calvinlau18's Profile

行開APM，竟然見到呢度開分店。自己本身係Meet Fresh忠粉，所以走咗過去堂食！今次叫仙草冰沙3號（當然要加芋圓！😍）絕對無令人失望，因為試過幾次其他分店會煮衰咗啲芋圓，一係超硬，一係太軟。APM呢間係煮得恰到好處，同埋值得一提，感覺佢地份量特別大方，好飽肚😂雖然人多，但係 staff 都好有耐性，見佢地做得咁辛苦都好好禮貌，下次一定會返去再食😎…Read More

今日我聽朋友介紹，到mimosa 店舖試買拿破崙。誰料遇著個不知所謂既女店員 (應該係老闆)我：請問有無拿破崙？女：... (唔答)我：係咪賣完？女：咁你要幾多件？(繼續黑面)我：想先睇下係點既樣？ (因為想睇下係散件定成個)女：...(唔答)我：係咪有幾隻味？女：...(繼續唔答，手指住抬面有張紙仔，寫住芒果同草莓味既價錢)我：可以擺係車幾耐？(因為揸左車去)女：(面口越來越難睇) 兩個鐘！我：咁唔該每樣兩件女：(入去攞左四件係個盒度比我呀媽睇睇)我：請問係咪係雪櫃攞出來的？(感覺是冷的，因為之前係amigo 買過係新鮮製造，熱的)女：...(唔答，個面口難睇到不得了)我：你依家甚麼樣？你知唔知你態度好差？比個鏡你照下！女：同你一樣樣！從來無人問過我咁既問題！ ...=.="我：你甚麼態度？(見狀攞錢出來，廢事煩)女：你唔好買啦！我：我一定會去消費者委員會投訴你！女：me too！ ...=.="咁既態度真係差到不得了，呢個女人應該唔多正常。就算唔會佢D 拿破崙有幾好食都好，佢咁既態度，唔食都無損失！咁樣打開門做生意，又唔知自己有問題，哀哉！如果一早睇到呢度負評三千，我真係唔會去囉...... -.-"…Read More