sew kam fai's Profile

Book咗6-8pm準時6:00到，點餐時侍應強烈建議最好盡快點晒所有前菜同pasta（後來先知道原因）廁所要走出室內先去到超騎呢，沙律味道帶苦，份量細到似一人份量，炸牛肉球嚡口兼冇味，兩樣都唔推薦，八爪魚質感同嗰汁都好好味，所有pasta 都好一般，蘋果酥皮硬到食第一啖已經刮損上顎，7:45就喺冇叫埋單嘅情況之下隊張單過嚟，成晚用餐嘅感覺就係快快快！終於都明侍應點解要我哋點晒所有菜式，快點餐！快上菜！快啲飲！快啲食！快埋單！快翻枱！賺多啲！香港地，分兩輪用餐時間我明白，但第二輪點解唔可以8:15開始？等第一輪客人有足夠用餐時間，餐廳職員又有15分鐘預備好張枱，用最佳狀態迎接下一輪客人呢？…Read More

一行十人幫朋友慶生，被安排到有獨立洗手間嘅房間內用膳，偏廳仲可以唱卡拉OK，食物方面，就算簡單的一碟鮮淮山浸時蔬，師都食得出有落足心機，杏汁豬肺湯冇一般咁白，但份量十足每人有兩大碗，飲落杏汁跟各種食材味非常平衡，朋友們連湯渣都唔放過極速掃光，以前試過買海鮮去其他地方加工，一旦蒸過龍就係浪費，今次粉絲蒸元貝，師傅火候控制得非常之好，鮮甜入味，另外炒雙蚌同炒班球配搭非常有新鮮感，舊店食過嘅牛氣沖天，依然皮夠脆肉味濃，配上秘製嘅青芥末醬汁，簡直係絕配，五指毛桃雞依然入味肉嫩，好啦！全晚嘅重點就係群龍歸巢(澳洲龍蝦兩隻二食)用巨型刺身木船上枱，龍蝦起肉配蛋白蒸，有啲似日式茶碗蒸，鮮甜味十足，順滑非常，帶有少量肉嘅蝦身酥炸後佐酒一流，最後食埋雪耳木瓜糖水，非常完美滿足，朋友們已經紛紛度期再捧場…Read More

高樓底格局配MC仁嘅graffiti 舒服嘅餐椅加上疏落嘅擺枱，從來冇諗過居酒屋可以係咁，今餐由香炸鰻魚骨/麻辣西瓜同涼拌大豆芽菜揭開序幕，經親切年青嘅侍應介紹，就叫咗以下菜式：1雞皮仙貝, 有健身朋友食咗之後都唔知道係雞皮，好食到前後叫咗5客，2雞尾/雞腎/雞皮/雞脾肉同雞皮雞卷串燒，雞！全部都係雞全部都係雞……水準之上，3薰衣草乳鴿，用瓦煲上，一打開蓋煙熏味超香，乳鴿好嫩，唯獨是有些近骨嘅地方，生熟度可以控制得好啲，4叉燒配蠔油豆，朋友們一粒豆都幫佢清晒就知幾受歡迎，5燒白鱔，新鮮白鱔燒得皮脆肉滑，配埋個秘製陳皮豆豉汁，絕對係今餐飯嘅高潮位，6冰鎮花竹蝦，配特製嘅辣椒豉油，味道超有驚喜，7牛舌芯厚切得來非常彈牙，食落有啲淡口但加咗辣粉同海鹽之後味道升了幾班(又袋錢落廚師袋添😬），8燒烤莎莉蛋糕配薑汁雪糕，蛋糕表面小道好似厚多士咁脆，真係好食到要講聲:莎莉唔該晒！…Read More

無論韓國oppa 或者華籍員工都非常友善親切，配埋K pop 氣氛超正，仲以為自己去咗韓國，雖然食lunch但師傅幫我燒嘅肉類非常好味，免費配菜就已經有五種，仲有餐湯送，如果去金巴利街買價錢都唔平，$88一個午餐仲冇加一簡直超值，期待下一次嘅晚餐…Read More

老細得罪人多稱呼人少，自以為好幽默其實超級討厭😡反而另一位男侍應勤力兼有禮值得一讚（好想叫佢快啲轉工），間舖冷氣又唔夠，正門同側門重到好似唔歡迎你入去幫襯咁，食物絕對普通過普通，已經幫襯咗一支接近$500嘅清酒，問佢可唔可以免我哋一支自攜清酒嘅開瓶費，老師拒絕得來仲串過狗，最好食就係個生日蛋糕（因為係自攜）廁所要攞鎖匙搭電梯經過個燈光昏暗嘅恐怖商場（仲以為自己拍緊陰陽路之迴轉壽屍）廁所連度門都關唔到，恐怖到入到去已經冇晒便意，丟進其他黃店嘅架，一句講晒，永不光顧！…Read More