Yumitam's Profile

星期六可能一朝早就去，唔使排隊，終於可以一試雄記牛雜！牛雜口感好爽口唔似街邊檔會一Pat野好林。而且啲牛汁入晒味，牛肺同牛胃個口感好正！😍😍😍列入咗my favourite 牛雜！♥️另外都有試佢個香滑煎腸粉，個煎腸粉有用蛋煎煎得好香同埋啱啱好，不過就要落甜醬食先冇嗰個煎嘅澀味😝最後仲有試佢個糯米飯，估計應該係時季menu，糯米飯嚟講佢係好食嘅，啲飯唔係太濃味，但係配返潤腸同臘腸個味就啱啱好，唔會太咸。喺灣仔嚟講佢呢個糯米飯好食過佢嘅強記美食。但就太貴，要$80一碗。不過佢係好足料既😂…Read More

係附近返工，平日要食新景園真係好難，因為真係好多人排隊食🥹因為早兩日遲收工終於可以一嚐新景園😋🍛咖喱雞飯自己對咖喱無特別熱衷，但既然咁出名就試試佢🤣 咖喱味係港式咖喱，有少少椰香無好似其他茶記咁重椰味。另外辣就覺得有啲啲辣（可能本人唔係好食得辣）😂 覺得可以一試！🍲辣蝦茄子煲呢個小菜先係重點！個煲既醬汁用咗金華火腿加瑤柱整，令到茄子好入味之餘仲無太林！成個口感好好😍另外蝦都係唔差，唔係梅口既蝦。啲汁真係好好食，送飯好正呀。個人覺得好食過好多茶記同大排檔嘅小茶。呢個小茶跟餐包一碟菜（係一整碟，份量夠唔係揸流攤）同一個老火湯或者飲品。成個餐只係$102！個人覺得性價比高！值得一試😋唯一有啲美中不足就係老火湯好重味精🙈 可以的話叫野飲算了…Read More

畢左業之後雖然無做返本科野，但繼續留意住國際時事，而主要來源係沈旭輝既FB page.見佢最近入股左文青cafe伙食工業而又利用cafe去做國際專題，今次北韓節係佢地首度舉辦既活動，而我又的確對北韓呢個封閉國家好有興趣！！所以決定51勞動節當日去一試究竟。平壤冷麵$65平壤冷麵係北韓朝鮮人民大時大節必食既食物之一！呢個冷麵用既應該係蒿麥麵，有辣醬有泡菜有青瓜，係幾醒胃既。之不過佢好似淡味左少少，可能呢個係北韓口味？反美帝主義漢堡$65見到個咁濃厚北韓愛國情懷既菜式名即叫呀！個漢堡輕輕插左支北韓國旗，係意味住北韓騎在美帝上🇰🇵！有意思有意思。另外，你唔好以為佢係一個普通平時食開既美式漢堡，個漢堡中間無漢堡扒或者牛肉架！😂佢係有泡菜同幾塊豬肉仔。個漢堡啲汁似唔辣既泡菜汁，配豬肉係另有一番風味。🥰 其實想試下北韓野食可以去食下感受下，始終要去北韓旅遊唔係一件易事。同埋我相信呢個應該係全港第一次有咁多北韓事物出現既地方（你睇下我用黎襯托既朝鮮報紙）…Read More

開心星期五既lunch緊係要去安利食個切腩河加鮮油多！最鐘意安利既河粉，係好滑又唔會林，加埋出名既切腩係絕配。切腩有咬口不特止，仲唔太痴牙😋 今次加左牛丸，不過牛丸真心麻麻地，唔彈牙又無咩牛肉味下次可以skip。鮮油多都係安利招牌菜，多士焗到外面脆卜卜又香，加埋個舊牛油係無得頂！食完要減返兩磅先得呀😆同埋安利啲哥哥又好好人，唔係黑口黑面個啲咁，我地一枱人叫野有啲亂佢地啲態度都好好呀😂 真係賣飛佛呀😆…Read More

多麼憎我太慢才識你😫呢間616食完之後應該會變成我打邊爐既首選。呢間專食牛既火鍋店，有唔同部位既牛可以揀，餐紙上仲寫閒要淥幾耐先食得，好岩我地呢啲唔太熟既人。餐牌係ipad咁，寫晒唔同部位既簡介，好方便！ 花雕蜆湯底 $98 無睇錯！成鍋都係蜆只係$98！新鮮又足料，真係好抵食，兩個人食左啲蜆都有3成飽🤪 。牛坑爪 $68 呢個係堅好食既部位！重牛味仲要好有咬口，啖啖手肉味真是正🤩 。牛朴肉 $48 呢個朴肉係多啲肥膏，淥大約6秒左右，有啲入口即溶既感覺！鐘意食肥既一定鐘意食呢個。吊龍伴 $68 早兩年返廣州時食過一間吊龍，又係好正好有牛味，但今次呢個失準左少少，無咩特別。總括黎講呢間616係平靚正食牛之選！😍一試即愛上！…Read More

旺記既滑蛋出名程度應該好多人都聽過下，平時去親都係食茶餐，今次夜晚就試下個滑蛋雙拼飯。滑蛋好滑，而且佢無好濃既蛋皇味，對於我呢種唔係好食蛋黃既人係一件好事（不過如果想要濃蛋味既就可能唔太適合喇😝）。 蝦仁方面，佢應該落左胡椒去餣，係香口既唔會淡貿貿無味，但我就麻麻地。滑牛肉黎講佢算整得幾好，啲肉無用味精「那」過龍，但又keep到啲牛味。總體黎講成個滑蛋雙拼可以一戰，下次中午有機會要試埋滑蛋叉燒飯先得…Read More

本身啟業係冬姑亭有3-4間大排檔，有日行過入面發現有一間新開大排檔就即管試一試佢。今次叫左豉椒炒大蜆、蒜蓉炒白菜仔同埋咕嚕肉。首先講值得一讚既咕嚕肉先，佢係用肉扒整既咕嚕肉，完全無骨，而且炸炒漿唔多，咬落去係啖啖肉！出面街有啲係炸粉漿大舊過肉既，佢就一定唔係咁。相反，炒白菜仔同炒大蜆就差啲。炒白菜仔太咸，不過炒得乾身。啲大蜆好似未去沙去得晒，仲有少少沙，另外又帶點腥，可能唔係太新鮮。不過佢呢間大排檔啲員工服務幾好，唔會粗聲粗氣。…Read More

講開食炸豬扒，元朗永順食店係出名既，除此之外，佢仲有蟹王麵賣！蟹王麵呢，就細細過係媽媽口中聽過佢個名，好似係媽媽既兒時回憶黎。不過試過之後，我就覺得”ok la”🤪，始終都係鐘意出前一丁多啲。講返個炸豬扒先，豬扒啲皮係炸到脆卜卜又好香口，同時啲豬扒肉就嫩滑既。不過佢就炸到啲皮甩甩地有啲皮還皮肉還肉咁。反而我個人更喜歡炸雞翼，炸雞翼炸到又香肉又鬆化。 😋 環境方面，衛生程度有少少強差人意😥，不過啲伙計態度都幾好，搭救返啦。…Read More

相信大家對位於佐敦既佳佳甜品一啲都唔陌生，係佢咁多樣糖水當中我最鐘意食佢個薑汁湯丸。首先係佢個薑汁湯，碗糖水一黎到已經好香薑味，但係一飲落去就勁辣！薑汁濃厚，又辣又香係好正！（女生當養生飲都岩，可驅寒）😉 其次就係湯丸，真皮薄餡靚👍🏻皮好煙韌，芝麻餡好香，甜得黎係清唔會好膩。HK$20一碗黎講CP值高。一試就愛上變成賣飛佛😋不過值得一提既係，如果夜晚6點前去就唔洗排隊，有次夜晚9點幾去都要排4-5個宇..…Read More

【東寶小館】黃金蝦、花雕醉雞荷葉飯北角東寶相信好多人都食過，最近試左佢既黃金蝦真係無得輸。黃金蝦啲咸蛋黃好香，同時更炸到好脆，最重要既係啲咸香味係入到落隻蝦到！係出面食過幾間黃金蝦都無呢個效果，多數係啲殼有咸香味，蝦係無。 （弱弱一問，究竟係點做到😭好味到咁）另外要讚既係佢既花雕醉雞飯，有酒香得黎唔太濃，重點係啲雞整完都仲好滑😋！好好味！唯一有啲覺得唔係咁好既係啲員工既service，禮貌欠奉...可能唔休做所以咁？…Read More

由細到大都對綠茶係0興趣，個時唔明點解啲女仔咁鐘意綠茶呢樣野。但當我係前年去過一次中村藤吉係宇治既本店後，徹底改變左我對綠茶既睇法，甚至令我既甜品口味轉變埋。有日行開海港城見到宇治園，就諗住試下搵唔搵得返個味道...綠茶味係有，雪糕都夠滑，只係佢無左個種茶香味。佢都係同係香港食到一般綠茶雪糕咁，濃濃綠茶粉開既雪糕味但無茶香味。不過，有得食一食頂一頂條癮都好過成日心思思呀係咪？ （講講下又好想即刻買機票飛去京都食呀！嗚呀！）…Read More

一向勁鐘意食中式傳統糖水既我，上星期日見到大台有個節目介紹綠林甜品，標榜涼粉係人手整，好似好吸引咁，就去試下。當晚十點去到已經人頭湧湧，門口有位女士買外賣聲稱等左一個鐘都未有，似乎大台既威力好強勁。好在我係The Gulu見到佢有得拎定飛先唔洗等咁耐。總共叫左三樣甜品，分別係芒果涼粉、川貝燉雪梨同糖不甩。首先講下個涼粉，大台介紹話佢個涼粉係人手做，每日要用7-8個鐘整，係少啲心機都唔得。啲涼粉食落口都知係堅人手做，淡淡既涼粉味，無平時街買一磚磚既涼粉或者其他連鎖鋪頭咁甜，吞左之後仲有陣陣既甘味係口徘徊。誠意十足！但係個燉雪梨同糖不甩就無咩特別。如果係涼粉愛好者可以不妨一試，但如果要排半個鐘至九個字先食到既話我就覺得唔太值得了。…Read More

每逢兩星期我就要入粉嶺圍一次做針炙，睇開開飯就搵到間好出名豬手既群記。一試之後就返唔到轉頭，愛上左佢既豬手同牛丸。豬手本得好爽，一啲都唔會林之之，好有咬口（我覺得鐘意食雞腳既人一定都鐘意食）。牛丸又係彈牙爽口，同勝利牛丸有啲似個味道，唔知係唔係同一批貨定都係自家製？係環境方便，佢係比較懷舊似八十年代裝修既麵檔咁，唔好expect有好service 同坐位。係迫下迫下咁，食開地野既人應該都唔會介意既不過留意返，好多時都賣到3點就賣晒啲豬手，要食就要早去食！…Read More

就黎生日，就約閨蜜食飯。閨蜜既家鄉係福建，佢又提議食莆田就去食。撞岩係蟶子節，鐘意食海解既我當然要試一試！$198兩款蟶子食法，我揀左薑蔥炒蟶子，閨蜜揀左花雕蒸蟶子。兩個試完後我都係比較鐘意食薑蔥炒，可能因為港味啲，係平時大排檔食開既薑蔥炒蟹味。不過最驚喜既都係啲蟶子既size！每隻蟶子都好似手指公咁大粒架！係香港咁耐都無食過咁大粒！啖啖肉堅好正！另外再叫左個農家拆粉同九轉小腸，拆粉第一次試，好似糊仔咁，幾好咪唔錯。總結下，野食係幾好食，蟶子有驚喜，唯獨係服務麻麻地，一開始坐左廿分鐘先有人上茶。…Read More