cheong321的個人專頁

睇完某channel介紹，難得喺附近返工，一放lunch就以飛去食，行慢一分鐘都會撞正lunch煩忙時間而排隊。睇完menu，試下佢嘅炕腩河。湯底清，先飲一啖充滿牛骨味道同香氣。蘿白無根又夠淋。之後先食一塊坑腩，柔軟非常，唔駛考牙力，較為大塊嘅坑腩，當中嘅脂肪又淋又香，似食緊牛筯咁而比較細塊嘅有幾嚿，原先以為喺「搭」嘅，點知呢幾嚿先最正淋得嚟有咬口，而且充滿牛脂香氣，似食緊炆牛尾咁經過呢次後，下次一定要去食崩沙腩，相信唔會似坊間嘅咁，食到似橡筯嘅感覺…查看更多

因為訂咗6點30時，所以準時6點20分到。5分鐘唔駛就上咗乳鴿同湯，再約5分鐘後就上第一輪大閘蟹，香港地預咗任食（2小時）嘅嘢就實係麻麻架啦…細隻不特只，最慘係啲膏完全無平時食嘅香氣同味道!而嗰湯話係花膠，不過我就覺得係一塊平價魚唇囉。最好食嘅反而係隻豉汁鴿，雖然橡皮，但肉嫩。最差嘅食咗約45分鐘就自動上咗個臘味飯，呢個時候我哋啱啱開始食緊第二輸蟹，即係要我放涼佢食冷咗變硬嘅糯米飯啦？再差啲嘅係食咗約1小時10分嘅時間，就同我講話last order蟹喎我心諗有無搞錯呀？不過我年紀大，食12隻（就算咁細隻都好，怕涼!）就夠，而我隔離枱同我差唔多同時入席嘅女士就立即有反應，所以再可以食多4隻。講就無用嘅，大家請睇相自行判斷。最後，店方就唔差得晒嘅，第一係啲蟹一叫就立即上，第二係都有禮貌嘅。右邊嘅炸蝦丸可以唔食「花膠」味精湯大定細，看官自己判斷…查看更多

聽同事講、加平時見呢間嘢成日人山人海，終於今晚去試下，結果……失望!話梅豬手可以，夠入味。避風塘炒蟹就唔入味又細隻(唔夠2斤）……第一次食避風塘炒蟹係有水出嘅，尤其係蟹箝，剝開殼就見有肉汁(或水）喺入邊，所以我主觀估計隻蟹有可能係先蒸過，之後再炒……完全食唔到避風塘嘅味道!九重塔胡椒蝦，垃圾!用手一剝殼就知係雪蝦，一食，一 如所料，啲肉「梅」嘅只此一次下不違例! 垃圾!唔明點解喺側邊枱嘅人會話好好味更唔明會有食評話啲蟹好食😑🙄好食嘅避風塘炒蟹嗰觀塘有一間，話好食嘅人應該未食過🤔…查看更多

見1週年飲品買1送1，再加上食評嘅評價唔錯，所以就嚟試下。嚟到，見到餐牌註明每種串燒至少要叫2串……再問店員得知，除牛肉羊肉外，其他一慨要叫至少2串雖知道人人口味唔同，就算我倆公婆都係咁話，結果，內子唔食嘅豚之大腸我要叫2串，好滯嘅鷄肝都要叫2串……真係唔明點解有咁嘅規則😑怕浪費時間?怕唔夠錢賺? 但係又有無諗過客人要「硬食」多串，結果會弄巧反拙呢？食品質素普通，但點係要講:1)名物:豚之大腸，「拿」到無大腸味，但係仍然充滿內臟嘅氣味😦😨2)從未食過鷄棒係一粒嘅😑😡結論: 實唔會再嚟! 以同樣價錢，甚至平啲嘅，都大把更好食嘅串燒店可以選擇!…查看更多

並非第一次嚟，所以知道座位有限，尤其係望向日本師傅燒串燒嘅bar枱。好在有訂位，1930時準時到達，只有我訂嘅座位無人，bar枱位已座無虛席；而且聽到日語及歡笑聲此起彼落，好似真係去咗日本嘅串燒店咁。首先叫咗個廚師發辦嘅10串串燒，食完後先再叫自己想食嘅串燒。呢度嘅燒鳥(即鷄肉)及鷄內臟全部寫明係用日本鷄，再加上串燒師傅嘅功力，所以食到嘅味道真係同喺日本所食到嘅有9成相似。而且，師傅會刻意逐一逐一燒好先至奉上，所以客人可以一串一串品嚐熱辣辣燒起嘅串燒，唔會似坊間一啲店舖咁燒完後一次過上晒所有order食到暖嘅串燒。呢度嘅燒鳥及燒鷄內臟非常好食，鷄胸肉唔會似一般串燒店咁燒到熟晒，而係同日本一樣半生熟嘅，除咗係對食材信心嘅表現之外，亦品嚐到鷄肉嘅原始味道。另外，呢度嘅鷄肉棒亦係我暫時食到最正宗嘅，因為師傅會加入鷄軟骨喺肉入邊，令到口感同喺日本食到嘅一樣。除咗鷄之外，最正嘅係豚肉溫泉蛋(都係鷄有關嘅))。用煙肉包住隻流心鷄蛋、淋上甜汁燒，燒後鷄蛋仍然係流心嘅，非常出色又好:。而牛舌亦唔錯，但係呢度嘅燒鳥我覺得實在太出色，所以只食咗一串P串燒價錢其實同大部位嘅串燒店差唔多，但係呢度大部份(鷄肉全部日本貨)食材都係來路貨，加上日本人負責串燒，望港島中區夜景(望唔到海)，加上座位舒適，綜合以上各點實在可以講價錢合理。唯獨係飲料偏貴，生啤一杯要$60大洋(…查看更多

每一次食一間未食過嘅食店前, 我例必上呢個網站睇下先至決定食唔食!但呢間新開, 所以無從入手, 本打算食尖沙咀同樣擺設與食物嘅某一食店, 但一見到要等好耐已打若干折扣, 再睇清楚各位朋友報告知道仲要限時個半鐘就立即唔會去, 因為我個人比較健康奉行慢食, 況且, 打邊邊同食燒肉一樣, 個半鐘無可能食到! 就算食到都係食不知味, 咁就不如唔食......或者搵另一間同類店舖食, 就係喺咁嘅情況下試下呢個喺「OPENRICE」無人食過又唔知好唔好食嘅店鋪食一次!食店喺地庫, 可能收唔到網絡, 但食店好細心, 設有WI-FI。而陳設亦非常似地道嘅韓國燒肉店! 仲有就有嘅係間隔幾好, 三五知己可有共聚空間!對我牛魔皇嚟講, 梗係要食呢個啦! 牛舌唔差, 其他都係水準可以嘅韓式燒肉牛肉質數。牛脥肉, 未食過, 原價$168, 新張期內$68就一試。但大部份都有筋難咬, 叫做試過就算, 好在唔係168啫!豬心肉比牛脥肉好少少, 無咁靭, 但我都係唔太喜歡。總括對於我嚟講, 唔係限時或限時任食嘅食店我先會去, 絕唔會去一啲店大欺客, 又要等得耐又限時嘅食店去食就己符合基本條件。牛脥肉與豬心肉我就麻麻, 但食嘢呢方面其實見仁見智。若各朋友想去食呢間食店, 尤其係喜歡牛肉嘅可以一食, 其他食物就要睇下閣下口味啦!!!!! 至於服務及環境,  喺我用膳時全程只得5份1坐滿, 且始終新開, 所以服務非常殷勤且所有設施都係新嘅, 所以非常乾淨!!!故此我結論係不妨一試!…查看更多

難得一日去到銅鑼灣做嘢, 所以一早鎖定去伊呂波食午餐, 因為之前去過食晚餐, 已經俾佢嘅牛肉拼盤同海鮮拼盤深深吸引咗, 而且, 喺openrice又見好多人話食午餐好食；難得去開銅鑼灣做嘢, 所以一早已經不作他想, 好彩, 工作可以一早完成, 可以喺1200點左右去到, 如果唔係嘅話, 我諗我都好難有機會食到, 因為我無訂到位! (因為唔知幾時先可完成工作!)幸好未到午飯繁忙時間, 所以無訂位都俾我哋食到; 睇完menu後, 我就選咗「日本和牛肩定食」, 一嚟到, 嘩!ok喎! 睇落同晚餐嘅賣相相差唔大, 一百多啲嘅價錢就可以有日本米飯、前菜、蒸蛋同主角:日本和牛肩食, 真係唔錯!前菜就無咩特別。而個蒸蛋就真係好好好滑!仲要一啲都無我最怕嘅嘔奶味, 因為我最怕呢種氣味, 所以我已經好耐無食蒸蛋啦, 亦正正因為呢度嘅蒸蛋無呢種氣味, 所以令我有機會可以再食蒸蛋, 太好啦!!!白飯---一食就食得出係用日本米煮嘅, 因為每一粒都係咁圓潤, 而且口感煙靭, 令到我覺得呢個午餐更超值抵食!好!輪到主角和牛肩出塲啦。望上去已經覺得同晚餐食到嘅分別不大, 食落就更覺得係無將價就貨, 既有牛肉味又有平均分佈嘅油脂, 有些少後悔無加多少少錢加大!! 就連伴碟嘅冬姑都係新鮮好味嘅!!!有咁好嘅燒肉當前, 又點少得叫支日本啤酒嚟飲呀?另外, 同行友人就叫咗個「伊呂波套餐」, 就咁睇都覺得好抵食, 因為又有天婦羅, 有剌身, 有前菜, 有蒸蛋, 有燒肉, 有湯同日本白飯, 由於友人唔食吞拿魚, 所以我就食咗, 老實講, 以100大洋唔駛就可以食到咁豐富嘅嘢仲要有剌身, 我就覺得質素好正路, 至少塊吞拿魚我食唔到雪味同有魚味囉!!!午餐嘅質素, 以咁嘅價錢嚟講, 我覺得真係無可挑剔, 俾100大洋左右嘅價錢而可以食到上述嘅食物實在抵食(或者係合理)。相反, 若想食到晚餐質素嘅話, 就會好失望, 而呢個亦係無可能發生嘅事!!!雖知道一分錢真係一分貨, 做生意、尤其係食肆喺現今真係唔易做嘅, 如果因為食午餐而食唔到晚餐嘅質素就俾個「喊」某一間食肆嘅話, 除咗反映呢個人太天真之外, 亦對呢門食肆太唔公平啦!!!…查看更多

好耐之前, 經過門口望過個餐牌就已經想試, 但係實在有太多樣串燒想食啦, 無可能會一個人食得晒嘅, 終於都等到星期日太座得閒同我食一次啦! 去到門口就見到一大群人等位, 所以就一早攞定飛先,之後就去附近行下街, 結果, 前後都係要等咗差唔多一個半鐘先有得食! 但係原來係無白等架!!!由於星期日嘅關係, 所以全塲爆滿!我哋兩個只能夠屈就坐一張細枱, 亦因為咁, 我決定唔一次過叫晒我想食嘅嘢, 我每次都叫幾樣, 一來可以慢慢食, 等所有串燒都可以趁熱食, 二來又唔會叫到成枱都係咁失禮同無位放。燒鰻魚---正正正!!! 外邊嘅皮燒得非常香脆但係一啲都無燶, 而肉身就非常多汁都嫩!!!極好!!!牛舌---雖然只得三大塊, 但係用香料吊味吊得啱啱好, 非常惹味!!而且好爽口!!!又一佐酒最佳選擇!!!雞腎—燒咗出嚟太細粒, 味道尚可。雞皮燒蝦---好抵食!!!5隻只係三十大洋唔駛!!!蝦就唔係大隻, 但係並唔重要, 重要嘅係用雞皮包住啲蝦嚟燒, 除咗有創意外, 兩者配搭得宜, 因為雞皮無味但係就燒到脆身, 再配以蝦肉嘅鮮味, 就令到一齊食時, 感覺到又脆又有咬口, 而且, 因為燒完立即上枱, 啲蝦殼都脆卜卜可以食埋, 正!!!!送啤酒一流!!!所以忍唔住叫多一串!!!海膽燒蟹蓋---我就係為咗呢一味而來!!! 可能真係希望太大, 所以有少少失望。未至於唔好食, 但係就海膽味唔夠濃, 同埋個蟹蓋無咩嘢食, 最唔喜歡係太多油!燒茄子---與其他地方食到嘅大同少異, 但係我就最唔喜歡有花生鋪上去, 因為好梗牙!芝士磨姑---又係crossover之作, 令到淡味嘅磨姑好惹味!!!連唔喜歡食磨姑嘅我都覺得好食!!!好!!!芝士翠肉瓜---又係一個有創意同非常好嘅配搭, 既食到有芝士味, 但係翠肉瓜又令到塊芝士無咁溜, 而且又食到兩者各自嘅味道, 好!燒蟹---價錢唔平, 要差唔多200大洋, 估到到會係咁細隻, 亦因為細隻嘅緣故, 所以無咩肉食, 亦令我發現咁細隻嘅蟹唔適合用嚟燒嘅, 因為內裡嘅水份容易燒到乾晒, 咁即係唔好味啦?!…查看更多

上星期經過見到呢度咁多人食, 所以就想入去食下, 點知門口嘅哥哥話全日全塲爆满, 咁我就唯有另覓地方搵食; 今日心血來潮, 就試打電話去問下有無位, 點知竟然有, 不過, 可能係因為我話夜晚9點去嘅關係啦, 唔理啦, 最緊要係有機會去食一次啫!由於訂位時哥哥仔話只留枱5分鐘, 所以我唔敢遲到, 但係都要等咗大約3分鐘至有位, 無問題, 始終人流方面嘅嘢唔係咁易控制。睇完餐牌叫嘢食, 因為第一次嚟, 諗住叫住啲正路嘢食住先, 睇下好唔好食先再決定叫啲貴少少嘅嘢啦, 點知竟然話「本陣美國上級滋味牛肋肉」、「牛肩脊肉」同「巨大牛排肉」都無, 我其實只係想叫前兩者, 既然係咁, 我就唯有先叫「極上厚切牛舌」、「極上和牛骰子牛排燒」、「豬腩肉」、「三品盛合」(牛胃、牛柏葉同牛肝)、「牛胸肉」同一個「野菜盛合」食住先, 當然, 嘢食嚟到時, 又點少得食燒肉嘅最佳拍檔----啤酒呀!!!等咗一陣間, 全部嘢差唔多同時間上枱。一睇就更明白點解咁平, 因為除咗「極上和牛骰子牛排燒」有8小粒外, 每一碟肉都係得6小塊, 雖然我入塲前預咗會將價就貨, 但係就估唔到會就得咁誇張, 一睇就知道我哋兩個人無可能會食得飽!(因為我唔喜歡同唔食飯嘅!)餐牌嘅食物相片同價錢幾吸引!!!!俾我見到我最喜歡食嘅內臟添!入到去一睇,我就更加知道同明白點解呢度嘅食物會咁"平", 一來裝修簡約, 二來一睇個燒爐原來唔係平時入枱嘅爐, 而係一大舊嘅放喺枱上邊, 而且有一條抽油烟嘅喉由天花落到嚟, 我就預計到今餐到會幾溫暖同要吸幾多油烟!「極上厚切牛舌」---厚切只係一個名稱嚟嘅啫, 與其他食日本燒肉嘅地方嚟比較, 根本就唔係厚切, 但係亦未至於取巧咁嚴重, 味道一般, 叫做食到啲牛舌味。「野菜盛合」---係有幾多款嘅蔬菜, 但係全部都太乾身, 一來因為唔新鮮、水份流失咗, 二來無水份嘅蔬菜用嚟燒嘅話, 不單止難燒, 而且只會燒到好似食肉乾咁會好難食, 我哋唯有用奉上嘅茶水點少少上各種菜度, 令到燒起上嚟易啲同無咁乾身嚟食。「極上和牛骰子牛排燒」---呢個係是日最好嘅一味, 因為用猛火燒晒咁多面將啲肉汁鎖住後, 就可以食到好juicy嘅牛肉粒啦, 而且肉味與脂肪嘅比例方面都較為平均! 食落感覺良好!!!「三品盛合」---牛胃我就已經試過燒得好熟、普通熟同啱啱熟三個方法嚟燒, 結論都係非常靭、咬唔爛同咬唔到呢三個, 唯一共通點係無味!!! 牛柏葉燒嚟食原來幾爽口, 但係味道都係麻麻, 最後嘅牛肝就已經係最好食嘅, 至少真係食到有肝味, 但係用嚟燒就唔及平時打邊爐咁好食, 因為乾身。「豬腩肉」---賣相好吸引, 肉與脂肪一層一層分得明顯, 但係食落同賣相就有些少落差, 我所指嘅當然係味道麻麻地啦!由於唔夠飽, 同埋我都心知唔會再嚟呢度食, 所以就即管叫埋「海鮮盛合」、「牛腸」同一個「薄切牛舌」食, 一來真係想填飽個肚, 二來想食多幾款嘢，以便對呢間食店作一個比較全面嘅評價。「薄切牛舌」---一上枱就令我覺得一早就應該叫呢個而唔應該叫厚切牛舌, 點解? 因為你會發現厚切同薄切都係一樣咁厚同咁多塊, 咁又何必叫個貴十蚊嘅厚切呢?味道就同上述嘅厚切一樣, 即係普普通通囉!!!「海鮮盛合」---包括有兩隻蝦、兩隻帶子同5個魷魚圈；兩隻蝦嘅大細同餐牌上嘅相分別好大, 只係得平時食嘅基圍蝦咁上下大細, 但係一定唔係基圍蝦, 不過我睇唔出係咩蝦, 而食落就知一定係雪過嘅! 因為肉身過實, 但係都叫有啲蝦味, 而個帶子就幾新鮮, 帶子肉有咬口, 而個卵身都係幾鮮味同滑!不過都係雪過嘅! 最驚喜嘅竟然係個魷魚圈!!! 因為我無預計到燒嚟食嘅魷魚圈竟然會係咁鮮味同爽口, 完全唔會咬唔到!!!「牛腸」---同之前嘅牛胃一樣, 都係試過燒得好熟、普通熟同啱啱熟三個方法嚟燒, 都係得非常靭、咬唔爛同咬唔到呢三個結果, 共通點都係無味道嘅!!!!!!令我覺得浪費金錢!!!另外, 我叫咗兩杯ASAHI啤酒飲, 因為本人試過食日本燒肉飲啤酒同燒酒, 始終都係覺得飲啤酒食燒肉比較夾! 我無叫到支裝嘅、反而我叫杯裝嘅, 貪佢平啲多啲抵飲啲! 估唔到呢度杯裝嘅ASAHI咁好飲, 同平時飲到嘅多咗一份新鮮、爽口嘅味道係平時飲唔到嘅!!!!而且, 由泡沫嚟睇(唔係由於唔識斟), 應該真係新鮮貨!總括嚟講, 此店嘅食爐我就唔係太喜歡, 因凸出枱面嘅設計會令到客人易於感受到熱力, 而且又多油烟, 不過, 冬天嚟食嘅話應該真係唔錯, 尤其係坐係比較搶火嗰一邊, 因為一定會好暖! 另外,食物質素與價錢方面真係一啲都唔抵食!!!!!!點解???因為絶大部份嘅肉食都係得6塊 , 而每一塊嘅價錢平均就大約10蚊多啲；與同類嘅和幸或者伊呂波比較, 一個和牛拼盤有5種牛肉、而每一種有5粒或5塊, 價錢就大約由$390至450左右, 即係每一粒或每一塊係十幾唔到二十蚊嘅價錢, 但係後兩者嘅來源係日本和牛,而質素、味道就一定好食過呢度, 仲要後兩者嘅爐頭、裝修、氣氛及服務都比呢度好, 所以我就唔會再去呢度食, 亦因為呢個原因, 我先叫多三碟食物嚟食, 以免寫出嚟嘅食評有所偏差。仲有一樣係要講嘅係, 一般食日本燒肉時, 都會有醬油奉上, 但係呢度就要自己係枱上嘅調味架斟, 我一拎起手就已經成手醬油, 即係無人清潔啦!二來, 啲醬油嘅味道..點講呢?.... 實在係普通貨色, 太重味精味, 所以令到燒肉嘅味道失真!!! 若此店各方面都不作出適當改善嘅話, 相信都係會俾食客所摒棄!!! 因為以價錢平作招徠此技倆可一不可再, 何況要食飽就一啲都唔平! 順便一提, 我倆口子竟然可以食到上述9碟菜, 真係少見!!!!而埋單就$580, 仲要係因為新張期內七五折喎!!!即係正價就$730左右啦, 作為一個消費者, 用正價嚟計, 同我提及過嘅兩間競爭對手相差唔多嘅價錢,但食物質素等各方面相差一段距離嘅話, 你係我又會去邊食呢?…查看更多

已經第二次嚟呢度打邊邊, 但係就第一次寫呢間火煱店嘅食評。其實我應該一早就寫, 但係因為實在生活逼人, 呢度打邊邊有一個我非常欣賞嘅地方, 就係火煱料可以雙拼! 唔好睇小呢點, 如果兩個人去打邊邊嘅話, 呢一大賣點可以令到食物方面多咗好多選擇, 唔駛兩個人只係食得三、四樣嘢咁少!!!上次就試咗呢度出名嘅老鴨湯底, 實在非常正, 真頭可以當湯飲, 但係由於今次想食多啲海鮮, 所以就叫咗個什箘湯底, 貪佢夠清唔會搶咗啲海鮮嘅鮮味。1)本地手切肥牛---打邊邊又點少得牛肉呢?! 我個人認為牛肉係呢度比較弱嘅一環, 因為無其他地方咁有少少肥膏, 所以偏靭, 而且亦唔太夠牛肉味!2)鷄子拼鵝腸---呢個就只係得我一個人食, 好在呢度有雙拼, 有得止下痕而又價錢實惠!!!3)烏魚扣拼魚唇---前者爽口, 後者食落似花膠, 幾得意!4)大蜆----價錢唔貴而又幾新鮮好味!有啲似貴妃蚌咁好味!5)海中蝦---用竹籤篤咗後成30分鐘都仲係喺度彈彈下, 可見非常新鮮生猛!!!食落就一定彈牙啦!!!6)醉鷄丸---呢度嘅招牌菜之一, 一定要涼咗先食, 如果唔係嘅話一定會熱親條脷!!! 真係好正同好特別又好食!!!7)桶蠔---同喺街市買到嘅一樣, 但係就唔會收得太貴, 而且真係新鮮得嚟又好有蠔味!!!8)蕃薯葉----呢個簡直一流!!!唔駛下下都係食皇帝菜或者唐蒿咁悶, 事關呢個真係好滑同好嫩!!!正!!!我都知道打邊邊一定係人越多就越好, 因為可以高興啲同多款式食啲, 但係如果只係得兩口子而又想打邊邊嘅話, 呢度真係不二之選!!!…查看更多

思前想後, 最後都係抵唔住黃油蟹嘅誘惑要係最後時機食一次! 好!就去呢間! 因為未去過! 去咗之後發現無揀錯, 因為同一般喺酒店入邊嘅食店一樣, 招呼非常好! 入到去諗到唔駛諗就叫兩個黃油蟹套餐先!1)首先嚟嘅係前菜---一個係荷蘭豆炒帶子, 另一個係什箘炒蝦球, 兩者一食就知係雪過嘅食物, 但係又出奇嘅好食喎! 至少啲帶子有帶子味, 而啲蝦肉就沾上少少WASABI吊味, 令到人開胃啲一, 而且我係好喜歡WASABI味嘅!2)菜胆翅---普通貨, 但係套餐叫有個翅食叫做點綴下, 味道同質素勉強合格3)主角黃油蟹登場!!!!!---估唔到同廣告嘅一樣咁多油, 真係令我喜出望外, 叫人無可能忍口! 你會見到同食到每一個部份都係充滿蟹油嘅!!!正!!!!!4)柚皮伴鵝掌---柚皮麻麻, 無咩味,而個鵝掌就只係一般飲茶時嘅貨色, 唔夠諗身!5)干瑤柱伴菜胆---麻麻地, 個菜胆好普通啫!6)小籠包---係, 無錯, 係一個普通嘅小籠包啫, 並唔係蟹粉小籠包, 可能食材來貨價貴咗!? 不過一都叫皮簿得嚟夠肉汁!7)山水豆腐花---OK! 因為另以黃糖上枱, 由你加多減少, 唔會甜到漏!另外, 呢個餐每兩粒就奉送一支花雕, 而且唔係太平價嘅貨色, 事關另一半唔飲開酒嘅都同我爭住飲囉! 所以一定唔會係辛口貨!總結嚟講, 好彩自己選擇呢間海都食飯, 事關套餐相信都係間間一樣, 但係呢間就應該係身處酒店入邊,所以氣氛同招呼相信都比其他嘅更好, 物超所值!…查看更多

下午經過呢間嘢, 再睇下門口嘅廣告, 咦!應該可一食喎!所以行完街街後就去試下, 點知, 原來係好多人食嘅, 結果要等成10分鐘先有位食!入到坐底, 無人招呼, 叫咗好耐先有人記得要開茶俾你!見到有出名嘅烏魚扣, 侍應話無, 咁我問有啲咩出名嘅介紹下啦, 點知佢好唔耐煩咁答我: 你自己睇啦!!!!嘩, 我心入邊立即……..先呢度<咁好>嘅效率, 立即拿拿臨叫咗個貴少少嘅狗仔窩湯底先, 果然不出我所料,由叫至有都要至少15分鐘先肯浦頭!!!嚟到就梗係睇下呢個話出名嘅湯底係咩料先啦, oh! 見有魚有冬菇等等, 所以見一滾起就夾起晒啲魚肉先, 費事熟得滯而晒咗, 點知, 食落都係太熟?!而且無魚味, 仲要一定係雪過嘅唔新鮮貨, 唉!!!!立即令我知道有少少乃嘢嘅感覺同令我想起高流灣嘅海鮮湯底, 價錢差唔多, 但係人哋就有魚有蝦有蟹…等等, 仲要係新鮮有味嘅新鮮嘢!!!!睇完菜牌決定食咩後, 打邊邊就一定要叫牛肉啦, 另一個侍應話有$48同$118兩種, 我問佢有咩分別, 係SIZE上定係質素上呢? 佢就好行咁答我話梗係貴啲好食啲啦! 我夠知啦, 但係邊方面先! ?如果只係份量上嘅分別嘅話,我得兩個人食, 我就梗係叫個平啲, 我可以食多幾款嘢呀嘛!結果, 係俾錢食嘢而又問完無人解答嘅情況下, 我就梗係叫咗個貴啲啲嘅牛肉啦, 雖知道打邊邊牛肉係靈魂所在!另外, 就叫咗生猛嘅花竹蝦、本地蠔、皇帝菜咁!等咗好耐, 連個湯底都未到, 見原來原來有生魚皮, 咁就叫個食啦, 因為越嚟越少地方有得食啦! 嘩! 又幾好食喎, 夠味得嚟又新鮮, 可能太餓掛!?首先嚟嘅係牛肉, 一睇, 好似差啲, 差啲咩?! 咪就係少少嘅肥膏都無囉!!!所以啲牛肉一熟就要立即食, 如果唔係嘅話, 就會覺得好老同難以咬得到!!!之後等咗好好好耐嘅就係花竹蝦嘅炸蝦頭。嘩!!!!!正呀!!!!因為啲蝦頭好多膏, 而且又啱啱炸起上枱, 食起嚟卜卜趣呀!!!之後, 先至係花竹蝦剌身, OK喎!!!!有心思, 將蝦身同蝦尾部份分開嚟放, 等人客可以食到無腸嘅部份, 而蝦尾有腸嘅位就可以俾人客剌身食或許滾熟嚟食, 好!!!!!生蠔就麻麻地啦, 事關熟咗後好細隻, 而且好似變咗囉!!!而個皇帝菜就無咩好講, 都係都平日食到嘅差唔多!!!!總括嚟講, 我個人覺得呢間火鍋店”不務正業” , 因為你可以預期到一般打邊邊好食嘅嘢, 佢就一啲都唔好食, 反而你預佢唔好食嘅, 例如花竹蝦剌身或魚皮咁, 佢就令到你有喜出望外嘅感覺, 真係唔知呢間嘢應該係好定唔好!?另外, 啲服務就可能係因為出咗名同多人食嘅關係, 可以話聊勝於無, 至於門面就非常普通, 而個厠所就……..食唔食多次或會唔會去, 唔駛預我啦!!! 食一次就夠啦, 俾呢個價錢, 我可以食到更好嘅嘢同受到更好嘅招呼囉!!!仲有呀, 想食牛肉嘅朋友(打邊邊就一定係食牛肉架啦!!!)就千萬唔好去呀, 盞失望而回咋!!!!!!!!…查看更多

天氣咁熱, 行到個人熱晒, 而且又多人, 所以就鬼掹腳行咗去呢間嘢一試。已經有心理預備唔會係太好食, 因為從門面可想像到, 但係就估唔到真係咁差。都知道平嘢無好嘅道理, 所以就叫咗一個最貴嘅剌身拼盤嚟食, 心諗無理由最貴嘅都唔見得人呀?!點知真係!!!!三文魚一向都知道係唔食食嘅下欄嘢, 因為無論敦幾耐, 三文魚喺外表上睇嚟都係色澤鮮艷, 食落就知真係虛有其表---無味!!!另外, 啲螺就更離譜, 完全就係食緊一塊擦膠咁, 一啲味道都無!!!再加埋啲唔值錢嘅魷魚仔同無味嘅鯨龍魚, 唉!!!!!不過, 好彩啲海膽都叫可以, 令我未至於食完個拼盤就立即走人!食剌身又點少得一支清酒, 叫咗一支平嘢飲, 我就唔記得叫咗咩啦, 因為一叫咗後, 侍應就立即倒入個靚樽入邊, 靚係靚, 不過, 可唔可以俾我睇真啲我叫嘅同嚟嘅係同一樣嘢嚟先?!唔夠飽, 叫咗個鱆紅魚剌身, 嘩!呢個直頭係全日最好食嘅, 因為我食到有魚味呀!!!另外, 叫多咗個燒蠔, $55半打就唔至在食多次同乃多次嘢啦, 味道一般啦, 一食就知係雪過吨蠔囉!…查看更多

又係同屋企人食，又係唔到我話事嘅一餐；都好，因為成日要負責諗去邊度食嘢實在係一個頭痛嘅問題，而且，會失去咗試其他唔同種類食品嘅機會，因為通常自己都係去食自己喜歡嘅菜式。就好似呢次咁，如果係我話事嘅話，我就唔會知道有呢一間食肆嘅存在。喺酒店入邊嘅酒樓果然唔同啲，至少裝修同門面都高級啲! 另外，服務同招呼一流, 侍應一叫就立即到, 抵讚!!!8個人，等齊人就叫上，食落就覺得…….1)脆皮燒腩仔---皮夠脆，肉味都可以，但係SIZE就同平時食嘅細得多, 一啖都無2)鎮江餚肉---幾好味, 夠酒香!3)鎮江脆鱔柳---我個人就認為甜咗少少4)柚子脆蝦球---味道普通5)竹笙上素---好普通嘅菜一碟6)柚皮扣鵝掌---柚皮唔夠淋又唔夠入味，而鵝掌就竟然一啲都唔腍唔淋，失敗之作!!!7)釀蟹蓋---呢度出名之作, 但係食落麻麻, 太多酥皮嘅奶油味, 唔夠蟹味!8)蟲草花紅棗蒸龍躉頭腩---全晚令我最失望之作，做唔到身處一間酒店入邊嘅食肆、收咁嘅價錢，蒸條龍躉會係腥嘅!!!!!吊唔出魚嘅鮮味，又糟蹋咗一條咁好嘅材料!!!!!9)頭抽豉油雞---皮夠入沬肉夠滑10)飯同壽包---無上載啲相，因為唔夠位，但係質素都係普通總結：唔好俾其身處嘅位置、裝條同價錢，令你以為食物嘅質素會有番咁上下，否則，你會同我一樣咁失望；若計埋食物嘅SIZE，你必定會覺得食物與價錢有着強烈嘅反比!!!…查看更多

因而喺某媒介睇到人食龍蝦剌身, 引到我口水長流, 所以諗起全記, 因為呢度上次食嘅象拔蚌剌身好正, 相信啲龍蝦剌身都唔會差得去邊, 所以就趁放假去食!!!!嘩!!!到咗全記, 真係同上次閒日嚟相差好遠!!!上次閒日嚟就會被其他食店嘅店員拉晒手入去店舖入邊, 但係喺星期日入去同一地方, 啲侍應根本忙到不可開交, 完全唔會有人得閒拉你入去!!!!!好彩入得好晏, 所以唔駛等都有位!坐定後, 就立即落番地下嘅魚池睇下有咩好食!當然, 第一時間睇下啲龍蝦同象拔蚌仲有無啦!!!!無錯!係睇下有無而唔係睇下靚唔靚, 因為真係好旺!!!今日令我最失望嘅係無海膽剌身, 上次食過, 真係好正!!!有個女賣手問我幾多人食, 我話得兩個咋! 佢就立即同我搵咗一隻一斤半嘅象拔蚌同一隻兩斤多啲重嘅龍蝦比我睇, 完全無話特登搵啲大大隻嘅掠我水, 抵讚!!!!我重要話隻象拔蚌咁細可能唔夠食, 佢同我講「夠架啦, 你得兩個人食, 仲要食下其他嘢架嘛! 無理由只係食啲涷嘢架!!!生冷呀!!!」嘩!!!!呢番說話真係體貼, 而且俾到我一個非常好嘅印象, 就係佢哋唔係掠水嘅!!!!!佢仲提我, 話個龍蝦兩食架嘛, 個頭另外整多一味架, 你食住先啦! 我先醒起: 係噃! 咁就聽晒佢話, 食住先啦!!!另外, 今次難得見到喺度見有人推介白酒及紅酒, 正, 正合我意!因為可以飲住白酒食剌身, 除咗匹配之外, 又可以食真啲象拔蚌同龍蝦剌身嘅分別!!!!!等咗15分鐘左右, 兩樣剌身先後奉上, 一上枱, 真係唔能夠唔讚呢度切剌身嘅師傅嘅手勢, 估唔到一隻只得斤半嘅象拔蚌可以切到50多片, 而隻咁細嘅龍蝦, 都可以切到差唔多20片, 好!!!!! 象拔蚌剌身食落係一貫嘅鮮甜, 而龍蝦剌身嘅味道就無象拔蚌咁搶, 因為本身嘅味係咁, 但係就非常清甜, 兩樣都係非常新鮮!!!!!慢慢一路食, 一路飲白酒, 真係人生一大享受!!!!!慢慢食咗成個鐘, 就再落魚池睇下有咩好食。見到啲蟹同貴妃蚌幾得, 所以就叫咗個油爆重皮蟹同粉絲蒸貴妃蚌。第一個嚟到嘅係召鹽龍蝦頭抓,一上枱就聞到香氣撲鼻, 食落就估唔到咁細隻龍蝦嘅頭會有咁多肉食, 之後, 就係蟹同貴妃蚌, 貴妃蚌我就略嫌細咗咗少少同鮮味唔太夠, 而隻蟹就更估唔到會係咁細隻, 但係就幾好味!總括嚟講, 呢度嘅海鮮同去鯉魚門食嘅話, 價錢差得遠, 因為去鯉魚門嘅話, 我就有比人掠水嘅感覺, 從來無人會話俾你知你叫嘅嘢食嘅斤兩同價錢係幾多, 直到你埋單先知! 而味道方面, 我就更認為西貢呢度貨真價實!!!!!尤其係喺全記食象拔蚌剌身, 就算細隻都好, 師傅都可以起到好多片俾你, 但係SIZE又唔會太細!況且, 係度食, 完全無比人掠水嘅感覺!!!!以後要食象拔蚌剌身, 呢度係我不二之選!!!!!!!…查看更多