yymlee315的個人專頁

見依家係大閘蟹季節就嚟左天香樓試吓。一入門口就聞到一陣臭味🤢！估計係門口張紅色地氈散發出黎，陣味好似喺街市啲魚檔/肉檔個種臭味。好彩我哋張四人枱坐得夠遠先聞唔到。之後點餐，男侍應服務態度唔係非一般嘅冇禮貌，而係非常臭寸。嫌我地四個女仔叫得少，又俾說話我哋聽。問題係飯店嘅餐牌有大概1/3嘅食物都無得order， 因為原來餐牌上嘅食物冇寫價錢就無。侍應亦都冇預先同我哋講… 😅 準備食耶個陣，朋友發現隻羹有啲污糟嘢，想要個隻新，個侍應一手攞左隻羹，淨係大大聲唔耐煩咁講「換俾佢！」只可以話係衛生同服務態度真係仲有好大嘅進步空間。食物水準不過不失，偏油。大閘蟹都算唔錯。但係我要再三強調係衛生方面，我有啲擔心😳碟清炒蝦仁出現左一條類似體毛嘅物體，我哋同女侍應講，佢用咗個比較hea 嘅理由—— 「煮個陣係個鑊到甩出嚟…」估計應該無諗住要換俾我哋。當我哋要求換個陣，女侍應黑面，前提係我地一梗都未食過🙄。最後埋單食左$4xxx ，食到一肚氣，飽左！…查看更多

之前去深圳食過蒜香味嘅烤魚好好味，好掛住，於是今晚就點左黃金特濃蒜香魚豆花試下。條魚等咗好耐都未滾，服務員好好人咁幫我哋拎返入廚房預熱之後先再拎返出嚟。👍🏻滾起時，先試一啖湯頭，蒜香味冇想像中咁濃，魚身都幾滑。本身的配菜包括有青瓜、芽菜、豆腐、薯粉，配搭上唔錯。雖然同深圳食嗰個兩回事，但係食落感覺冇咁多味精。聞到隔離左右食緊麻辣口味好似好正，下次要試下。…查看更多

同朋友order左印尼雞湯飯、white pine smoothie bowl仲有印尼千層蛋糕。三樣嘢都麻麻地尤其是個雞湯飯，雖然湯頭有色水，但係淡而無味，啲雞肉都算滑，可惜同樣都係好淡。整體好似食緊滾水浸雞肉飯，唔建議食。Smoothie bowl食起上嚟冇覺得好fresh好健康，可能因為上面啲菠蘿用咗frozen嗰啲，食起上嚟只係覺得成件事好冰凍。個人覺得如果啲菠蘿解凍咗先會好啲又或者應該考慮用新鮮水果俾人感覺會好啲。可讚之處係佢哋用咗coconut bowl同wooden spoon營造出大自然嘅感覺！印尼千層蛋糕不過不失甜甜地⋯⋯…查看更多

成日見啲韓國ASMR video都會食到芝薯拉絲熱狗棒，今日終於去試下。雖然極度邪惡，但係一心去到旺角冇理由唔食，果然冇失望，好食😋外脆內軟，口感冇得輸！另外，同朋友仲order左個火腿芝士多士，比起芝薯拉絲熱狗棒遜色左啲。下次試吓佢哋嘅芝薯拉絲棒先。…查看更多