j.y.yolo's Profile

今日一早就去左土瓜灣開工, 開工之前都習慣食個早餐先, 咁今次去到北帝街, 平日煮都係晚市食小炒多, 咁早就冇咩機會過黎, 就一於去左間叫961牛嘅餐廳試下佢個早餐菜單嘅選擇都係大路野, 但張菜單嘅質感真係一流凍奶茶, 典型港式奶茶, 叫左少甜少冰都有跟到, 不過味道平淡左少少沙嗲牛肉公仔麵, 用光身麵, 煮得比較爽口, 牛肉就同坊間差不多, 唔係差, 平均水平蒜蓉多士同炒蛋, 見佢咁切開兩邊都覺得有心, 方包唔洗錢有烘底, 香脆可口, 面層就塗上蒜蓉牛油, 睇落好重味, 但食落淡淡地炒蛋份量多, 質素不錯, 滑, 最好食呢樣最後埋單40蚊, 以環境來講響土瓜灣算唔錯, 樓底高, 乾淨光猛, 不過食物質素一般, 希望下次有機會再來食過…Read More

本人一向同黃埔都唔係好拉得到關係, 無他嘅, 唔係響果邊工作, 都唔係果邊居住, 而且果邊都唔係購物區, 所以去果邊嘅次數少之有少, 不過咁岩今日去黃埔影相, 咁影相之前就去左搵餐廳食野, 原來附近都有唔少餐廳喎, 咁我就睇門面見到最吸引又算寬敞嘅試下啦, 就去左呢間十二味功夫啦, 咁佢地規模唔細嫁, 都有1x 間分店, 我就食過尖沙咀同旺角, 黃埔呢間第一次食呢個午市餐牌, 價錢比一般茶記貴dd, 但出品嘅食物又的確精彩, 有神氣一點每個午餐都會送嘅前菜(!?), 其實就係蠶豆黎, 炸到非常香脆, 外衣脆卜卜, 芯有咸香, 如果配酒食效果應該幾好, 但食飯就有少少古怪, 可能係隨機吧呢個係唔辣嘅酸菜魚, 份量十足, 睇見個湯同碗飯嘅比例都知道抵食啦裏面有魚片, 酸菜, 萵筍, 蒜頭等等, 蒜頭已爆香嘅情況下淋上酸菜魚, 所以不論湯還是魚都滿滿蒜頭嘅香味, 酸菜比平時坊間嘅酸得多, 魚片非常嫩滑有甜味, 湯底又酸又香蒜味, 不過就咁飲可能太重味, 建議泡飯食中和一下呢個係麻辣牛肉香鍋, 一見到第一時間就留意到紅棗咁大粒嘅辣椒, 數數埋埋有成1x 粒, 所以呢個鍋係非常辣嘅份量都好多咁配料有蓮藕, 芽菜, 薯仔片, 牛肉, 木耳等等, 用左好多紅油爆香, 所以比較油膩, 蓮藕同薯仔片爽口, 牛肉幼嫩帶甜, 不過相比之下木耳係最match 嘅, 因為有紅油爆香, 木耳爽口唔會吸油睇落好似水咁清, 但係菊花蜜黎, 好甜, 但係清甜嘅口感, 唔會飲完口乾埋單136蚊, 以呢度提供嘅質素來講係非常之抵食嘅, 但因為好重口味所以冇咩可能日日都食, 間唔時食下都ok…Read More

九龍城充斥住大量非連鎖嘅餐廳食肆, 因為非連鎖嘅關係所以提供嘅食物都比較其他區都有所不同, 之前都有提到, 九龍城最多係泰國菜餐廳, 但小品咖啡店都不在少數, 而今次光顧呢間餐廳就要大力推薦了, OSLO Cafe呢間餐廳午市價錢十分實惠, 全部劃一58蚊免加一, 當然餐牌上嘅食物好似都好平常, 但佢地處理食物嘅手法同帶出嘅味道就真係值得一讚呢個係是日餐湯, 係忌廉湯, 感覺不似罐頭湯, 口感濃厚,頗甜, 有蘑菇粟米, 如果再送多士點黎食更好, 不過佢冇香草忌廉煙肉意粉, 意粉同煙肉份量頗多, 煙肉煎至微黃, 食落有煙燻香, 連住油脂部位感覺香口, 意粉就煮得爽口(al dente), 不過就會見到唔係好吸汁掛汁, 但好處係食落唔滯凍薄荷朱古力咖啡, 因為套餐配飲品係包40蚊內, 所以係唔洗加錢嘅, 味道就比連鎖咖啡店重咖啡味, 會有raw 嘅口感同微苦嘅感覺響喉嚨度, 薄荷響口腔味蕾前就揮發盡了, 朱古力就好似底味咁襯托住薄荷同咖啡, 本人就好中意飲, 但甜度比較高, 建議叫少甜埋單58蚊, 食完果時1點已經多人到不得了, 所以都側面證明呢間餐廳係好野黎嘅希望遲d 可以encore 啦…Read More

話說最近早上都特別凍冰冰, 特別想食飽暖身先開工, 九龍城有名嘅餐廳多數12點左右先開門, 係清真牛肉館特別早, 11點就開門, 因為對上次食嘅時候都已經十幾年前, 所以今次特登過去懷緬下, 我就11點左右佢一開門就過去食個早午餐, 當時就冇咩人嘅, 所以直接入到位餐牌好多, 所以特別影幾張叫左一個牛肉餅 (20蚊)同一個咖喱牛腩飯(56蚊), 印象中我當時一個牛肉餅係12蚊......物價騰飛牛肉餅外型似生煎包但係扁身嘅, 都ok 乾身, 隻碟都冇咩油細細咬一口就見到餅皮有幾薄, 餡料有幾多, 餅皮煎到好脆口, 不過睇相都見到, 底部係比較厚身, 所以咬落比較硬, 牛肉餡料油分充足, 食落都幾肥膩, 不過口感結實, 味道濃郁, 係真材實料個牛肉餅有咁多汁, 所以食嘅時候要小心辣口咖喱牛腩飯, 咖喱同飯係分開上檯, 白飯份量睇見都好多, 但個份量係唔夠撈果碗咖喱如相所見, 成碗咖喱得一舊薯仔, 薯仔好粉唔硬, 但煮得唔夠耐所以唔太入味, 牛腩大小剛好, 好多位係連埋筋膜, 所以咬起來特別煙韌有牛味, 而咖喱汁睇落好油, 但食落又唔滯, 而且質感水水的, 但味道好夠呢塊係油脂, 雖然好肥膩但係精華所在, 要襯熱食先得牛腩入味, 紋理分明, 咬落一絲一絲冇渣最後埋單76蚊, 以一個午餐來講算幾貴, 但情懷同過下牛肉餅嘅癮都值得嘅, 明天再食番個頹飯先…Read More

九龍城嘅餐廳好多, 而且風格都非常不同, 有舊裝修而賣情懷, 老味道, 有新裝修而賣格調, 有爛笪笪嘅, 都有新束束, 而裝修感覺玩味嘅餐廳就有今日呢間, 今日星期三天文台話14度左右, 大風又天寒地凍, 當然想食番個早餐先開始一日嘅工作啦餐廳環境, 單位唔算大, 但間隔寬鬆, 樓底高令到空間感強, 唔會有侷促嘅感覺呢度嘅早餐由38蚊起跳, 價錢稍貴, 但好嘅係轉凍飲唔洗加錢凍奶茶, 大細同平時餐廳相約, 用大冰粒, 茶同奶平衡得好好, 茶底香濃口感覆雜, 奶味濃郁又能夠同茶膽混合得好, 味道似茶走咁濃郁, 凍奶茶來講好夠味沙嗲牛肉麵, 冇加錢換出前一丁但湯底係有果隻麻油香, 不過麵質同出前一丁完全唔同, 口感較爽, 麥味較重, 牛肉本身好多沙茶醬痴住, 牛肉份量不少, 有6塊左右, 咬落會感覺到肉質嘅紋理, 咬起來有牛肉味多士切開兩塊方便進食, 底有搽牛油, 因為厚身窄切關係, 中間軟綿嘅麵包存在感好強, 外層烤得脆口, 而炒蛋係稱為溶岩滑蛋, 不過今次咁岩應該有d 失手, 因為比較熟, 中間芯位已經老了, 而且食落唔綿, 以炒蛋來講都幾好食嘅, 但唔係走滑口嘅方向, btw, 上面係黑椒粒, 我除左m 記食炒蛋會加黑椒粒之外就係佢, 都幾有香味埋單42蚊, 本人覺得茶餐廳早餐來講算貴, 但都係市價, 整體水準不俗, 住附近嘅話絕對會成日光顧, 多謝收睇…Read More

話說最近返工要去九龍城, 而且食飯時間唔定時, 一時就早餐午餐, 一時就直接食下午茶, 大家都知道九龍城就最多泰國菜餐廳啦, 平時都食到悶哂, 咁附近有間餐廳就係少有嘅台灣菜, 叫小台南, 上網睇過食評都幾唔錯, 就決定抽一日試下呢度啦呢個係佢本身嘅菜單, 午市同下午茶有另一份菜單, 但忘記拍照麻醬乾拌麵麵質彈牙, 似陽春麵嘅口感, 加上青瓜, 麻醬同花生油粒, 麻醬濃稀度適中, 容易推開, 鹹甜度適中, 麵質容易掛汁, 食落唔錯, 不過因為乾拌麵關係, 所以係冇雞絲etc嘅配料, 會寡d凍芒果冰茶(+5蚊)普通芒果漿開出黎嘅芒果汁溝埋茶底, 茶底本身不俗, 清新, 但味道一般下午茶埋單48蚊, 以分量, 配料多寡來講都唔係好值呢個價錢, 不過味道方面係值得一讚, 但我就唔encore 了…Read More

話説最近本人都要去九龍城開工, 就到處搵下有冇好食嘅餐廳, 咁呢間德昌魚蛋粉就幾時都要排隊, 同名嘅餐廳我之前響北角嘅時候就食過一次, 因為年代久遠所以印象唔深, 不過就因為本住排隊有好野嘅關係就試下九龍城呢間啦菜單顯示包括平常嘅粉麵之外都有d 三文治, 扒包之類魚蛋河加紫菜, 38+5蚊, 湯底清澈, 有冬菜, 青蔥襯底河粉比坊間平常嘅晶瑩剔透得多, 口感較爽唔糯, 有米香, 幼身唔會咁易糊魚片有3塊, 彈牙有魚味, 鹹香手擠魚蛋, 比平常潮州魚蛋細粒, 仔細咁睇會見到有魚鱗軟骨, 證明真材實料,有魚味, 口感結實彈牙埋單43蚊, 比起坊間嘅魚蛋粉檔係出色嘅, 但要排咁耐隊同位於九龍城對我黎講唔就腳, 未必夠足夠吸引力再誇區黎食多次了…Read More

呢一年因為肺炎打擊下好多時政府都會作出相應嘅防疫措施, 咁好多餐廳都因為咁而生意受到嚴重打擊, 連出名購物景點嘅海港城都無法例外, 位於海港城嘅一幻拉麵都要做到買一送一優惠吸引食客, 咁計落又好著數嘅關係, 所以我同女友就星期六去食番餐好嘅就係呢個優惠搞到大排長龍, 因為防疫措施關係所以入座人數設有上限, 等左15分鐘先入到座飲品可以選擇可樂, 可樂zero 同波子汽水, 咁相比之下當然叫左波子汽水啦, 桃味汽水味道較淡, 甜度不高, 蘋果味汽水就味道較重, 甚至有種水果汽酒嘅甜味本身一人有3隻煎餃子, 兩人套餐就有6隻, 餃子底部煎得香脆, 餃子皮厚身位就煙韌有味, 餡料充足, 有菜有豬肉, 濕潤有汁, 豬肉汁令到餃子帶甜味我地兩碗都係選擇辛辣味噌蝦湯拉麵, 粗身麵, 加上麵酥(紅薑天婦羅), 湯底濃郁起膠, 入口辛辣, 但辣度不會維持好耐, 粗身麵浸滿湯底後掛湯效果好好, 加上麵酥浸完會發大變淋, 令到湯底變糊, 更加惹味, 另外重有兩塊叉燒, 質素唔錯, 但比起出色嘅湯底就印象不深埋單係148+32.6= 180蚊左右, 咁嘅價錢可以響海港城, 對住維港舒舒服服咁食拉麵當然係超值…Read More

話説早幾年經濟較好嘅環境下, 好多台灣有名嘅火鍋店都選擇向外擴展, 咁佢地嘅主要駐紮點就多選址於香港, 所以有一段時間香港嘅餐飲業百花齊放, 好不熱鬧, 而佢地嘅價位都係主打中高價消費, 逐碟計算, 標榜優質食材等等, 不過因為肺炎打擊下生意一落千丈, 好多餐廳都決定止蝕離場或者暫停營業, 今次我去嘅呢間餐廳"麻神"就係其中一份子, 早幾年於銅鑼灣同油麻地都開設分店, 主打麻辣火鍋, 本人都食過好多次, 因為佢地湯底食材都非常優質, 所以當時佢地全線停業嘅時候本人感覺十分可惜, 但前幾日陰差陽錯下發現佢地響尖沙咀重新營業, 所以就立即朝聖今次食嘅係午市一人火鍋, 定量冇任食, 3餸1主食1飲品呢兩碟係新開張like  社交平台 優惠, 本身冇嫁, 兩碟都醃得好酸好開胃, 食落冇渣, 青瓜醃得好入味, 切件厚身, 咬落多汁, 木耳好辣, 好有辣椒籽嘅味道, 口感清爽水果蜜桃茶, 睇落好混濁, 但飲落好清甜, 唔係白糖嘅死實實甜, 似冰糖之類, 甜度唔高, 水果就有西瓜, 火龍果, 菠蘿, 橙, 樣樣口感都好好, 菠蘿係新鮮唔係罐頭, 其他水果都新鮮爽口, 唔會浸到淋哂呢個係港式麻辣湯底配烏冬, 安格斯肥牛(另加10蚊), 滑牛肉, 水魷, 湯底味道似舊鋪食嘅麻辣味, 有淡淡嘅藥材味, 但新鋪嘅午市辣度比較低, 可能照顧唔食得辣嘅朋友, 如果有得加番辣度就更好, 我應該會飲埋個湯底水魷好大塊, 大約有兩三舊, 厚身, 不過建議首先食左佢, 因為煮得太耐口感會變硬安格斯肥牛, 份量大約有5塊左右, 油脂條理分明, 口感比較結實, 食落有油脂香, 肉味較重鮮牛肉, 份量與安格斯相約, 口感嫩滑, 肉味比安格斯稍為不足, 唔洗錢黎講幾抵食呢個就係沙嗲湯底配烏冬, 安格斯肥牛, 鮮牛肉, 滑雞片, 湯底比港式麻辣湯有味, 不過辣度唔高, 似喇沙湯, 湯底煲到較後時段會起膠, 幾好飲, 不過好肥膩滑雞片, 份量較少, 3舊左右, 比較薄身, 味道較淡, 口感爽滑最後埋單170蚊左右, 質素依然有保證, 不輪食材, 環境, 小食, 飲品都有所保證, 不過如果濃味番少少就更好…Read More

話說今日係第二日響九龍城嘅日子, 出名好食嘅餐廳大多都要11點打後先會陸續開門, 咁本人返工時間都係正常打工仔朝9晚6, 如果等到11點先出去食早餐就餓死, 所以今次食早餐都係target 地踎, 專做街坊生意嘅餐廳, 咁近賈炳達道公園有一排地鋪, 有間餐廳就標榜有靚牛食嘅, 不過佢又有做早餐, 而且價錢非常相宜, 就本住試下無彷32蚊有埋凍飲, 應該好少餐廳做到呢個價港式凍奶茶, 茶膽豐富, 茶味突出又冇酸味, 奶味濃郁而唔會喧賓奪主, 高質嘅奶茶太陽蛋燶邊, 蛋黃因為生嘅關係, 特別鮮甜有蛋味, 蛋白煎得微脆增強口感, 薯餅煎得可口非常, 口感結實, 餡料充滿薯粒, 比麥當勞嘅更加好食, 當然都更加熱氣沙嗲牛肉麵, 麵就光身麵之類, 好處係比起出前一丁冇咁吸湯, 因為公仔麵吸汁會令到口感變糊, 呢度嘅麵係爽口加少少掛湯,而沙嗲牛肉就唔多芡汁, 牛肉冇咩用過鬆肉粉, 睇上去紋理分明, 色澤紅潤, 用花生同炸蒜頭炒過所以香味濃郁, 比一般坊間出色最後埋單32蚊, 餐廳位置非常開揚, 本人邊食早餐邊望住草地公園, 心曠神怡, 胃口都特別好…Read More

呢間茶餐廳相信住響大圍嘅街坊間都算有名, 都係我女友由細食到大嘅茶記, 同佢都食過唔少次, 記得響夏天嘅時候可以坐響室外地方食, 個感覺都幾舒服自在, 不過最近疫情第四波開始之後, 餐廳食肆都要提早6點停止提供堂食, 不少餐廳都見招拆招提供外賣優惠, 咁所以我地就叫左幾個飯返屋企share 食了乾炒豬扒公仔麵, 52蚊, 呢度豬扒嘅分量係非常之多, 最少有5舊半塊面咁大嘅豬扒, 當然都有用鬆肉粉那過嘅質感, 但本身都有煎香外層, 算係誠意, 公仔麵炒完口感都係彈牙, 唔會有太多油, 冇咩油益味, 不過就係用老抽生抽生炒, 唔係有咩特別嘅調味福建炒飯, 58蚊, 大家睇相都見到芡汁多到飯盒都裝唔住, 咁個飯係蛋炒飯底, 炒得好乾身, 粒粒分明, 加上芡汁調味微鹹, 蝦粒爽脆, 肉粒口感結實, 啖啖都會有料, 抵食腐乳雜菜煲, 60蚊, 腐乳味唔算好濃味, 吊吊味都ok, 好多唔同類型嘅菜, 不過都係同生菜最夾, 菜心就麻麻地, 重有粉絲同蝦米, 惹味非常, 撈飯一流凍檸茶, 可能外賣關係, 檸檬浸得有點耐, 有丁點苦味夾口埋單177蚊, 份量唔少, 足夠四人分享, 味道夠港式…Read More

話說最近比公司流放左去九龍城, 咁九龍城多好野食就係人都知啦, 好似清真牛肉, 金寶, 黃珍珍etc, 不過本人最想去食嘅方榮記就因為第四波疫情就自動放14日假了, 去到先知, 搞到要臨時轉場去左呢間隆姐食lunchlunch menu, 都ok 多選擇, 重有幾款湯河, 不過冇影到, 我就叫左香葉辣椒雞肉炒河加凍奶茶呢個就係雞肉炒河, 河粉比平常嘅粗得多, 不過唔韌, 糯米味唔重, 比較爽口, 有青紅椒絲, 香葉, 木耳絲, 豆角同紅蘿蔔片, 重有你見到一粒粒嘅雞肉裏面重有炸蒜粒, 咁整體係好食嘅, 有d 似人地嘅四川香煱咁, 每樣野外面都炒得香口乾身但咬落去就水份十足, 河粉都炒得有微焦, 不過可惜嘅係雞肉真係少得可憐, 比宮保雞丁嘅雞粒更細粒例湯一碗, 手掌心咁大碗, 非常之辣口, 味道係幾重芫荽味, 豬骨同紅蘿蔔都煲到快溶了, 不過口感清爽而冇咩起膠加3蚊嘅凍奶茶, 好細杯好多冰, 一啖飲得哂, 係泰式奶茶, 略甜, 茶味豐富, 奶味中和得剛好, 不過真係好細杯埋單48蚊, 樣樣野都有好味同自己唔中意嘅地方, 有機會試下佢嘅晚市可能會好d…Read More

最近第二次再光顧女人街嘅餐廳了, 發現今次疫情令我更加留意之後一直都忽略左嘅好地方, 最少我試過嘅兩間餐廳味道都非常唔錯, 雖然唔係韓國正宗, 但絕對唔會失禮, 而且價性比高, 非常抵食, 本人真心推薦, 當然啦, 餐廳環境欠佳, 如果係自己醫肚餓或者同麻甩朋友一齊食番餐當然冇問題啦, 不過溝緊女嘅就.........好啦介紹返今次呢餐廳, 利豐園咁呢間餐廳係專做韓國菜嘅, 我地就平日午市去, 午市套餐都幾多選擇嘅, 算係全面只要叫套餐都會送嘅3款小配菜, 淡至濃味, 芽菜唔乾身, 青新爽口有汁, 醃製比較少, 青瓜就醃得較酸, 開胃, 而且青瓜味非常突出, 泡菜就本人覺得好出色, 因為呢度泡菜唔算辣, 反而好甜, 有梨汁嘅味道, 而且醃製均勻普通港式凍檸茶, 又出奇地正常, 用碎冰, 抵飲d例湯, 有紅白蘿蔔, 味道係有輕微辛辣味嘅白蘿蔔湯, 泡飯幾好食辣炒五花肉飯, 睇落好碟頭飯, 但造功唔馬虎, 主要係洋蔥同五花肉, 洋蔥本身已經炒到帶出甜味, 再配埋甜甜嘅醬汁, 惹味非常, 五花肉本身已經煎香左再落鑊炒, 比較多油脂但好香口, 份量好多, 醬汁配上煎香至乾身嘅五花肉, 取得唔錯嘅平衡, 不過唔好預係好辣嘅味道, 因為係甜味做主導海鮮純豆腐湯, 一上檯嘅時候係非常之熱, 直情係滾住上檯, 咁就配白飯一碗, 豆腐好多, 百福大裝豆腐一半咁大, 有三隻蝦, 蜆, 章魚, 溝埋隻生蛋, 湯底好紅, 但味道係鮮甜不辣, 係鮮甜得過份, 本人好中意嘅味道呢個海鮮湯材料冇欺場埋單103蚊, 好抵食呀, 一定會再encore, 下次要試下佢嘅水冷麵, 多謝收看…Read More

呢間餐廳除左旺角之外, 其實響觀塘都有分店, 位於一幢工業大廈裏頭, 環境比旺角當然大不知幾多倍, 估計有四倍左右, 但呢度處處都是🐱🐱觀塘比旺角唔通就係用手機落單, 都幾方便, 因為地方好大, 都唔好意思不停打擾侍應凍檸茶, 同旺角唔同, 係用杯裝唔係即棄杯具, 為環保出力都好嘅, 不過用矮身杯, 份量就少左d呢度嘅lunch set 同旺角配置唔同, 旺角係配沙律再加錢配餐湯, 呢度就係配餐湯加方包條, 份量唔多當開胃之用, 好甜, 上面塗上糖漿之類再烤一烤, 脆口, 但唔夠喉餐湯當日係南瓜忌廉湯, 口感比較稀, 但配料好多冇欺場, 而且味道好濃郁好甜呢碟係青醬紅蝦野菌忌廉意大利飯, 份量好多, 因為意大利飯比較膩嘅關係所以一般會較少, 但佢用青醬就令到油膩感冇咁高, 飯粒口感粒粒分明, 又吸到足夠嘅汁, 野菌切片之後散發陣陣香味, 整體水準唔錯呢張相顯示到隻蝦到底有幾大隻, 咁佢白色殼主要原因都係因為雪得太耐唔新鮮, 口感有dd 梅, 希望下次會有番隻好d 嘅蝦食下啦黑蟹籽櫻花蝦魷魚卡邦尼扁意粉, 成隻碟果d 都係黑蟹籽, 食落同平時嘅紅色蟹籽分別不大, 我估係品種不同吧, 不過好多都痴住隻碟搞到食唔到櫻花蝦口感爽甜, 但配落卡邦尼汁就淹沒左佢嘅特色意粉方面一向都係呢間餐廳嘅強項, 所以都係好好食, 特別係卡邦尼汁濃結適中, 扁意粉掛汁效果好好, 野菌吊味又恰到好處最後埋單211蚊, 覺得呢度提供嘅套餐比旺角更加多元化, 希望下次再試其他未食過嘅最後送上🐱🐱相一張, 多謝收睇…Read More

話說深水埗黃金商場後面條街有好多好多野食, 又有豬潤麵又有竹升麵又有港式炒粉麵, 咁就當然重有最出名嘅文記車仔麵啦, 因為對上次食都成十年前都有, 所以就當自己冇食過照寫篇食評分享下啦餐牌顯示哂所有價錢, 有最低消費, 不過價格唔貴, 好深水埗價咁呢碗就係油麵, 腩汁湯底加沙嗲醬, 配花膠同豬大腸, 咁岩呢兩款配餸都係佢地嘅推薦, 咁就一次試哂佢地啦, 湯底方面係好重嘅牛腩湯味, 咁形容好奇怪, 係好好味嘅牛腩河湯底😅加埋沙嗲醬會令個成個湯成為打邊爐嘅沙嗲香味, 佢嘅沙嗲醬唔多油, 更突出到沙嗲混腩汁嘅味炸蒜頭, 每張檯都有一樽, 色水比平時嘅炸蒜頭深色, 有香味, 而且有微濕, 我估可能係加左醬油再炒, 加落車仔麵度存在感極高, 炸蒜頭吸飽湯之後就化開, 可以見到蒜頭片好薄好透, 證明炒得好通透, 因為好重味, 如果好此道者(例如我)會好開心, 呢樽野吸引過d 配餸花膠一舊過, 影張相時我已經咬左一啖, 因為本人唔多識花膠, 只係覺得成塊咁大, 口感厚實, 吸汁帶甜, 算係另類嘅好選擇, 不過唔好預係好濃味, 因為炆得起膠已經好收貨了豬大腸份量好多, 食極都重有, 而且滷得好入味, 要有嘅油脂都有, 非常香非常好𡁻口, 最近食嘅豬大腸都好高質太好了呢碗就係油麵配腩汁小麻辣醬, 配餸就係酸齋同魷魚, 唔知點解大家都係腩汁底但色水好唔同, 而且味道都大相逕庭, 因為呢碗嘅辣味係衝口而出, 就好似辣陳皮魚蛋咁辣, 唔深沉, 爆發力高, 但又瞬間消失, 食落都好過癮, 因為負擔唔重, 唔會食到身水身汗咁辣魷魚係切絲嘅, 上檯果時係有醬汁鋪面, 不過醬汁都溶左響湯底度, 不過好奇就係呢度嘅魷魚都會吸汁, 不過效果當然冇其他配餸咁理想啦, 如果另上的話味道應該會更好, 所以算係不過不失啦酸齋就兩粒大切成四舊, 呢度嘅酸齋唔似車仔麵之家果d 咁煙韌有𡁻頭, 不過就做到佢最應該要做嘅事, 就係吸汁, 除左佢本身嘅汁之外, 湯底嘅汁都來者不拒, 通通都吸, 所以呢舊野有幾好味就唔洗講嫁啦, 係最好食嘅配餸, 特別係咁濃嘅湯底之下最後埋單71蚊, 份量多, 所有野都有水準, 安排有序, 難怪文記響深水埗冇人唔識啦…Read More