magchiu0201's Profile

多謝朋友同我慶祝生日，帶左我黎呢間新開既壽喜燒，之前都係食汁煮既壽喜燒，原來有另一種關西風既做法，主要係用糖煮，長知識！首先有三款前菜，有鯖魚、山芋、冷麵，幾開胃，再上一個牛刺身，食落去口感好似一件拖羅咁樣，口感好軟好好味！之後就去到主菜既A4和牛，有幾個唔同既部位，分別有肉眼、西冷同埋牛肩，廚師同我地解釋，話食既次序，會係由肥至瘦，肉味由淡至濃，跟住食每片和牛之間都會間住咁食日本蔬菜，可以減低油膩感，我自己最鍾意最後個片牛肩，肉味重之餘都好滑。另外，最有驚喜係個蒟蒻麵，好爽口同彈牙，呢個真係想再加多一份，不過廚師話冇得加，整體黎講，成個體驗都好好，我都即刻book多左一日同屋企人食，不過已經要book到去12月。。。。等下啦…Read More

女朋友去完business trip, 响酒店坐完隔離監，叫個貴D既executive lunch set, 同佢食番餐好既慰勞下呢段辛苦既日子啦個餐好豐富，有三點前菜，同埋蟹肉茶碗蒸，跟住仲有三款刺身，同師傅講唔食生蠔，佢仲即刻幫我用昆布蒸左隻蠔，幾鮮甜！仲有第一次食既笛鯛！兩件壽司其中一件係石垣貝，啱晒我口味，之後個創作料埋係海膽松葉蟹最中餅，餅入面有個海膽mousse係師傅自己調製，IGable得黎又好好食！食完生野就到熟食部份，首先有兩串串燒，有串雞心喉加左麻油去燒，爽口惹味，鹽燒牛舌都做得幾出色~主食係一個北海道豚肉配上韓風醬汁，個豚肉燒得好脆口，個汁就有點甜味同帶點辣味，幾夾，食到呢度其實都已經有啲飽，之後仲有個鮑魚肝醬配冷素麵，仲配左個清新既柚子汁！食完呢個豐富既lunch，個晚唔使食dinner，女朋友表示滿意~~…Read More