ava baby's Profile

好耐無入黎彩明街市喇，本身就係想食泰國嘢所以走入黎買外賣。點知發現原先果間執左，個名轉左呢間😱好彩都係泰國餐廳黎姐😂無白行一趟💃🏻見餐牌就價錢算合理買左蝦醬炒金邊粉+菠蘿炒飯+生菜肉碎包Total$153打開見到好足料❤️☺️味道同平時去九龍城食有得揮，夠晒泰國味。比呢區商場入面的泰國餐廳好食好多。呢三樣野好好好味呀😋肉碎夠酸夠辣蝦醬炒金邊粉同菠蘿炒飯都好足料呢間餐廳用的金邊粉係比較幼身，我又幾鍾意…Read More

星期日下午黎食商場得幾間店開左，所以人流唔多，餐廳都唔算多人。有露台位，見好多人帶狗仔黎食由將軍澳站行過去都有啲距離架，仲要當日勁好天，🌞曬到丫，沿路好多時都無瓦遮頭，就算經天晉商場過去，算係間中有少少冷氣同遮陰，但都好曬好熱。好後悔無係地鐵站撘小巴過去🥲食物方面，對我黎講都算合格ge 係落單同上菜方面有啲問題埋單$3xx兩個人叫左:-lunch set E腸拼盤配薯菜加左$18有湯同甜品-再加個豬手職員可能係新手啦，上菜又上錯野兩次，之後發現佢跟本落錯單，落豬手變左落all day breakfast 我宜家寫緊食評先發現當日食到飽左忘記仲有甜品未上😫而叫埋單時，職員都無提我地仲有甜品囉🤷🏻‍♀️腸併盤好正常，其實腸都好難會唔好食🤪薯菜唔錯，下面的薯蓉有調味，仲食到有薯粒，有啲咬口，唔會一pat野，幾好味。豬手會預先切好，唔洗自己切咁煩，豬手味道不錯，皮又夠脆。下面仲有酸椰菜同薯仔沙律，不過椰菜嫌唔夠酸。當日餐湯係蘑菇湯，呢個真心麻麻，上菜時都唔夠熱，好似就咁淨係用蘑菇打碎ge 咁道。…Read More

因為上次係尖沙咀食左間好出名的船麵，但難食到好失望。所以今日特登黎九龍城搵食，希望可以食返碗好味船麵。我地兩個人叫左鴨肉湯金邊粉+遊船河金邊粉+豬頸肉沙律+芒果沙冰宜家天時咁熱，一定要飲凍野降降溫芒果冰沙真係勁好味，酸酸甜甜好開胃，又大杯，兩個人share飲都夠兩碗湯粉都轉左做金邊粉，係我最愛的幼身金邊粉❤️個湯底都好好味，都夠大碗夠飽。豬頸肉都不錯，但略嫌份量少左啲至於餐廳環境就麻麻地啦，不過九龍城大部分餐廳都係咁架喇埋單total$213…Read More

唔明點解咁多好評🙄叫左兩個午市套餐（一碗麵+一個小食+飲品）$78 再加碟通菜$14兩個人食，咁就total$170喇，味道完全對唔住個價錢🥵左邊係牛肉牛丸牛腩金邊粉右邊係雞絲雞翼金邊粉就咁望落個樣係呃到下人，個湯睇落好似好濃咁一飲啖湯就知中伏了😬無乜味只有好淡好淡的藥材味，雖然枱上有調味料可以加，但都救唔返💁🏻‍♀️而粗身金邊粉唔啱我口味，唔似係泰國食到果種幼身小食呢～就更加伏右邊春卷油到不得了，中間得一條好幼的蝦，同無乜味左邊蝦卷好少少咁啦，用薯仔絲卷住條蝦仔黎炸。兩樣都係唔食好過💁🏻‍♀️…Read More

第一次幫襯，原來晚市1800先開始，我1730黎到諗住買外賣，好彩入面哥哥仔肯比我落單先，我1800返黎拎。買了一個黃金雞飯，一個豬脾飯，加芝士薯球埋單百幾蚊。雞夠入味，可能外賣，放凍左先食，飯略嫌硬左少少，上面的醃蘿蔔加左分，蘿蔔唔係太酸，撈埋落飯度好好開胃。望落好似細細盒，但其實個盒都幾深，夠晒飽👍🏻打開以為好dry咁，原來係啲汁吸晒落飯底😂豬脾夠入味夠淋，好味芝士炸薯球，雖然拎到返去淋晒，但不失風味，中間的芝士多到不得了，薯蓉食得到仲有少少薯粒，有口感，不過重口味左少少，呢個食完有啲口渴。…Read More

星期六晚，2045 walk in, 滿場，留低左電話，話有位call返我地。大概2130有位，餐廳有啲細，由於我地2人坐6人枱，要同個1人的食客搭枱。咁啱隔離大枱的人玩啤牌大大聲，好嘈，個環境感覺都幾差下。但食物方面係幾好食，叫左三樣食物+兩罐可樂⭐️蠟味蝦乾煲仔飯蠟味同蝦乾多到不得了，豉油唔會太咸，加啲豉油再焗一焗先食，每啖飯都有臘味👍🏻食到底的飯蕉更正！⭐️椒鹽魷魚分量充足，勁多炸蒜，炸粉唔算太厚⭐️黃金墨魚餅好好味，外層包住咸蛋黃醬，入面咬到粒粒的墨魚，好足料兩個人食，又叫得太多喇，要打包墨魚餅😂埋單三百頭…Read More

兩點開始下午茶，好肚餓呀，叫撈麵餐食😋今日好彩，有卡位坐。沙嗲豬頸肉撈公仔麵+凍檸茶，好似$40沙嗲汁好味，豬頸肉份量都唔少👍🏻侍應叔叔好好人，仲主動送碗湯比我飲，有老火湯，正！…Read More

九點鐘黎食晚飯，唔洗排隊就有位。揀咗A+B+C=$82餐越北炸春卷+越北生牛肉湯粉+西洋菜蜜味道不錯，湯底幾夠味，蘿蔔煮得夠淋夠入味。春卷即炸，上枱熱辣辣，好夠脆。不過略嫌貴咗啲…Read More

三味魚丼$58有火炙三文魚，辣味三文魚，同三文魚刺生。由於火炙三文魚加咗牛油黎燒，一打開個盒，勁香🥰加分呀👍🏻魚生的份量都唔少架，都算新鮮，飯的醋味適中，飯唔會好似爭鮮啲飯咁死死實實。不過我用黎做晚餐就唔夠飽喇😂…Read More

見開業無耐，黎一試，餐廳環境算唔錯，乾淨企理。價錢唔貴，叫左兩個精挑細選餐1，肉燥飯原味2，香葉鹽酥雞3，金銀蛋娃娃菜4，蒜香台灣腸5，凍蜂蜜紅茶1，香蔥肉燥拌麵（香辣）2，滷水鴨肉豆腐3，海苔蛤利湯4，鹽酥豆腐5，凍蜂蜜紅茶食物賣相同擺盆都幾靚仔，不過味道一般啦，味道唔夠正宗，同衰在餸菜唔夠熱。但$60食個晚餐，有幾款餸食下都ok ge，幾飽。.台式快餐，落單唔洗10min就上齊菜。首先講吓肉燥飯同拌面，飯ok ge，但麵就過淋。個人認為唔使加兩蚊轉香辣，味道分別唔大，不如慳返兩蚊。炸物方面呢，鹽酥雞同鹽酥豆腐，唔似即炸，上菜時唔夠熱之餘，仲已經有少少淋左，同埋唔夠鹽味。滷水鴨肉豆腐，個滷水汁都幾好味，豆腐同鴨胸索左汁幾好食，但係油左少少。個湯就有啲似麵豉湯，味道都ok，入邊都幾足料，有肉碎，有蜆，豆腐同海帶。個台灣腸味道正常，不過都係衰在唔夠熱。個蒜蓉如果可以有少少調味就更好。.唔會特別推介黎食，但對於無飯家庭ge我，調景嶺區食到唔知食乜好ge時候，間唔時想轉下口味，都可以食下…Read More

今日有啲忙，到下午茶時間先食lunch。兩個人叫咗西多士餐同芝士撈麵餐西多士係我嘅最愛，有一大舊牛油，糖漿成支俾你任落 。至於個芝士撈麵呢，有啲失望，個芝士汁完全冇芝士味，但雞翼幾好食，腸仔同蛋都煎得OK…Read More

因為係Smartone嘅會員，呢兩年都有免費生日蛋糕送。今年揀咗Mille-feuille 榛子拿破崙蛋糕。由於我係早一晚拎定蛋糕返屋企雪住先，第二日先同屋企人分享，本身都怕拿破崙會唔會淋，估唔到第二日食，個拿破崙餅都仲好脆👍🏻味道都有驚喜👍🏻👍🏻，榛子味濃，又唔會話太甜，六個人分嚟食，有啲唔夠喉添😂而上年就揀咗個朱古力蛋糕，朱古力味勁濃，但同時都甜到不得了😂好漏，每人食咗兩三啖就停手，要分兩日先食得晒🙈…Read More

黎開沙田第一城，晚餐想食韓國菜，見得呢間就試下啦。叫左三樣野-半半炸雞-調味+蜜糖牛油都幾大份，雞炸得夠脆，調味雞個汁就惹味啲，甜甜辣辣。蜜糖牛油都ok，但只食得出蜜糖味。餐廳有埋手套比你用手食。另外點炸雞會送一杯啤酒/汽水如果可以送埋醃蘿蔔，解解熱氣就更好。-芝士紫菜卷比想像中細條左啲，但味道不錯。-泡菜餅唔建議食，好淋，好粉咁，餅煎得唔夠脆身，中間一pat野咁。整體炸雞同紫菜卷都值得食ge，泡菜餅無下次。店舖環境一般啦，如果餐廳播啲韓文歌黎聽下就有feel啲。埋單$270…Read More

兩個人想搵個坐得舒服，地方大，唔趕客，可以慢慢坐ge地方食晚飯。咁啱見到有一蚊雞，孖寶餐又唔係貴，又唔使等位就入去試下喇。$1可以揀清遠走地雞蔥油雞/燒鵝皇/芝士海蝦伊麵。見隔離枱隻雞幾靚，就揀雞啦。孖寶餐就揀$158，海皇冬瓜盅+豉椒炒聖子再叫多碗白飯share一蚊隻雞都唔馬虎架，都靚靚仔仔，有半隻，肉質未去到好嫩，不過都唔鞋，正正常常。豉椒炒聖子，食到加左花椒黎炒，味道香口好多，不錯。冬瓜盅非常大，夏天食冬瓜消下暑就啱喇，味道都唔錯，但呢個冬瓜盅冇金華火腿🙃每碟份量都唔少，呢餐的份量係足夠三個人食😂我地兩個人好很飽😂連埋茶位，埋單$225.5…Read More

本身想去酒樓食下午茶，但三點三先黎到石門，酒樓已經無下午茶食lu。醒起一出石門A出口有間點心，就行返黎試下。叫左三樣野食-上肉響鈴腸都幾特別，中間係響鈴同肉，要上菜即食，唔係響鈴會有啲淋-炸雲吞即炸，好脆好好味，但啲蝦跌晒出黎😂-沙茶金錢肚陳村粉個金錢肚好入味，但個陳村粉就一般啦價錢有少少貴，但尚算接受。…Read More