣椒咖啡》冇乜辣椒味，可能係因為點咗凍飲，味覺遲鈍咗?! 要大啖大啖飲先有少少辣味🙊《玫瑰咖啡》雖然冇拉花，但勝在係即磨咖啡，但佢用嘅玫瑰糖漿偏甜，下次會叫小甜🙈最後，我們兩個大人加一個細路，食到勁飽。如果您仲唔夠食？餐廳可以無限添加飯或者米線！啱晒我哋呢啲帶着小朋友嚟食又想慳錢嘅人🙈仲有！如果外賣，主食餐牌可減$10添！真係良心店鋪🥰…Read More

要四周圍做跑腳嘅我，今次嚟到尖沙咀，見到有人派傳單sale緊日式set lunch，見價錢都幾抵，而且係新開嘅餐廳，一於試吓佢！🤪餐廳係樓上鋪，面積唔大，但係有單邊嘅落地大玻璃，非常光猛，景色都幾開陽，望尖東景，一坐低，侍應就即刻遞上熱茶同埋介紹餐牌，抵讚👍🏻！Lunch set會有前菜同埋餐湯，嗰日就係炒雜菜同埋青瓜蟹籽沙律🥗。有別於一般餐廳用麵豉湯，呢度係用鮮魚製作嘅魚湯，濃郁嘅魚湯配上香蔥粒非常鮮味，前菜來講都幾有誠意。《串燒拼盤丼》$68🍖串燒賣相精緻吸引🤩，一共有五串，有雞翼、雞腿肉、五花肉、玉子、炸豆腐。串燒炸豆腐惹味酥脆；雞翼串皮脆肉實，有嚼勁；燒玉子保持到嫩滑多汁易入口；薄切五花肉串微微焦香惹味而不膩；雞腿肉則肉嫩多汁。不過整體略嫌有少少鹹，不過配埋白飯就啱啱好！《四色魚生丼》$88🐟🐠🐡四色魚生包括油甘魚、鰈魚、三文魚同埋蟹籽。三文魚雖然唔係好多片，但每一片都係大片厚切，肥美而且油脂豐富，冇筋冇渣，入口即溶。油甘魚食落則淡淡甘甜，口感清爽。至於鰈魚邊就用左火槍火炙過，油脂被逼出後，令入口更見濃郁甘香，突出魚油豐富嘅特點。最後撈埋大量嘅蟹籽，好啱送飯🤤。總括而言，呢度舒適恬靜嘅環境，加埋貼心嘅服務，性價比都幾高！另外餐廳老闆話佢哋仲有包場服務，又同我哋介紹日式料理套餐(九宮合盛/刺身盛五盒)，老闆仲好風趣咁話下次帶埋朋友仔嚟試一定會俾個discount我🤣🤪！多謝老闆先～🙊🤣…Read More

相信係九龍城搵食嘅朋友都有聽過佢嘅大名。當年於九龍城扎根嘅小店，而家已經發展到有五間分店，就連元朗都可以食到。今次就等小編試吓佢同當年嘅水準有冇分別啦！🧐🤪
💛《泰式鮮蝦柚子沙律》🍤🍈柚子果肉綿密回甘，甜度同街邊$3x貨仔有好大分別。其口味較其他泰式沙律清新，唔會啖啖肉。鳳尾蝦🍤鮮甜爽口，口感彈牙，明顯有冰鎮處理過👍🏻。柚子🍈肉連花生、炸紅蔥頭蒜片、腰果等一齊食，口感豐富。再以青檸魚露椰糖混醬，開胃得嚟又甜甜蜜蜜🍯💛《泰皇咖喱法包軟殼蟹》🧄🌶🥘🦀軟殼蟹🦀幾新鮮，夠曬大隻，炸得非常酥脆。咖喱味道唔辣，重椰香味🥥，啱晒唔太食得辣嘅我。咖喱落咗雞蛋🍳，有少少杰身，陣陣蛋香味，點埋法包食更加一流!!🤤💛《極上燒安格斯西冷牛小排配白飯》🐮一聽個名，小編感到好奇，因為牛小排同西冷通常係兩個部位。🐮大大塊西冷嘅size，雖然油脂較少，肉質較為厚實，但勝在成塊冇乜筋位，加上廚師👩🏻‍🍳火候控制得宜，粉嫩肉心配微微焦香外表，加上靈魂所在嘅泰式醃料同醬汁，係個低調又好味嘅Fusion菜。💛《豬&雞沙嗲串燒》🍖(午餐加購)午餐加購$25可以獲得沙嗲豬肉及沙嗲雞肉串各一串。小編覺得兩者嘅醃料都非常入味（唔點沙嗲都冇問題）而且都幾大串，個人認為豬肉比雞肉更為Juicy🙉。💛《熱龍眼水》& 💛《椰皇沙冰》🍧午市套餐附送熱龍眼水，超多粒龍眼，起碼有六七粒，味道清甜解膩。椰皇沙冰都真材實料，啖啖滿口椰皇嘅清甜，解渴，而且非常大杯，小編飲完超滿足🥰。總括而言，餐廳嘅水準依然保持得好好👏🏻，Menu多元化選擇多👍🏻而且lunch又有唔同嘅價位👍🏻供客人選擇，難怪多年來依然屹立不倒！🇹🇭💪🏻…Read More

講起新蒲崗覓食，相信好多街坊都會推薦呢間小店俾您，老闆一直堅持以小本經營提供性價比極高嘅美食俾各位街坊，所以咁多年以來晚晚都會排長龍。🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️🚶🏻🚶🏻‍♀️歲月如梭，好多呢類上海拉麵🍜小店都逃唔過時代巨輪嘅淘汰，好多上一輩嘅師傅都已退休，好似呢間堅持人手製拉麵嘅舖頭真係少之又少，而且呢間小店嘅味道絕對會令您食得出現今罕見嘅人情味。《招牌小籠包》(5隻) $48🥟仲記得初初第一次食嘅時候，嗰時嘅小籠包仲係賣緊30幾蚊，事隔多年，味道同份量一啲都冇改變過，依然係咁足料同大大隻！🥸小籠包嘅湯汁多到好似食緊灌湯餃咁，足足一湯匙，顏色偏淺，油分不算太多，味道清鮮，仲有肉的鮮甜味。豬肉餡料質感鬆化。小籠包外皮皺褶要工整統一，厚薄適中兼透光，即使咁多湯汁都唔會易穿。🤤《豬扒担担湯拉麵》$58小編覺得呢度嘅擔擔麵都幾濃味同幾辣🌶，可能因為辣椒油、花椒油比較重，反而芝麻醬花生醬🥜比例較輕，所以色澤方面亦都偏紅。榨菜粒、花生粒同肉碎麵唔少，令擔擔麵生色不少。🐷豬扒係炸嘅，好大塊，夠厚身夠Juicy，醃料好入味。至於拉麵條亦不得不讚，手工拉麵的確比較彈牙有口感，同機器製確係有好大分別。《花雕醉雞🐓》$80🍻花雕酒味非常非常非常重！！醃得超入味，雞肉肉質嫩滑而且肥美🐥，簡單但超水準👍🏻。總結而言，呢間小店嘅食物水準高，但都只係堅持賣緊街坊價，所以性價比係爆燈！而且小店每日不辭勞苦製作用手工拉麵，當中嘅人情味同埋堅持，令到每位食客都感受到一份暖意～🥰…Read More

《Be Leaf All Day Breakfast 》🥐🍳全日早餐有傳統英式血腸、煙三文魚、煎蕃茄、黑松露炒滑蛋、麥包、牛油果、沙律菜，同埋與眾不同嘅炸蠔🦪。有成8樣嘢咁多！但每一樣嘅份量都非常多，一個人食應食唔晒。滑蛋夠晒滑，加埋塊麥包一齊食就可以變蛋多士！🤤不過如果炸蠔有得配埋蛋黃醬就perfect喇～🤪《香蔥烤鴨芝士薄餅》🍕🧀薄餅非常香脆，而且芝士非常多，口感煙煙韌韌，烤過嘅芝士突出咗芝士嘅鹹香味！烤鴨比起用煙肉或火腿類更為Juicy。鍾意鹹香脆口感嘅朋友一定要試吓～🥸總結而言，餐廳裝修、佈置、枱櫈、以至杯碟都經過精心設計，只要走進餐廳就會覺得自己置身於峇里嘅渡假村，呃吓自己去咗旅行🧳😢餐廳仲係動物有善，唔少人都會帶埋佢哋嘅貓貓🐱狗狗🐶一齊嚟享受呢份嘅假日悠閑。…Read More

之前已經聽過呢間咖啡店嘅大名，今次第5間分店開到嚟黃埔咁近我，梗係要去幫趁一下啦! 舖位有一整列向街既戶外座位，背靠一整排落地玻璃窗，日光可以照到餐廳大部分坐位，啱晒狗主們帶住毛孩🐶嚟打卡Chill下。而最重要嘅係⋯今次竟然俾小編撞到可遇不可求嘅柴犬店長之一：熊仔🦮「巡視業務」!!!!超級幸運!!!😍
《Deluxe Egg Benedict w/ salmon gravlax》🍳🐟$148Benedict一向都係蛋料理之中比較多工序的，首先水波蛋，要加一湯匙白醋後運用輕、柔、慢在滾水中煮，蛋嘅流心程度全取決於廚師嘅經驗，呢間Coffee Shop就做得好好，一刀切落去流心蛋黃就蜂湧而出，正!! 🤙🏻Benedict另一個重點就係酸酸地嘅荷蘭醬，荷蘭醬屬於牛油醬系、肥美的醬汁，主要由蛋黃和牛油打發而成，可以話係分子料理的鼻祖呢! 小編就試過自己整果時因為打撥不夠，令醬汁稀溜溜。呢度嘅荷蘭醬質地豐厚綿密，香濃檸檬襯上味淡黃色嘅荷蘭醬，表現非常出色。加上標配嘅一大條煙三文魚腩，煙燻味十足，肥美得嚟又啖啖肉，食得好滿足。😚《Black Sugar Cheeseburger🍔》$158塊牛一啲都唔乾唔嚡，幾Juicy，肉味重，而且有兩層，加埋都好厚身足兩。配上半溶芝士、千島醬、洋蔥汁，極度邪惡😈！薯條屬於扁粗身而且脆口🍟另外仲有芝士粒、番茄仔同埋沙律菜伴碟🥗，美觀但份量較少，同埋小編覺得如果用黑醋作點綴都唔錯，可以解去重芝士嘅肥膩感。《Flat White☕️🥛》$40佢地嘅Signature Drink每一款也代表著幾隻店主所養嘅柴犬不同既性格，並以此命名，不過小編今次冇點到，而係叫咗杯平實嘅Flat White🤍。呢度嘅咖啡一向係信心既保證，入口滑溜，咖啡豆味亦算香濃，咖啡拉花亦非常精美，啱晒打卡📸～總結而言，Coffee Shop嘅價錢偏貴，份量偏少，但食物質素高， 同埋重點係市區少見呢啲動物友善餐廳，如果帶埋自己心愛嘅毛孩🐶一齊嚟嘆下咖啡☕️曬下太陽🌞確係一件樂事～…Read More

旺角出名多Cafe，交通方便，絕對係一個Hea足一個下午嘅好地方，之前幫襯過呢間嘅觀塘分店，今次就一於試吓旺角呢間！😛《是日餐湯 + 沙律 (跟餐)》🥣是日餐湯係忌廉南瓜湯🎃，飲落去口感比較Creamy，忌廉味🍼偏重，比較甜。沙律🥗加入咗車厘茄同麵包脆粒，口感豐富，以柑橘醬作為沙律醬汁，口味非常清新。《金沙卡邦尼煙肉扁意粉🍝》加咗鹹蛋黃之後嘅卡邦尼你意粉雖然少咗Creamy嘅感覺，但就添上一份鹹香，同煎香咗嘅煙肉非常夾，再加上黑椒粒嘅辣味，令整道菜變得更加惹味！《巴馬火腿田園凱撒野菜沙律🥗》帕馬臣芝士絕對係凱撒沙律醬中的主要靈魂之一，味道非常突出，跟鹹香味十足嘅巴馬火腿簡直係絕配，再加入大量嘅菠蘿🍍，令沙律變得更加有夏日渡假嘅悠閑感覺～ 《🍓雜莓忌廉貝果包🥯 配 雪糕》Cafe之旅點可以冇甜品，如果想有少少飽腹感，可以試吓呢個，呢度嘅貝果包都幾大個，作為下午茶一定好夠飽，忌廉+ 雪糕全部都係吸睛指數爆燈嘅素材！🙈🥰《洛神紅莓莓乾花茶》🌺🫖悠閒嘅下午最梗點可以唔叫番壺花茶！洛神花有抗氧化、降血壓功效。味道係先酸澀，後回甘，加埋蜜糖，令花茶味道變得更加清甜。《凍意大利薄荷咖啡》🧊🌱薄荷味都夠濃，另外我幾欣賞呢度嘅凍咖啡唔係成杯都係冰，可以慢慢坐低慢慢飲，都唔會變晒淡咖啡👍🏻👍🏻《薰衣草咖啡》☕️🌿薰衣草嘅香氣好強，令人心曠神怡，咖啡都夠nutty，美中不足嘅係膠杯雖然靚但冇拉花同埋有啲辣手🙈☕️《🍵抹茶雪山心太軟 配 雪糕🍦》心太軟唔係好複雜嘅甜品，呢度都算整得唔錯，🔥焗嘅時間啱啱好，外皮唔會太硬/燶，保留到少少煙韌嘅口感，裏面就有仲大量嘅流心抹茶岩漿🍵，加埋焦糖雪糕🍦，真係甜入心！🥰…Read More

又到假日覓食時間喇！今日帶埋媽媽去上環搵好嘢食，然後再同佢慢步舊區！👧🏻👵🏻一於慢活過一天！《蟹肉蝦仁沙律🦀🍤🥗》呢個沙律啱晒啲食肉獸用嚟做健康藉口🙈因為蟹肉同蝦仁都超多超多超多！超抵食！開胃嘅黑醋配搭鮮味十足嘅蟹肉令整道頭盤都非常清新！《美國安格斯特級平鐵牛扒8 oz 🥩》平鐵牛扒是指牛三角肩對上的肉位，平時較少人留意，肉質紮實中帶點柔軟，肉味亦濃，唯一缺點是較多厚筋，處理工序多。經過慢煮之後，牛扒小編認為牛扒嘅口感非常鬆軟，切開後呈粉嫩色，大約看似平時5成熟的口感，但又唔會血淋淋咁，牛味甚至比一般牛柳更濃郁，而且牛扒表面用咗pan煎封返外層，令佢香脆微焦，帶出香味。《慢煮紅酒香草羊後膝12oz🐑》慢煮嘅方式完整保留食材的細胞結構，及避免水分流失及變得粗糙。羊後膝雖然厚身，但肉質依然非常嫩滑，略帶淡淡粉紅色，切開時見到大量被封鎖嘅肉汁同油份噴出，超juicy!! 🤤羊後膝嘅孜然味香濃，加上紅酒香草汁都非常惹味，所以食落冇乜羊羶味。咁大舊肉真係好難煮得好，但從每個細節位都可以睇得出餐廳廚師嘅用心～《慢煮紅酒梨🍐 配 朱古力布朗尼🍫 + 意大利雪糕🍦》紅酒煮梨係著名嘅法國甜品，係生活節奏急速嘅香港真係越嚟越少見，甜品不在乎紅酒的品質，而係講究火喉，紅酒唔可以煮至沸騰，因為會破壞紅酒和果汁的甜味，所以慢煮非常合適。餐廳嘅紅酒煮梨肉桂味非常濃厚，梨肉非常爽脆，紅酒滲透每一串梨肉，紅酒和果汁的甜味混為一體，超夾！朱古力布朗尼嘅唔會太硬，口感不錯，帶出朱古力嘅苦味後，再用楓糖漿平衡番，不俗！再加埋當日嘅雲尼拿味意大利雪糕🍦，為這餐畫上完美句號～🥰總結而言，呢間餐廳絕對係性價比制霸！廉價嘅價錢就可以品嘗到如此用心製作嘅食物，仲要免加一服務費！環境又夠寧靜同有情調，回頭率100%！💯…Read More

朋友鐘意食日本野，為咗同佢慶生🎉🎉🎂就梗係要搵間好feel又好食嘅居酒屋！呢間鋪頭細細，但原來有樓上雅座，雖然枱數唔多，但黑黑地，蠻有情調的，情侶聚餐或者三五知己食飯啱晒！竟然係豪一次，梗係要問下侍應有乜係餐廳重點推介，而又性價比高，於是餐廳侍應就推介左呢幾樣熱門俾我🤩🤩🥰《六貫壽司刺身配烏冬》🐟🐠六貫壽司刺身包括兩片厚切三文魚、池魚、吞拿魚、帶子、甜蝦、北海道海膽、三文魚籽軍艦(隨時令略有不同)。所有魚生都非常新鮮肥美，每件都係由師傅慷慨大刀厚切🔪，包你食得滿足。另外烏冬🍜都幾大碗，同時亦唔係一般hea貨色，煙韌嘅口感，毫無人工添加劑，呢啲都呃唔到人的👍🏻👍🏻！《網燒西冷牛扒丼》🔥🍖🥩西冷為牛的後腰部分，🐄脊柱兩側的脊肉，比較有咬口而肉味較重。餐廳選用嘅牛扒嘅脂肪與肉質比例非常均勻，用網燒🔥嘅方法不會太肥膩，師傅燒牛嘅火喉亦控制得宜，每片牛扒都帶粉嫩紅色，帶出香濃嘅牛肉味！另外仲有一隻生雞蛋🥚拌飯，令米飯都不會單調，大滿足！《極上鹽燒牛舌芯》🐮👅💛牛舌芯係牛舌中間部位，口感比較爽口，適合燒烤，一般餐廳唔算常見。呢度嘅師傅再從中嚴選咗肉芯最軟嫩位置，貴精不貴多💎，令口感爽滑之餘，油香味濃！簡單配搭鹽燒炙🔥，盡顯濃郁牛香。連平時對牛舌同內臟一般嘅小編都覺得好好食😛《蓬鬆玉子》🥚🍳👨🏽‍🍳 同一般嘅玉子煎非常唔同，佢嘅外貌似係普通玉子燒mix大板燒咁🍳，但口感就令小編非常surprise，因為佢係炒滑蛋般嘅嫩滑口感🤩，神奇嘅係當小編將玉子切開嘅時候，竟然流出半熟蛋汁同芝士拉絲🧀！🥸有煮過玉子煎都知道越內層該是越易過熟過老，呢度就反行其道🔄，既有新意，又考師傅廚藝！《明太子芝士山藥串》由於山藥營養多又便宜，一直都係相當熱門的食材之一，但係一般家庭少煮，因為處理麻煩，一不少心就會令皮膚紅腫發癢😣。呢度嘅師傅并非如一般餐廳咁切絲炒熟，而係厚切原片山藥，加上鹹香十足嘅明太子同芝士🧀，令味覺取得非常好嘅平衡，其外觀就似一件件蒜蓉包似啲，蠻可愛的～🥰…Read More

為咗方便舊同事嘅放工地點，今次揀咗係黃埔同佢哋食飯兼慶生🎂，見呢間餐廳嘅氣氛環境都好似唔錯，仲要係新開張！就一於去試吓佢！😌我哋一行有四人，叫咗一個Family Set $988一齊share食～《Salad of the day》🥗有巴馬火腿、大量火箭菜、苦苣及生菜🥬，配少少巴馬臣芝士，比滿滿沙律醬的沙律更為清新和低卡路里。《1/2kg香草白酒煮青口配著條》🥂🐚🍟這道菜同為starter一道菜，小編覺得非常滿足，齋講份量都已經好抵，四個人每人都可以食到四至五隻，白酒🍶帶出青口嘅鮮甜，果然係貝殼類海鮮嘅絕配😋 《葡式香辣燒春雞配著條》🍗🐥燒春雞係呢度嘅主打菜式之一，外表烤到金黃色，微脆，肉質尚算鮮嫩多汁，但雞胸位始終略鞋，不過以春雞嚟講勝在夠大隻，啖啖肉，加上惹味香辣嘅醬汁，的確值得一試！著條係幼薯條🍟，澆滿BBQ粉，仲要超酥脆！唔洗點茄汁都已經好好味！《12安士安格斯肉眼扒配忌廉薯蓉》🐮🥩🥔安格斯肉眼扒，小編嘅朋友比較怕血淋淋，所以叫7成熟，肉眼扒超級厚身，👨🏼‍🍳大廚將火候拿捏得非常準確，七成熟的牛扒剛好冇血水，而肉質色澤仍保持到嫩嫩嘅粉紅色，入口食得出油花豐富，口感軟腍，肉汁豐富。《蟹肉巴馬臣芝士脆脆蕃茄忌廉汁通粉》🧀🍅通粉係用粗管短通粉，正是小編最愛🙈因為口感較煙韌，而且襯非常掛汁😋最啱呢類芝士味非常香濃而且多汁嘅菜式。而蕃茄醬令忌廉汁變成鮮橙色🟠，非常吸睛，同時中和忌廉嘅肥膩感🤩蟹肉份量唔少，令整碟通粉變得更矜貴😛《Homemade Matcha Cheese Cake》抹茶味同芝士味之間嘅平衡做得幾好，味道屬於比較清淡嘅芝士蛋糕，口感方面則比較似mousse，比一般嘅芝士蛋糕綿滑多倍。由於我哋有人生日🎂🎉🥰，於是叫餐廳幫手係碟加咗個happy birthday tag 🏷 (盛惠$25，要慶生嘅朋友記得預先通知餐廳喔～🥳🥳）《Tropical Punch》+$98 for two 套餐可以以買一送一加購飲品，Tropical Punch嘅菠蘿味同熱情果味非常出，飲落唔覺係人工果糖嘅死甜，係一款大人細路都啱號消暑推介🍍🍍🍍…Read More

餐廳有幾款主打嘅米線，包括巴蜀酸辣肉燥撈米線、蜀地川風水煮米線、同埋只限堂食嘅藥膳麻油雞米線！但我唔算好食得辣，下次帶埋朋友仔先再試前兩款😛《藥膳麻油雞米線》👵🏻👴🏼🐣碗麵一上枱，就即刻聞到超香嘅麻油味！真係好香！！😳 麻油份量好重手，因為由頭食到落尾，每一啖都可以食到麻油味😳👍🏻👍🏻唔知係唔係加咗大量桂圓同紅棗嘅關係，湯底非常非常甜，唔講仲以為落咗糖🍯，不過係好味嘅，因為唔係味精同死甜味👍🏻 加上蟲草花、雲耳同金菇作配菜，令色彩繽紛之餘又健康。雞件方就冇乜調味，勝在係去骨雞腿肉同低鈉，但肉質比較鞋，有進步空間～整體來講，味道都係一流，食完個身都暖笠笠，而且價錢一啲都唔貴，性價比甚高🥰*餐廳依然做緊新開張優惠，🎓學生減$3。另外凡惠顧米線一碗可以優惠價$5加購凍/熱飲品。…Read More

小編以前喺新蒲崗工作過一段短時間，嗰時已經知道呢一間Cafe非常出名，但係由於成日都大排長龍，所以等到今日先終於有機會食到。😭《經典牛油黑糖漿梳乎厘班戟(2pcs) - $88》🍯🥞經典嘅黑糖漿+忌廉奶油本身己經係不敗配搭，加上晃晃下嘅梳乎厘真係幸福感滿分💯 梳乎厘嘅空氣感做得唔錯，好厚身但又唔會太過蛋糕口感，而且蛋味亦都好香，由色澤睇嚟都可能係用咗日本蛋🥚，值得一試🙈👍🏻《日式海鮮大阪燒酥皮薄餅 - $168》🇯🇵🍕第一次見呢個組合嘅薄餅，海鮮餡料都幾足，超多八爪魚🐙，而且好多大阪燒醬🇯🇵同木魚絲，真係好似食緊日本章魚燒咁🍡，另外佢嘅薄餅底係酥皮底，幾酥脆又有牛油香，非常特別！小編都未試過，覺得好新鮮，真心推介俾大家！😋《黑糖焙茶鮮奶 - $39》🖤🍬🥛台灣嘅黑糖珍珠鮮奶就飲得多🧋，熱嘅黑糖焙茶鮮奶都係第一次飲，聞落去有一種有一股獨特焙茶香氣，鮮奶增加飲品嘅順滑口感，最後以淡淡黑糖味作為點綴，層次感不錯😌《抹茶鮮奶 - $37》🍵搽茶鮮奶一個字講晒：濃！🙈非常濃！🙈以半價加購簡直係抵到核爆💥仲要有靚靚拉花，可以慢慢同friend打番個靚卡先📸*平日一至五來幫襯的話， lunch time時段為12點至2點半 ，下午茶時段為2點半至6點，叫指定嘅食品(午餐：熱食/下午茶：甜品)可以附送/以半價加購特飲。(Set menu 在尾圖）…Read More

今個Happy Weekend約左啲中同聚舊，咁多年冇見，梗係要搵間餐廳可以傾耐啲，又可以啤啤佢，最好仲要交通方便到咁多個人，於是搵嚟呢間係尖沙咀嘅人氣串燒店～《自家製黃金醬燒廣島蠔(兩雙) - $68》🧀🦪小編覺得呢個自家製黃金醬類似白汁芝士焗蠔，加少許粟米粒，令口講更豐富。廣島蠔嘅特點就係肥美飽滿而鮮甜，夠大大隻，小編食落相信餐廳係用上真材實料～呢個錢性價比不俗～《微辣肉碎原條燒茄子 - $49》🍆🌶微辣肉碎好足料，啖啖都食到，而且非常惹味，燒茄子係原條開邊上菜，大大份可以兩個人share食～美中不足就係油膩咗少少🤏《自家製惹味燒雞肉串 - $39》🐔🍗雞肉串大大串，而且好厚肉，估唔到可以保持到咁Juice，小編都好奇係咪先焗後燒所以做到呢個效果🧐佢嘅自家製調味亦非常惹味，小編再加少量嘅孜然粉🙈，味道超有驚喜～🔹香燒金菇肥牛卷🐮 $39 👍🏻🔹牛乳蟹肉餅(一件)🦀 $22👌🏻🔹惹味汁燒雞泡魚干🐡 $49👌🏻🔹川式燒韭菜🥬 $25 👍🏻🔹芝士蟹子玉子燒🍳 $38 👌🏻總括而言，以尖沙咀地段嚟講，交通位置方便，而且環境舒適，方便約三五知己小聚啤啤佢，食質素屬中上，整體性價比仍算高！😆🍻…Read More

夏天就唔食薑?! Nonono! 中醫認為薑性辛溫，能加快血液流動，有提神的功效、亦可生發胃氣，促進消化。今次我就去試吓呢間以薑做主題嘅餐廳，啱晒啲平時手腳冰冷嘅姊妹們🥶😌《招牌薑湯米線🍜手撕雞+雞叉燒+鴨血》呢個湯底非常夠薑，見到一條條薑絲，非常足料，飲完之後非常暖胃，可以話係OL嘅因物😌 手撕雞口感彈牙。🦆鴨血帶點麻辣味，口感軟嫩、滑溜溜，沒有半點異味。🍖雞叉燒蠻特別，以日式叉燒嘅做法煮雞腿肉，食得出用咗花雕酒醃製烹煮，味道有啲似無骨嘅醉雞，表現出色、有驚喜！🍻《🍀芫荽皮蛋肉片湯米線 - Set Lunch》想食得健康又美味啲嘅朋友，可以試吓呢一款，芫荽皮蛋湯底有清熱健胃之用👨🏻‍⚕️，適合春夏天氣悶熱天氣🌻，對食慾下降、消化不良有幫助。湯底比較清淡，主力靠新鮮芫荽嘅味道，而餸菜方面，皮蛋同肉片嘅份量都唔少，食完絕對夠飽！《希望之光🌈》主要由碟豆花，同檸檬汁🍋組成的。小編見到飲品底部有一層黃色，味道同薑蜜相近🐝🍯，帶出淡淡嘅清甜。除咗美觀外，蝶豆花含有非常豐富的花青素，可以幫助身體抗氧化、養顏美容同保護皮膚，係非常健康的打卡飲品！📸《八兩金🍍》由薑汁、菠蘿汁、原片菠蘿、梳打水姐成。加咗薑之後嘅嘢飲帶點辣味，同梳打水非常夾！怕辣嘅朋友可以試吓點呢個，因為菠蘿汁比較甜，比較容易入口，而且有原片菠蘿食，非常消暑！《滷水拼盤🍽》有大腸、豬肚、牛展、雞中翼。四款滷味都好入味，炆到軟身，食得出係炆咗好耐先可以咁嘅表現。如果加多粒滷水雞蛋就Perfect喇～🙈👍🏻總括而言，餐廳換咗新餐牌後更加多元化，由米線到煲仔菜應有盡有，當中嘅薑湯米線真心推介俾咁多位，因為健康得來又冇味精，食多幾餐都唔怕🥰🥰…Read More