everyoneisfoodie's Profile

2020發生許多事，都讓人想找個喘息的空間，平靜一下思緒。總以為屯門牛要找間舒適的咖啡廳要千里迢迢出城去，沒想到遠在天邊，近在眼前，置樂原來有一家高質咖啡店： Kaleido Coffee 。店面裝修簡約，小黑板和落地大玻璃透露咖啡店的訊息，沒有多餘招牌裝潢，頗有北歐風情。店裡無論是擺設或專業咖啡器材，都一絲不苟，足見店主用心。想喝清爽點的話，推薦這款Tonic Espresso（$48） 。入口清涼爽快，又混合微酸的咖啡香氣，很適合夏季消暑。簡簡單單一杯Flat White（$38）最考驗咖啡店水準。看到酷帥女咖啡師精心製作的拉花，已經忍不住驚嘆。喝入口咖啡香濃，豆子絕非一般連鎖店貨色。一杯好的咖啡必須配上美味的包點才算完整。沒想到這裡竟然有手工製bagel！老闆推薦Earl Grey伯爵茶口味和 Chickpeas鷹嘴豆口味，當然要試試看。光是包裝紙就讓人怦然心動了吧，舊報紙復古風超美的。剛烘好的bagel熱騰騰的，外脆內軟，香氣逼人。兩顆撕開都有餡料，鷹嘴豆鹹香，伯爵茶甜而不膩，超推！老闆並沒有因為咖啡價格親民，就粗製濫造，用連鎖店質量的咖啡糊弄客人。若不是用心熱愛咖啡，相信不會開這麼一家店。在這樣糟糕的一年裡，找到一家可以充電的咖啡店，也就感覺沒那麼糟糕了。…Read More

作為一隻屯門牛，不得不説屯門近年開多了許多高質餐廳。今次我發掘到這間位於建生邨的盤子工房。整間餐廳以簡約風裝修，很多可以打卡的靚位。特別喜歡這邊對窗的位置，感覺可以度過一下悠閒的午後。旁邊牆上的荷包蛋繪圖也太可愛了吧！我算是個all day breakfast 控，只要餐廳有，總會忍不住點一份試試。這次也不例外。看到滿滿的擺盤，實在太有滿足感。薯角外皮脆得恰到好處，內裡厚實。還有令人心花怒放的太陽蛋，完全不捨得戳破蛋黃，煎得剛剛好。再配上一杯超大杯的凍檸茶，飽足感滿分！各位屯門牛，再也不用爬山涉水騎牛出去吃西式brunch了！…Read More

日文裡的「しょうかっこ」即是很多人都曾聽過的「小確幸」，它「雖然小，卻也是一種幸福」。有什麼比在疲累的工作後，隨意闖進異國的酒場，盡情品嚐東京美食與美酒，更符合小確幸的定義呢。下班後的尋常夜晚，閒逛於大角咀街頭，經過一個有趣的名字：東京大眾酒場，想著不妨與友人前往一試。裝修頗具心思，處處體現出東京風味，燒烤檯與店內飾品讓人有一種身處東京惠比壽橫丁的錯覺。店裡還有電視播放日本動漫（好像是一拳超人），的確非常日系，哈哈。剛坐下，店員就奉上一杯熱騰騰的雞肉湯，灑滿蔥花，非常香濃。餐牌有點複雜，但店員十分細心講解：大致上分為酒水、關東煮以及燒物三部分。酒水Suntory 白啤（$72/700ml)先點好酒水，可以一邊喝，一邊慢慢聊天。日牌Suntory並不陌生，啤酒有黑/白/啡三種口味可以選，我偏好清淡，便點了白啤。700毫升 真！的！很！大！杯！杯子比我的手掌還要長，可以慢慢喝一整晚。Suntory Highball（$68）友人點了地道的日本威士忌梳打，嘗了一口，既有威士忌的酒勁，味道卻又很清新。關東煮關東煮的部分，可以在餐牌上點選，也可以直接出去挑選，可能還有餐牌上沒有的隱藏食物呢。點了關東煮必吃的日本蘿蔔、芋絲、雞蛋，例外還挑了比較少見的豬腸、牛筋、日本蕃茄等等。一邊挑，師傅幫我們一一夾進鍋，再附上一碟辣椒醬，日本風裡又夾帶了點港式味道。吃關東煮首要條件就是湯頭要甘甜，並且要煮得入味。沒想到連烹煮需時的豬腸和牛筋，都異常入味香軟，實為高水準之作。好吃得再Encore了一鍋！十分喜愛這種自助的形式，可以按自己的食量調節，不夠再夾。燒物另外一大亮點是現點現燒的日式燒物，強推！特別推介當日的海鮮推介，看得見的新鮮。燒活元貝（$35）點了當日推介的元貝，可以選蒜蓉燒或芝士燒。蒜蓉磨得很細，蒜味大爆發，同時引出元貝的鮮甜，肉質彈牙。芝士狂魔必選這款芝士燒，滿滿的芝士拉絲真的會讓人心花怒放。芝士與元貝的味道意外地融合，鮮香併發。芝士煙肉焗大啡菇（$35）日本魷魚（$88）原條魷魚肉厚彈牙，調味微甜但不會搶了魷魚鮮味。蕃薯（$12）另外還附上了一個小烤爐，用來保溫烤好的串燒。爐子小小的可愛精緻，很想把它帶回家呢！串燒都是很地道的日式滋味。最後與友人飽得捧腹離開，埋單七百多，買來一餐高水準的日式時光和一頓悠閒舒暢，是近日來難得的小確幸。誠意推介給大家。…Read More

C小姐最近迷上了泰式風味，這夜便與她一同前往美食集中地——元朗，尋找真正的「泰好味」！來到元朗安康路這邊，沒有大馬路的煩囂嘈雜，更多的是一種日常的安寧。路邊有數間餐廳，其中一間半開放式、裝修頗具特色的泰國餐廳很吸睛。「薄荷葉」——很清新的泰式風情。餐廳的室外部分。室內裝修頗具心思，異國風情濃厚，晚上來很有情調。餐牌選擇眾多，令人眼花撩亂。點好菜後，先上了前菜和醬料。青瓜酸酸甜甜的，非常開胃。炸蝦餅$88大大件的炸蝦餅香噴噴的，配上泰式酸辣醬。底部有菜葉墊底，有助吸掉炸物的油分，不會讓底部油膩膩的。一件蝦餅的大小已經近乎我的2/3個拳頭的尺寸，外脆內軟，炸粉薄厚適中。咬開熱騰騰的，差點燙到嘴巴。蝦肉打至起膠，很彈牙。招牌火焰燒雞$168品嚐蝦餅間，店員把一隻「站立」著的雞拿了過來。原來是把雞固定在鐵架上，方便把酒均勻地倒在雞身，然後點火燃燒片刻。高溫下，酒香處處飄，而且雞皮也給燒得卜卜脆。燒好後，侍應先幫我們把雞切好，再上碟。外皮焦脆的雞，內裡卻十分嫩滑，雞的肉汁鎖在雞身裡，十分鮮美。馬拉盞炒通菜$78泰式炒金邊粉$128炒好的金邊粉的四周擺放了糖、辣椒粉、花生等配料，可以按自己的口味決定拌多少分量。狠狠拆開煎得輕薄的蛋皮後，金邊粉誘人的色澤、香濃又帶微甜的醬汁，都讓人食指大動。金邊粉有彈性不易斷，合格！青檸梳打$38若說美中不足的，可能就是飲品了。筆者比較口味比較重，喜歡喝甜一點的飲品，這杯青檸梳打口味較淡，我想比較適合愛清淡的舌頭。椰青$45椰青也很值得一試喔。點的菜飽得完全吃不完，我們實在太高估自己的胃了。埋單大約6百元，價錢合理，可以encore。…Read More

在元朗覓食，首先聯想到的總是平民化的小食甜品攤檔。這次筆者另闢蹊徑，一嘗地道歐陸風情的西餐廳。位於西菁街的Chef’s Stage，平日去人不算多。從熱鬧的元朗大街慢慢走到偏寧靜的餐廳，頗有柳暗花明又一村的感覺。未走入餐廳已能從裝潢看出濃厚的歐陸風情。食客可選擇坐在室外chill一chill。但筆者是怕熱港女，當然即刻投奔冷氣世界的懷抱。室內寬敞，諾大的玻璃窗讓陽光透撒進來，可以靜靜在這裡坐一個午後。身為食肉獸，我與友人毫不猶豫地點了肉眼扒與豬仔骨。沙律清新爽口，本以為表面的是青瓜條，原來是青蘋果，酸酸甜甜更為開胃。燒烤醬烤豬仔骨伴薯條及餐菜（HK$138)廚師今日推介的餐單通常都是每間餐廳必食，友人點了這道豬仔骨，筆者嚐了一塊。好！好！食！BBQ醬非常入味，豬仔骨肉質滑嫩，外皮焦脆。薯條是厚切的，炸得焦脆。炭燒紐西蘭肉眼扒伴煎薯仔及煙肉炒椰菜 配燒汁  （HK$148)不太喜歡吃過生的肉，因此選了8成熟，肉汁仍能緊鎖。肉質較緊實，不會過於油膩。盤子亦經過加熱，以維持牛扒上桌的溫度，足見心思。熱蜜桃茶女士必然會喜歡的一道飲品，蜜桃味香，熱飲亦有助調理身體，舒緩身心。冰蜜桃茶不過炎炎夏日，又確是一杯冰飲更吸引。茶香濃郁，配上不會太甜的蜜桃果汁，很解膩。茶裡還有原塊蜜桃果肉，酸酸甜甜，是開啟夏日的好方式。…Read More

荃灣其實真係一個好地方，好食既餐廳多到食唔曬！今次同左fd去食呢間越一越南牛肉粉，又多一間餐廳推薦俾大家。餐廳位置好近荃灣地鐵站，行大概5分鐘就到。店入面光猛闊落，同個fd兩個人坐左張卡位都幾舒服。餐牌上面既十大推介好吸引！！鍾意食越南嘢既人一定流曬口水越一生牛肉湯河($45)食越南嘢點可以唔食生牛肉河！一碗生牛肉河系一間好越南餐廳既關鍵！先試湯頭，鮮甜，唔會太油膩，清清地。過關！牛肉片新鮮唔老，切得薄容易熟，肉汁浸落湯到令碗河粉多左牛肉既香味。食完粉湯都俾我飲左一大碗海南雞飯($52)friend叫左一個海南雞飯，份量都幾足，女仔未必是食得曬。我試左舊雞，雞肉嫩滑，而且好重要一點就係舊雞唔算肥膩。至於油飯都幾香！配埋d雞一流！法式牛油蒜蓉雞翼($39)其實食左個湯河已經好飽，有少少後悔嗌左個雞翼。不過牛油蒜蓉雞翼又好吸引雞翼醃得幾入味，外皮炸得香脆，不過食落有d油（都可能因為個時已經食飽左😂）食到咁飽埋單都係150蚊左右，仲有埋嘢飲。總括黎講都幾抵食，值得encore!…Read More

我一向喜歡食辣，最鍾意搜羅香港既川菜館。今次係銅鑼灣搵到呢間幾地道既川菜館，推介俾大家。入到去第一個感覺係：老細是咪好鍾意雀仔😂餐廳起名「巢私廚」，入面嘅裝修有好多雀，或者同雀有關既野，幾趣緻。餐廳內部寬敞，坐得舒適。連餐具都同雀有關喔！先點一道開胃涼菜：貴妃葡萄🍇聽個名已經覺得好高貴典雅😍這道菜賣相似一粒粒晶瑩剔透既巨峰提子，原來係由冬瓜浸入紅酒製成。酸酸甜甜，冰涼爽口，非常開胃。燉湯：蟲草花燉烏雞碗湯好足料，飲落鮮甜滋補，湯渣都忍唔住食埋。秋冬必點湯品涼菜：口水手撕雞雞肉嫩滑，配搭爽脆既青瓜，好快就清盤啦！川菜重頭戲：沸騰水煮桂魚評定川菜餐廳既一大標準就係睇佢地既水煮魚正唔正宗！魚有得揀食咩魚，識食一定食桂花魚，肉質比較滑嫩而且冇乜骨。呢度有得揀辣度，想食正宗川味就大辣，嘗下鮮就小辣啦。見到滿滿既辣椒已經流曬口水，魚肉唔腥，話佢同豆腐一樣嫩真係一d都唔誇張。值得無限encore 既一道菜！乾鍋有機菜花都係非常有川味既一道菜。花椰菜香脆，越吵越入味，幾好食！小總結：嗜辣之徒要黎試試佢啦！…Read More

夜晚想搵個對方靜靜地，同朋友食下野傾下計。 日本餐廳永遠係我既首選。今次搵左一間高質既日本餐廳，形式近似居酒屋。環境幾好，燈光有情調，店內唔會太嘈，可以慢慢傾計飲酒，十分舒服。講既就係呢間炎鳥羽。日式餐具有格調得黎，整體整修設計亦搭配得相當有心思。坐低之後好快就送上前菜。前菜有三小碟，味道不會太濃，都係一d清淡開胃菜。最驚喜既係右手邊一舊睇落黑黑地半透明既野，食落發現原來係茄子🍆！煮得好入味，配搭木魚令人食到一股鮮甜味。前菜就咁高質，令人會對主菜好高期望嫁wor!點菜時，問左店員有咩推介，佢地話刺身都好新鮮，咁就要會一會佢啦！三文魚、油甘魚個d 當然唔少得，今次仲見到一個必食既選擇：特大日本帶子！特大日本帶子（$98）果然係特大，啖啖肉，每一啖都鮮甜滑嫩（好似廣告詞添哈哈哈）但真係好好食！建議大家去試試佢！清酒煮大蜆（$78）酒味岩岩好可以吊出蜆既鮮味，但唔會太搶，加埋蔥花好香。另外每一隻蜆都好嫩好飽滿，又冇沙。牛舌芯厚切（限定）（$68）呢個牛舌芯據聞好把炮，一隻牛淨係得三塊，好矜貴。食落又真係同以往食既燒牛舌好唔同。因為好厚身，所以d肉汁鎖曬係入面。表皮燒得香口，一咬落去肉汁就係口腔爆發。肉汁爆發個下，我就好似家燕姐食左黯然銷魂飯咁，忍唔住大叫，好！好！食！啊！紐西蘭羊扒（$88）羊扒向來係鑑定餐廳燒物水準既測試之一。首先，呢到既羊扒冇一味落重孜然粉個d 香料，證明肉質靚，唔需要大量調味料掩蓋騷味。其次，羊扒燒得恰到好處，香脆得黎又唔太鞋，肉質好嫩。確係高水準之作。日本秋葵（$32）最後當然仲有我既最愛，燒秋葵！D秋葵細細棵，淨係落少少調味粉就已經好夠鮮味，忍唔住食左幾串小總結：一間有情調既日本餐廳適合同人黎安靜傾下計食下野。…Read More

旺角不乏好既餐廳，但要識得捐窿捐嚹，發掘好地方。今次搵到呢間係寬成樓上面既樓上餐廳: 美味故事，又多一個食飯好去處。上到黎發現入面原來都幾大。仲有音樂表演場地，下次有活動其實可以book呢到，有埋器材添。餐廳有趣既地方係用微信落單，有埋教學添。從前菜到甜品，每一步都有得自由搭配，然後自己係微信上面點返自己既心水選擇。有選擇困難症既我揀左好耐先落到單，不過都好，由前菜、餐前小食、主菜、湯、甜品、飲品，全部都係自己鍾意食既。一落完order即刻有杯鮮果沙冰做餐前小食，冰涼清爽，食得出幾香既芒果味，口感好順滑，非常開胃。餐湯我揀左蘑菇湯，質感好綿滑，食到d蘑菇粒，幾足料。前菜係有三樣野，放埋一齊好精緻。三樣野分別係韓風豆腐餅、日式麻醬蟹柳沙律，同埋蒜蓉包。三款既口感、味道都分別好大，豆腐餅比較軟綿綿，蒜蓉包就香脆，沙律就清新爽脆。一次過滿足三個願望，味道變化好豐富。之後到主菜，我揀左黑松露芝士薯蓉焗大啡菇配芝士蜆肉意粉。其實淨係個大啡菇我已經覺得有d飽，加埋個意粉真係不得了。大啡菇既黑松露味好香，配埋同樣香濃既芝士，令本身冇味既大啡菇既味道變得好豐富。大啡菇肉好厚，啖啖肉，但比食肉健康，食完都唔會有罪惡感。甜品揀左紅豆奶凍，奶味幾香，唔會太水，配埋紅豆幾夾。飲品就揀左熱既花茶，透明玻璃杯好靚啊，洛神花養顏得黎又好味。呢間總括而言性價比幾高，一餐包左好多款小食，主菜都係用心之作，值得寫低推介比大家。…Read More

銅鑼灣就出名多野食，最近仲開左好多台式飲品店！而呢次我去銅鑼灣就食台灣野啦呢一間叫古早味台灣原味既餐廳，都有好多台式既食物選擇，尤其係小食同甜品方面相當吸引我！！呢個係古早味牛三寶麵，份量都好多下，而個湯底都ok濃味，適合share食。牛肉肉質不錯，入口的感覺幾好，而且仲有少量配菜，成個麵食落都唔太油膩，幾健康咁另外叫左一個養生雞湯（二人份量），幾足料，大約有三碗。飲落有藥膳的味道，仲有足夠既雞肉，係非常飽肚，飲落都幾養生咁，而且係相當開胃的！飲品方面就叫左一杯鳳梨綠茶，16元，相當抵飲，唔太甜，唔錯最後就係我最期待既綜合手工芋圓啦！！入面有三色芋圓，仙草，珍珠，紅豆，綠豆，真係一次過滿足幾個願望！份量很多，而且芋圓都幾大粒，可以係話相當滿足！！總括黎講，呢間餐廳係食得幾飽的，而且感覺上都比較健康…Read More

黎到眾安街大鴻輝中心呢到覓食，發現成棟樓都係食火鍋/雞煲，果然係個“煲/寶地”。朋友推介呢間18樓雞煲幾抵食，一於就試下！7點去到已經好多人排緊隊，好彩朋友有book位，有得即刻入去。入面好寬敞，座位都幾多。呢到都有得揀打邊爐定雞煲，不過既然佢叫得18樓雞煲，當然試試個雞煲佢。雞煲有得揀辣度，朋友唔多食辣，所以揀左微辣。配料可以食完雞煲之後加湯變邊爐。點完就去行下場內有咩自助吧先。有得唧雪糕！有我最愛既乳酪味！ 隔離仲有得自己加配料，例如爆爆珠、焦糖醬之類。青菜除左係點心紙落單，都可以直接出去拎，賣相非常吸引。雪櫃內都係時令蔬菜，娃娃菜、通菜等都十分新鮮乾淨。場內有多個飲品櫃，可以自己拎。雞煲好快就上黎，十分有效率，侍應會幫客人先翻炒攪勻個煲入面d料。因為點微辣既關係，所以雞煲食唔到太多麻辣既味道，而係偏甜，同雞肉既味道幾夾。另外雞肉煮得幾入味得黎，肉質又幾滑。食到差唔多，我地就叫侍應加湯，同埋點想食既配料。雖然係任食，但我地每樣都先點少少，唔好浪費食物。一點完，唔洗五分鐘，侍應就無聲無息咁將所有食材都放曬係身後既小檯仔，一擰轉身嚇親lol每一樣食材都洗得好乾淨同新鮮，尤其推介鵝腸同牛柏葉，洗得好乾淨。輕輕一淥就食得，好爽脆！同埋秋葵都好新鮮爽脆，大推！以168蚊/人既價錢黎講，呢間任飲任食雞煲既食材質素都幾抵食，會再encore!…Read More

最近黑糖熱潮席捲全港，台式飲品開到周圍都系，花多眼亂，真系唔知揀邊間。作為新界牛，當然系先品嚐左新界既飲品鋪先啦。系元朗發現左新開既呢間春風撞奶鋪，佢好似仲有間姐妹鋪都系叫春風xx（唔記得），下次試埋佢先！呢間除左大路既黑糖珍珠奶茶之外，竟然有青蛙撞奶！！好懷念系台灣夜市飲既青蛙撞奶啊！！一杯青蛙撞奶29蚊，都幾大杯，價錢唔算貴。飲落奶味好濃郁，溝埋同樣黑糖味好重既珍珠，唔會太甜或者太膩。至於d珍珠都冇令我失望，口感比較結實彈牙，幾好咬。我會encore嫁，青蛙撞奶！…Read More

好耐無食過韓燒，襯今日落過雨，天氣無咁熱，食就返d熱野先！呢個running燒，唔知就同running man有無關係啦，不過佢地上菜既速度都ok快，應該都叫得上running啦！首先黎個前菜先啦， 開一開個胃口，呢度的泡菜幾夠酸，係我鐘意既味道！其他前菜都不錯然後，就開始狂叫海鮮了！元貝，蝦，蠔，等等可以狂叫的，而且材料唔係好梅果d，尚算新鮮！燒出黎都幾好睇，當然食落都唔差啦！我幾乎剩係叫海鮮咁濟！不過都有叫其他野的吃太多肉始終不好 點都要叫返d蔬菜，知道無？呢度都熟食又唔錯呢個雞雞有少少辣味，好惹味！我每次都會食返d五谷類，感覺會健康d！BTW 到最後先知個羅白唔係用黎食的！你估下係用黎做乜？今餐都幾滿足了，價錢不太貴，食物質素不錯，速度又不錯！…Read More

近期新假期風燒到去屯門，普普通通一間鋪頭都被吹捧做隱世小店。好彩，仲有呢間真正既隱世日本食堂，等我有得享受下片刻既安寧。九重町日本料理位於藍地一個比較少行人經過既地方，唔系住個頭其實好少人會知。門面裝修行正宗日本風，夜晚去頗有深夜食堂既感覺。當時去食係有九折！！仲等咩！熱愛秋葵既我見到有燒秋葵二話不說即刻叫兩串黎試下先。秋葵新鮮，冇燒過熟，調味亦係淡淡鹽味，唔會掩蓋秋葵本身既味道，非常清新爽口。同時都點左另一款非常好既下酒菜：燒雞腎。內臟最緊要唔腥，呢一款燒物完全達到日本居酒屋既水準，送酒一流。因為都幾餓，所以order左個豚肉鍋。份量都幾多，味道唔會過分濃烈，唔似某d餐廳一味放味精。呢個清清地，食到豚肉同蔬菜既甜味，唔錯。最後點少得一杯飲品作結，呢杯奇異果特飲酸酸甜甜，夠開胃得黎又唔會太甜，perfect池！…Read More

五月了，雖然最近天氣好熱，但雞煲都係會照食！！今次黎到一間雞煲小店，除左雞煲，仲有魚鍋食，同埋有好多款唔同既小食、熟食選擇，價錢都幾親民的我地首先叫一個脆皮炸大腸，開一開個胃先。呢個小食係店員推介的，炸大腸炸得好香口，同埋洗得乾淨，肚滿腸肥。中間加左一條蔬菜，食落無咁油膩，比較清新。之後就黎一個老重慶奇妙雞煲啦，一黎就香噴噴，大大份。d雞係幾入味的，配料都幾多，適合一班人一齊食。食哂d雞，就轉做打邊爐，個湯愈滾愈辣，我地都叫左唔少配料，鵝腸、羊肉片、紅薯粉、魚滑、午餐肉等，其實都叫得有d多！當中 午餐肉係厚切的，成塊扒咁，啖啖肉架，d羊肉都幾靚的，同埋最深印象係粒手打魚滑好大粒，好得意。成餐食左好多肉落肚，都幾滿意，尤其份量好充足，同埋坐得幾舒服，唔似連鎖店咁坐到好迫。有機會再黎試下其他小食。…Read More