Foodicehk's Profile

約咗朋友喺銅鑼灣食飯，喺OpenRice見到呢間嘢好似幾靚咁即刻book位試試佢！6點半上到去，一個人都無，但都見到留咗幾張枱俾book咗嘅客餐廳唔算大，但係坐落都幾寬敞，每張枱都唔會痴得好埋～menu好簡單，一目了然！主食+$48/$66有得轉套餐，跟湯跟嘢飲同蛋糕，見到+$28有蛋糕放題，好似幾抵食咁~不過嗰日趕時間就唔試喇我哋都加咗$48做套餐~$48套餐嘅嘢飲只可以揀咖啡同檸檬茶，味道正正常常～但隻玻璃杯同杯墊都幾靚配埋張枱都好打卡able～餐湯係粟米濃湯，都幾香濃嘅粟米味，口感幾滑溜同creamy~其實飲落同罐頭湯差唔多～魚糕串辛辣麵卡邦尼意粉 $128個醬汁用泡菜配卡邦尼汁，再同意粉撈埋，面頭加返隻溫泉蛋，配上一大串韓式魚糕，加埋少少公仔麵碎呢個配搭都幾新奇！魚糕拉麵就見得多，配意粉呢類西式麵類真係少見～個魚糕串比一般湯煮嘅更硬身啲，食落有咬口，不過食落有少少格格不入，幾好食但唔太襯成個配搭，分開當小食都好啲醬汁就做得唔錯～都食到卡邦尼嗰種香滑creamy嘅口感，配上泡菜，有少少辣辣地，都幾得意上面有啲脆卜卜麵碎，配埋意粉食，都幾有趣，雙重口感，啲麵碎雖然無咩味，但口感上有錦上添花醬燒頂級牛肉拌意大利飯 $138佢呢個菜式係用咗韓式燒汁，而我就覺得甜甜地似壽喜燒牛肉味道加咗啲紫菜同沙律菜做伴碟，會balance返醬汁嘅味，感覺fresh啲不過意大利飯嚟講，個口感再硬身少少就好喇甜品方面，我哋揀咗Tiramisu同柚子乳酪慕思味道同Size都有啲似連鎖店西餅，但咁平嘅價都唔好有太大要求喇~套餐價嚟講，都算係合理價～總括而言，呢間餐廳都算係唔錯，環境同餐具都好適合打卡食物方面都算不過不失，以份量嚟講，呢個價位喺銅鑼灣都算抵食…Read More

夜晚一個人去到北角，突然想飲下珍珠奶茶，知道北角一帶都好多台灣嘢，行過見到呢間餐廳都幾多人，感覺應該唔會太差，就行入去試下啦咁凍嘅天氣一定係要食暖笠笠嘅湯麵我就嗌咗一個「香酥脆雞雞雞湯麵」+「黑糖波霸奶茶」，晚市嘢飲有加配優惠，可以減$15香酥脆雞雞雞湯麵 $72個脆雞雞雞有得揀鹽酥/海苔/香辣，我揀咗鹽酥~(古早原味無得頂！)湯底揀咗紅燒牛湯，麵底揀咗鮮關廟麵，加咗椒麻辣子風味~等咗5-10分鐘左右就上咗個「香酥脆雞雞雞湯麵」總共有3件炸雞，每件都超大件啖啖肉，炸得勁香脆，應該就咁食炸雞都夠飽。個麵底都彈牙，湯底好香濃，滿滿嘅牛肉風味，不過食得耐咗就覺得有啲鹹，襯埋個麵食都幾夾。整體味道份量都十分唔錯，$72晚市有呢個質素，比我想像中滿足黑糖波霸奶茶大大粒波霸，每一啖都超滿足~奶茶底揀咗無糖，配埋黑糖波霸有少少黑糖甜味，茶底唔會澀重點呢杯嘢真係好大杯，不過小小缺點係等咗15-20分鐘先俾到杯飲品~可能比較多飲品嘅外賣訂單，所以飲品出餐比較耐~整體嚟講，嘢食配飲品，都係$100有找，份量大件夾抵食，味道又幾好下次再有機會一定要再試下唔同嘢食，或者就咁買杯珍奶都夠開心…Read More

前排上ig見人推介呢間靚靚餐廳，即刻bookmark咗合和商場新開後都未嚟過～第一次嚟覺得環境幾大，不過人流比較少，顯得十分冷清夜晚7點到，餐廳大約5-6成滿，唔算太多人～所以入到去都有得坐靚靚卡位今日同1個女仔朋友嚟食，嗌咗2個主菜、1個甜品同2杯飲品望落價錢都偏高，但喺呢個新地標同環境嚟講算合理嘅～希望味道同份量會合乎返呢個價啦岩手縣蟹肉三文治 $168本身睇相係冇薯條嘅～上菜後先知有咁多薯條，同埋原來蟹肉係分開，而唔係夾晒喺三文治內，可以食幾多夾幾多蟹肉味道幾鮮香，配埋蛋同芝士都唔違和因為三文治比較厚實，加埋脆卜卜嘅薯條，已經令人好滿足滑蛋厚切煙肉豚肉意粉 $168意粉上鋪滿一厚滑蛋，賣相勁吸引不過食落偏普通意粉無乜味，應該有蕃茄醬但缺少酸酸甜甜嘅蕃茄味～煙肉豚肉都唔似有煎香過，感覺無乜誠意唯一讚賞係面頭嘅滑蛋係又滑又有蛋香嘅意粉濃味啲會更加分抹茶鮮奶 $52睇相見到抹茶同鮮奶分開2個杯，以為有得自己刷抹茶咁開心，原來圖片只供參考飲茶抹茶香味好出，鮮奶口感都偏濃厚～加埋2塊脆餅好有儀式感呢飲落都幾大杯，飲到我都有少少飽柑悅特飲 $54朋友就飲呢杯～佢話只係一杯甜甜嘅梳打，無咩柑橘，少少失望唔推薦星光玉子布丁 $48壓軸登場!!! 呢個布丁勁有日本feel玻璃甜品杯裝上滑嘟嘟嘅布丁配上忌廉，加埋車厘子做點綴～成個感覺出來了布丁好滑好有蛋香～甜而不膩好食最後食完呢餐廳overall對於個味道同份量嚟講，都係覺得有少少偏貴嘅～但呢到嘅日本洋食餐廳嘅氛圍營造得好好坐得好舒服…Read More

今日難得同同事平日外出工作，又嚟到炮台山喇穿過大街，發現角落有間幾靚嘅韓國餐廳，就決定食佢啦時間大約12點半，入座時大約5成滿～坐多一陣就full house，好彩嚟得快haha見到有lunch special 2人set，主要係食鍋不過我哋選擇咗每個人單點一款上主菜前，佢都派咗幾款伴餐，有魚糕同泡菜之類～份量算多，味道都好食菜包白切豬肉配飯 $98呢款菜式基本上去每一間韓國餐廳都會必嗌，爽脆嘅生菜包住軟滑嘅腩肉，配上清爽嘅泡菜，無得彈等我又試下呢到嘅味道得唔得先肉質肥瘦均勻，好香嘅肉味，口感軟滑，加埋生菜同泡菜令成件事昇華咗，唔會太膩或太寡呢到比其他餐廳有少少唔同係個泡菜主要係辣蘿蔔，出面通常係用辣白菜。雖然都無阻泡菜嘅清爽味道，不過個人覺得辣白菜個酸辣味重少少會夾過蘿蔔但overall都十分推薦春川水冷蕎麥面配炒牛肉 $98同事嗌咗呢個水冷麵，冷麵個賣相都幾不錯咁～但個炒牛肉真係不太討好本身諗住會係牛肉片，但實先似炒肉碎多啲不過味道都幾有驚，水冷麵有甜甜辣辣嘅味道，凍冰冰嘅湯底令蕎麥面口感更清爽牛肉味道就不過不失～呢個set完全由冷面跑出生醃醬油蝦 $1083隻醬油蝦配上溫泉蛋同2個飯團，感覺有少少正宗韓食嘅feel個醬油蝦超好味，醬油醃到入晒味，口感肉質彈牙，蝦都算幾大隻，超推薦同事話飯團都幾香口，但略嫌食嗰時有少少論盡，如果配普通白飯或紫菜飯會更夾總括嚟講，呢間餐廳食物味道係近乎完美環境都好有古式韓國style，加分價錢對於lunch算偏高，但個人覺得性價比嚟講係值嘅題外話，發現都幾多人嗌鍋物，啲staff會幫佢哋炒肉同煮排骨，啲鍋滾起時超香～下次嚟一定要試下啲鍋…Read More

喺OpenRice見到呢間店都幾靚～好打卡able即刻約埋個女仔frd嚟食個靚dinner先位置喺旺角地鐵站附近～E1出口行3-5分鐘就到，都幾方便平日7點左右到，入面table已full咗，我哋無book枱就唯有坐出面吧枱～張吧枱同吧櫈都幾有chill chill嘅feel~但美中不足係個玻璃窗對正大馬路，景觀唔係好靚今次我哋嗌咗2杯飲品、2個主食同埋1個小食呢到係用手機落單，界面都清晰易㩒髒髒黑糖珍珠鮮奶 $44我哋2個都嗌咗呢杯飲品，因為睇相真係太吸引太邪惡喇，實在忍唔住嗌咗上面鋪滿髒髒朱古力粉，側邊圍住奶蓋，入面係黑糖珍珠同鮮奶～飲落去有好香濃嘅鮮奶味，入面啲珍珠被重重嘅黑糖包裹住，加埋朱古力粉聽落好邪惡，但係唔算話十分甜，好飲明太子忌廉意大利粉配煙三文魚,三文魚籽 $118呢碟意粉勁快已上菜～隻碟好大，但份量都算少面頭得一塊煙三文魚同約十幾粒魚籽，比想像中少呢～食落去比較重忌廉味，明太子味道都幾濃厚，整體都唔錯，不過加多塊煙三文魚會開心啲香煎北海道帶子配南瓜忌廉意大利飯 $128無咩南瓜陣甜味，成碟都唔太濃味，亦無想像中creamy嘅口感煎帶子不過不失，如果有用牛油再煎香啲就加分喇~呢個味道同份量，呢個價錢就唔係好抵食炸薯條配蒜茸黑松露蛋黃醬 $78炸薯條正正常常，係勝在份量夠多，真係食薯條食到飽配埋黑松露醬同茄汁都唔錯~不過就無咩蒜茸味，只係普通黑松露醬呢餐味道都算唔錯~環境都好靚好打卡able~不過衛生方面要改善下喇周圍都有蚊，同埋隻匙羹都有啲乾咗嘅殘渣~總結呢餐 飲品真係最出色，可能本身都係做開甜品類型，比起主食，飲品較出色~見到cashier有個甜品櫃幾吸引，下次有機會再試埋佢個甜品先…Read More

下午茶時間，同朋友嚟到炮台山，行咗一陣見到呢間幾靚嘅鋪頭~門外有menu可以睇下，見到魚麵好似幾得意喎~ 仲見到有米芝蓮logo，一於試下先！Tea time就一於嗌個下午茶餐同朋友share試下啦~另外再嗌咗個「自由點三餸麵」 同埋 佢哋推介菜式「蝦頭油炸蝦球魚麵撈」~ 嘢飲就嗌咗陳皮檸檬，好似養生啲下午茶餐雙拼$43下午茶有單拼同雙拼~ 今次我哋揀咗「迷你紫菜兩寶魚湯魚麵」+「炸魚無薯條」好奇心驅使下，我哋問咗個staff啲薯條點解叫呢個名haha, 原來入面係用大量魚肉製作，唔係平時嗰啲薯條嚟！(而且仲係米芝蓮推介菜式!!)食落去 外面都炸得夠脆口，內裡煙煙軔軔，食落都有啲魚味~同松露醬都幾夾個「迷你紫菜兩寶魚湯魚麵」個碗睇落真係有啲迷你，不過啲餸都幾大份喎，鋪滿咗個碗面，抵食啊！自由點三餸麵 $63朋友叫咗個三餸湯麵~ 餸/湯/麵 都係自己揀，而且都有好多選項(選擇困難症發作!!)最後叫咗個 雞扒+蝦卷+芫荽配米線&木魚湯~ 一上枱，忍唔住「嘩」一聲，係滿滿嘅芫荽啊!! 試咗朋友一啖湯，都幾好飲喎~ 有清清地嘅木魚香但又唔會淡到無味朋友話好欣賞個雞扒，外皮煎得夠香夠脆，入面都算嫩滑~  而個蝦卷都不過不失咁~蝦頭油炸蝦球魚麵撈$72我就嗌咗個魚麵撈！湯麵食得多，撈麵真係比較少啲，加上撈魚麵感覺幾特別，又見係米芝蓮推介就試下啦! 一上枱就聞到陣香味，應該係蝦頭油(?) 個賣相都好靚，感覺開胃咗haha~食落去 個魚麵比想像中爽口，唔會好粉又唔會太軔，都食到有少少魚味，幾有驚喜個蝦頭油汁都好香，食落去係滿滿嘅蝦味，好好味!! 另外啲蝦球都好彈牙，配埋沙律醬，個感覺反而fresh啲~ 成碟麵都好食腦細光環之陳皮檸檬(套餐加配)呢個係嗌嘢食再另外加配，唔太記得幾錢喇~ 呢種舊式健康飲品好似較少喺呢啲新式餐廳見到，所以同朋友一人一杯chill chill佢先！飲落都偏甜嘅，都有檸檬皮同陳皮嗰種甘甘地嘅味~ 飲完個喉嚨好似真係潤咗冇咁乾聽返店員講話係佢哋「腦細」親自研發俾員工，係愛啊哈利~總結嚟講，呢間餐廳真係值得推薦，嘢食創新得嚟又有賣相，同時唔會犧牲咗味道，店員都好nice!!同埋值得一提，啲裝修同裝飾都幾靚，啲碗碟亦好打卡able我最鍾意個霓虹燈，入面有條橙色魚仔，好似finding nemo🐟同埋有個零售架同書架小corner(?)都幾有心思啊…Read More

同朋友想飲杯啤酒chill下🍻不如就去居酒屋啦銅鑼灣本身都好多居酒屋，見呢到OpenRice有得即日book，就揀咗呢到喇～第一印象唔算討好，入到去有陣up up地嘅氣味，店員態度唔算好唯有睇下嘢食會唔會好味補返數居酒店一定要飲生啤！一人一杯生啤是常識吧~首先嗌咗個油甘魚刺身 $39/5切~ 厚切嘅魚生，油甘魚陣油脂感爆發出嚟，食落都新鮮嘅~呢到嘅串燒有combo價，分$34/2串同$48/2串汁燒雞胸軟骨 $34/2串: 雞肉食落都軟滑嘅，加埋脆口嘅雞胸軟骨，口感都幾特別。山葵雞肉串 $34/2串: 上面鋪滿山葵，食落唔似係包裝山葵，比起辣同哄鼻，味道更偏甜，同軟滑嘅雞肉都幾夾自家製月見免治雞肉棒 $48/2串: 食落肉質鬆散，一咬落啲雞肉即刻散咗，味道都偏淡，失望味噌燒半殼蠔 $90/6隻: 無咩特別...普通燒生蠔，但又唔係好鮮甜，同埋燒得唔夠香口~明太子玉子燒: 塊蛋皮睇落好乾身，但可能有啲明太子喺到，食落都幾爆汁，所以balance返~蛋皮無咩蛋香味，食落比較重明太子味道~不過不失Overall嚟講，味道真係普普通通，環境坐落又唔係好舒服，無咩日式居酒屋chill chill下嘅feel~ 不過呢個價錢食居酒屋，都算抵食嘅~…Read More

今日一個人嚟到銅鑼灣，想平靚正食個快飯~即刻諗起麵尊！平時2個人要等一等位，今次一個人應該好快入座啦~7點左右嚟到，門口有1條小人龍，目測6個人等緊。我自己一人，只需等佢執埋枱，5分鐘左右就入得喇！今日我嗌咗4餸麵: 紫菜($10)、紅腸($10)、蟹柳($10)、咖喱魷魚($12)同米線($10)，再配腩汁+咖喱(小辣)一上菜已經聞到佢哋自家製咖喱醬嘅香味撈勻咗更好味份量都算多，蟹柳同紅腸都各有3舊，紫菜亦鋪滿咗，咖喱魷魚都有6片左右，呢個價錢絕對抵食！每款餸都好出色，係車仔麵嘅味道~~紫菜吸晒湯底嘅味道，一定要食！超推介！…Read More

約咗幾個朋友去食晚飯，今次揀咗泰菜油麻地站行5分鐘就到~地點超方便不過同行朋友唔食得辣，今次主要都係揀唔辣嘅菜式~青咖喱配蒜蓉包 $40蒜蓉包大大舊，上面鋪滿牛油蒜蓉，但略嫌唔夠香口，個包唔都算脆，食落好普通。青咖喱都幾香，配埋包一齊食，唔會太重味。呢道菜式都算便宜，當前菜開下胃都ok嘅蠔仔餅卷 $98呢個好食個蛋卷好厚身扎實，入面有滿滿嘅蠔仔。蛋味濃郁，食落都冇燶嘅味道，蠔仔食落唔腥。整體好好味泰式蝦炒金邊粉 $88食泰國嘢，一定要嗌炒金邊粉！呢到嘅金邊粉炒得好香口，而且好足料，有雞肉同大蝦，每啖都好豐富泰式豬手 $142隻豬手好大份，仲配咗酸菜同幾塊蝦餅(不過淋嘅)食落有少少失望，隻豬手只有油膩，但唔太香，同埋比較淡味。最後都食剩咗少少~整體不過不失，味道正常，唔算好特別不過環境加分…Read More

放工去觀塘搵下好嘢食~ 之前見過人哋介紹呢間日本料理，好似唔錯喎呢到主打刺身丼飯~睇Menu圖片，每款都好吸引，好足料咁今次我嗌咗個丼飯，再加小食同握壽司三文魚珍寶帶子海膽丼(送沙律+麵豉湯) $134一上菜，忍唔住「嘩」一聲~有3塊三文魚，6片帶子，2片燒玉子同埋一大pat海膽。圖片同實物都無咩分別刺身味道鮮甜，份量都好足料，亦都夠厚身個海膽完全無腥味，食材都好新鮮，成個飯都食得好舒服啊~芝麻雞翼(2件) $28雞翼個外皮脆卜卜，但唔會有種油膩感，調味亦唔會太鹹每隻雞翼都厚肉嘅，呢個價錢嚟講都幾抵食炙燒左口魚裙邊壽司(2件) $22左口魚不嬲都係我最愛左口魚裙邊炙燒完，浸魚油香味真係好正呢間餐廳好值得encore嘢食質素真係無得彈~呢到仲好多款丼飯，下次會再嚟試下唔同嘢…Read More

近排想食啲酸酸甜甜嘅嘢，經過EASTMARK，啲嘢食睇落都幾豐富，一於就試下先！對比起德福，EASTMARK真係少好多人啊所以去到都唔使等位~今次叫咗兩個麵配一款小食~賣相睇落都幾靚，同埋都大大份特級牛魔王 $128一上枱就忍唔住「嘩」一聲！呢碗牛魔王有 牛肩胛、牛展、牛舌、同牛骨髓~ 大大條牛骨髓插喺麵入面，睇到都覺得好震撼 牛肩胛同牛展食落正正常常，不太特別。牛舌雖然係厚切，但煮得夠淋，入口即融，牛香味都重。牛骨髓一食落口滿滿牛油香味，抵讚不過由於太多牛，同埋好重油香味，食食下都有啲膩，配返枝茶飲會好啲~炭香脆嫩雞扒 $70(+$6 轉葛絲)雞扒個外皮燒得幾香口，但肉質唔算滑，味道偏鹹。本身我幾期待個葛絲會吸晒啲蕃茄味，但可能個湯係似蕃茄蓉質地，就唔係好吸湯，加上個湯比較濃稠，加埋葛絲似撈麵多過湯麵。如果鍾意食蕃茄嘅人，應該會好鍾意個湯底，因為食落無咩其他調味料嘅味，感覺充滿濃濃嘅新鮮蕃茄。忌廉蟹肉薯餅(2件)咬落好脆口，入面啲忌廉蟹肉都幾豐富，好食嘅個麵嘅份量好大，加上個湯好濃稠，所以更加飽肚。呢個價錢嚟講都高CP嘅鍾意蕃茄嘅話可以一試…Read More

星期五嘅中午，趁啲人未放lunch，去搵位食個brunch先朋友經過話覺得個梳乎厘好吸引，加上又有啲set lunch，就入去試下先！我哋嗌咗個意粉配飲品，同埋一個招牌梳乎厘班戟侍應話啲梳乎厘班戟啱啱焗起~更加期待好想快啲試下！超人氣招牌梳乎厘班戟 $138一上菜，已經覺得好打卡ableTotal有3層厚身班戟，梳乎厘嘅空氣感，令到佢好動L咁~面頭有層白色嘅糖霜，加上圓圓一整舊牛油，淋上蜂蜜真係超邪惡旁邊仲有一pat cream，去配返個班戟一齊食~食落口係入口即融，滿滿嘅蜂蜜同牛油唔會令人覺得太甜同太油膩班戟好重蛋香，配埋cream就好似忌廉蛋糕咁，口感都幼滑~果然係招牌，好好食啊蟹肉忌廉意粉 $78呢到主打食甜品班戟，試下主菜會唔會好失色先！有滿滿明太子忌廉，配上鮮甜蟹肉，再鋪上紫菜碎，好有日式風味~味道正正常常，明太子味都幾突出，配上蟹肉，個口感多咗層次，整體都唔錯~兩個人share一個甜品加一個主菜已經好飽，主要係個班戟好足料，份量都唔少~如果係下午茶過嚟chill下，應該食個班戟同飲下嘢已經夠晒…Read More

最近喺社交平台見到有人介紹呢間食鱔/鰻魚嘅專門店其實我就唔太鍾意食鱔類，因為唔鍾意咁多細骨嘅魚～但見到啲相好吸引咁，而且好似已經拆埋骨，就一於去試下啦星期六嘅7點半，竟然駱駝漆係冇乜人嘅一入去得2枱客，唔使等位～除咗鱔同鰻魚，仲有炸雞選擇，啱晒唔食魚嘅人今次叫咗2款主食同1款小菜椒鹽炸鱔球飯配糖心蛋半隻 $82份量都算適中，大約有6舊炸鱔球，配上一碗白飯，上面淋上類似鰻魚汁，再加半隻糖心蛋用木托盤裝起，再上陶瓷碗碟，好有日系家常小菜feel～個炸鱔球好有椒鹽香味，食落唔算辣，但都夠香口嘅，不過都唔會掩蓋晒鱔嗰種魚油香味每舊鱔球外層都脆口，入面肉質就比較厚實有彈性～食落亦都冇骨韓式炸鱔球飯配糖心蛋半隻 $78呢個就係用韓式甜辣醬配上炸鱔球～但個飯上面就冇淋汁，可能呢個菜式本身都算多醬食落口都係一樣香口，啖啖肉得嚟又有彈性個韓式醬汁食落少少辣，都幾香嘅～有少少似食韓式炸雞(煙韌版)個醬汁撈飯一流，又唔會蓋晒啲魚香味，十分好浸娃娃菜 $18娃娃菜有幾粒杞子喺面，都似係藥膳湯底之類，爽口嘅，但略嫌浸得唔夠入味，同埋再熱少少出味啲會好食啲整體嚟講，真係令我對鱔大改觀絕對會再encore!! 食得出廚房師傅由起骨到上菜，每一下都出盡功夫…Read More

今日去尖沙咀想飲啖茶食下點心~見到呢間啲點心好似幾靚幾得意，就一於去試下先！裝修有別於一般茶樓/點心鋪，紅紅綠綠，似港式大排檔style多啲~懷舊燒賣 $40係一般酒樓嘅蟹籽豬肉燒賣，咬落去都幾香口，唔會好乾身或者太油，肉質都幾厚實筍尖蝦餃皇 $40雖然叫蝦餃皇，但個size都唔算大粒，蝦肉餡都幾爽口，蝦餃皮唔會太厚身，同埋唔會太黏，唔會痴埋一舊脆脆富貴紅米腸粉 $50腸粉份量都算多，配上3款醬汁(胡麻醬、泰式酸辣醬、豉油)，睇擺盤都覺得好有心思，外皮紅卜卜，仲有沙律醬點綴，好打卡able食落去脆卜卜，好香口啊！但配上沙律醬酸酸地，好似唔太夾咁3款醬入面，最鍾意都係最classic嘅豉油~麻醬都算係腸粉醬常客，但泰式酸辣醬有啲多餘呢~但其實唔點汁都已經好食芝士鮮蝦腐皮卷 $42咬落去個外皮幾脆口，但食落都feel到偏油嘅，要飲多幾啖茶解下膩先~個餡都幾好，蝦肉都飽滿，啲芝士仲係流心㗎！龍炸拼 $78 (大澳蝦醬鮮蝦卷、一口鹹水角、蘿蔔絲酥、龍芋酥)呢款炸物拼盤有少少令人失望啊鹹水角同鮮蝦卷都唔錯，但蘿蔔絲酥同龍芋酥真係麻麻地~蘿蔔絲酥外層都算鬆化，但入面蘿蔔絲已變成蓉，食落又無咩味~龍芋酥可能放耐咗，食落去偏淋，芋頭味又唔係好出，個外皮又無香味~有啲可惜整體嚟講，最common反而最好食呢個價錢當試下新嘢打下卡都ok嘅~可能下次試下佢啲signature燒賣會感覺唔同啲…Read More

好耐之前同朋友嚟過一次～嗰次感覺都唔錯，就再嚟多次先星期日大約2點到～就咁睇座位都有9成full上次同朋友叫咗1款意粉同2款小食，我哋都比較鍾意Pasta多過小食今次叫咗2款主菜: Pasta🍝+Pizza🍕煎大蝦•龍蝦鰹魚湯扁意粉 $148意粉面頭鋪上2隻煎香咗嘅大蝦同埋沙律菜，配上一小壺龍蝦湯～賣相幾有文青feel龍蝦湯質感比較濃稠，都有陣陣嘅龍蝦香味，但配上扁意粉後唔太掛汁，味道稍淡～面頭2隻大蝦唔會煎得過熟，亦都煎得幾香，最重要係唔使剝殼Classic Pizza $193正正常常嘅大Pizza~面頭鋪上香腸、煙肉、蘑菇，配上芝士同蕃茄醬整體感覺焗得唔夠香，食材味道唔突出，被蕃茄醬掩蓋晒餅皮屬於比較簿脆類型，食落偏硬～整體嚟講算唔錯，位置方便，環境都舒服～嚟到嘅話我會比較推薦大家試Pasta…Read More