Tung Tung Ma Ma's Profile

知道觀塘上餐廳有好多好嘢，不過唔係咁容易遇到，今日好彩搵到一間好嘢。間餐廳都有啲難搵，入到入邊，原來都幾大間。我哋叫咗意大利黑松露雞肉意粉，Cobber 茄粒醬雜錦海鮮pizza，黑芝麻窩夫配荔枝雪糕，伯爵茶朱古力，Lotus 焦糖餅乾奶昔。意大利黑松露雞肉意粉：黑松露味勁香，混埋意粉入邊，每一啖都好香濃味道，意粉都幾彈牙呀。雞肉就普通，唔算好大粒。Cobber 茄粒醬雜錦海鮮pizza：茄汁味好香，估唔到魷魚好爽口，加埋芝士，幾嘢味。伯爵茶朱古力：我最鐘意伯爵茶嘅特別味道，有少少苦，加埋朱古力，飲得好開心。Lotus 焦糖餅乾奶昔：真係加咗塊Lotus餅，甜甜地冰冰涼，好爽。黑芝麻窩夫配荔枝雪糕，呢個係重點，冇令我失望。我估應該係即刻整，非常脆口。最初以為芝麻醬淋喺窩夫面，原來芝麻醬喺窩夫入邊，很用心。加咗三粒芝麻湯丸，我自己選擇咗荔枝雪糕都幾夾。…Read More

今日同朋友都請左假，輕輕鬆鬆去銅鑼灣行街，上網見到呢間餐廳，意粉好似幾正，所以去試吓。上到去，環境有點昏暗，氣氛幾好，室外有幾張枱，已經有人坐緊，我哋揀室內，我唔係咁鍾意坐高凳，所以揀咗梳化。我哋叫咗一份玫瑰醬蝦球QQ麵，一份卡邦尼手工圓粗麵，一杯荔枝玫瑰寒天梳打，一杯百香果菠蘿桂花烏龍茶。玫瑰醬蝦球QQ麵：辣辣地，幾好食喎，幾惹味，QQ面真係好彈牙，似一啲好彈嘅公仔麵，呢種麵質又比較掛汁，味道剛剛好。隻蝦都幾彈牙，我會為咗個麵再去。卡邦尼手工圓粗麵：感覺普通，正常發揮嘅卡邦尼意粉，略嫌淡咗少少。唔鍾意濃味嘅朋友就啱晒啦。荔枝玫瑰寒天梳打：好香玫瑰味，夏天飲佢有勁清爽，好醒神。百香果菠蘿桂花烏龍茶：有新鮮菠蘿食，味道清甜，我自己唔鍾意百香果有核，有陣時飲到就難消化，呢個配搭好適合。本來打算坐一陣再叫甜品，不過實在太滿足。…Read More

去尖沙咀行街，都係食中菜同西餐多，行過見到越南菜，就想入去試吓。我哋兩個大胃王叫咗好多嘢食，一個順化蕃茄蟹肉扎肉湯濛，一個香茅豬扒撈檬，一個越式炸春卷，一個越式豬頸肉，一個上湯灼生菜，一杯椰汁紅豆冰，一杯椰汁珍多冰。順化蕃茄蟹肉扎肉湯濛：蕃茄味好濃，蟹肉唔算太多，扎肉三塊，仲有幾個豆腐卜同蕃茄，蕃茄嘅人一定啱食。香茅豬扒撈檬：豬扒都幾鬆化，煎炸得幾香口。職員再提醒枱面有越式酸醬，可以撈落檬粉度食。豬扒好大塊，仲有紅蘿蔔絲，青瓜絲同薄荷葉做配菜。越式炸春卷：呢個好味，炸到脆卜卜，不過只有墊底一塊生菜，如果有兩塊就更好。越式豬頸肉：燒得好香，肉質嫩滑，有焦香味，呢個都不錯。上湯灼生菜：正常發揮啦，都係普通生菜。椰汁紅豆冰，椰汁珍多冰：我飲珍多冰，椰汁味都夠，不過其他配料比較少。紅豆冰唔係我飲，估計正常。…Read More

上網見到呢間餐廳好似幾正。晚餐好豐富，不過我同小朋友得閒食午餐，又去試新野。我地要兩份午餐，一個賓尼迪蛋配全日早餐，一個野菌忌廉汁配吞拿魚焗飯，一個蜂蜜柚子脆香雞翼，一個吉烈廣島蠔。一杯朱古力，一杯橙汁。賓尼迪蛋配全日早餐：好大份，顏色好靚，睇到都想食。蛋黃油汁，煮得好，不過不太有蛋香味。因為睇餐牌無寫全日早餐包括咩野，又無圖，都係估估下，估唔到咁大份。茄汁豆，沙律正常發揮。兩塊大火腿同雜菇都有焦香味，幾好。腸仔同白雞片（我唔確定）都可以。賓尼迪蛋係好味既，有芝士，面有焗過既煙肉，麵包都有處理過。只係覺得全份，太滿足了。野菌忌廉汁配吞拿魚焗飯：都幾多吞拿魚，同野菌忌廉汁都夾，都係好大份。蜂蜜柚子脆香雞翼：好脆皮，甜甜地，幾惹味。吉烈廣島蠔：細仔左小小，脆醬包住，咬開就空心啦。總括都幾好，午餐$58-148，好多種類選擇，坐得舒適，光線好，整潔。😋Yummy Yummy: 7/10😋…Read More

夏天去旺角行街，需要一份勇氣。行到一半，當然要叉叉電，旺角有好多飲品店，好多間都試過，今次飲呢間。之前喺銅鑼灣試過一次，覺得幾健康，同埋小朋友一齊，所以再想揀呢間。我叫左一杯藍莓香蕉乳酪奶昔，一杯巴旦木牛油果乳酪奶昔。兩杯都凍冰冰，好清新。藍莓香蕉乳酪奶昔：有好多原粒藍莓，又有藍莓蓉，當然有香蕉味，不過食唔到香蕉粒粒。加上乳酪奶昔，感覺健康，唔使食咗乜嘢落肚都唔知。巴旦木牛油果乳酪奶昔：我自己就唔識乜嘢係巴旦木，我見到佢排第一，就試吓。細心睇埋英文，原來係杏仁。成杯真係好多杏仁，大粒細粒都有，好有口感。牛油果真係冇得輸，我諗係呢間嘢最出名的。加上乳酪奶昔，其實好飽。想讚一讚真係好冰凍，再行咗半小時，都未用晒冰。😋Yummy Yummy: 7/10😋…Read More

上網搵到一間西餐，裝修舒服，我哋就去試吓。到咗餐廳，有幾有feel，有普通凳，有梳化。出邊仲有個小露台，風線充足，坐得好舒服。我哋叫咗澳洲芝士和牛漢堡伴焦糖洋蔥·田園沙律·炸條番薯薯條配松露醬 及 All Day Breakfast (好多樣嘢，唔打晒啦，睇相）芝士和牛漢堡：之前職員都問我幾成熟，我話七成熟，看到包都可以選擇，又幾好喎。嘩香港出邊有焦香味，入邊都幾Juicy。我係麵包控，上面嗰個麵包焗得超脆。提一提番薯條都好味，加埋松露醬好夾。田園沙律就正常發揮。All Day Breakfast： 個樣超靚仔，呢份小朋友叫，佢最欣賞甘栗紫薯餅，佢話香脆得來啲味好特別，甜甜地。我就食咗少少三重芝士大啡菇，用cream cheese，芝士好滑，夠濃味。小朋友話三文魚正常發揮。佢另外好欣賞牛角包，好香脆我叫咗杯焙茶Latte, 一見到咁細杯，諗緊得唔得，一定要攪勻，焙茶喺底，中間有冰，其實個樣已經好靚，食到中尾段，冰有少少溶，啲味更出色。小朋友叫咗杯朱古力，一樣咁細杯，不過佢話甜咗少少，最後竟然飲唔晒。見到小朋友食完好滿足，平時測驗考試咁辛苦，放假真係要唞一唞，食啲好嘢。…Read More

今日去旺角行街，肚餓當然要醫肚。旺角都有間靜靜地既餐廳，見幾舒服就去試吓。我地叫兩個set lunch, 一個松露粗管意粉，一個紅酒燉牛面肉旋風蛋飯。追加山葵忌廉醬餃子，炸章魚燒，一份提拉米蘇。一杯奇異果茉莉冰茶，一杯士多啤梨益力多抹茶。松露粗管意粉：好濃既松露味，都幾襯粗管意粉。紅酒燉牛面肉旋風蛋飯：牛面肉好淋，個汁都好襯。如果蛋多啲就好啦。山葵忌廉醬餃子：山葵忌廉醬只係淋係面，入面無驚喜。炸章魚燒：幾好食，幾香脆，加埋紫菜食，正！提拉米蘇：好勁酒味，要睇吓你鐘唔鐘意啦，我就ok, 餅乾浸滿酒味。奇異果茉莉冰茶：好清新，甜甜酸酸，好醒神。士多啤梨益力多抹茶：呢杯甜啲，最初飲到益力多味，攪混後，另一種感覺，士多啤梨都好夾，甜甜地，開胃。坐得舒適，同朋友傾下計，好舒服。抖一抖又去行街買嘢，方便之選。…Read More

今日約咗朋友食飯傾偈，上網見到呢間泰菜，諗住去試吓。門面好靚，有唔同嘅擺設裝飾，職員都好有禮貌，落樓下原來別有洞天，地方好大，唔會坐到人逼迫。我哋好似成日冇食嘢咁，食咗好多嘢。生蝦：夠新鮮，我就冇返辣椒，只係加沙蝦上面嘅蒜蓉，點埋佢嘅醬汁食，超正。冬陰功湯：酸酸辣辣，都幾足料，我哋叫細份嘅，應該有三至四隻大蝦，不過覺得可以再辣多少少。豬牛雞串燒：每樣兩支，我食嘅牛肉有啲韌，豬肉同雞肉都好味。鹹魚炒芥蘭：正常發揮，芥蘭都幾鮮嫩，唔算好濃味。菠蘿炒飯：菠蘿都好鮮甜，總括嚟講正常發揮，不過我哋食到飽飽哋再食個飯，真係食唔晒，另外提一提，腰果好香脆。生菜包：因為放完肉碎落生菜度，想用手攞住嚟食，如果提供手套就更加好。肉碎對我嚟講辣咗少少。椰青，三色冰：我飲三色冰，都幾大杯，幾足料。總括，一切滿意，如果下次喺尖沙咀又想食泰菜，會再嚟食😊😋Yummy Yummy: 8/10😋…Read More

今日約咗老朋友食飯，想傾耐啲，又坐得舒適啲，朋友住將軍澳區，所以揀咗呢間餐廳。喺門口，職員已經好好禮貌，邀請我哋去卡位坐，我哋叫咗個二人餐，好似樣樣都有啲，好多嘢食。到咗前菜，薯仔好好味，仲有好多唔同醬汁，另外有一個職員推介芝麻醬加豉油，已經溝好咗，真係幾惹味。另外有生菜俾我哋包肉食，食得冇咁滯。我自己最鍾意三筋肉，爽爽哋，好惹味，油脂分布好。鳳梨肋條都好食，我都鍾意食燒鳳梨，酸酸甜甜，冇咁油膩，燒烤時又可以多啲水份。跟住仲有其他肉類，超級豐富。慢慢燒住，仲有鉸剪俾你處理慢慢燒。朋友都成日北上玩樂，佢話香港呢間啲肉冇咁肥，醃味都好啲。我自己就覺得烤杏包菇普通啲，始終好似好難燒，燒到乾晒，就冇乜水份。好彩仲有海帶湯，熱辣辣，好暖胃。呢個價錢黎講，都抵食，下次會再嚟。…Read More

去銅鑼灣行街，行行吓想飲嘢，見周圍都係台式飲品，一係檸檬茶，今日想試新嘢，咁啱見到佢，一於試吓。我叫咗一杯瑰麗士多啤梨乳酪奶昔。涼浸浸，感覺好清新，仲有解油膩嘅感覺。少少甜嘅士多啤梨，再加乳酪奶昔，健康過其他飲品，係飯後甜品嘅好選擇。都見有一兩個人排隊，雖然價錢唔係特別平，不過健康少少都有着數。今次唔肚餓就淨係叫咗杯飲品，下次可能試埋佢嘅乳酪墩墩，應該都係少甜，比較健康。😋Yummy Yummy: 7/10😋…Read More

趁放假同小朋友去食好嘢，因為之後想去銅鑼灣行街，小朋友上網就搵咗呢間，佢話裝修好舒服，有文青feel 。我的小朋友，已經開始不是小朋友了，有自己的品味。我哋想早啲食，早啲行街，所以11:50就到咗，職員話開12點，安排我哋坐好，俾咗QR code我哋，話12:00可以落單。我哋叫咗兩個Bento Box, 加一個柚子牛角窩夫。 其中一個Bento Box ，選了紫蘇醬油醋蕎麥麵，打雞肉餅配蒜蓉日式菇汁，唐揚炸雞配他他醬，秋葵醬油漬，香草南瓜。飲品揀+ $15的靜岡培茶。蕎麥麵酸味味，好開胃。雞肉餅有少少雞軟骨喺入邊，幾好咬口。另外一個Bento Box叫左珍珠米，+10 日式洋蔥炒牛肉，+8比目魚，山葵山藥漬，薯仔沙律，+15 飲朱古力。炒牛肉同比目魚都好味。山葵山藥漬都幾辣，刺激感十足。一定要讚一讚有子牛角窩夫，窩夫真係有牛角包夾扁做，鬆軟好味，我會為咗個牛角包窩夫再嚟😂😋Yummy Yummy: 7/10😋…Read More

小朋友喺附近學嘢，趁未夠鐘周圍行吓搵吓有乜嘢食。見到有間小店食漢堡包檔小朋友即刻話要入去試吓。我哋叫咗二個午餐，包括：雙層牛肉手打芝士漢堡配炸薯條，選咗黑松露味，另外加$10有草莓爆爆。另一個係烤汁手撕豬蒜爆漢堡配粟米，藍莓爆爆。另外叫碌碌芝士。薯條，粟米，碌碌芝士先到，唔使諗，趁熱食，即刻食碌碌芝士。點咗黑松露醬汁，出邊脆卜卜，芝士仲有拉絲嘅效果，超正。跟住主角嚟啦，我叫嘅係雙層牛肉手打芝士漢堡，預設牛肉係七成熟，我食左，好Juicy。亦可以揀全熟，不過講明會比較乾。好足料，大塊嘅蕃茄，洋蔥，生菜。食完好滿足，飽飽～小朋友食烤汁手撕豬蒜爆漢堡，我試左一啖，醬汁好味，奇怪豬肉都有手撕，真係一條條喎，好足料。下次去學野，會再食😆😋Yummy Yummy: 7/10😋…Read More

今日去尖沙咀行街，想靜靜地同朋友傾吓偈，搵到一間日本小店，入去試一試，都有驚喜。我哋兩個人叫咗一個一人餐，再另外散叫。呢份係明太子沙律，另外叫的，我覺得成餐飯佢最好食，好爽脆，質感好特別，凍凍地少少酸，好開胃。牛舌都係另外叫的，都好腍，好Juicy，肉質鮮味。牛柳粒都淋，加埋蒜片一齊整，好香口。炸雞件都好食嘅，感覺正常發揮。仲有個烏冬，都係彈牙，食完好滿足。黃豆粉蕨餅好食，煙煙韌韌，又彈牙，加埋紅豆超正。我哋叫咗一杯白土梳打，一杯青檸梳打，正常發揮，比較多冰。仲有一個大酒櫃，雖然我唔識佢，不過見隔籬枱揀得好開心。望落去種類好多，有簡介，有價錢，清晰又吸引。總括，會再去食，不過要搵一個食飲酒嘅朋友。😋Yummy Yummy: 7/10😋…Read More

今日唔想煮飯，同埋小朋友上網睇吓附近有咩好食，決定同佢去食西餐，上網見到呢間環境幾好，決定去試一試。穿過商場，去咗一個平台，環境幾舒服，就走進咗呢間餐廳。我哋叫咗兩份晚餐，一份澳洲肉眼牛扒，一份露絲瑪莉香草燒羊架。一杯鮮橙汁（+$10），一杯焦糖朱古力（+$14）。肉眼扒選了七成熟，唔算好大塊。不過都好淋，煎得好香。有薯蓉同少量蔬菜做伴菜，感覺可以健康啲。小朋友食燒羊架，都係七成熟，一嚟到就好香嘅羊味，另外同露絲碼利香草一齊去煎，真係好夾。我食咗一啖，唔算好腍，小朋友好牙力就OK。小朋友叫咗杯焦糖朱古力，樣子好靚，有好多cream，我見佢都飲得好開心。我飲鮮榨橙汁，正常發揮。環境舒適的，有機會會再黎。😋Yummy Yummy: 7/10😋…Read More

因為有生日優惠，所以同小朋友黎食午餐。一直都係會員，所以有優惠價，講真….如果唔係會員，價錢都貴貴地。我地叫左一個set lunch （芝士雞肉蘑菇意粉），肉醬意粉，芝士大蝦長通粉。生日優惠有三種（免費芝士大蝦長通粉，免費豬仔骨或全單減150）其實我一直都係最愛餐湯跟嘅小麵包，好可惜……無左😭我忍唔住問職員係咪俾溜左，佢話而家無左啦😭芝士雞肉蘑菇意粉有大冬菇，都好juice。肉醬意粉應該好味，我無試到，見小朋友同學都食得好快。芝士大蝦長通粉既芝士好香，隻蝦又真係幾大隻既。係職員有小小煩，我叫野食時就叫我續會，食到一半，又叫我續會。叫埋單，又叫我續會。明白你地職責所在，不過有點煩人。 加上我叫左3次俾柸水先，都無反應🙄會再食既，食物ok, 不過…..唔打算續會啦，咁之後就會小啲黎啦。😋Yummy Yummy: 5/10😋…Read More