chingcindyhehe's Profile

早排有個朋友勁推介我去試呢間餐廳，話系佢近期食過最好食嘅。啱啱週末得閒，就約咗個friend一齊去試下，整體感覺幾高質，環境舒適，暗暗地好有氣氛。前菜🥗我哋叫咗個「和風蜜糖柚子醋大蝦西柚海帶芽沙律」，個朵都幾長，笑左，諗住試吓呢個特別啲嘅沙律。本來以為前菜又係沙律應該只係用黎攝牙罅，一上到嚟就見到勁大份！大蝦爽口彈牙，同埋啲菜咗啲汁同個西柚肉都幾夾，酸甜比例啱啱好，清新開胃，柚子香氣幾突出。另一個「鵝肝伴青蘋果」我好鍾意，除咗擺得好精緻，可以打卡之外，蘋果爽甜中和咗鵝肝嘅油膩感，再加塊脆脆地嘅包，味道同口感都10分豐富。主菜🥩「香烤慢煮伊比利豬鞍」真係出色，肉質嫩滑，脂香厚但唔膩，好香Rosemary嘅味，仲有炭烤嘅感覺，擺喺蠟燭上邊保溫，好有feel。意粉🍝就試咗「蒜香蟹肉意粉」，揀咗唔辣，味道幾香，蒜味濃郁但唔掩蟹肉鮮味，而且蟹肉勁多，份量都幾大，超級抵食。不過本來expect佢係creamy嗰種，原來唔係。甜品🍰萬聖節特點「黑芝麻梳乎厘班戟」超有驚喜！黑芝麻醬淋滿個梳乎里pancake再加一隻「鬼」喺隔離👻 pancake鬆軟，黑芝麻味濃郁，隻「鬼」出邊系麻糬皮，入邊係朱古力雪糕同香蕉蛋糕，真係好邪惡～仲可以叫服務員加楓糖漿，甜度即刻再提升一級！一個甜品滿足5種味道！飲品🥤我試咗「Mango Matcha Latte」，因為佢睇落幾特別，香甜芒果蓉配抹茶加奶，意外地幾好飲，好特別；朋友試咗「焦糖忌廉碎冰」，話正，仲有好多忌廉，好啱打卡。整體評價💬價錢唔算太平，但以食物質素、擺盤同環境嚟講非常之對得住個價，尤其係啲嘢食真係好大份（見到隔離枱嘅薯條都勁大碗）係一間會再返去試其他菜式嘅餐廳！…Read More

最近同frd去了位於佐敦廟街的越萊越南餐廳，睇清楚係佐敦廟街，我哋差啲去咗油麻地。真心覺得這裡的食物份量好大好抵食，兩個女仔吃到超級飽！必試推介：蒜香牛油雞翼我覺得呢隻雞翼的味道好特別，有少少似「蜜糖牛油薯片」，甜甜鹹鹹，外層香脆，內裡多汁，真係好香牛油味，強烈推薦！越萊串燒豬肉串燒好好食，豬肉烤得外層微焦，帶有一點炭火香氣，入面卻依然保持嫩滑，配埋個沙爹醬真係好正！越萊自選撈檬我地叫左香茅牛肉同豬頸肉作為撈檬的配料，撈檬嘅份量超大，檬粉爽滑彈牙，配料的肉非常多，牛肉個醬都幾特別，豬頸肉的口感都煎得剛剛好，滿足感十足！河內蝦仁米紙卷非常清爽又健康，外層嘅米紙彈牙有嚼勁，裡面的餡料扎實，蝦仁鮮甜，我個人真係好鍾意米紙卷，如果唔係我個frd想嗌其他嘢我應該會嗌兩個米紙卷🤣作為注重健康嘅人，我哋當然會食菜啦，叫左個西貢馬拉盞炒通菜同香甜菜心苗，兩款都好好食！兩個人唔夠300蚊就埋單，仲要食到好飽飽，真係抵！…Read More

平時日式放題就食得多，今日就轉下口味，同表姐去試下呢個幾得意嘅泰式brunch放題啦！🤤前菜：無骨酸辣鳳爪軟骨位爽脆，醬汁又開胃，一口一件會上癮。魚子醬紅磚豆腐外脆內嫩仲有少少爆汁，魚子既咸鮮增色不少。泰式青醬鮑魚，食得出羅勒同蒜頭味，鮑魚肉緊緻，一嚼就斷湯我就揀咗個蟹肉海鮮羹，上面有唔少既海鮮料，有魷魚、蝦仁等等。仲有滿到瀉既蟹肉係面，可想言之碗湯有幾鮮啦，而且勁大碗好足料！小食放題啲小食碟碟都勁大份好足料泰式青醬生蝦，蝦肉彈牙冇雪味，醬汁酸甜可口。炭燒豬頸肉沙律，豬肉嫩滑保留肉汁，濃邊位炭香味十足，配合沙律能解膩即烤沙嗲串，有雞同牛，數一數成盤有9串咁多，串燒偏甜同乾身少少，我就幾鍾意嘅。泰式蝦多士，算係少見既菜色，蝦肉同面包炸得金黃香脆，但又外脆內軟，配合甜酸汁可以一試。馬拉盞炒椰菜，即係蝦醬炒菜加辣，馬拉盞咸香惹味，椰菜爽脆，真係好大碗。金不換肉碎生菜包，豬肉炒得鬆散，香草味濃烈。兩個女仔戰鬥力高極有限，所以我哋都冇叫第二round啦～主菜：我哋就揀咗咖哩牛頸脊配薄餅同麥皮金沙原隻蝦球，咖喱係甜甜地嘅，適合大部分人口味，突顯出其他香料同椰子味，入邊有粉絲，吸晒啲汁真係好正，薄餅沾埋啲汁一齊食真係好好食！牛頸脊又腍又滑。麥皮金沙原隻蝦球，蝦球幾大粒，比起坊間可能用面包糠或者直接用粉炸，麥皮更能減低油膩，尤其係咸蛋黃口味。一片片既麥皮仲帶來別一番口感，算係幾特別既菜式，表姐完全食唔停口。食得幾飽都好，甜品都係食得落嘅🤣黑糖椰子雪糕，呢個真係超好食大推，又有桃膠同埋脆脆地嘅椰子片片，椰香十足！雪糕芒果糯米飯，大大舊芒果，凍冰冰嘅雪糕再加上暖粒粒嘅糯米飯，經典又好食！餐廳裝修又好適合打卡，推介大家啊週末得閒可以嚟試下！…Read More

沙嘩Dee卡!!!今日同男朋友出黎拍拖，口旱旱咁想食啲開胃嘢，見到間泰國菜，性價比好似幾高所以入左去試一試佢。上openrice見到店鋪推薦既一道主打，香葉炒泰式脆腩肉，梗係要試一試，豬腩肉脆卜卜，九層塔辣椒等香辛料混和一齊既香氣，令人食指大動！食肉獸嘅我哋仲嗌咗泰式燒牛肉，牛肉軟腍滑溜，一口size方便食用，切面仲可以見到性感既粉紅色，尼個熟度啱啱好，dip埋個魚露汁，風味up up up!男朋友就最鍾意食pad thai，去泰國餐餐都食嘅，面條煙韌彈牙，甜甜酸酸既醬汁非常之開胃，同去食泰國食嗰啲有得揮，我都偷食咗幾啖。蒜蓉炒通菜爽脆新鮮，炸蒜有香氣，生蒜培滋味，食完咁多脂肪落肚，就整啲草當係自我安慰啦。加多杯淡淡斑蘭味既珍多冰，好好食嘅一餐，老土都要講句「泰」好「椰」！喺地鐵站隔離咁就腳，又唔使加一，又好食，下次經過都會再嚟！…Read More

今日黎到荃灣同男朋友拍拖，見有間主打和牛漢堡既餐廳，見到店員喺度燒漢堡好香好吸引見就入去試下。男朋友揀咗套餐B，三重芝士汁和牛漢堡+微辛蕃茄汁和牛漢堡，俾我偷食咗幾啖，濃郁咸香既芝士汁配搭北海道十勝產黑毛和牛漢堡既醇厚肉汁，邪惡感double，中意啖啖油脂香氣既一定唔好錯過。蕃茄汁酸酸甜甜，中和和牛多餘油脂，微辛又可以吊起胃口，令人食慾大振，唔想咁heavy既可以一試。所有套餐都包含前菜，日本生蛋，味噌湯，同無限任添嘅珍珠白飯。將個漢堡加隻生蛋再加啲汁撈飯，真係好好食。我就揀咗個套餐C，甜洋蔥燒汁和牛漢堡+黑松露忌廉汁和牛漢堡，洋蔥焦糖化特有既甜味，係蕃茄汁無可比擬，喜歡甜口既記住要試啦。而黑松露獨突既氣味，距離烘爐三四呎都聞到，同屬油脂類既忌廉汁和黑松露味都能令和牛本身既脂香更上一層樓。順便嗌咗一堆小食試吓。日式炒野菜主要有椰菜、甘荀同香菇。椰菜炒得啱啱斷生，水份充足又味道甘甜。上面仲灑上木魚花，鮮味提高不少。薯仔沙律幼滑唔粗糙，加埋蟹籽一齊，口感有趣，絕對係健康之選。明太子雞翼燒到表皮香脆，一咬落去肉汁多到噴射出來，明太子帶少少咸又少少辣，十分惹味。咖哩脆炸雞軟骨小巧的骰，咖哩香撲鼻而來，擠落檸檬汁減少油膩，令人不禁一口接一口。望住店員整個料理過程，口水不斷湧出，別有一番風味。兩個人唔使400蚊搞掂，食飽飽🥰…Read More

朋友嘅推薦我去試下旺角T.O.P的八木橋日式燒肉，今日行下行下街就順便嚟食下嘢，要食梗係食最好嘅 - 佢地嘅RAIN Series!頭盤一上到嚟就有我哋今日嘅主角，A5和牛西冷， 真係好大舊！燒完真係超級香，入口即溶，好正！四品和牛燒肉盛，有不同部位的和牛，佢地仲提供生蛋和壽喜燒汁，你哋睇吓幾正！有啲特別嘅係佢哋嘅 韓風瓷壺醬油牛肋肉特，裝喺個壺入邊，側邊有instruction教我哋點樣燒，放喺側邊慢火燒15分鐘，然後再次切成一粒粒，將佢燒香，燒烤後外脆內嫩，幾特別幾好食。好得意嘅係 味淋魚干都係DIY自己燒，由佢透明嘅時候燒到佢變咗實色。 再剪成一條條，熱辣辣，正除此之外，因為我好大食，所以我就仲嗌咗好多海鮮蔬菜肉類同小食，而海鮮的鮮味也讓我驚喜，我食咗勁多扇貝嘻嘻除了主菜，仲有無限任食的哈根達斯雪糕同甜品推薦俾所有肉食動物，期待下次再來😋…Read More

去左間尖沙咀靚靚cafe到打卡同食好西~前菜揀左個手工牛油煎蟹餅，蟹餅煎到金黃色，好香嘅牛油味，餅皮酥脆，入面有好多蟹肉，十分鮮美。另一道菜是西班牙黑毛豬鞍架，肉質鮮嫩多汁，鞍架係好靚嘅美麗的焦糖色，肉汁鎖哂係入面，最啱我呢啲食肉獸🤤嚟到梗係唔少得意粉，嗌咗個蟹肉忌廉汁意粉，因為我真係好鍾意食蟹，意粉用左新鮮的蟹肉製成忌廉汁，質地濃稠，意粉口感彈牙，好好食！最後梗係唔少得甜品，芒果熱情果合桃班戟，香軟可口，有鮮甜的芒果和熱情果，脆卜卜嘅合桃，好滿足！🤣…Read More

呢間居酒屋有好多精緻嘅日本料理，我食咗好多款推介菜式，大佬我真係好鐘意帶子，叫左個帶子刺身同三文魚刺身，帶子刺身新鮮彈牙，鮮味十足，好正。仲嗌左個火炙黑松露帶子壽司，結合咗黑松露同帶子，黑松露嘅香氣與帶子嘅鮮甜完美結合，令人難以抗拒。鵝肝壽司都好正，鵝肝配上壽司飯，入口即化，帶來絕佳嘅享受，而且係飽肚之選。牛油果軟殼蟹卷結合咗牛油果同脆口嘅軟殼蟹，味道鮮美，口感豐富。如果你鍾意火炙壽司，定要試下三色火炙卷。三色火炙卷內有帶子、三文魚同吞拿魚，三款魚生合而為一，火炙後散發出誘人嘅香氣，再加上啲沙律醬，好食並邪惡到爆。明太子雞翼得酥脆，外脆內嫩，最鍾意呢啲無骨嘅雞翼㗎喇！…Read More

放工同fd去左呢間燒烤店，估唔到咁好食，啲調味真係好正，連燒韭菜都可以好好食，尤其適合鍾意食蒜頭嘅人哈哈我哋嗌咗個錫紙金菇，超香牛油味，每一啖都感受到金菇的鮮嫩口感同蒜頭濃郁的味道，不過建議可以再加多啲蒜頭XD，個人真係好鍾意菇，個烤香菇都好正，上面鋪滿蒜蓉、蔥花同辣椒，好適合我呢啲重口味嘅人~嚟食串燒梗係要嗌好多肉，燒豬頸肉is my favourite，外皮酥脆，內裡多汁嫩滑，超級推介，另一個必點嘅就係燒牛肉，一樣都係超級正。除咗肉之外我哋都嗌咗一堆海鮮，秋刀魚、烤魚乾、燒虎蝦同埋蒜蓉粉絲蒸扇貝都好好食更邪惡方面，我哋仲嗌咗黑白糍粑和炸饅頭，炸饅頭唔使講，係一啲大家都好難抗拒嘅經典炸物。我第一次食黑白糍粑，原來佢係好似炸麻糬咁，外面再淋上煉奶同朱古力醬，超邪惡超好食外脆內軟好彈牙除了好食之外，呢家串燒店的環境非常舒適，店內以木質簡約的設計為主，而且每張枱上都掛著紙巾，超得意🤣…Read More

今晚同朋友去咗無敵居食din，真係好滿足又好開心！呢間居酒屋環境舒適嘅，氣氛輕鬆，好適合放工嚟chill下飲杯酒。我哋嗌咗個脆炸刺身甜蝦同燒原隻帆立貝。蝦肉鮮甜多汁，炸得香脆，比想像中大份，有五隻。帆立貝肉質鮮嫩，非常鮮甜！我哋仲試咗佢哋嘅芝士年糕同埋安格斯牛柳串，芝士年糕好彈牙，出面畀紫菜包住，配埋濃郁嘅芝士，熱辣辣就最好食。而安格斯牛柳串又香又滑，好好食。嗌咗個溫泉蛋雜菌湯烏冬，烏冬嘅質感彈牙，同湯底入味，令人回味無窮，湯中仲有新鮮嘅菇菇同溫泉蛋，好香好香。無敵居招牌沙律新鮮蔬菜搭配特製醬汁，清新又開胃，七彩顏色打卡最上鏡。雞皮蝦卷都好出色，酥脆嘅炸雞皮包住鮮蝦肉，外脆內軟🤤最後，仲有甜品嘅部分，我哋試咗佢哋嘅天日塩雪糕。雪糕口感好滑順，有淡淡嘅鹹甜味，真係一個完美嘅結束。下次再黎要嗌番支酒黎飲下先！…Read More

出開鰂魚涌「隨心」地行一間新加坡餐廳，一坐低就嗌咗個招牌嘅隨心海南雞飯，貼心地已經去骨，雞肉非常嫩滑，個人最鍾意嘅甜豉油，蒜油同辣椒醬等我哋可以按個人口味調整，而且仲送埋有個湯添soup🍲小食就嗌咗個新加坡炒蘿蔔糕，份量比想像中大，而且非常惹味，蘿蔔糕外脆內嫩，味道十分豐富，有小小小小辣，我同個friend都食唔停口~另外仲叫咗個海南雞喇沙，湯底嘅味道非常濃郁，有好香嘅椰子味同咖哩味，亦都非常鮮甜，配料有豆芽同豆卜，米粉份量亦非常十足，食完之後成個人都暖曬🍜飲品方面我哋叫咗個檸檬薏米水同金桔檸檬，薏米水仲要係低糖版本，小小甜非常解渴，薏米煙煙靭靭咁，好似健康版嘅台式飲品咁XD，金桔檸檬嘅金桔味有少少重，亦都冇出面嗰啲咁甜，大推大推！🤤…Read More

作為一個十世都唔飲咖啡嘅人，喺同事嘅威迫之下來到呢間咖啡店，又唔想只係飲果汁或者水咁慘，於是就嗌咗痴_線朱古力，想知道佢究竟有幾痴線，杯嘢非常適合打卡，味道就正正常常一般般，推介鍾意打卡嘅人嚟打卡。…Read More

同朋友聚會梗係想喺一間chill chill地又好食嘅餐廳食飯，估唔到係北角都有咁嘅地方！環境闊落，牆上面仲有壁畫同埋黑膠唱片，靚到我哋忍唔住嗌咗好多嘢食，最推介嘅係鹹蛋黃意粉同埋沙律，個pizza都好好食，而且薄皮等我哋可以無限地試其他美食！…Read More

作為無蛋不歡嘅雞蛋愛好者，我時不時就會發夢夢見呢間舖頭，因為佢真係太正啦，所有嘅料都充滿蛋！我哋今日嗌咗溫泉蛋卡邦尼意粉、馳名嘅all day breakfast、牛油果Benedict eggs的，同埋招牌玉子燒! 以下係相：…Read More

可憐的我們因疫情無法去台灣旅行，好在有龍鳳號等我哋喺香港都可以食到傳統台灣菜色及美食！今次特登嗌咗一啲我從來未食過嘅嘢，包括皮蛋豆腐、虎咬豬、同埋梗係要試下呢間店最招牌嘅燕麥奶！…Read More