AquarianQQ's Profile

甜品同主⻝都好味，黑松露意粉好濃郁，未⻝已經聞到好大陣嘅黑松露味！鹽酥雞塊即叫即炸熱辣辣好香口。今次淨係叫咗一個意粉同小⻝，因為要留肚⻝甜品。刨冰嘅選擇都有好多，仲定期出新款。我哋最後揀咗焦糖燉蛋焙茶冰，店員好有心思，整得好靚，面頭嘅焦糖燉蛋醬好香蛋味配埋去焙茶味嘅刨冰一齊⻝好夾，刨冰入面有木糠同脆脆，所以係非常之易入口嘅。餐廳嘅位置都幾隱蔽，喺工廠大廈嘅一樓樓梯轉⻆位，所以都花咗啲時間去搵路。幸好⻝物質素都唔錯，我哋星期六晏晝嚟到都好多人，果然係好受歡迎嘅！好睇又好⻝嘅Cafe香港真係好少有，支持。…Read More

第一次幫襯又選擇左呢間餐廳既原因有兩個，第一個係餐廳既裝潢，呢間餐廳既門口好吸引我，環境感覺都好舒適；第二個原因就係餐牌內既內容及食物圖片吸引我。🐟🐟🐟娘惹蕉葉烤魚：整條魚搽咗醬汁，然後用蕉葉包住再去烤焗，魚肉依然保持著鮮嫩多汁。🥗🥗🥗蘆筍豬頸肉炒河：爽脆既蘆筍，有咬口的豬頸肉同煙靭又彈牙既河粉一齊炒香，食落口感豐富。🦑🦑🦑蒜香肉鬆炸魷魚圈：色澤金黃，外脆內嫩的魷魚圈配上特製醬汁，好好味。🥗🥗🥗馬拉盞炒通菜：馬拉盞作為經典泰國調味料，搭配爽脆通菜更加是人人都愛的一道料理。通菜炒完依然係青綠又爽脆。最後幫襯完呢間餐廳後有第三個原因吸引到我，就係餐廳既食物質素唔錯。…Read More

我鍾意食粵菜，因為啲食物味道濃郁又有鑊氣，所以餸菜上枱都係熱辣辣。🦐🦐🦐椒鹽富貴蝦：以猛火爆炒以成，鑊氣十足。富貴蝦隻隻厚肉鮮美，外皮炒至金黃酥脆，已經大廚事先起肉，只要用筷子夾起就吃得，非常方便，每一口都帶有微辣的椒鹽風味，相當惹味，送酒一流！🦀🦀🦀喜記正宗炒辣蟹：蟹殼充滿濃濃的蒜香味和辣椒味，蟹肉肥美甘香，每咬一口都充滿著無比鮮甜和美味，外香內鮮，令人吃完還想再吃。🐟🐟🐟椒鹽九肚魚：表皮可口酥脆，魚肉嫩滑，香口惹味，送啤酒一流，係大牌檔必叫菜式。🥗🥗🥗啫啫通菜煲：上碟時熱騰騰，通菜十分香口，唔會炒得太淋，好爽脆，而唔會太咸或太油。…Read More

約左三五知己去西貢行下玩下食下野，食飽晚餐大家意猶未盡，下一站緊係食甜品啦。係西貢食甜品見到大家都比較推薦呢間甜品餐廳，大家就抱住試吓嘅心態食呢間的甜品啦。🍧楊枝甘露：是經典港式甜品，由芒果，西柚，西米三種主要食材，西柚甜中帶酸，椰漿中又帶出一點椰香，有芒果濃厚的香味，係具有酸甜，濃郁，清涼和爽滑感覺嘅甜品。🍧芒果河粉：用蒟蒻粉和椰漿做成的，食落滑溜順口，口感十足，搭配香甜的芒果冰沙，清涼滿口。🍧朱古力冰沙：每一口都是超濃朱古力同奶香味，一個透心涼嘅甜品，非常適合依家甘熱既夏天食。…Read More

市面上有好多食烤魚既餐廳，但要搵到一間做到湯底正，魚又烤得嫩滑既食烤魚餐廳唔容易。，呢間餐廳就岩晒我口味啦。雙椒魚頭：上枱已經飄著濃郁香氣，魚頭的軟骨及魚肉厚實，肥而不膩、口感軟糯、鮮辣適口，非常好吃。香辣烤鱸魚：湯底香辣味濃，鱸魚烤得剛剛好，皮有少少脆，肉質嫩滑鮮美，有辣椒、花椒的香麻，讓人食慾大開。魚香茄子：點呢個菜一定要一碗白飯，魚香茄子加入鹹魚，以鹹魚突出當中的魚香。濃辣惹味的醬汁，加上鹹魚香、豬肉的肉香，口感軟綿既茄子和料頭爆炒的精華，配白飯一流。如果係同朋友敘舊吹下水食少少野，呢間餐廳仲提供燒烤串燒，蔬菜類肉類海鮮類都有，食物種類豐富，適合一班朋友。…Read More

我好鍾意打邊爐。因為食物既種類多，但當你打多幾次就會想搵啲有少見食品既餐廳。就好似呢間餐廳甘，食物質素唔錯，種類多又特別。手打梅菜豬肉丸（黑毛豬）：採用黑毛豬肉， 粒粒手打而成，可想而知，呢粒肉丸食落有幾彈牙啦。味道濃香， 令人一試難忘！加拿大象拔蚌：係打邊爐既最佳選擇，因為佢口感層次豐富，脆、軟、滑、嫩。味道鮮甜，肉質脆嫩。肉眼邊：每隻牛都只有極少嘅份量可以做到肉眼邊，係稀有部位。油脂花紋分布均勻，肉質滑嫩且極富肉味。豬蹄根：講真唔係間間餐廳都會有，好罕有，今次都係我第一次食，睇樣都覺得好有嚼口，食落唔會硬，仲好彈牙啊。…Read More

平時認起食泰國野就一定會諗去九龍城食，但九龍城除左食泰國野外，仲有好多其他有特色既餐廳，就好似呢間食pizza既餐廳甘，係區內都算係有特色。餐廳裝潢以黃色做主色，店內有不少裝飾可供打卡，開放式廚房，整個環境感覺舒適。叫左芝士四重奏薄餅同余均益雞翼，薄底pizza入口鬆軟仲有少少脆，四種芝士既薄餅味道好濃郁，pizza即叫即烤，所以上枱時會聞到陣陣香味。雞翼用左余均益辣椒醬烤焗，有啲辣辣地，好好食。今次只食左呢兩款食物，下次想試下其他。…Read More

一直都好鍾意食生煎包，經過呢度時發現開左新既餐廳，專食生煎包。身為生煎包愛好者，又甘岩見到呢間專食生煎包既餐廳，當然要試一試餐廳既食物啦。大約七點到餐廳，餐廳內已坐滿食客，等左一陣就可以進入。首先在收銀處付款點餐後就就座。我地點左上海排骨湯麵、炸醬拌麵、手工豆沙窩餅同鮮雞湯小雲吞，湯麵同拌麵既麵質軟滑，麵比較粗身，有啲似烏冬。上海排骨炸得鬆脆，肉質軟冧。豆沙窩餅外脆內軟。小雲吞一口一粒，加上鮮甜雞湯一齊食，唔錯。…Read More

之前經過好幾次創興廣場見到呢間打邊爐專門店，感覺非常吸引，因為經常見到門口都堆滿人。今日終於可以同朋友黎幫襯下，呢間餐廳佔地全層，空間好大，自助區整齊放左好多食物同調味料，食物種類好多，例如有兩種顏色既羽衣甘藍，唔同色既白菜，呢啲菜係其他邊爐店未必會有；飲品種類都好多，有梅酒同日本清酒飲，對於鍾意飲酒既人黎講真係更加吸引。打邊爐最重要都係肉類，肉類選擇都唔少，質素唔錯。係點餐既過程中都冇漏單嘅情況。…Read More

日本過江龍cafe，開係交通方便又多野食既荃灣，特式選擇左一個優閒既下午黎食個下午茶。餐廳環境方面：裝修係一個木系和風式既cafe，有落地玻璃窗，俾人感覺好放鬆同和諧。座位之間隔格空間都足夠，唔會有侷促既感覺。呢度既食物都係即叫即做，所以上枱時食物都係熱辣辣既。好似我叫左個蜂蜜pizza，由於係即叫即做，一上枱即時聞到pizza既香氣，食落口感又軟又脆，仲有絲絲既蜜糖甜味，忍唔住一塊接一塊甘食。甜品都有好多款選擇，最後選擇左八女抹茶，係我好鍾意既抹茶，食落有抹茶既茶香同澀味，最底層有口感煙韌既小丸子。…Read More

甘岩同同事同一日放假，就約左同事一齊出黎荃灣食午餐再行街。我地選擇左食呢間既放題，會選擇呢間餐廳既原因係我之前食過，覺得唔錯，而且呢間餐廳裝修黎，轉左餐牌，同之前既有啲唔同，所以同同事一齊試下。由於我同同事都係食得唔多既人，我地就決定選擇A經典餐。一睇到餐牌，已經見到有榴蓮食，仲要係烤榴蓮，真係估唔到烤榴蓮係甘好食，又香又甜。雖然A餐食物種類冇其他餐甘多選擇，但每款食物質素都唔差，刺身壽司都好新鮮。…Read More

今日同朋友行街經過呢條街見到呢間好有特式既餐廳，餐廳主打食漢堡飽同意大利雪糕GELATOS。首先我俾餐廳既環境所吸引，餐廳既裝飾古色古香，置身係餐廳內感覺好似去左歐洲既小店甘。食物方面都令我覺得意外，比我想像中既好食😋🤤。我地點左兩款漢堡飽：和牛漢堡同煙肉芝士牛肉漢堡，漢堡飽飽皮兩面都烘左，搽咗牛油，所以又香又脆，食落外脆內軟。至於漢堡扒依然保留左肉既肉汁，一咬肉汁流晒出黎，肉質嫩滑，加埋芝士🧀️更加好食。…Read More

朋友介紹話呢間餐廳既拉麵同沾麵好食，講左好耐，終於有時間黎試下。呢間餐廳面積細細，開放式廚房，食客可以一邊食野一邊欣賞拉麵師傅工作。我地叫左一個拉麵同一個沾麵，仲有小食同飲品。餐廳既叉燒採用低溫處理，肥瘦適中，食落好嫩滑，肉質一啲都唔會柴同乾。拉麵同沾麵既麵質都係我比較鍾意既，都有彈性，配上香濃既湯汁，滿口滋味。小食都唔錯，熱辣辣上枱，炸雞軟骨炸得好脆；蔥花牛舌都好爽脆又厚身，配上蔥花可以中和膩感。…Read More

睇餐廳名真係估唔到呢間餐廳係食咩既，餐廳名字好簡約，而餐廳既環境設計都簡約，但食物就一啲都唔簡約啦。餐廳主打三種湯底，有濃雞湯、鮮魚湯同特色湯。🔔海南雞淮山麵（雞湯）：雞湯呈黃色，味道鮮甜唔腥，海南雞雞肉爽口嫩滑唔肥膩。每碗湯麵都有爽脆既木耳膳同酥脆既油條。🔔藥膳花膠雞淮山麵：未食已經聞到好香濃既藥膳味，鮮甜既雞湯中有陣藥膳味既回甘，呢個湯真係滋補養顏，仲有兩塊好肥美既花膠。🔔炸墨魚卷：非常脆口既小食，外脆內軟，好食。…Read More

餐廳環境：餐廳內牆上有大幅新加坡地標既風景相，整間餐廳以淺藍色為主，感覺簡單舒適，空間大，座位都好舒適。睇餐牌，有好多特式既新加坡菜式，係一般既香港新加坡餐廳會比較少有的。🔔海鮮釀油條：油條內釀滿蝦肉，本來就脆口既油條再炸過，口感更加酥脆，形成外脆內軟既香口小食。🔔馬來參巴烤魔鬼魚：魔鬼魚真係好少地方可以食到，三件大大件既魔鬼魚肉，加上特式醬汁煎香，魚肉一梳梳，肉質彈牙。魔鬼魚肉味比較濃烈，想中和味道，可以沾點隨餐附上既秘製醬汁。…Read More