yckyc's Profile

叫咗個日本和牛套餐，半份有四片，油花好均勻，就算追加第二輪啲牛肉都keep住個質素最近佢哋做緊「炎夏椰樂祭」，限定湯底有喇沙椰爺仲夏鍋、木瓜椰皇嫩雞鍋，前者偏温和甜身易入口，比起平時喇沙湯麵嚟講亦冇咁濃稠同辣，用黎‘碌海鮮就啱曬，後者清甜無咁易蓋過肉味期間限定食物黃金椰絲蝦丸、香芋椰漿脆脆、冰檸伴椰可以一試，特別蝦丸裏面有一粒粒蝦肉；椰漿脆脆嗰椰漿好正，同餐廳送嘅香芒爺爺奶蓋面頭嘅椰子奶蓋好相似另外仲有三款cocktail，試咗青檸同藍風椰，酒味唔算好突出，不過青檸酸酸地咁會開胃啲可以解返肉類嘅油膩最有趣係而家佢哋做緊活動又送貼紙又送證書…Read More

餐廳10週年慶鐵板燒套餐見幾抵食$555有齊15種款式入座嘅時候冇諗到裏面原來分開係一間一間房，即刻覺得自己高貴咗🤣師傅一開始會詢問返幾多成熟，美國厚燒口感比較軟淋同有牛味；美國薄燒包住大量蔥蒜，入口更香，層次會豐富啲每款食材新鮮到極高，季節性白鱈魚/ 南非鮑魚連師傅會建議唔沾任何醬汁，原汁原味品嘗鮮甜度鵝肝仲好特別咁用迷你漢堡夾住，雖然未至於入口即溶，但咁先唔會成口油咁膩而可以繼續食落去不過全晚最驚艷其實係炸天使麵，明明只係炸米粉，但脆而不油，配埋香濃蝦膏醬汁一齊食口感過癮，有預算嘅更加可以將大蝦升級為伊勢海老龍蝦尾，肉質爽甜厚實，蝦頭仲會淆製返麵豉湯最後當然唔少得有脆皮焦糖多士作為成餐飯甜品…Read More

雖然餐廳無華麗裝修，但食物質素絕對唔錯，晚市二人套餐$698起，可自選3款Tapes、1 款mains、1款甜品Tapes每款份量唔少，會推薦海鱸魚同八爪魚，前者外皮煎香脆，魚肉一梳梳夠曬新鮮；八爪魚以慢煮方式，一切已經感受到嗰種軟嫩，咁粗身可以有咁嘅口感真係唔簡單，入口外邊仲有層焦脆，配搭清淡青豆醬，完全唔會蓋過鮮甜主菜由職員推薦下選擇5成熟牛扒，成塊扒Rest時間控制真係幾好，保留大部分肉質喺裡面，配菜用薯仔以千層方式烤焗，見盡餐廳心思嘅一小部分西班牙油炸鬼，裡面似蛋糕質感咁軟熟，想有外層微脆效果真係要襯熱食…Read More

去到先知原來旗艦店比其他分店平少少，而海鮮拼盤嘅選擇都係會根據返當日返貨而決定當晚好好彩，食嘅奄仔蟹係屬於稀有綠膏蟹，入口比黃蟹膏有回甘，職員仲話好難得，遇到就要買六合彩😂釜山野生鰻魚同野生琵琶龍蝦個人認為係全晚MVP，鰻魚極度厚肉，肉質爽彈，外皮膠質黏口程度係會漿住個嘴😍 唔知都以為食緊花膠豬手琵琶龍蝦雖然唔係好大隻，但係肉質好鮮甜，後韻會持續係口腔大元貝面層秘製嘅蟹膏醬係餐廳用咗3款唔同嘅蟹膏製成，有少少次鹹蛋黃炒到起沙嘅口感初初都擔心淨係食海鮮會唔夠飽，但係食到最後粥底都有兩碗份量，而且仲送埋椰汁燕窩做甜品，都有啲飽到上心口😂職員仲話老闆批發咗30年海鮮，全部貨都係親自挑選直接空運到港，保證新鮮👍🏾…Read More

由開幕一直bookmark 呢間抵食天婦羅，近排見佢地龍蝦天婦羅加價，怕越黎越貴忍唔住要快啲去😂第一次食揀返指定套餐，本身已經包左湯、前菜，白飯仲可要求多飯/少飯，唔夠嘅仲可以加點天婦羅醬汁用黎撈飯都幾好味，如果可以多汁就更加正，不過餐廳亦有黑芝麻、櫻花蝦、七味粉...隨意任用天婦羅嚟講，心目中龍蝦、蝦膠、帶子必嗌，突別係蝦膠，真係好爽彈鮮甜：蓮藕都幾有驚喜，咬落爽脆juicy，粉漿唔會太厚其實牛肉餅都唔錯，肉味濃只係略厭乾身少少…Read More

呢隻海南雞真係好抵食，雞肉好嫩滑，雞皮爽彈，油脂有微微啫喱狀，原價$108，晚市消費滿$300以上可以用優惠價食到，份量有半隻/1隻揀，不過只提供紅醬同蔥油即使串燒雞亦比較好，唯一可惜當日無曬豬，試唔到多一款，不過醬汁重花生醬，裡面仲有少量花生粒另外餐廳嘅豬頸肉都燒得好焦香，外皮微脆，有少少油脂香但係又唔會好肥膩，而且碗撈檬真係好大碗，仲畀成瓶醬自己都倒落食到最後，職員仲送是日甜品馬蹄糕比我地食🥰…Read More

環境已經裝修得好高貴華麗，同重慶大廈完全無得比😂 即使喺到食飯慶祝都唔失禮職員服務仲好好，真係會不停on serve 仲介紹主打奶油咖哩同Tikka試過佢地Tandoori Octopus覺得喺炭燒方面突別幾出眾，外焦脆肉質仍彈牙唔韌至於Butter Makhani Chicken 香奶比較濃，入口會甜少少，但好順滑而且唔辣，配底部香脆鬆軟嘅Garlic Naan一齊食就最正，而且實測過回彈性強勁另外Lamb Shank Rogan Josh醬汁雖然偏稀，但用嚟配薄餅一樣唔錯，入口帶微羊腥，仲帶蔬菜嘅清甜…Read More

已經好多年冇食過，原來九龍灣分店裝修得咁靚，有幾個書架喺入面佢哋二人套餐幾抵食，$428包含主菜、意粉/飯、小食、飲品兩杯、häagen-dazs雪糕兩杯揀左避風塘炒蟹肉意大利粉，味道又真係幾似嗰種香辣嘅層次度，每條意粉好入味咖啡羊架伴露絲瑪利燒汁，嗰汁帶到肉味出嚟真係好加乘，而且外層烤得焦脆，帶出微微羊騷味見佢地創意咖啡寫到好犀利咁重得過獎，今次試嘅「歡樂葡萄」裏面加咗爆炸糖、一層咖啡泡，聞起已經好重啡香，入口薄身帶有水果酸甜，餘韻啖啖回甘，係幾驚喜…Read More

依家好似新開，環境有小居家嘅感覺，套餐$288 包前菜、主菜、甜品，係灣仔區手工意粉嚟講呢個價錢唔算太貴冬陰汁藍青口鍋比冬陰大蝦意粉，酸辣度比較温和，餐廳仲額外配埋烘包手工意粉入口順滑彈牙，唔係煙煙韌韌嗰種，嗰汁比起青口鍋酸辣度會勁啲Parma ham Pizza 薄邊香脆，又唔會硬到變餅底，ham同醬汁味道唔算好濃，中規中距甜品應該自家製，蘋果批餅底偏實，Tiramisu 中間蛋糕蓬鬆度明顯，整體質感幾滑，咖啡味唔算太突出，底部偏濕潤同酒香會明顯啲*雜苺橙柳合桃沙律*冬陰汁藍青口鍋*冬陰大蝦意粉*帕爾瑪火腿薄餅*提拉米蘇*蘋果批…Read More

上星期試咗依間由台南嘅店主係香港開嘅小店，主打賣台灣涼麵同鹵水店鋪嘅涼麵更用咗手工關廟麵，麵質食落口感彈牙爽口好多👍🏾 配搭嘅麻醬都幾香濃順滑，想個味再突出啲可以落埋佢哋自家製嘅酸菜由於而家做緊$100任選四款，就叫多3款餸，有鹵水雞翼、鹵水豬耳、鹵水腩肉，全部整得夠曬入味，唔會鹵到好乾身，咸中帶甜，仲有淡淡香料味最鐘意係豬耳，口感Q軟爽脆得嚟有口感❤️如果即食嘅話仲可以叫店員幫手整熱都冇問題～ …Read More

地方唔算好大，不過經過見餐牌好似幾吸引，午市/ 晚市，沙律/ 主菜都跟餐湯/ 餐飲☕️*日式燒雞腰果仁沙律🥗 $75本身係呢款同無花果之間諗左好耐不過又有牛油果、紅生姜咁多食物做配料，吸引好多，而且份量都好多*慢煮黑蒜牛面肉燉意大利飯 $118黑蒜汁偏稀身， 我估係想中和返Risotto嘅creamy感因為裡加左芝士同奶油，食起好重奶香，一個人食曬可能會有點膩牛面肉緊加唔洗講，食落軟嫩又腍身*合桃脆脆卡邦尼粗管通粉 $95餐牌寫明以旦黃、芝士傳統方法整成，無加creamy粗管粉外面坑紋，再加闊口嘅洞洞，好易就索滿曬醬汁配搭嘅煙肉更以粗片切法，撈埋一齊食又多份鹹香*伯爵茶焦糖布甸🍮 $50布甸口感夠曬幼滑同綿密入口富蛋味帶芝士香，伯爵茶反而係慢慢滲出黎，後韻會突出啲*波納香料奶茶🍵 $45睇名覺得好印度風，味道微辛帶甜，後韻充滿層次，好易入口*焦糖脆脆鮮奶咖啡 $45好怕焦糖會好甜，sofar又甜度適中，奶味唔會蓋過咖啡果香…Read More

香港有一人燒肉店好耐，但食真係第一次獨立位置原來唔多，大概只有5個，其餘都係👭 2人枱/ 👨‍👨‍👧‍👧 4人枱，以2個人用一個爐🍱 最平餐$48/100g，有齊餐湯、白飯、沙津初初以為餐湯同日式一樣用麵豉湯，但原來係西式羅宋湯，真係估佢唔到😂另外出面有自助水吧叫左份牛，肉質都幾嫩，有肉味反而覺得白飯食到好dry😂 最後自製咗韓式伴飯，或如果有飯素會開心好多利申正常食量，但建議叫150g以上份量好啲…Read More

點菜前店員會用意粉原型既木盒，介紹唔同款式既手工意粉*Italian Cold Cut Selection $128有Parma Ham、Coppa ham、Mortadella，配橄欖，很適合做下酒小菜Coppa ham口感柔軟，最帶油脂香*Zucchini Croquettes with Garlic Mayonnaise $68一款意大利傳統小吃，以櫛瓜切成碎粒，再混合蒜蓉﹑芝士﹑薯蓉裡面綿滑口感帶一點點清甜😋 再加外層香脆口感，絕對停唔夠口  *Homemade Pappardelle Bolognese $168肉醬係以安格斯牛肉同豬肉製作而成的，肉味濃郁之餘，亦散發淡淡芝士香🤤*Homemade Tagliatelle Amatriciana $158麵條質感雖然無闊麵彈牙厚實，但醬汁以蕃茄、紅洋蔥和芝士煮成，味道更為香甜而且🍅番茄醬既酸甜，剛好中和風乾豬頰肉鹹香，令味道更有層次😋*Basque Cheesecake $108 🍰散發一陣焦糖香，軟心狀態令入口軟綿細密，芝士味亦都恰到好處…Read More

上次荃灣食車仔麵隔離又有間新開米線鋪，最特別係湯底有新疆孜然湯底不過穩陣起見都係酸辣同清湯底湯底嚟講偏鹹，都幾重味，岩重口味人士佢另外有得揀選擇肉碎辣度，如果唔辣就直接走埋肉碎米線夠滑偏淋身，份量都幾大碗，就算唔加餸淨食一碗小鍋米線已經好飽配料揀左豬軟骨 豬紅 墨魚頭 餃子，中規中矩啦小食本身想試炸豆卜，可惜賣曬，就叫咗香脆雞球，肉質都幾juicyBtw除米線鋪頭仲有其他飯類、港式茶記下午茶餐選擇，米線鋪嚟講選擇都幾多…Read More

依間放題真係好抵食❗️好易食到回本，唔推唔得❗️🐟🥘 $298 烤魚雞煲牛尾鍋豬手煲火鍋，任飲任食，質素完全唔hea✅戰鬥力強可以由1700-2400食足七個鐘都冇問題😎 上星期趁台灣fd返香港，大家都冇諗過竟然食物質素都咁高質💚 雞煲香辣好入味，肉質幾嫩💜 火焰牛尾煲，會係你面前落玫瑰露酒再炒香，食起淡淡酒香🧡 豬手煲黑椒汁比較濃稠，係重口味之選💛 烤魚二款都係原條上，有幾款口味揀，香辣程度都比較溫柔，而肉質大條厚身，外皮煎得香脆，記得食左魚皮先當每款菜式試晒基本已經八成飽😂 但真係會忍唔住試埋火鍋，無諗過湯底幾驚豔叫咗沙嗲同蕃茄薯仔，兩款都好香濃，前者仲有花生醬香味，想飲啖暖胃叫後者就啱曬啦😋火鍋配料更有啲丸類仲台灣直送，出面未見過😆特別想講，豆腐好濃豆味一定要試😍…Read More