foodiemeat's Profile

灣仔新開餐廳主打燒味！鋒膳本來的叉燒都相當出名，作為副線招牌菜都一定不會失色！燶邊叉燒配埋脆邊煎蛋，蜜汁調配得啱啱好，表層充滿光澤，絕對係最佳配搭！-茅台醬油雞都係人氣之選，雞肉滲透著濃郁酒香，而且肉質嫩滑，鍾意食豉油雞嘅一定要嗌！-而晚市仲有一個數量限定嘅雞鴨一品鍋，有滿滿嘅鴨肉同其他雞鴨內臟配料，醬汁相當香濃，勁有煲仔風味！-🍽️: 發達叉燒 📍: 灣仔蘭杜街 2 號地下 2 號舖…Read More

日式餐廳鮨樂8品新春套餐，全個套餐包齊刺身、蒸物、天婦羅、串燒、壽司及火鍋，食物款式應有盡有，豐富程度可以媲美迷你放題，個個都肯定捧住肚皮走，過一個肥年！-如果覺得8品都未夠豐盛，建議你追加埋吞拿魚三點🐟及鵝肝配米紙或者生蠔🦪-「山幸」吞拿魚三點 +$68一碟包含赤身、中拖及大拖，脂肪紋理有致，入口即溶，魚油香亦隨即係口腔散發，十分肥美，十分滿足！香煎鵝肝配米紙 +$48組合感覺偏和式，用米紙取代平時的米通或者多士，感覺更輕盈。鵝肝味道油潤口感軟滑，同時亦增添奢華感。-🧧新春盛宴🍊原價$544/位 優惠價$338位【先付】日本豆腐冰菜沙律🥗【蒸物】蟹肉海鮮茶碗蒸🦀【刺身】牡丹蝦、三文魚、天然寒鰤🐟【燒物】串燒2客🍗（明太子雞翼串/牛舌串/免治雞肉串 任選兩款）【天婦羅】北海道松葉蟹足天婦羅🍤【主菜】北海道松葉蟹日式味噌鍋或時令壽司拼盤🍣【御碗】蜆肉日式味噲湯🍲【甜品】🍨【飲品】汽水 或 無酒精飲品1杯影片連結: https://www.openrice.com/zh/hongkong/r-%E9%AE%A8%E6%A8%82-%E8%A7%80%E5%A1%98-%E6%97%A5%E6%9C%AC%E8%8F%9C-%E5%A3%BD%E5%8F%B8-%E5%88%BA%E8%BA%AB-r750760/videos/reels/video-22761…Read More

銅鑼灣$168起CP最強壽喜燒 關西風煮法和牛香味大爆發！-試過咁多間壽喜燒，今次終於有一間主打關西風平價壽喜燒！我個人更鐘意關西風，先將和牛煎香更能夠揮發出和牛的香氣，煎香後口感都增強，加上醬汁會有少少焦糖化，整體味道層次會更豐富！-「壽喜·關西」提供三種等級的和牛套餐，由$168-$288不等，肉眼部位肉味同油香都濃郁，最適合配搭醬汁煎煮。套餐份量都非常豐富，牛肉一片又一片食到停唔到口，而且價錢相宜，絕對會encore再黎食！-特別一提，餐廳的啤酒杯專門以零下-30℃的雪櫃冷藏，極低的溫度能夠於入口時形成一層薄薄的「啤酒冰雹」，增加口感同時令啤酒溫度長期保持低溫狀態。-而家新開張期間，只要於社交平台追蹤同時分享照片至Post/Story，即刻可以免費獲得生啤一杯（白/黑）或 40g 和牛赤身一客！超抵！-🍽️：壽喜·關西 📍：銅鑼灣耀華街 16 號地舖-        …Read More

壽喜燒友坐落於銅鑼灣最中心的位置，餐廳主打關東風席前壽喜燒，而今次午市套餐就精心挑選了三個部位，包括肉眼、西冷及肩肉，油脂程度及肉味濃度各有不同比例，令食客可以最全面地感受到壽喜燒嘅風味。-餐廳亦細心安排味道上不同配搭，按照肉的種類會分別配搭蘭王蛋及無菌雲朵蛋，令味道發揮到極致。烹調途中會配搭不同蔬菜平衡和牛肥膩的感覺，而最後會以雞蛋蓋飯作結，將和牛嘅精華一滴不留地吸收，相當滿足。-套餐另外亦包含、三點前菜、茶碗蒸及甜品，用餐感覺非常完整環境亦非常舒服，是與朋友聚餐相當不錯選擇。-🍽️：壽喜燒 友📍： 銅鑼灣渣甸街66號亨環6樓-   …Read More

-間唔中想食餐好嘅但budget有限，又唔想去到太遠，想約返喺中心地帶，呢間鐵板燒就啱哂👍🏻 最近試左佢地嘅特選優惠套餐，以晚市 $580一位嚟講，有大蝦帆立貝比目魚同和牛，真係幾抵食🤩(⁎⁍̴̛ᴗ⁍̴̛⁎)《 特選優惠套餐 $580/1 》‣ 甘辛分子泡沫赤蝦他他‣ 特色鐵板蒸蛋‣ 鐵板大蝦配海膽松露醬‣ 日本帆立貝配法國羊肚菌鮟鱇魚肝醬‣ 白煎比目魚配日雞尾酒醬+時令蔬菜三點‣ A5宮崎和牛薄燒 / 日本黑豚 （二選一）‣ 沙津‣ 特色炒飯‣ 季節湯‣ 甜品餐廳大部分位置都係席前，可以欣賞到師傅炮製美食，以優惠套餐嚟講品項幾豐富，菜單幾完整，海鮮去到3款，又有得揀A5宮崎和牛😋 前菜就算唔食生蝦他他都可以換另一款熟嘅，食物擺盤亦都十分之精美，帶朋友家人慶祝都唔會失禮😎#N28Teppanyaki #N28 #Teppanyaki #鐵板燒 #尖沙咀 #日本菜 #japanese #tsimshatsui #尖沙咀美食 #香港美食…Read More

藍色嘅飯真係第一次試😆好幾款野食出面都比較少見 而且菜式顏色真係好豐富🎨但人真係好多 記得要提早book位😆-小食拼盤一次過可以試勻雞棗、酸腸、泰式魚餅等五種小食。仲有坊間少見嘅雞皮卷，皮脆油香包住多汁雞肉，值得一試👍🏻-炭火香蒜炒豬腩生菜包豬腩肉每粒燒到好香口，生菜口感清爽，加埋酸辣汁好開胃😋-手抓薄餅新鮮出爐熱辣辣，一層一層鬆化又好香，個人食法鍾意加埋豬腩肉一齊食，感覺好似多左個小食咁😆-白冬陰功白冬陰功都係第一次試，椰汁雞湯感覺溫和，湯底好多香料泰式風味十足，對唔食辣人係個good option!-🏠：青花📍：旺角The Forest 1樓 107-108鋪…Read More

餐廳喺正尖沙咀嘅中心，裝修風格都係行木系休閒風設計，環境靚好適合打卡，而且仲要幾好食，約friend食飯都係幾唔錯嘅option🤩🤩🤩-壽喜燒牛肉蛋汁燉飯日系洋食賣相睇落已經相當吸引😆甜甜地嘅牛肉配埋奶香十足嘅Risotto同蛋汁，好食到停唔到口👅算係其中一款必點item👍🏻-法式奶油多士佢嘅做法同一般西多士唔同，先用法包吸滿蛋漿，法包外層偏硬的表面蘸蛋後反而帶出一種咬口，層次提升左唔少🫶🏻-月見雞肉棒🥚雞肉棒用左炸方法處理，味道上差唔多不過會更香口-培根蛋黃奶油貓耳麵貓耳麵形狀多變，食落口感更豐富同煙靭。奶油蛋黃調味合適唔會太膩，加少少煙肉的油香味，幾好食🤌🏻-法式鮮奶油巧克力同朱古力專門店買嘅熱飲不相伯仲，可可味夠香濃，加埋鮮奶油口感更順滑-🏠：MUTA restaurant by ATUM📍：尖沙咀彌敦道132號美麗華廣場1期地庫B131號舖…Read More

今日想介紹個超滿足配搭🤩啖啖肉辣椒炒蟹肉配炸饅頭，另外竟然有餐廳夠膽試將榴槤同炸雞放埋一齊💣感覺仲出乎意料地好，一齊睇睇呢間新派星馬菜！-檳城蝦湯泡脆米飯🦐飯粒吸滿濃郁蝦湯好飽滿😆 先飲一啖湯，將米通搣碎米通加入飯中，就可以享受到雙重口感-辣椒炒蟹肉配炸饅頭⚱️滿滿蟹肉鋪係面 蟹肉份量完全唔孤寒🦀咖喱汁加埋金黃饅頭真係超夾！-炸雞配貓山榴槤醬🐔🍗炸雞好有驚喜，醬汁調配後好易入口，無左種好強烈霸道嘅味道，反而係帶溫和的榴槤香。醬汁好滑身，包住香脆的炸雞幾襯-最後試埋招牌三色咖央醬吐司經典班蘭好好食🤩-🏡: 獅叔📍旺角THE FOREST 1樓110及111號舖…Read More

近排天氣終於轉涼，所以嚟左呢間位於旺角中心地帶嘅台式料理打邊爐 ~地點好方便，近地鐵站，就喺家樂坊隔離咋 ！見到餐牌話寫係香港首家溫體牛餐廳，所以就叫左個古早味牛骨湯套餐嚟試下～熬左8小時嘅牛湯配蔬菜湯頭，有牛味得嚟又清清地，唔會太重口味，可以試到溫體牛嘅味道～＄288包左牛盛盤、任選兩款牛肉、蔬茶拼盤、烏冬/冬粉同2杯台式飲品，如果覺得唔覺喉，除左可以散叫火鍋配料，仲可以加 $33/位，咁就有60分鐘任食台灣溫體牛！！！（溫馨一提優惠暫時做到8/1咋！要食可能要早D 去啦～）當中最鍾意牛頸脊，呢個位置係牛經常郁動到，油花分佈幾好，又有油脂香又有嚼勁，幾啱打邊爐 ～火鍋set份量啱啱好，如果同朋友想打邊爐，人數又唔係話好多，呢度都係一個唔錯嘅選擇～…Read More

呢間小店離深水埗、長沙灣嘅主要街道都有段小距離，今次都係朋友帶路先去到果頭。聽講平時都要排隊，不過今次好好彩，平日午餐時段去唔駛等位。餐廳位置唔多，全部都係Bar枱形式圍住廚房坐，食客食完都好快離開，所以見到要等位都唔駛太擔心～Menu十分簡單，有蝦汁味噌、醬油、蕃茄沾麵同生蠔拉麵4種選擇，今次就試左蝦汁味醬油沾麵。蝦汁溫度都夠，唔會出現一浸左兩啖麵就成兜湯凍哂嘅情況，蝦味濃郁，亦有櫻花蝦、洋蔥、蔥花增加香氣。麵質地中規中矩，掛湯能力合格。叉燒份量夠哂多，原隻半熟蛋醃得入味同夠溏心，紫菜同天婦羅碎另上，鍾意食可以付費追加。整道味道都唔錯，但食完後都幾口渴，除左當場飲左幾杯水，之後仲灌多左支茶先OK返，另外價錢要$82-128，雖然同其他沾麵店價錢相約，但對比同區食店都偏貴，鍾意濃郁蝦味嘅大家如果經過見到有位都可以一戰～…Read More