SumiPang的個人專頁

-時令海鮮湯海鮮湯以壺上，有燭台保溫，店員仲會幫手將裡面嘅蝦、蜆等海鮮取出，味道濃郁-喜多嬉懷石八品超級打卡able，擺盤好有心機，令人最深刻嘅係睇落好似水信玄餅嘅蟹肉啫喱，裡面充滿一絲絲嘅松葉蟹，味道鮮甜-藍鯨吞拿三色剌身非常厚切👍🏻令人想將佢留係口入面享受肥沃嘅口感-任食生蠔、焗蠔、焗帆立貝生蠔由北木島直送，海水味好重焗蠔、焗帆立貝可以揀原味/蒜味/辣蒜味/芝士醬無限refill可以滿足生蠔愛好者-任食時令串燒時令款式大約有十款，調味唔會太重手，燒到皮好脆，雞腿肉嫩滑，雞腳筋好特別好有咬口-松葉蟹五島手延烏冬如果食晒以上咁多嘢都未夠飽，可以食埋呢個烏冬，湯底有松葉蟹嘅鮮味，手延烏冬幼身且彈牙-蕨餅&雪葩好香甜😋明明好飽都食曬2小時任食刺生串燒生蠔$698，有咁多食物選擇好滿足，懷石八品+刺身+生蠔好有誠意，感覺係好高質嘅放題！…查看更多

買完嘢經過呢間無麩質蛋糕聞名既餐廳，見到有light meal menu，同樣主打健康，可以揀三文治($78)或沙律($88)，套餐仲包括飲品，幾抵食咁喎！裝修用返品牌既主題藍色，但就加入左好多唔同質感既元素，譬如牆身啞色磚有圓形凸出既部份、頭頂既水波紋燈箱令人感覺置身水底餐廳，更顯高級感。食物方面-煙三文魚三文治酸種黑麥包鬆軟得嚟有嚼口，另亦可選擇黑竹炭麵包，煙三文魚有好香煙燻味，牛油果熟度啱啱好，呢個配搭無得輸！-慢煮雞胸沙律慢煮雞胸肉好滑身，用左黑椒、胡椒同鹽提鮮，雜菜好新鮮，車厘茄切開左咬落去仍然有爆汁既感覺，可以揀配柚子檸檬汁或胡麻沙律汁飲品方面呢道既cappuccino絕對比得上好多coffe shop；新推出既桂花釀鮮奶口感豐盈，每啖都有好香既桂花香味…查看更多

見到網上宣傳$468可以任食120分鐘生蠔，仲要即叫即開，即刻去試下先裝修以浪漫嘅宇宙星空作為主題🌟襯返餐廳名黑糖麵包、餐湯、前菜(中華沙律/螺肉/八爪魚)忌廉雞肉磨菇湯🫕好足料好creamy職員將液態氮加入底座，出曬煙啱曬打卡！生蠔係來自日本，即開即食夠曬新鮮，味道清甜、口感豐富主菜三選一(西冷牛扒🥩/羊架🍖/意粉🍝)西冷牛扒肉質結實肉醬意粉芝士味好香加$98任飲指定白酒🥂易入口唔會酸鐘意食生蠔嘅朋友表示好滿足！😋晚市過後仲可以留低繼續飲酒玩game…查看更多

平時放工都會去happy hour chill下，前幾日喺附近做完野跟同事上左嚟，未食飯餓餓哋，見到menu竟然有好多中菜，一於叫幾款試下上枱之後，店員會係威士忌shot杯面擠上波波，啱曬鐘意打卡既我！鵝肝本身已經浸滿花雕酒，再沾埋15年嘅威士忌，軟滑得嚟味道變得甘香醇厚
骨排既肉好厚，每舊骨排表面都沾滿厚厚既沙拉醬，好邪惡呀！真係誇張，邊個估到可以係酒吧食到有鑊氣既通菜煲！每條通菜都好爽口第一眼以為係薯條，食落有白飯魚既鹹香，外皮炸得香脆，係作為佐酒小吃既好選擇🍸GG ＄88Green Apple Syrup, Fresh Lime Juice, Green Tea🍹Hea Ha ＄88 Homemade Coconut Syrup, Fresh Lemon Juice, Fresh Pineapple可以一邊喺酒吧食住中菜一邊聽住廣東歌真係好開心，9點後燈光即時被調黑，轉為播好chill既英文歌，變得好有格調，Mocktail味道調得亦好match，中菜menu好多選擇，下次再試其他菜式…查看更多

約左朋友去尖沙咀飲野🍺，飲野前緊係要醫醫肚先啦，附近既呢間醉胡爐喺地舖好方便，環境較暗有情調，湯底仲要係超級正！🍲招牌鮮椰青雞鍋店員幫手炒香放湯，仲提醒記得先飲湯再打邊爐，一飲味道好濃郁，第一次試花膠雞湯加椰子呢種配搭，好味到飲完兩碗都未捨得打邊爐🥓手切頂級安格斯肥牛肥瘦同厚薄都均勻，肉質較軟身同牛味較濃，口感好幼嫩🧆丸類特別推介手打香茜炸菜牛丸同黑松露墨魚丸，好有手打起膠既質感，芫茜同黑松露味好突出🥟餃類有XO鮑魚蝦餃王、手工乾貝帶子餃、黑松露蟹肉餃等，餃子款式都好新奇特別，皮唔算好厚🥬蔬菜拼盤有娃娃菜、油麥菜、唐生菜、沙律菜等，吸曬湯底既之後變得清甜🍅日式和風蕃茄沙律用醬汁醃製蕃茄片，餐前食酸酸甜甜好開胃…查看更多

噝海港城shopping完，朋友帶我嚟對面既餐廳食飯，價錢比起係大商場抵好多，而質素都真係唔錯，一入門口就見到乾淨企理既bar頭，仲有房可以辦小型聚會魚味本來較淡，特調醬汁加入鮫鰈魚內臟，比起蘸豉油wasabi更香口更特別一上枱已經見到色澤好靚仔，魚腩肥沃，入口個下會唔捨得吞魷魚薄身易咬，魷魚桶燒得好香，釀入彈牙及已調味既糯米飯，醬係以較濃味既魷魚內臟整成，蘸少少已經好足夠店員強調係自家製，肉味食落較新鮮，裡面有好多軟骨增加咬口白鱔肉質結實，牛肩肉軟身易咬，灑上鹽同孜然粉燒得好香可以揀有酒精同冇酒精，甜甜地又好多汽既梳打…查看更多

將軍澳區特別多商場，亦都有好多中菜餐廳適合家庭聚會。今次就揀左呢間將軍會館，座位之間有一定距離，以金屬屏風區分間隔，家人傾偈夠私隱度又夠體面，價錢仲要超值添！味道好似臘肉，咬落有層次感未入口已經聞到麻油香，窩筍絲既粗幼平均，咬落夠曬爽口麻醬同花生醬調味濃郁，粉皮爽口多士好酥脆，第一次食蝦多士配糖醋汁，原來可以即時解到膩，好神奇呀加入鮮蝦同帶子增加海鮮味，令蛋白食落真係好似蟹肉咁，加埋松露將味道提昇到另一個層次，簡直係畫龍點睛完全就好似平時食咸蛋黃魚皮零食咁，超濃咸蛋黃味，呢個價錢超值…查看更多

呢間台式火鍋放題係由同事推介，全層地方好大，環境光猛企理，自助區都井井有條，卡位坐得好舒服，適合一班朋友去滾😜按套餐可以任食唔同級數既肉類，我揀既係$288「SRF美國特級肩胛肉眼片」套餐，試勻豬牛羊雞，最鐘意係美國牛肩胛片，切得夠薄，入口有好香油脂味；套餐仲包括埋白鱔,帆立貝同沙白，款款都鮮味十足！台式火鍋主打麻辣同養生湯底，養生既我揀左美顏花膠竹絲雞，喺食到尾聲時花膠同烏雞都煮得好稔，食落花膠有好重膠質既感覺，夾開一絲絲既雞肉好結實，配料仲有紅棗桂圓啲菜索完湯汁變得甜絲絲，推介爽口又罕見既冰菜同紫色羽衣甘藍自助區有唔少特色丸類，一定要試哈哈笑表情既咸蛋流心丸同台灣風味既芋泥貢丸！餡又鹹又甜咁好惹味！小食，甜品同飲品都有好多選擇自家製冷泡茶係健康之選嚟打邊爐無諗過竟然遇到出色既台式肉燥飯，肉燥調味好香，粒粒香口既肥肉配埋白飯，簡直搶曬focus！最後以甜品作結，軟雪糕機可以整雲呢嗱+芒果扭紋雪糕，雪糕有好重奶香，表面可以DIY加上軟糖；糍粑口感似較硬身既糯米糍，咬開中間暖暖既黑糖流出嚟，飽腹感十足…查看更多

上網搵到呢間新開既隱世小店，主打露營風既café，睇相仲有景場可以影相，即刻要同鐘意打卡既朋友仔過黎入口係後面街，沿住霓虹燈就搵到，落樓梯入到餐廳好似去左另一個世界咁食pizza薄批先係王道，呢個批底脆卜卜，芝士同茄汁比例均勻，我比100分安格斯免治牛肉既牛味特別出，肉醬做得相當唔錯，份量亦唔少，抵食！每粒通心粉中間都有芝士，係邪惡既化身，食得出採用左唔只一種芝士，而車打芝士味特別搶，上面既黑松露都係較濃味，已經分唔清邊樣先係主角蕃薯條較軟身，食落甜絲絲，配埋有黑松露既沙筆醬，提升層次感平時食油封鴨脾食既係夾層脂肪同脆皮，呢隻鴨脾較瘦，脂肪較少，但肉質相對較滑，可以話係較健康既選擇菠蘿都慢煮？即刻叫嚟試下先，原來放置左係雪糕下面，焦糖脆面包裹住有酒香煮到稔身既菠蘿，睇得出係心機之作；布朗尼既朱古力味好濃郁，蛋糕較軟身，入面有粒粒果仁，十分推介！荔枝接骨木花特飲$42伯爵茶鮮奶咖啡(熱) $38…查看更多

公司附近開左間法式餐廳，Lunch Semi Buffet價錢都抵食，就同同事去試下店面雖小，雅緻既裝修同開放式廚房帶比人一種私房菜既感覺；揀選主菜之後，就可以任拎沙律菜同配料，肉類配料有煙三文魚同三款Parma Ham，幾款自家製沙律入面我最鐘意蓮藕雞絲沙律，爽口得嚟少少酸好開胃；南瓜忌廉湯口感好豐富，令我更期待主食👍🏻香煎雞肉捲Pan-fried Chicken Roulade 以雞胸肉將菠菜捲係中間先煮後煎，底層蔬菜採用紅白蘿蔔，旁邊既薯蓉口感creamy，加入左蒜蓉而唔係平時西餐所見既洋蔥，大大提升香味，完全體驗到法式菜既精緻-水煮格陵蘭比目魚Poached Greenland Halibut Fillet 比目魚經過水煮，唔太吸收到表面既忌廉汁，口味相對較淡…查看更多

被任食薯條任飲紅酒吸引而來🍟🍷，估唔到主菜仲正！前菜包入面嘅紋理較疏，皮焗得薄脆，相比起平時用既法包咬落鬆軟感較大，搽上軟滑嘅香蒜希臘芝土真係好邪惡🤤以小杯上碟，味道香甜有濃郁粟米味，但絕對唔係開罐頭個種味，泡打增加精緻感紅菜頭同唔同顏色嘅蕃茄都好新鮮，酸酸甜嘅醋汁令食慾大增主菜鱸魚魚肉滑溜，超香橄欖油味焗曬入魚肉之中，味道非常融合，擠上檸檬汁令鮮味提升嚟到已經切好片上碟，每塊都連住少少肥膏，所以特別香口，特調醬汁好夾，冇諗過有任食薯條嘅地方主菜都咁正晚餐單點定叫set都可以任食薯條🍟，薯條上碟時仍然係暖同脆，配埋惹味嘅香辣粉，真係食唔停口；新開張優惠，配set可以任飲紅酒🍷，紅酒口感Rich味道唔酸，非常易入口；主菜放係蠟蠋架上，慢慢食都唔怕凍曬環境有格調…查看更多

係附近做完野想食泰國菜，見夜晚8點門口仍然排左好多人，心諗呢間一定唔差，果然餐廳格調同服務都好得體，真係開啱係金鐘呢個位置，適合商務聚餐蜆肉好有鮮味，湯底完全係用曬成個椰青，椰子水加少少辣椒既味道，當湯都好好飲，仲有好多塊新鮮椰子肉，怕辣可以揀唔辣蛋好夠厚，切開奄列裡面既蟹肉滿瀉，但由於兩款食材都較淡味，夾埋旁邊既炸蒜片及淋上醬汁會更惹味一邊係滷豬手，一邊係脆皮炸豬手，唔點醬都已經充滿鹹香同油香，夾層既脂肪又軟又厚，留係口腔令人唔捨得吞用炸鱸魚塊砌返原條魚出黎，上面鋪上大量炸蒜粒，非常香口，食到底發現連骨位都炸埋，一啲都唔浪費，鐘意咬骨既朋友一定鐘意呢道菜…查看更多

女仔要keep住靚靚，除左搽護膚品，平時都要進補下，朋友推介呢間話啲燉品日日鮮製，產品款式又多，就上左嚟；環境都好乾淨企理，有多個雪櫃放pack好嘅訂單同現貨，仲有卡位比客人現場即食地上最強XO醬蘿蔔糕臨近新年見佢推出左「地上最強XO醬蘿蔔糕」，等我試下係咪真係咁勁先！蘿蔔糕以大量瑤柱臘味鋪面，一切開已經見到好多粗粒蘿蔔🥕，食落一啲都唔粉，煎香加上超多瑤柱嘅XO醬，簡直係錦上添花！辣得好過癮3.6牛乳木瓜奶凍雪燕3.6特濃鮮奶凍3.6牛乳燉蛋全部都加入左3.6牛乳🥛，奶味香濃，每款甜品都係即日製造同好足料，燉蛋好濃蛋香，奶凍嫩滑，樣樣都好正蒜香花膠好滋補嘅小食，熱水浸10分鐘就食得，花膠好有嚼口，🧄啲蒜超多，食完嘴唇邊好痺😆啲汁都唔少，建議可以煮個素麵撈落去慢煮雞胸肉冰隔拎出嚟用微波爐叮2分鐘就食得，好方便！有7種口味，我揀左經典鹽味、辛香黑椒、黃金鹽酥、惹火BBQ、蠻香土匪，試勻曬始終都係忠於經典鹽味，啱曬健康人士…查看更多

成日都會去工廈尋寶，第三次嚟到呢間觀塘駱駝漆出名既泰國菜，今次特登叫啲未試過嘅菜式；裝修加入左好多竹木元素，營造泰式渡假風🇹🇭黃咖喱配手抓餅🥘呢種食法唔係周圍見到，之前食過黃咖喱軟殼蟹都好惹味！唔食辣都食到；牛柳煎過特別有油香，好稔一咬就咬得開，底層有西蘭花、椰菜花同薯仔，夠曬足料一上枱就香味撲鼻，3件大大件圓轆轆嘅蝦餅🍤已經開半切好，切開成6件兩個人食份量有啲多，蝦肉好彈牙，炸得好香口明爐嘅好處係可以保持溫度慢慢食🔥，青斑嘅骨較大條易挑走，肉質同皮都較為結實，🐟青斑味道合符預期，反而係個湯好驚喜，清甜到不得了，唐生菜同芽菜吸曬湯汁都變得好甜暖暖既糯米餅上面鋪滿芒果肉🥭，淋上滿滿椰漿，每啖都甜絲絲好滿足，配上椰子雪糕，入面有滿滿椰子粒🥥龍眼冰好似mocktail咁靚，龍眼肉大大粒…查看更多

見呢到有得韓燒又有得打邊爐，自助食物飲品款式多，平日晚市$248一個人，生日仲做緊全單88折，睇落幾抵食，地點方便，觀塘地鐵站過橋就到，放工即刻去試下-韓燒配料好多唔同嘅肉已經醃好，特別推介香草雞柳、漢堡扒、原條秋刀魚- 火鍋配料可以自助斟湯底同醬料，鐘意佢好多蔬菜選擇，食得多燒肉都可以食返啲菜，加啲蟲草花令湯底更香-刺身壽司刺身bar有專員，每次可以自選三款，三文魚腩切得好厚，肥美嫩滑-熱食點心好有驚喜，燒賣、粉果、馬拉糕都有，小籠包好食過好多酒樓，茶葉蛋同出面涼茶店食到一樣，香濃茶葉味-甜品三個雪櫃既甜品，雪糕雪條奶凍咩都有，仲有懷舊菠蘿冰同蜜瓜冰-飲品有幾個大雪櫃放左盒裝枝裝飲品，最欣賞佢有花茶同羅漢果茶…查看更多