pa_rizz's Profile

呢間過冮龍都好出名，都開左一段時間我諗食開海南雞既人無咩唔識，今日黎到圓方食晚飯，晚飯時間一樣坐無虛席，環境似舒適版既茶餐廳風格，上菜都好快。佢甜品好吸引可惜叫左好多野食，下次一定會試埋甜品。天天海南雞（中份）$169+雞油飯$23雞肉好嫰滑，中份岩岩好夠兩個人食，鐘意佢好醬汁好濃密，雞油飯好香，3-4人可以直接叫一窩。肉骨茶（豬）小火鍋$159有得簡牛或者豬，湯味帶點藥材味但唔會太過搶flo ,牛丸好食 爽口彈牙，配埋粉絲朔晒啲湯汁一齊食好好食，飲哂啲湯都唔緊要可以再Refill！火焰黑金叉燒$109好特別用左五花腩做叉燒部位，上桌前會燒一下，令到食落口個陣更加香，叉燒好容易入口而且用五花腩燒過之後口唔會話太肥反而帶出左個油脂香！黃金蠔烙$99呢一個有驚喜，切好分好左上碟，比人一件一件咁食唔使自己再分好方便，而且毎件上面都有超多蠔仔。豆花年代奶茶$39出面食好小見有豆花飲品 ，飲落好搭！咸檸檬梳打$35食得多熱氣野，飲完舒緩返喉嚨！…Read More

收工同友人落到荃灣覓食，發現荃灣廣場底層有間西餐廳多人排隊，決定試吓！餐廳環境闊落，坐得都舒服，啱晒收工/假日同朋友吹吓水食晚飯。餐牌有pizza餐/shake shake海鮮套餐,友人鐘意食pizza就揀咗套餐，除咗pizza仲有意粉、餐湯沙律附上都幾多嘢食。招牌明太子海鮮薄餅$388熱辣辣薄餅上有煙三文魚、蟹柳、蟹子、蝦肉、木魚絲、紫菜、芝士同明太子醬。配料都足料，咬落去好有口感。芝士🧀都拉絲，唔錯 好有和風口味，整體都夾的。法式鮮打龍蝦湯+$18湯有粒粒蝦肉，好足料👍🏻絕對唔係hea你湯都香滑，陣陣龍蝦味，加少少錢比埋蝦肉你 抵呀！泰式柚子墨魚仔沙律墨魚仔十分爽口，沙律菜配微辣帶酸嘅汁汁，十分開胃，作前菜一流！波士頓龍蝦占米多黑松露闊麵+$88半隻龍蝦🦞作擺盤，龍蝦帶有少少膏，唔錯。黑松露幾好，不過整體味道略淡，加咸少少會更好～～蒜香辣椒炒大蜆$68蜆肉都飽滿，大大隻，味道再濃多少少會更好繽紛水果茶$24呢個價夠哂抵飲！…Read More

食尖沙咀食過宜家旺角都有得食啦好適合情侶或者帶對象去既韓劇浪漫氣氛餐廳即刻加分，裝飾同尖沙咀店差唔多保持左風格，建議訂位，因為真係好受歡迎放工8點去都好多人拎飛排隊，而且食完都仲係高朋滿座好熱鬧。串串魚糕湯 $228去到好可惜豬手賣哂 ，因為晚市先有，唯有叫另一樣主食，魚糕湯一樣好出色比較貼近韓國味道飲左啖湯喉嚨feel 到有微微地辣好對味。有好多款魚糕仲有水芹菜送住食 ，好食到成鍋湯飲到底。烤牛肉紫菜飯卷 $98結合了牛肉的香氣和紫菜的爽脆，搭配蔬菜和白飯，口感豐富。香腸年糕串 $38炸過既年糕好好食煙韌得黎有種焦脆感，加埋香腸唔會話好單一同埋無就咁食炸野個種罪惡感。香蒜蜜糖炸雞（半份）$138食韓國野點小得炸雞，佢既炸雞有幾種口味，而佢唔會剩係炸雞仲會有薯條同薯格做配料士多啤梨乳酪 $48呢杯正 味道似足士多啤梨奶昔，滿足到想飲奶昔但怕肥既人。西柚梳打 $48跟塊西柚上岩哂打卡！…Read More

由出電梯門口就見到麗花皇宮燈牌充滿舊式香港情懷，入面枱同環境都充滿設計，有大排檔既摺枱摺凳，仲有係賭檔既大細枱好有港式電影情節feel ，見到menu 有新鮮海鮮同牛肉都有好多款選擇睇得出係好用心經營同設計既火鍋店！好值得推介俾大家！一坐底會俾你自己揀醬油，落埋店鋪自家制既沙嗲醬同蔥頭油再沾黎食真係好香！今晚卜卜蜆鍋$198因為鐘意海鮮叫左個蜆鍋，真係多蜆，滾起咗即刻要飲返啖湯即刻暖一暖手切封門柳（例牌）$298例牌份量夠哂二人食，都好多肉質都好細嫩，加埋蜆湯讓人聞之垂涎。蟶子（2隻）$118，扇貝$78，海中蝦（半份）$88打邊爐點都要叫返小小海鮮咁先有風味，蟶子好大隻有種微微甘甜，扇貝同蝦都好新鮮同鮮甜！珊瑚蚌$128有海鮮風味加濃郁鮮味，食落好爽口紫菜炸響鈴$98即叫會幫你炸返熱既響鈴 ，等你食落再脆一啲，同埋熱辣辣咁食好好食。白菜仔$42新鮮白菜仔，食完無咁油膩感。竹蓆茅根海底椰$48清喉潤肺，打邊爐無咁大罪惡感同熱氣，一渣唔係好夠喉！…Read More

人氣不變晚上依然滿座既韓式大排檔風包車，menu 有好多經典韓國美食。環境有韓國上班族忙完會到街邊包車同朋友食飯飲返杯既場境仲要有埋冷氣，裝潢有好多打卡位好岩黎打卡！街頭魚糕串串$146（half)韓國很受歡迎既小食魚糕，見到真係好掛住忍唔住叫，用埋銅鍋上真係好對味，除左5串魚糕仲有魚糕片係入面，唔驚唔夠食。招牌炒章魚$146章魚好好食，完全唔韌而且辣醬加小小甜味，食到停唔到 ，好岩做下酒菜。炸紫菜粉絲卷$62粉絲加上紫菜係韓國經典小食，同朋友傾計點小得小食 ，加埋個汁作為點綴好食！吞拿魚拳頭飯$78韓國食物點可以無碳水，平時食開紫菜包飯，今次揀飯團真係似拳頭，金槍魚飯團整好埋上碟唔使自己整好方便。…Read More

餐廳位置不難找，係地鐵站C出口一上就會見到，主打天然有機菜，餐廳環境很舒適而且垃圾有分類響應環保，樹屋概念很好想將減碳呢個意識帶俾大眾🤣，menu 有好多選擇仲可以自由配搭一定揀得岩自己鐘意既蔬菜。見到好多人都會外賣自取，今次我就坐低慢慢食揀咗堂食。Tubdra + combo 118+50有素芝士 ，醃青椒，生菜，蕃茄片，香草牆，五穀包包皮好好食好香穀麥味 ，漢堡用南瓜整成食落有啲類似薯蓉質感 ，加左combo 厚切番薯條配蒜香奶油醬 ，薯條好香蕃薯味甜甜地加埋醬好match, combo仲有沙律菜 好fresh 。Musella $88五香豆腐，豆角，香烤蘑菇，酸瓜&味噌醬味噌醬有啲類似麻醬帶出左成碗素食既香味，底部仲有羽衣甘藍🥬，作為一個沙律碗share 唔錯Lemonade $35Lemonade 好特別 可能係蔗糖 加埋香茅 好易入口不知不覺成杯食哂！夏威夷朱古力曲奇$45連曲奇都選用較天然既原糖，很用心將持續食文化帶俾大眾 ，好值得推薦既餐廳…Read More

係深水埗大南街都想當出名，店裡裝潢設計十分之文青，平日晚上都相當多人，可見都很受歡迎！蓋飯份量十足而且營養豐富仲可以自選，岩哂增肌減脂想控制卡路里又想出街食野既男女！揀左menu 上808 吞拿魚、壽司飯、沙律菜、和式青蔥、枝仁豆、三文魚籽、雜菌香菇、山葵乳酪醬、芝麻、木魚絲。吞拿魚 切食方塊 很易入口同口感，香菇配埋醬好好食！同埋圖同實物一樣 咁豐富👍🏻自選珍珠糙飯，枝仁豆、蟹棒沙律、麻醬豆腐、雞胸、柚子醬油醋、岩鹽朋友見多人推薦就選了蟹棒沙律同豆腐，沙律很出色會令你更加開胃，豆腐很滑，雞胸經過慢煮很嫩，柚子醬加上冷食既食物岩哂宜家咁熱既天氣！…Read More

可以係繁忙既旺角歇一歇既樓上cafe,餐廳環境好舒服，宜且見到門口有board game好適合三五知已玩game ,吹水！見到夜晚都有set menu 好良心既餐廳，餐廳設有低消。香蒜白酒蜆意大利粉+龍蝦湯 $122 + 28好鐘意食蜆所以叫左個set menu 見加28蚊就有個龍蝦湯就叫埋 ，啲蜆圍滿晒意粉，有好香既白酒味，滿足到鐘意食蜆既人！湯有小小蝦溶 ，都唔錯。BBQ 醬豬仔骨加薯菜$158大大碟，薯菜份量十足，豬仔骨啖啖肉，係bbq 醬有啲搶左個豬仔骨flo ,有小小甜。水牛城雞翼$58雞翼有6隻，醬汁既香辣同酸甜味岩岩好，淋左醬都仲食到炸雞翼既脆，好惹味！熱情果綠茶(跟set menu drink)野飲都大大杯，叫set menu 可以跟$38既野飲，野飲選擇都好多唔係只有咖啡仲有茶類同乳酪飲品。…Read More

岩岩先知係元朗安興街足球場旁邊開左一間串燒燒烤店，好適合成班朋友聚會邊飲野食串燒吹水，而且串燒係有爐坐暖住食物！「串燒1st round 雞腎x2 雞髀肉串x2 脆肉瓜x1」因為鍾意食辣，串燒叫左中辣，串燒調味很好唔會因為辣搶哂食物味道，雞髀肉串出色燒得很嫩有肉汁個隻，雞腎都一定要試 加埋辣好好食，而且很腍唔係咬唔開個隻！「麻辣大蜆粉絲」啲蜆真係大隻啲肉都好飽滿，仲要有十隻以上好抵食，食完好滿足！「串燒2nd round 燒豬大腸x1 燒雞翼x1燒五花肉串x1」叫左一round 覺得啲串燒好食決定黎多round !五花肉充滿肉汁同油脂感超正,雞翼一樣juice「金湯娃娃菜」最後叫左娃娃菜做結尾，食咗咁多油膩食物，食返個菜減底自己罪惡感，娃娃菜清清淡淡岩岩好！…Read More

一聽到屯門市廣場開左永年士多,多左分店佢係商場入面即刻覺得方便左唔使係大街熱住等位！位置比較偏僻係地下衛訊附近。自撰三餸麵（瘦腸、魚蛋、芝士腸）$50永年好食眾所周知，開咗分店水準依舊，揀左魚蛋、瘦腸、芝士腸做餸，魚蛋很彈牙，份量都很多，滷水瘦腸好入味，揀左小咖喱辣，咖喱味一樣好香，辣度調味岩岩好唔過辣又或者唔夠辣！自撰三餸麵（豬紅、牛肚、蘿蔔）$56牛肚五香味岩岩好 ，蘿蔔很腍而且沒有渣，豬紅都好好食無腥味，揀左麻辣，麻辣既香令碗麵提鮮！蝦籽菜心$28菜黎講都幾抵 係自己想食蝦籽先揀左個高啲價錢，蝦籽灑滿係菜心上面，好濃蝦籽香！鹵水雞翼$30有五隻算係幾均真，送麵一流又可以當一個車仔麵餸咁食，略嫌小凍似醉雞個隻小食feel 個人口味都係鐘意熱既鹵水味！樽仔烏龍茶$17茶味好出 而且支裝上，飲唔晒都可以拎住走！…Read More

同朋友聚會relax既好地方!有得一路食住烤魚串燒再配埋啤酒享受住live music ，餐廳設計很像七、八十年代歌廳而且空間很大位置舒適，小食同烤串款式都多仲要營業時間去到凌晨三點，夜晚想食宵夜又想坐得舒服啲既好選擇！建議早啲book 定位平日都爆場！山城毛血旺烤魚 冮團$328因為都食得辣叫左中辣好入味，魚肉質好厚大大啖魚肉放入口再配埋啤酒好爽 ，即刻減輕返工壓力，烤魚都有魚刺同骨食個時都要注意返，配料有少許薯粉，牛栢葉同午餐肉除左食烤魚仲叫左烤串同野飲 ，食烤串佢會有爐座暖唔會令到食物變凍左唔好食，呢個服務設計理念很好牛肉串 $30牛肉與牛肉之間有小量油脂令到層次豐富左有種juice 感覺 同充滿牛油香味黑椒豬頸肉 $28 燒到好入味而且唔會燒到好乾硬柴柴咁，好軟腍燒娃娃菜串 x2 $18娃娃很搭做烤串，娃娃菜烤完出水加埋個辣粉同調味料食落真係似掛左汁，味道勁出燒茄子 $36串燒必食烤茄子 🍆，個烤茄子好抵食，表面鋪滿哂蒜蓉醬，平平無奇既燒茄子吸收哂調味調精華聽住歌送啤酒一流水果茶$45大大杯 ，仲有西瓜同菠蘿做底宜家步入夏天岩哂食完辣野消暑解渴，飲完茶仲可以食埋水果茶西瓜啤酒 $68 有啤酒送烤魚加串燒 岩哂同朋友聚會傾計談心…Read More

由外賣店做到店舖有堂食真係唔容易，一直都有幫襯開老闆娘既花甲粉，啲花甲真係新鮮同埋個辣味真係好香，而且成日都有優惠價小食！係間充滿人情味食店！見佢開左堂食店即刻去試試 ！經營模式有啲似food cout既feel 先係門口填好要食既野再排隊同收銀落order 比錢，比完錢先揀位坐低基本上都要搭枱除非自己岩岩好4個人一張！私心推介糖心皮蛋小食，皮蛋同個汁都屈機，酸酸甜甜加埋煙韌皮蛋配搭天衣無縫。花甲粉+肥牛海鮮湯湯底，鮮味十足食到花田既鮮味，花甲份量都多，叫個加底粉絲份量夠兩個人食，其他餸就無乜特別 車仔麵既餸腸仔牛丸啲fd 。…Read More

Lunch 搵野食見到，係間巷仔到有種隱世feel ,主打夏威夷蓋飯 ，見使用健康食材岩哂身型管理人士，之前都食過其他既夏威夷蓋飯 伏極有個譜，點知真係有伏！Oka $98有吞拿魚、三文魚再搭配蔬菜和豆類，睇相係魚生加蔬菜鋪滿，結果份量係小，價錢同實物好大出入！！以為得自己個個係咁 點知朋友食都係咁！似爭鮮魚生飯 多過似夏威夷蓋飯！…Read More

大碟好食既快餐店選擇又多，質素好過出面大街啲茶餐廳，價錢都唔係特別貴所以深受附近打工仔同學生歡迎，一到中午食飯時間就會爆滿，服務比澳牛更澳牛去收銀俾錢落order 慢啲你都會😂😂不過慣左都幾過癮，唔使諗坐耐啲，因為佢lunch 真係多人食同等位！焗鮮茄珍寶腸雞排飯 $52雞髀炸同滷水都好食同多人叫，今次食焗飯無剩係食雞髀咁dry ，個焗飯係炒飯底加埋鮮茄個汁香噴噴，而且雞排都大大件包你飽同埋醃得唔錯 ！👍🏻推薦！…Read More

平時經過都有見呢間拉麵店排哂隊，今次早經過咁啱見到佢排隊人數唔多就一於試試佢，佢位置唔多我同朋友排第三都等左成半個鐘，不過好食既拉麵係值得等待！！等既時候係到睇menu 順便上openrice 睇下有咩推介，佢有兩款叉燒選擇一隻係慢煮一隻厚燒，見啲人推薦海老湯就一於order 佢！！厚燒叉燒配海老湯拉麵$92叉燒部位係燒過既五花腩，叉燒肥瘦均勻一啲都唔肥膩！而且瘦肉都多👍🏻👍🏻唔會話剩係得肥膏 ，推薦叫呢個叉燒，海老湯好濃郁，充滿蝦嘅鮮味而且海老好鮮甜！慢煮叉燒配豚骨湯拉麵$78 +特上$20( 慢煮*1糖心蛋*1紫菜*1）朋友叫左慢煮叉燒都好食，同朋友share試咗一塊慢煮令到叉燒入口即化好食，個人推薦都係厚燒叉燒，豚骨湯一樣好濃郁，朋友揀咗幼麵（博多）啲面掛晒湯汁好好食！最後湯都飲到底！加左個小食炸雞件，分量十足，如果唔係好肚餓唔使叫兩碗拉麵都好夠飽，個小食適合三個人雞件好大件！👍🏻爭啲食唔哂…Read More