CookingWendy的个人专页

想食正宗嘅意大利pizza就一定要試吓呢間係海港城嘅意大利菜 佢地有個即整嘅焗爐 真係唔錯***我地叫左一個巴馬火腿pizza 餅底香脆好味 雖然topping只有火箭菜和Parmaham 但配上芝士同蕃茄醬就味道一流 係必食嘅薄餅另外我地仲叫咗一個bbq pork ribs 慢烤塗上 BBQ 醬肉質軟嫩多汁 甜甜酸酸味道令人好開胃食完呢兩個菜式基本上都好飽 如果係女仔嘅話三至四人share都絕對冇問題 最啱一大班人傾計食飯…查看更多

難得今日早收工 就約左朋友食晚飯 朋友介紹呢間新開嘅pancake餐廳裝修非常有特色 大約8時入座都滿哂座***蘑菇安格斯牛肉芝士漢堡漢堡包黎講都算高質 除左有牛肉之外仲有雞肉同素食漢堡可以揀 漢堡肉味香濃勁juicy 係其中一個必叫嘅野食***脆炸爆谷蝦肉配香蒜蛋黃醬大約有8-10隻 份量唔會少 蝦肉爽脆 係一個唔錯嘅小食***Tiramisu Pancake作為班戟控 一定冇可能唔叫佢地嘅pancake 蛋味濃郁 食落鬆軟 仲有燕麥松子仁同少少生果 啱哂打卡嘅朋友…查看更多

早幾日放左工之後因為太攰唔想煮飯 同老公去左食四川菜 搭lift上2樓 一岀lift就係間餐廳 -因為我唔係好食得辣 所以我地就冇叫到個水煮魚 叫左個酸菜魚都 雖然呢個酸菜魚都要400幾蚊 但個人認為都值嘅 因為都睇得岀佢用料新鮮同豐富 有魚骨淆味 仲有寬粉 兩個人食一定飽 -我地叫埋半隻茶燻樟茶鴨 淡淡茶燻味 鴨肉鮮嫩 食得四川菜就緊係要叫埋個香油萵筍絲 炒得好爽推薦 老公比較大食 所以就叫多碗鮮雞燴麵 麵條軟稔 如果可以多少少湯就更好啦…查看更多

之前已經同老公食過呢間泰國菜 今日實在太攰唔得閒煮餸 所以就想落樓下求求其其食啲嘢就算😹我地兩個人叫左一個香葉肉碎飯同一個船皇湯麵 肉碎分量非常多 加多一隻煎蛋 用嚟撈飯真係一流 基本上我食晒成碗飯🤣船皇湯麵湯底非常濃 帶有少少辣 我地仲叫左一碟通菜 都係加十幾蚊食泰國菜就一定要叫串燒啦 叫咗三串沙嗲雞肉 牛肋條同牛舌 非常juicy 特別係牛舌 都幾厚大 上次黎食都冇見到有甜品食 今次見到有芒果糯米飯 所以就叫左黎試下 原來係大埔限大 芒果幾新鮮 唔夠飽嘅朋友可以不妨試下…查看更多

最近大埔新開左船皇 難得今晚有時間 就一於去食下 -我地二人叫左個船皇湯金邊粉加一蚊就可以升級做和牛 入面有牛腩 牛肉片 牛肉丸 雞絲 雞翼 豬肉 豬肉丸 非常豐富 唔知食咩好嘅人 揀呢個就唔哂煩😂-另外仲叫咗一個牛腩 牛肉片 牛肉丸撈麵 無論湯麵定撈麵都可以選擇唔同程度嘅辣 -另外我地仲叫左一個小食 泰式炸蝦卷 有3件 唔同一般嘅炸蝦卷 外面係有薯仔絲包住 -不得不叫嘅係串燒 叫左個沙嗲雞肉同蘆筍 雞肉嫩滑 燒得唔會太乾 蘸住沙嗲醬食唔錯 至於蘆筍食落幾多汁 -最後就一定要叫番兩杯泰式飲品先得-泰式奶茶同泰式龍眼冰…查看更多

呢幾排屋企裝修都冇咩時間可以煮嘢食 所以就諗住求求其其係樓下間酒樓食餐飯就算-最近天氣開始轉涼 叫番個羊腩煲就最啱啦 雖然只係叫左個細嘅 但其實d料都幾豐富 除左有羊腩之外 仲有腐竹同馬蹄等等 食完成個人暖哂-我地仲叫左個酸菜魚 酸菜味道恰到好處 少少微辣更突出左魚嘅鮮味 魚肉肉質嫩滑 仲可以追加唔同嘅拌菜-今晚唔想食飯 叫左個波士頓龍蝦伊麵 揀左蒜蓉開邊蒸 非常惹味 龍蝦都幾肥味幾有肉 伊麵唔會發哂漲 感覺係即整 -最後仲有糖水送 一人一碗紅豆沙…查看更多

話說有一日行兆萬嗰陣 見到有張廣告話有放題binlo食 同朋友即興就入咗去試下 之前都冇見過呢間鋪應該係新開張-因為實在太肚餓 同朋友坐低之後就即刻用平板電腦叫嘢食 我哋先揀咗個蟲草花雞煲 初頭食落唔覺入味 煲煲下都幾濃郁 係我哋揀食咩嘅期間 就送上左海鮮拼盤同牛頸脊 簡單616牛頸脊就已經可以食 見到有台灣麻吉湯圓就喺度諗緊究竟係咩黎 點知原來係好似包住花生嘅湯圓一樣煙煙韌韌幾得意 仲有我最鍾意食嘅午餐肉 龍蝦沙律丸 芝士丸等等 食完火鍋仲有甜品雪米糍食…查看更多

今晚係我同我老公結婚五周年 就梗係要去好好慶祝一下啦 老公話想搵一間靜靜地嘅西式餐廳食唔想太嘈 上網見人評價話唔錯所以就去試吓啦-我哋試左個Five course嘅early bird wine pairing menu 好似係由5點幾開始到七點幾店員服務非常好 我地一坐低之後就會送上麵包同前菜 麵包幾柔軟 我一個人都食左兩個 之後就開始食第一道菜 帶子刺身爆蟹肉 嫩滑嘅帶子都幾鮮甜 蟹肉肉質都算爽甜 第二道菜就係金華火腿香草白豆忌廉湯 個人好鍾意個湯因為非常濃郁 唔會話好稀 第三道菜就係辣肉腸青蘋果risotto 微辣嘅辣肉腸與甜甜嘅青蘋果係一個Perfect match 醬汁同飯粒係融合一起 第四道菜就係香煎牛柳配炸egg Benedict 一刀切落去蛋漿就完全流出黎 半熟嘅牛柳蘸著蛋汁 同青檸牛油汁一齊食 口感非常豐富 甜品係朱古力mousse 鍾意食朱古力嘅朋友一定啱晒 仲有五款唔同嘅朱古力 果仁味係最好味 最後以茶作為總結 順便可以解下膩 -總結黎講成餐飯都非常滿意 店員非常貼心 會幫手拍照同留意你嘅需要…查看更多

聽朋友介紹話馬鞍山有間cafe幾好食唔錯所以就諗住大家一齊去試下 雖然好似係有d偏僻要行到去酒店嘅後面 但其實係係海傍對岀唔係話好難搵-我地一行四人叫左個dinner set menu Starter叫左五香炸雞翼 炸得幾香脆 主菜就叫左個煙鴨胸菠蘿莎莎配珍珠飯 煙鴨胸軟腍可口 唔會太過鹹之後我地仲叫左個澳洲安格斯西冷配薯仔沙律 冇諗過普通嘅cafe都可以整到安格斯西冷唔錯 肉質細嫩 完全鎖住左d肉汁 一咬落去係mouth watering 仲叫左個pizza 外脆內軟 有辣肉腸白蘑菇羅勒同芝士 熱辣辣就最好食 最後甜品叫左個鮮果原味窩夫配雪糕 女仔打卡真係一流 窩夫蘸住雪糕黎食真係係最好嘅配搭-…查看更多

好耐都冇打過邊爐 琴晚收工之後就決定要去食個牛陣 去到大約7點半8點已經有人排緊隊 等左一陣先入到去-近排出咗個冬陰公湯底 本身都有d驚會好辣食唔到 但又可以接受 先將大蝦魷魚香茅等等泰國配料爆一爆先 之後再加湯 湯底方便感覺越食越濃郁 唔係幾食辣嘅我都幾鍾意 牛肉嘅質素算係幾好 唔會話太肥 除左有牛肉任食之外 仲有好多野食可以自己拎 有響鈴蔬菜芝士豆腐拉麵 最驚喜嘅係有熟食 咖哩飯真係唔錯 大家要去試下 仲有唔同嘅海鮮 廣島蠔魷魚仔帆立貝 超多選擇非常豐富 雖然係夏天 但配埋枝象啤 真係覺得好爽 食埋碗雪糕就啱啱好…查看更多

今晚好開心 老公難得又放假 可以去尖沙咀行街買下野 行到the one個陣突然諗起之前食過一間台式吐司嘅網紅店幾好味 所以就想去食番 去到門口發現原來裝修左 好似冇咗以前嘅兔仔椅子 但變得好pinkpink -我地叫咗兩個主食 分別係滷肉飯同辣味雞肉意大利麵 滷肉飯係一個set 非常香味濃郁 滿滿都係滷肉 仲有一隻糖心蛋同木耳做伴菜 飲埋碗蛋花湯真係好滿足 -至於個意大利麵就有少少微辣 唔係好似平時卡邦尼咁有醬 而係乾身 雞肉軟稔 之後再叫多咗個酥脆嘅地瓜薯條 -不得不讚係杯凍hazelnut cocoa 朱古力味好濃郁 雖然係甜但完全唔膩 係必叫野飲 想飲熱飲嘅朋友可以試下仲夏熱帶水果茶…查看更多

一向鍾意食西餐嘅我成日好鍾意試新野 今次去開大圍唔知食咩好 經過見到門口好似有間環境唔錯嘅西式餐廳就想試下 -不得不提係個雜菜燴羊肩配闊條麵 羊肉不單非常軟而不韌 而且羊味非常濃郁 喜歡食樣的人一定會愛上這個意大利麵 -美國安格斯牛肉眼 岀嚟食西餐一定要叫牛扒 牛扒非常多肉汁同法式芝士忌廉焗薯係一個唔錯嘅配搭-我地仲叫左個忌廉菠菜 Creamy到不得了 雖然好肥有d邪惡 但你會食到停唔到手 最後仲有個焦糖燉蛋作為我地嘅甜品-總括嚟講 其實餐廳幾有feel 環境優美又坐得舒服 侍應服務亦不錯 適合同朋友傾計…查看更多

最近老公生日 本身諗住同佢去轉日本俾個surprise佢 點知公司放唔到假 惟有同佢食番個日本燒肉補番數 呢間燒肉係我上網特登搵 見人食評好似都ok咁 所以就諗住去試下•••以環境黎講 銅鑼灣一岀地鐵行多大約7-8分鐘到就到 都算方便 •••食物方面 佢地有兩個menu嘅 不過因為我地都有選擇困難症 所以就冇單點直接叫左個set C唔想煩😂首先個set會上麵豉湯 漬物同茶碗蒸 蒸蛋非常滑 之後就上A5飛驒牛壽司 一共有四件 都係炙燒 其實食到呢度都開始有少少飽 終於嚟到重點十六件燒肉 都係A5飛驒牛 雖然每一個部位都非常好味 油脂分布都尚算平均 但肉眼扒芯係最多肉汁 入口即溶 非常高質 真係似喺日本食燒肉 有個野菜拼盤 感覺每一樣蔬菜都非常新鮮 最後仲有一個芝麻味嘅雪糕作為甜品真係覺得非常滿足 •••題外話 店員嘅服務非常好 定時定候斟茶 亦會教我哋點樣燒…查看更多

難得今晚放假 就諗住同老公去試吓最近網上見到新開嘅火鍋放題 去到已經見到有好多人所以我哋都要排隊等一陣 老公話今晚要食好啲所以我哋就揀左D餐 有頂級美國安格斯牛肉任食 侍應會先上一盤牛肉俾我地 之後其他食物就可以喺電話度掃完QR code之後order或者出去自己拎 都算幾方便 另外醬料都係可以自己出去調校 有唔同嘅丸類呀蟹柳牛柳粒等等 仲有我最鍾意食嘅響鈴見到隔離枱有人食鐵板燒 芝士野菌勁大舊 我同老公都話下次要黎試下☺️…查看更多

唔講唔知 原來搭到何文田站 行多7分鐘到就有一間西式小店 雖然地方唔大但環境尚算優美舒適 可以靜靜地同朋友傾計食飯我同朋友二人叫咗個漢堡包同一個Risotto 平時食開和牛 今日就叫左深海魚柳漢堡 炸得非常香脆 肉質鮮嫩 熱辣辣好好食 仲配埋薯條 另外我地就叫左意式海鮮意大利飯 蝦都幾大隻 仲有兩隻青口 煙煙韌韌得黎幾有咬勁 最後我地大家個胃都仲有空間 所以就叫左個甜品食 一上枱就已經聞到個北海道牛乳窩夫嘅香氣 仲有個朱古力雪糕係上面 冰火交融 …查看更多