whosshungry's Profile

Just tried this amazing spot! My top pick is the Genmaicha (Brown Rice Tea) - it’s nutty, fragrant, and so unique. Also vibing with their protein latte for my morning caffeine-and-protein two-in-one. plus, you can get hydrolyzed protein (way easier on the stomach) and oat milk, which is a win for lactose-intolerant friends! The best part is that this doesn't feel like a "supplement." it's just a delicious, filling drink that happens to be packed with protein - perfect for when you need a quick breakfast or a post-workout refuel that doesn't feel like a chore. And they also have great regular coffee too if you're just tagging along! They occasionally launch new flavours, definitely worth a stop if you're in the area!…Read More

位於銅鑼灣SOGO附近既粉麵店店內環境光猛整潔餐牌上有多款粉面,湯飯,小食等 選擇都幾多 而且價錢有好實惠同埋每碗份量都幾多 魚片墨丸粗麵爽彈魚片加上彈牙既墨魚丸搭配鮮甜嘅湯底 加上吸收晒湯底既味道既粗麵💯而且佢啲粗麵完全冇鹼水味冬瓜鴨腿湯飯原隻既鴨腿 都好大隻 肉質嫩滑又夠入味一啲都唔會太靭配上清甜既冬瓜湯 呢款湯飯好啱夏天食夠晒消暑👍🏻小食試咗麻辣墨魚鬚墨魚有嚼勁秘製麻辣醬食落麻香兼備夠哂惹味鍾意食辣嘅就啱晒😋…Read More

Had a fabulous Teppanyaki lunch at Minato🤤The set started off with salad, followed by the chawanmushi (Japanese Steamed Egg Custard) - love the soft and silky texture of the egg custard and it was 💯. Then main dishes were served including: King Prawn, Iberico Pork Loin, Assorted Vegetables and Fried Rice. All ingredient was very fresh - the food was incredible and cooked to perfection. I particularly love the 🦐- it was seared to a golden hue, producing a tantalizing caramelization that brings out the natural sweetness. And the show our chef put on was excellent. A bowl of miso soup x dessert (pistachio ice cream) were served at the end. Great spot for lunch/ dinner would definitely recommend for all occasions!…Read More

如果去開銅鑼灣必須要試既九運來除咗有招牌香港特色粉面之外原來仲有湯飯同好多地道小食等 🙌🏻餐牌上既選擇真係好好多而且每款都好吸引 款款都份量十足🤩今次試咗冬瓜鴨腿湯飯原隻鴨腿 炆得嫩滑入口軟淋啲肉完全唔會覺得好柴配上清甜既冬瓜湯 食落真係非常開胃😋小食嘅話就試咗麻辣墨魚鬚墨魚鬚彈牙有嚼勁秘製麻辣醬夠麻又夠香又唔會辣過頭🌶️仲嗌左碗牛肚河湯底香濃清澈 牛肚爽口彈牙河粉亦都好滑同吸收晒湯底既味道👍🏻…Read More

講到港式美食，有咩可能唔介紹吓香港嘅茶餐廳今日心血來潮，好想食一餐地道既港式午餐，就同老公一齊去左食油塘既「茶記研究所」。呢間茶餐廳真係好抵食，59蚊就有一份白咖喱豬扒飯同一杯熱奶茶，絕對係物超所值係香港地係超難得搵到一間餐廳包埋野飲係唔洗60蚊！同埋佢真係超大份，豬扒又大塊，汁又夠多，性價比超高白咖喱豬扒飯豬排炸得好酥脆，好香口！連埋啲白咖喱一齊食真係好香濃，而且唔會太辣！每啖都可以食到豬扒嘅鮮嫩同埋醬汁嘅香濃，成餐飯都好開胃！同埋佢個豬扒係好Juicy，可以肯定一定係無翻炸熱奶茶牛奶既香醇同茶既濃郁茶香完美融合。食完飯飲杯好飲嘅奶茶真係好滿足！今次去呢間茶餐廳唔單止服務親切，食物味道都一樣咁出色！我同老公都覺得好滿足…Read More

最近網上人氣好高嘅「春宵」，今次同三個閨蜜一齊去試吓佢哋嘅火鍋真係好高質素！一入到去，舒適環境，同埋成個氣氛都好chill我哋嗌咗《鮑魚花膠雞湯》 ，個湯底非常足料！除咗濃郁，仲好鮮甜，真係好滋補。個湯底一滾我哋已經急不及待想開始配料方面我哋嗌咗《A級安格斯牛小排 (小)》 ，一放入個湯，已經聞到陣陣牛肉香。牛小排肉質香嫩 ，口感非常豐富好juicy，非常啱鍾意食牛嘅朋友《椒鹽魷魚鬚》 魷魚鬚好彈牙，又夠晒濃味，真係越食越上癮🐙 《泡菜煙燻豬腩肉》呢度餸真係好震撼 ！個煙熏味好香，豬腩肉腍滑香口，好入味，加埋泡菜嘅酸辣成個組合都令人食到唔停口 《炸午餐肉》炸午餐肉外脆內軟，點咗醬汁一齊食，超好味，絕對食火鍋必備嘅配料！食完之後我哋四個都一致認同春宵嘅食物好高質，而且整體服務態度超好，食完真係好有滿足感…Read More

尋日老公突然話想出去食晚餐，因為平時嘅晚餐多數都喺屋企煮，隨便煮幾道家常便菜就settle咗晚餐。咁岩有朋友介紹呢間主打火鍋同雞煲嘅餐廳，就諗住帶埋老公一齊去試吓呢間店嘅環境同布置都唔錯，好乾淨。我哋兩公婆都幾鍾意呢種氛圍，喺度食個晚餐好 relax睇到隔離個枱食嗰個麻辣雞煲好似好好食，本來想嗌麻辣雞煲，但係第一次嚟驚太辣，所以最後嗌咗杞子花膠膠原鍋。呢個湯底味道好正，清甜得尼亦都好鮮香，食到最後，成個湯底越滾越出味。另外我哋仲點咗幾個配料，其中最期待嘅係牛板腱。啲牛肉好新鮮，口感細膩，咬起嚟咬勁十足鍾意食菇嘅我哋直接嗌咗雜菇拼盤，拼盤包含咗幾種菇類。佢哋處理得好乾淨，蘑菇亦都好新鮮， 食起嚟好Q彈最後一道就係白鱔片，放入鍋裡輕輕灼下，香氣撲鼻，鮮嫩可口，非常彈牙，非常好食，所有食材都好新鮮。今晚嘅打邊爐體驗真係非常唔錯，下次一定要再過嚟試埋其他湯底…Read More

今日胃口唔係好好，所以揀咗醬油漬吞拿魚丼套餐。一入到餐廳，映入眼簾嘅係寬敞明亮嘅佈置，日式簡約風格嘅裝潢俾人一種沉靜雅致嘅感覺。我坐咗近窗邊嘅位置，可以一邊食飯一邊欣賞出面嘅景色，心情都即刻好咗好多主菜吞拿魚丼非常賞心悅目，醬油浸漬過嘅吞拿魚呈現出誘人嘅光澤，師傅將每一片吞拿魚都切得好均勻同好整齊。第一啖咬落去，都係新鮮嘅鮮魚味。魚肉質地細膩，有油潤感。醬油嘅味道配合得啱啱好，完美襯托出吞拿魚嘅鮮味。令人驚喜嘅係丼飯上既大粒魚籽。咬落去嗰陣，魚籽喺口中爆開，釋放出魚嘅鮮甜味，同吞拿魚一齊食，簡直係絕妙嘅combo! 食完飯之後，我飽飽地就坐多咗一陣欣賞吓窗外面嘅景色。放鬆吓心情。就算係一個人食飯，都可以感受到生活嘅美好。離開嗰陣，我已經開始期待下次再嚟品嚐呢度嘅其他菜式…Read More

上次我個日本老師過嚟香港做嘢，因為佢食唔慣香港啲嘢食，問我有冇咩好食嘅日本菜介紹，我就推介咗里木畀佢，呢間餐廳係我好鍾意食嘅日式料理，啲嘢食真係令人回味無窮。老師都係第一次嚟香港，我就決定帶佢去嘆返餐好嘅老師好鍾意餐廳嘅日式風格，話有濃濃嘅日本風情，好似真係喺日本食緊晚餐咁。侍應推介咗我哋[夏の海膽奢華體驗]，話呢個set係最多人嗌，仲有啲客人隔咗一日又返嚟食。我哋就決定嗌呢個試吓!和牛配海膽熱狗和牛同海膽呢個配搭簡直係完美！和牛嘅油脂香氣同埋海膽獨特嘅味道 ，成個味道非常季節魚壽司金木雕係我老師最鍾意嘅一件 ！佢話同佢喺日本食到嘅味道一模一樣，非常懷念!拔蚌 &北海道粒貝配沖繩水雲無論擺盤定味道都係100分，象拔蚌好鮮甜，師傅仲喺粒貝上面灑咗柚子皮，帶有淡淡嘅柚 子香，非常開胃好食!日本生蠔。魚子醬味道剛剛好，配埋魚子醬，味道簡直一流 。每一啖都係高級嘅享受。炭燒漢堡個漢堡係用長炭燒嘅，特別香甜！仲放咗北海道嘅活帶子同埋醬油醃製，真係冇得彈蜜瓜清清涼涼嘅味道食完好涼爽！老師對呢間餐廳嘅評價好高，仲話再過嚟香港一定會再幫襯…Read More

Weekend尼到”和宴”食佢哋既Tasting menu宮崎和牛海鮮十三品盛宴，呢間餐廳主打宮崎和牛，所以嗌呢個套餐就啱晒前菜有特製宮崎和牛他他配法包，韓式煎餅同迷你沙律 香濃和牛配搭酥脆法包，口感一流，和牛他他完全唔會有騷味，仲好香芝麻味。韓式煎餅就海鮮味十足，仲好脆卜卜，非常可口！迷你沙律作為前菜就最適合，新鮮嘅沙律菜非常清甜爽口，醬汁亦都好好味好開胃💙宮崎和牛薄切牛板腱師傅刀工好好，牛板腱切得一啲都唔厚，口感一流，跟埋蛋汁，食落口感加順滑💙薄切牛舌芯D肉食落好爽彈，充滿着美味嘅鹹香味💙宮崎和牛上牛排肉肉質細嫩，均勻嘅油花咬落去鮮嫩多汁 💙澳洲和牛特上牛肩肉眼肉質非常嫩滑，帶有濃郁嘅牛肉味 💙鹿兒島豚五花肉獨特嘅香氣加油花超豐富，入口即化！💙海老與原隻帆立貝海老每一啖都有甘甜味，口感Q彈，而帆立貝就好香鮮味，口感滑嫩💙黑糖珍珠雪糕奶香同黑糖互相融合，珍珠嘅口感Q嫩彈牙💙沖繩四季柑薑味汽水非常甘甜，清涼解渴 💙熱生薑柚子茶薑味醇厚，柚子味甜美清爽，清香可口…Read More

呢間位於佐敦百誠大廈嘅燒肉放題係一間性價比超高嘅餐廳。我揀咗佢哋嘅放題Set F，放題時間有120分鐘，除咗可以品嚐到黑毛和牛19款同152款食物，食物種類仲非常多，而且最近仲做緊優惠，勁抵食！！『黑毛和牛六款』分別有六種唔同嘅黑毛和牛肉，肉眼，肩胛肉，一口牛，三角腹肉，牛肋肉同牛肋條，全部都係頂級食材。『黑毛和牛壽喜燒』和牛同壽喜燒醬呢個配搭真係好吸引，牛肉仲散發住濃郁嘅壽喜燒味，口感極佳。『極上厚切牛脷 & 薄燒蔥花牛脷』厚切牛脷嘅肉質軟嫩，非常爽口，而蔥花牛脷就可以同時品嚐到蔥花清爽嘅口感同牛脷嘅肥美油脂，係味蕾嘅極尚享受！『極上夏多布里昂』今晚嘅主角就係呢個夏多布里昂，牛肉散發住油脂嘅鮮味同肉質嘅香氣，口感極度柔嫩，難被稱為頂級食材。『特大越南大虎蝦』除咗牛肉，呢度嘅海鮮都好一流，尤其係大虎蝦，隻隻都非常新鮮，蝦肉非常彈牙而且好鮮甜。除咗以上我極推薦大家食嘅牛肉同海鮮，仲有其他好食嘅，就等大家自己嚟試一試！…Read More

今日同閨蜜去咗旺角食燒肉，一聽到食燒肉就已經即刻心心眼！我係一個超級燒肉愛好者，之前已經聽過好多人介紹呢間，所以真係好期待佢嘅質素！食完之後就明白點解咁多人都咁推介，真係性價比好高，而且款式好多，任飲任食， 完全顛覆咗我對任食燒肉嘅感覺🥰💖和牛外腿肉和牛外腿肉肉質肥美， 肥瘦適中，恰到好處， 燒完之後真係超級好味！💕香草墨魚仔香草墨魚仔搭配特左餐廳特製嘅醬汁，好煙韌口感好好！而且香草味好香好出色😍💜鮑魚 鮑魚口感非常爽脆，而且好鮮甜好新鮮，就算燒完之後都食得出鮑魚本身嘅鮮味😋本身諗住淨係嚟食牛，點知海鮮拼盤都係可以任食，而且質素仲要好好！💞和牛崩沙腩和牛崩沙腩好值得一提，肉質細膩味道醇厚，每一啖都食得出牛肉嘅原汁原味😋燒完出嚟嘅香味同牛嘅脂肪完全融合，實在太好味了❤️食完之後我同閨蜜都好滿足，覺得呢間任食嘅燒肉放題完全顛覆咗我哋對任食燒肉嘅睇法，估唔到任食餐廳都可以咁有質素，食得飽之餘好滿足，每樣食物都絕對係物超所值！💯…Read More

今日同朋友去食旺角既一鍋堂，呢間係一間食經典港式火鍋嘅餐廳，除咗裝修幾靚，環境都好舒適，好適合一班朋友坐低邊傾偈邊打邊爐今次我哋揀咗60分鐘半自助火鍋放題($68)，呢個套餐幾好，湯底好多選擇之外，配料仲好新鮮！我嗌咗鹹菜胡椒豬肚湯，湯底經過長時間慢煮之後，鹹香適中，豬肚仲非常爽脆，胡椒又好醒胃！配料方面，我揀咗福州木耳魚丸，木耳丸嘅口感好特別，食落嘅時候仲食到入面啲木耳又爽又脆！另外仲嗌咗響鈴同凍蝦，兩樣都好新鮮同好好味！咖哩豬皮魚蛋同泡椒燘豬手都很不錯，可能因為我本身都好鍾意食辣嘢！再配埋麻辣鴨血豆品同紅燒豬軟骨，成餐都真係好豐富，湯底同每樣配料都令人讚不絕口！無論係食物質素定係價錢，一鍋堂都好啱我心水！係呢排食過最好味嘅一間，食完之後好滿足，鍾意打邊爐嘅話，你哋一定要去試吓，食依家實唔會失望…Read More

同老公慶祝生日梗係要去「本場」烤肉放題店！🎊🎁佢位於旺角中心，交通方便，自己燒自己食可以盡享烤肉嘅樂趣！而且餐廳嘅佈置好和風，簡單得尼又靚🏮，成個環境都好有格調同好舒適🍷。我哋叫咗上品牛肩胛放題套餐。上品牛肩胛又嫩又肥美，配埋BBQ醬，已經好好味。再配埋炭烤肉嘅香味，真係食到停唔到口，忍唔住想要嚟多一份🤩🤤。食放題緊係一定要食到盡興，所以就試埋佢地嘅金錢展同牛胸腹。啲肉烤到微焦，食落去肉汁飽滿，老公都大讚好食！仲有牛肉嘅鮮嫩，係真正既人間美食👍🥳。佢哋嘅麻油燒蒜粒同炸芝士年糕都絕對係好推介😋。蒜粒香味濃厚，加埋麻油嘅香味，好好食！而芝士年糕則係外酥內軟👍🏻👍🏻最後仲食左章魚小丸子，小丸子燒得恰到好處，口感豐富，令人回味無窮🐙🤗。鐘意食烤肉嘅朋友，係本場一定可以搵到心頭好。舒適的環境加高品質而且價錢公道嘅烤肉，諗起都已經期待再去食🥰🎉。…Read More

今日去開文化館附近做嘢，難得早咗收工，就諗住去悅滿軒食飯今次終於食到佢哋嘅法國生蠔，勁抵食一隻$10，平時遲少少嚟到都會賣晒。一次過嗌咗6隻，肉質肥美，而且仲好新鮮。🌟西班牙伊比利亞羊扒羊扒燒得啱啱好，好多肉汁，每一啖都有香烤味，加埋羅師傅自家製嘅莎莎醬同紅菜頭醬高更加鮮甜，食得左都唔會滯。而自家製羊肉腸都好juicy。🌟烤阿根廷紅蝦牛油果沙律牛油果係蓉狀，份量好多，上面係沙律同埋燒得肥美既新鮮紅蝦，成啖食落好脆口。蝦肉好彈牙同熱情果醋好夾👍係好開胃嘅一道前菜🌟香煎法國鵝肝配法國甜包外脆內軟嘅鵝肝，配埋無花果淡淡甜香嘅味道，再加法國甜包，減少咗鵝肝既油膩感，正！…Read More