rosalinechin的个人专页

我們搭輕鐵時見到餐廳外面幾多人，就被吸引左入嚟。等候時間有點久，不過等位的時候店員都好友善咁同我哋講等候時間，知道我哋唔想坐出面吸二手煙後，店員亦都安排室內的座位給我們。當日我哋叫唔到餐牌某些小菜（例如煲仔飯及薑蔥生蠔），所以當晚我們只叫了一些家常便飯的小菜。食物質素方面，我本人最喜愛吃蝦仁炒蛋，不是每一間餐廳都能把炒蛋炒得滑，而且蝦仁亦很新鮮。我們全部人最喜歡吃的就是土魷肉餅。這道小菜亦都是店員介紹我們吃的。雞煲的調味做得不錯，店員亦細心提點我們把大件的雞塊預留後期才吃，讓雞塊更入味。看得出廚師有用心做好每一道小菜。雖然我們等到等候時間有點久，但是能吃到美味的食物也是值得的。服務方面亦做得不錯。店員不時也與我們亦閑話家常，感覺非常有親切感。感到驚喜的是店員見我們四人坐得有點迫，特意在讓我們轉去剛執拾好更加大的飯桌享用晚餐。這一點非常值得欣賞。食物環境方面，環境有點擠迫，飯桌之間的空間不夠多，比較是大排檔的形式，所以不是非常整潔。希望小店可以保持水準，下一次也會來光顧的…查看更多

今天與家人從大澳回來，用生日優惠在這間餐廳吃晚飯。我們也曾經到這個餐廳，今次發現服務質素有改善。餐廳侍應對我們的要求都迅速地回應，而且非常細心。即使我們只叫了二人餐，但是當我們要求他們提供分享用的碟子和餐具時，侍應亦會替我們多份共用的餐具食用甜品。侍應也定時收取碟子和提供濕紙巾給我們。我使用完生日優惠後，經理更為我查看已有的積分為我拿到更多折扣，這點值得讚揚。食物質素是不錯的，不過食物份量有點偏小，如果可以更多份量會更好。今次的用餐體驗比之前更好，下次也會來光顧的。…查看更多

今天是聖誕節，我們一行七人臨時臨急想找一個餐廳吃聖誕餐。然後諗起之前已經book mark咗好耐嘅呢間餐廳。我們大約九時半用餐，在服務方面，餐廳侍應都常常回應我們的要求，而且上菜速度快，不需等太久便有得享用食物。食物質素方面，海鮮飯都煮得很入味，而且牛扒和豬扒配上特別的紫薯醬，口感非常香口。環境衛生方面，餐廳的座位略為有少少擠迫，不過我們一行七人，餐廳職員很貼心為我們準備了較寬鬆的座位，而且旁邊桌的客人亦很願意把座位讓給我們。廁所可以改善，地面有點濕滑，不過餐廳職員亦細心地提醒我們需要注意地面。總括而言，食物和服務質素都幾出色，有了餐廳服務員的服務搭救，其他的不足之處，我們亦不介意了。下次也會再光臨這間餐廳的，聖誕快樂…查看更多

一直有幫襯過呢間餐廳，但係今次幫襯之後，我終於明白點解餐廳人流越來越少，大家都想北上消費。。。性價比方面，餐廳點心size變得越嚟越細，一個拳頭先至有幾個點心嘅size …味道方面，雖然保持到水準，但係已經冇以前咁有驚喜。環境衛生方面真係要好好改善，我哋未嗌點心嘅時候已經有隻曱甴行咗出嚟，搞到我哋冇咗大部份食點心嘅興致…服務方面，餐廳本來都好多空枱，但係好多時侍應都好似好忙咁問一句答一句。未夠5點已經主動同我地清枱。其實等多少少又有咩分別呢，我哋都未坐夠一個鐘。。。希望餐廳會好好改善自己嘅質素啦。。。…查看更多

我們幫襯旺角嘅金華冰廳，不單止遇到極差的服務態度，茶餐廳的餐牌更涉嫌有誤導成分。我哋一入去堂食，就見到枱上面有張告示指出每人要最低消費一杯飲品。（如圖）下單時，我哋睇餐牌先知一杯飲品原來索價最少$20！我哋一行5人，下單$200（平均每人$40)，但是伙記睇到我哋其中四人冇叫飲品仍要求我哋單叫多4杯飲品，即是多付$80！我哋同伙記講：「我哋5個人幫襯你哋咁多點解仲要我哋一人買一杯$20飲品？」不單止伙記堅持我哋叫飲品，老闆娘仲話我哋：「喺咪鬥氣呀！」不單止，餐牌（如圖）的列價非常曖昧。我哋叫雙蛋通心粉，餐牌的字非常小，無列明叫雙蛋加豬扒要幾錢，只講轉豬扒要加$5（但無寫豬扒麪的真實價錢），我們本來想叫豬扒蛋麪，但伙記就話要我哋加$20幾先可以。這樣狡猾的列價方式簡直不可理喻！食物方面，菠蘿油（如圖）不算貴，但是已經沒有以前咁好食，以前常光顧這間餐廳的的菠蘿油，當時的包都是新鮮出爐，熱哄哄，牛油和包和諧地融合，很有層次感。可是今次的菠蘿油不但乾柴，牛油仍是冰冷，包更加比以前多了空氣，盡失水準，令我哋覺得甚至到偷工減料的程度。雙蛋通心粉（如圖）更是平平無奇，沒有再嘗試的價值。食完嘢，我哋已經不要信任這間餐廳，發現收據（如圖）的列單方式亦非常曖昧，我們決定上前和老闆娘理論。老闆娘不但完全沒有悔意，更話自己明碼實價，「最低消費飲品$20間間茶餐廳都係咁收費架啦！」，我哋唔鍾意大可以唔幫襯佢！總括而言，金華餐廳係眾多茶餐廳之中服務態度最惡劣，食物質素大退步的餐廳。老闆娘趕客的態度更加令我不推薦大家過來幫襯，因為金華已不再是以前風光的時候了！…查看更多

上星期和朋友聚會食晚飯。知道賽馬會人流稀少所以選了lady M這個分店。進入餐廳時大約晚上7時半，只見兩三桌客人。我們還未坐下來，其中一位侍應不知是否趕着收爐，帶著催促的語氣叫我們要快點選蛋糕。我們連餐牌仍未看便要急忙選擇自己喜歡的蛋糕。食物味道不錯，我們選了3 courses ，包括前菜、主菜和甜品。我們分別點了紫薯燉飯和素食漢堡包。上菜速度算快，但是食物温度不足。而且主菜份量較少，可能是因為蛋糕成本較高的原因吧。雖然如此，Lady M 的重頭戲是作為甜品的蛋糕。我們點了開心果千層蛋糕（+$8）和芝士蛋糕。我個人較喜開心果千層蛋糕，口感非常豐富，千層蛋糕亦很有層次感。芝士蛋糕方面，牛油味較重，食完有點滯，個人覺得太heavy。總括而言，餐廳較適合喜歡闊落環境和只為蛋糕而來的人。如果對整體食物質素有要求的人就未必適合了。…查看更多

我們特意選擇下午茶來用餐，打算避開人群享受天婦羅丼。可是，我們大約3時13分入座，等了半小時有多食物才到達（見圖）。當時我們附近坐了大約四個人，店舖規模較小，有兩位師傅。然而，即是在下午茶時段人流稀少的情況下，我們仍要等非常久才能享用天婦羅丼。侍應的服務亦有點倉猝，例如在為我們上菜的時候，因為天婦羅丼弄得有點久，所以不能把全部食物放在餐盤上，顯得不太美觀。雖然如此，食物的質素依然有水準。我們點了天婦羅和烏冬，天婦羅每次都能保持酥脆的口感。而且溫泉蛋極炸得外脆內軟，滿足味蕾。美中不足的是，我之前也到來光顧過幾次，以前下午茶時段來光顧的時候並沒有等得這麼久，是否因為人手短缺問題呢？希望餐廳可以好好改善上餐緩慢的問題。…查看更多

見到呢間餐廳有好多個好評，就打算過嚟試吓蛋包飯。點知原來呢一個抉擇非常錯誤。我哋下午2:30過嚟食飯，一行四人見餐廳唔夠座位就係餐廳外面排隊。可是一開始對我哋嘅服務態度已經大打折扣。第一個出嚟係一個比較瘦削嘅男人，佢一嚟就同我哋講所有漢堡扒嘅食物都冇晒。少咗食物嘅選擇，我哋都失望唔少。一個光頭戴眼鏡嘅男人一望到我哋就叫我哋一定要喺箭嘴後面排隊，感覺唔太友善。加上我哋其中一個朋友未到餐廳，光頭佬又同我哋講：「你仲有個朋友未到喎。」感覺我哋阻住佢哋下午3:00收工咁，呢種語氣俾我哋感覺好刺耳。幾經辛苦我哋終於坐低食飯，喺嗌嘢食嘅時候我哋被要求寫清楚枱號，可是食物嚟到嘅時候侍應都係唔清楚我哋邊一個嗌左啲乜嘢。其中一個朋友嗌咗熱檸茶，侍應就俾咗凍檸茶加冰。。。至於食物質素，味道不過不失。三色蛋包飯入面嘅白飯口感過腍，咖喱同蕃茄嘅味道冇乜分別。唯一一樣值得稱讚嘅係賣相還可以接受，但係好多餐廳都可以做得比呢間好。進餐途中，我哋仲親眼見到有一個女仔同一對男女中途放棄光顧呢間餐廳。多半都係因為差劣嘅服務態度同埋缺乏食物選擇嘅原因罷了。經歷過今次嘅進餐經驗，我以後都唔會嚟呢間餐廳食飯了。…查看更多

第一次嚟女僕café嘅我好拘謹，但係好彩女僕們都好細心照顧我地感受。佢哋同我嘅對話好自然，令我心情放鬆好多。對我哋兩個女仔嚟講整體服務都好貼心舒服。食物方面，雖然唔太突出，但係有中上餐廳水準，女僕會在每次嚟食飯嘅時候同我哋施魔法，呢種互動反而令整體感覺加分。唯一美中不足嘅係場地有啲簡陋，地址有啲難搵，希望可以有更多可愛裝飾同道具🤣加油！！！💪🏻💪🏻❤️…查看更多

I have been a customer of Tonkichi for several times. Owing to the satisfying services and delicious food provided by staff, I’m here to deliver my honest thoughts about this restaurant through this review.First, to talk about the food, the outlook of the food is mouthwatering. Fried porks of desirable quality are served separately with Japanese rice, lemon and salad for a sense of freshness, together with a range of choice of sauce for customer’s preference. Though the price is not friendly, it is worth the taste.For the service, most of the staff there works with passion and diligence. I have been experiencing the staff’s services since the restaurant’s opening. The earlier staff were always responsive and cared our needs.The new staff team, although with a slightly agitated manner, still intends to put effort to improvise their service. Some staff explained to us about their restaurant’s new arrangements and recommended to us the use of different sauce. I appreciate their effort to maintain the wellness of Tonkichi! All in all, I’m quite satisfied with the service and food of Tonkichi. Though the new staff team needs more training and effort to catch up with the old team, I believe that they will learn and improve.…查看更多

今日一家人諗住開心食一餐，結果餐飲體驗非常差。首先我哋七個人過嚟叫位都等咗20分鐘，當時唔算太多人，而執枱嘅侍應動作非常慢。我哋嗌左炸雞同埋pizza,一開始嚟嘅炸雞仲要全部都唔熟，我哋問同事換佢哋仲要俾少2隻drumstick同原本配嘅沙律。而且炸雞翼質素好差，肉質好乾而且冇雞味。叫嘅檸檬茶就冇晒冰。客觀咁講，pizza味道正常，冇問題。服務質素方面，侍應由頭到尾都冇認真嘅服務客人。例如一開始嘅時候只會好粗略抺枱，明知道依家係肺炎肆虐嘅時期，我認為咁樣係一個唔認真嘅態度。其次係我哋同侍應反映食物質素嘅時候，雖然佢哋都有換返食物俾我哋，但係大部份侍應都不瞅不睬，態度好侍應解釋係因為社會運動而令到佢哋態度冷淡。其實好多餐廳都面對緊社會運動同肺炎，但係佢哋嘅服務態度都會保持水準，所以呢一個原因會令我感覺係一個藉口。而且食物價錢一啲都唔平，炸雞竟然咁$200只有五隻雞，我諗去KFC食性價比會更高。整體而言我認為呢間餐廳不可一不可再光顧。餐廳侍應只會用藉口去合理化自己服務差嘅態度，而且食物質素唔好，唔值得用一個咁貴嘅價錢去食。如果去科學園玩嘅話最好去其他餐廳。…查看更多

今日我哋一家將軍澳一日遊，對呢邊嘅餐廳不太熟悉，就試吓日本野。結果令我非常滿意甜蛋冇乜特別，普通水準炸蠔飯有驚喜飯嘅份量比較多，不過炸蠔配蛋嘅配搭好食😋cp值高串燒有啲太油，不過調味恰到好處，豚肉品質亦唔錯腸仔有啲過鹹，醬汁令食物更鹹，有啲畫蛇添足烏冬有咬口，好食😋天婦羅嘅炸衣尚好，同食物本身分得太開，天婦羅蝦口感較粗糙，蟹鉗亦有同樣問題。服務方面亦都滿意，尤其係餐廳經理嘅服務態度佢每次經過我嘅嘅枱都會留意我地嘅需求，我哋都有影相嘅習慣，佢會清潔好雙手先掂客人手機，工作效率亦高，令我餐廳評價加分不少總括而言，餐廳食物質素中上，個別員工服務態度好好，下次我會再幫襯…查看更多

已經同朋友嚟咗好多次，呢間餐廳質素真係好好👍🏻首先我最鍾意就係佢有好多隻貓嘅賣點。其他餐廳唔同，呢度嘅貓可以周圍走，有啲仲會跳埋上去你度，真係好治癒😋然後就係食物嘅質素。每一次嚟呢間餐廳佢都會有唔同嘅花款，味道亦都唔錯，我認為比呢一個價錢去食絕對係抵玩👍🏻最後就係服務態度，雖然服務唔係話特別突出，但係係一間得幾個員工服務眾多客人嘅比例上，員工已經好盡力回應客人需求，所以我認為服務亦都唔錯👍🏻所以我會再幫襯呢間餐廳…查看更多

今日同朋友第一次嚟西營盤想食甜品但係結果令人大失所望。首先我同朋友一入嚟完全冇人招呼，我明白人細咖啡店應該冇呢一種文化，但係員工好似當我哋唔存在咁樣要我哋自己入嚟照顧自己咁。例如飲水都要自己搵杯同埋水樽，食蛋糕嘅時候都要自己行去攞叉。仲要係員工本身根本冇嘢做但係要求我哋自己去做呢啲嘢。然後員工仲要特登叫我地自己抌啲紙巾，喺其他餐廳都從來唔會叫我哋咁樣做，而且態度非常冇禮貌。此外食物價錢同應有嘅水準根本唔成正比，我同朋友嗌左兩個戚風蛋糕但係感覺完全好似平時食開嘅海綿蛋糕咁，加上差劣嘅服務態度令我覺得根本唔值呢個價錢。我認為好多cafe就算喺疫情之下都唔會要求客人自己去做所有野，可能因為小店問題而唔能夠咁做，但係當時我係見到員工根本得閒到可以出嚟坐特登唔顧及客人嘅需要，所以根本唔可以用疫情呢個藉口去要求客人自己抌紙巾拎餐具同埋拎水。我去過有啲餐廳的確有自助嘅形式但係佢比嘅價錢同埋環境質素絕對比呢間餐廳好好多。基於以上原因我同朋友都唔會再推介亦都唔會再幫襯呢間cafe…查看更多