willwheel's Profile

呢間冰室位於熱門搵食地方，荃灣嘅路德圍。嗰邊附近唔係茶餐廳，就係台式飲品小食店。如果口痕想普通食個常餐，呢間舖頭係唔錯嘅選擇。 我就叫咗呢間餐廳最出名嘅蕃茄麵常餐，有蕃茄出前一丁、滑蛋、瑞士雞髀，以及一杯凍奶茶。 老實講野食都幾老土，但如果想食好味嘅常餐呢到係唔錯嘅選擇。蕃茄出前一丁唔會太酸，仲可以有小中大辣選擇，辣辣地幾野味。 然後講吓啲配菜，啲蛋都幾滑，好似落咗啲牛油咁。然後就係有一賣點嘅瑞士雞髀，好少常餐會配咁大隻雞髀，平時都係沙嗲牛腸仔，呢隻雞髀兩個餐飽肚好多。最緊要係隻雞皮幾滑身，甜度啱啱好，唔會太老太難咬。 最後杯凍奶茶就有少少失望，第一次嚟飲就好甜，今次少甜又太淡，夜飲就有少少麻麻啦。但埋單50幾蚊都唔錯！…Read More

因為肺炎冇得出國，Fish&chick係值得推介食炸魚同薯條既店，因為幾有英式風味，食完仲可以去海旁行吓，幾有格調。 本身預咗下午茶時間食會有單點優惠，點知lunch set $100樓下，仲抵食又大份。首先講個沙律，一個係煙三文魚一個係炸蘑菇，炸蘑菇比較特別，雖然好似好乾身難咬落去非常juicy！食完好fresh好正！ 之後就係炸魚，因為唔係太識食嘅關係食咗個最平嘅藍鱈魚，但食落去真係好有魚味，肉質嫩滑，唔會咬落去成塊餅咁。魚柳又大又厚，好juicy，個人建議食最平個款都已經好抵食。 然後就係烤雞，有少少烤焦，非常嘢味，外層個皮脆口，雞肉唔會太鞋！唔錯！兩個人食，一雞一魚，非常好既配搭。 最後就係薯條，又厚又大條又熱辣辣，無野好彈！嘢飲就嚴佢太細杯...…Read More

平時都去開唔同嘅Cafe，呢間就比較特別啲其實近油麻地地鐵站，5分鐘路程就到。間野幾隱蔽，喺平時經過開嘅暗行仔裏邊。 入到去成個環境都唔錯，好寧靜同埋好適合傾偈，環境亦都好闊落，入去其實係食個環境嘅。 至於食物略貴，但個辣肉醬意粉雖然細碟，但個醬汁好惹味，而且都幾足料，有蘑菇雞肉煙肉。叫左個薯條份量足夠，大條熱辣辣。雖然佢冇配上沙律同湯，但個奶凍布甸真係幾吸引我，都幾大碗同重奶味。 最後飲品方面就有啲失望，咖啡太過酸，睇返網上比較多人推薦係飲朱古力味冰，下次再嚟實會叫番杯，變返個完美嘅晚餐。 …Read More

嚟到葵芳既新都會商場搵食，見到Mr. Steak有半自助式既lunch set，價錢又唔太貴就試試佢。自助區就有湯、各式沙律、小食同埋甜品。我地每樣都拎左啲嚟食，當中最鍾意既呢就有少雜菌，同埋個薯仔沙律，兩樣都好有水準。自助區個refill速度都好快，唔會有冇野揀既情況出現。甜品種類多，有芝士蛋糕、啫喱、豆腐花、仲有私心推介既綠茶卷蛋，卷蛋入面既綠茶cream十分之香濃😋主食方面呢，我地就揀左香草辣肉腸長通粉同埋蕃茄雞肉他他。蕃茄雞肉他他煮得好出色，啖啖肉，份量都好多，仲有塊大麵包可以點啲蕃茄汁襯嚟食，偏甜既蕃茄汁好惹味，好開胃。而長通粉就比較普通，不過都算好食，想平食mr steak既朋友可以一試。…Read More

因為工作需要去到屯門食飯，本身大商場都預計冇咩好嘢食，最後搵咗間比較特別啲嘅日式餐廳食lunch。 價錢大概為60至70蚊，雖然價錢稍貴，但仲有沙律同串燒同嘢飲嘅套餐都可以接受。 首先講咗個主菜先，燒豚肉飯，雖然賣相有啲乾身，搭質感幾脆有咬口，只係份量有啲小。串燒幾好，細番薯仔甘甜，雞肉味都唔錯。最後嘅沙律就普普通通啦，典型沙律再加菜咁。反而凍檸茶嗰度唔錯，唔會太甜，令我好出奇，消暑嘅恩物。 服務態度一般啦，當係一間普通食lunch嘅餐廳。…Read More

嚟到尖沙咀行街，搵下附近有咩黃店食。見到呢間啲甜品幾吸引，就決定試下。8點去到，出面已經大排長龍，等左半個鐘到就入得。 店內幾大，日式既裝修，有普通枱同高枱，全部都隔得好開，夠哂安全。我地叫左一個和王牛漢堡丼同鮮果黑魔法pancake。首先嚟既係和王牛漢堡丼，厚厚既漢堡肉上面係隻完美既半熟蛋，米係用紅米，夠哂健康。用刀將隻半熟蛋切開，就流出滿滿既蛋汁，而整個飯既配搭味道都唔錯。份量就比較少，淨係食主食可能要一人一個先夠飽。跟住嚟既就係鮮果黑魔法，6、7層厚既Pancake，上面搽滿朱古力cream，側邊仲有啲士多啤梨做配料(最驚喜既係有白色既士多啤梨!)，賣相就好似朵花咁，相當唔錯!食落Pancake同朱古力既味好夾，唔會太甜，啱啱好。朱古力CREAM好濃厚，一啲都唔膩。士多啤梨都唔錯，特別係白色士多啤梨，好juicy好甜，食完令人回味無窮!…Read More

去完南豐紗廠之後，想食漢堡包，就上網Search到呢間既黃店咖啡店。舖頭位置隱密，荃灣地鐵站出左之後向大窩口方向行，去到一個舊式商場入。去到既時候尚早，好好彩唔洗等位。我地入座左10分鐘到之後，就已經排哂長龍。餐廳主要食Burger, all day breakfast, 仲有啲意粉。我同女朋友就叫左兩個BURGER(一個煙肉、一個蘑菇)，又叫左一杯oreo milkshake(叫一杯正價milkshake會送一份細薯條)。漢堡係即叫即整既，所以要稍為等一段時間(其實都唔太耐)。兩個漢堡既賣相吸引，用料豐富，中間的漢堡扒煎得岩岩好，好厚好JUICY。兩個BURGER各有風味，煙肉加埋漢堡就啖啖肉，而蘑菇就冇咁膩，兩個包既分量適中，食埋啲薯條奶昔就飽喇。不過大食啲既就可能要叫多個小食。佢啲薯條都唔錯，脆卜卜。我地就最鍾意杯OREO奶昔，一飲啖啖都有OREO，奶香味都十足，一飲就停唔到，好快就比我地KO左。（但可惜用左filter影唔upload得上黎睇）佢地仲有杯花生奶昔，望落都唔錯，可以下次嚟再試試。…Read More

係西灣河第一時間就想起太安樓，但今次想食下其他野就去左海南雞既鋪頭啦，係泰安樓後面坐低食既。個到有set dinner既幾抵，大概八十幾。我同個朋友就分別叫左個海南雞飯，但我個個就係套餐，有個小食馬拉盞通菜。 馬六個海南雞飯係無骨，就甘睇分量充足，切得分明又乾淨。雞肉嫩滑，有小許肥膏幾有雞味，當然跟足傳統有三款醬料薑蓉、辣醬、豉油，辣醬比較特出，比起出面辣d惹味d。至於個湯無咩特別，唔會有強烈既胡椒味。 套餐既馬拉盞通菜有鑊氣，幾大碟適合兩人份量，建議另外一個人叫其他小食。（可惜無影相） 馬來手工拉茶，奶味濃。拉茶同樣也是南洋特色，有小許茶香但比較重奶味，口感順滑。…Read More

去到大圍覓食，想食啲西式既輕食，就嚟到呢間離地鐵站10分鐘遠既café食。呢間Café去到近9點都仍然爆滿，我地都等左一陣先入到去。餐廳係食西餐為主，亦有各式各樣既甜品。啲Dinner set大概百幾蚊一個，包一杯33蚊既野飲，如果多左就加錢。我地兩個人就叫左2個SET，諗住食完睇下飽唔飽再叫甜品食。前菜係忌廉南瓜湯同埋一埋面包，南爪湯好濃，個包就冇咩味，可以點落啲湯食。跟住就係主菜，我地叫左個奧斯特選全日早餐同原隻魷魚龍蝦汁意大利飯。全日早餐配料豐富，份量十足，有炒蛋、2塊Waffle、2條雞肉腸、雞扒、薯條，仲有啲沙律菜。味道唔錯，最好食係雞肉腸，夠哂JUICY。而魷魚飯既賣相十份吸引，廚師將意大利飯釀入整條既魷魚入面，好特別。味道有滿滿龍蝦汁味，魷魚都煎得香口唔韌，美中不足既係意大利飯煮得有啲淰。至於飲品方面，我地叫左焦糖雲呢拿奶昔同抹茶Latte。兩杯野飲都大大杯，焦糖雲呢拿奶昔既焦糖味好出，但唔會太甜，而整體味道都相當唔錯。抹茶latte既調配都唔錯，配住主餐食一流。我地食完兩個餐之彼都已經好飽，冇叫到甜品，惟有下次嚟再試下。…Read More

難得同呀母親大人撑台腳，行完商場就去左食日本野，丸十日本食堂。店鋪幾闊落，有吧枱同大卡位，坐得好舒服。第一樣就黎左燒和牛肉丼，係一碗燒和牛飯再配個溫泉蛋。遠望到有個師傅即場係客面前燒嘅，都幾快就上咗碗牛肉丼飯。 就甘望有血水，似係7-8成熟。都幾新鮮有牛肉味，但燒得比較乾身，但撈反個溫泉蛋濕反就好好食。第二樣就係海洋之盒，有多款海鮮，大大粒帶子、鯖魚、四舊魷魚串著，帶子同鯖魚比較突出，有小小酒味汁(唔太肯定)，幾新鮮，然後比較可惜得一條長蝦唔夠分。最後就叫左碟最普通最平既刺生盤，就試試啦，食完唔係好分到，但至少唔會食到好凍成口冰甘。日本野係新都會大商場黎講算唔錯，係葵芳坐低食飯敘餐地方真係唔多選擇。…Read More

呢排睇完劇就想食炸雞，而且呢間係韓國都幾出面，所以就去左食。鋪頭都算空曠，唔單止有量體溫，而且每個位都有膠版阻隔同紙袋袋住口罩，防疫做得唔錯，每個位都有手套可以用幾乾淨幾貼心。個排因為有優惠，我同朋友就揀咗買一送二既優惠。呢個餐幾吸引又幾抵食，買一碟大雞再送一碟雞，仲有得揀一個小食一大籃薯條添。首先，講下碟薯條，鋪滿紫菜碎同cheese粉，幾金典香口，熱辣辣唔錯。但重頭戲就係太陽cheese炸雞窩，中間滿滿既cheese，可以隨意點適量既cheese，非常邪惡，一路煮一路就聞到好香creamy既味道。裡面炸雞款式幾多，有辣雞、炭燒雞，但其實落左cheese都差不多。另外就係送既雞，讚既就係好抵，可以簡有骨無骨，中可以簡三拼雙拼，好多味道簡。我自己鍾意食辣就簡辣醬雞，所以最後我朋友簡柚子醬雞。如果彈既話真係太飽太多，因為優惠關係有每人最低消費。 至於杯飲野就唔太特別，多支仔軟糖呃下like。…Read More

今日同女朋友去左大坑搵野食，見到呢間拉麵店既店面同食物餐牌幾吸引，就決定試試佢。去到個陣前面已經排住隊，我地排左無耐之後，後面又有長長既人龍。為左節省一陣候餐既時間，店員會先比點單紙我地落餐，佢仲好細心，會分清拉麵係屬於邊位客人。餐廳一共提供5款拉麵，赤骨、綠骨、黑骨、豚骨，仲有一個限定款(會定期轉，喺IG到公佈)，而我地今次就叫左綠骨同豚骨。等左10分鐘到就有位，舖頭細細，裝傷幾精緻，用木做主調，連坐既櫈都係實木既。坐底一陣，兩碗拉麵就上左嚟喇。黑骨即係墨魚汁，湯底好濃，亦都有滿滿墨魚既味道。麵質都適中，易入口(參考: 叫左湯底「濃」、「咸」、麵質「硬」) 而第二碗綠骨即係羅勒醬(綠醬)，有意大利既風味，上面仲灑左啲芝士粉，鍾意食青醬意粉既你就啱哂，佢西式crossover日式，味道亦都好搭。(參考: 叫左湯底「濃」、「咸」、麵質「硬」)份量嚟講我女朋友就啱啱好，不過我就唔太夠食，再去天后食返個甜品就啱哂喇!…Read More

和女朋友在對面看完電影，一出來就看見這間食店，碰巧又已經到晚飯時間，就即管入去試下看到餐牌好簡潔列出了不同的丼飯，每款都很吸引，最終當然選擇試下呢到主打的叉燒丼飯，有得選擇肥叉燒或正常叉燒，我同女朋友都選擇了正常叉燒丼飯來到，賣相超級吸引，雖然是中式的叉燒飯，但裝得滿滿的，很有日式丼飯的感覺兩隻太陽蛋，煎得好漂亮，一吉穿，啲蛋汁又可以流到飯中，簡直是絕配至於主角叉燒，雖然選擇了正常叉燒，但一啲都唔鞋唔乾，十分軟嫩，配埋啲醬油汁，甜甜地，非常美味，而且份量夠多食完覺得超級滿足，但建議女生們可以叫少飯，食完女朋友肚子脹乎乎的，哈哈，十分值得再次光顧。…Read More

事緣想同女朋友去下尖沙咀嘅激安殿堂，所以都去咗海港城嗰邊嘅餐廳食晏。呢間漢堡包店竟然係星期六冇咩人排隊，所以就入咗去試試佢。 呢間餐廳氣氛唔錯，係好經典嘅美式酒吧佈置。有落地玻璃，座位都好闊落，每個座位都有蕃茄芥茉醬同紙巾。啲侍應都會令美式嘅大餐盤，服務幾周度。 我同我女朋友分別叫咗經典漢堡同墨西哥漢堡，然後我個餐就加咗杯汽水同薯條。果然個包個份量都好厚重，一個餐加薯條嘢飲剛剛好。裏面附送咗個淡忌廉味嘅小沙律，新鮮醒胃。 兩個漢堡包比較起上嚟，墨西哥漢堡比較遜色，價錢貴點，只係多咗啲煙肉同幾辣嘅醬汁。反而經典漢堡雖然好普通，但漢堡扒配上蕃茄洋蔥，簡單而不油膩。好juicy，反而簡簡單單嘅漢堡包先最match。 呢間店唔錯嘅地方係漢堡扒可以揀幾多成熟，配合返自己嘅口味。值得一提如果正常食量嘅話，建議可以兩個人share一個餐再加其他嘅小食；或者唔需要每個人都架個薯條。因為份量實在太大！但粗薯條真係幾脆同熱辣辣，又係必食嘅。 …Read More

因為實在唔知食咩好，所以跟女朋友到附近的大家樂打邊爐。我們叫了第三種邊爐，有豬肉、蔬菜杯、米線，同意想不到嘅拼盤盒：炸魚皮、水餃、星形魚蛋、馬蹄肉丸、芝士腸、豬皮。 比起淨係食肉同菜，有個拼盤真係冇咁寡，啱晒啲為食嘅人。 同埋不得不說個番茄湯底都唔錯，有好濃嘅肉同蕃茄味。 個蔬菜杯都真係幾多菜，有舊冬菇同粟米食下。總括來講成個餐都幾平衡。 但缺點就係元配只有米線，嘢飲要加番$14先有兩杯。但啲姐姐都好主動加返水幾好，服務加返分。…Read More