wydw2010's Profile

好耐之前已經想試炳記， 但一路冇咩動力特登走去大坑試下。今日lunch book左大坑餐廳， 難得黎到， 咁再早少少起身去食大排檔。一黎到已經有8個，9個人排緊隊， 估唔到星期六都咁多人， 但d人龍去得好快。奶茶:之前見人話係香港4大奶茶之一，必試item。我個人覺得係奶同茶比例適中， 但又未去到會一試難忘。蛋牛治：多士烘得好脆， 內餡普通咸牛肉炒蛋。奶醬多：反而食物當中， 我最愛奶醬多， 奶醬咸甜剛好，加上有少少厚多士， 配搭好好食。我見好多叫豬扒麵， 但我地怕太飽冇叫。下次會再黎試下。…Read More

Lunch book左Rojo試西牙菜， 用openrice 訂有9折， 但冇諗到連set lunch都有9折， 我地叫左2個appetizers,1個set lunch, 1乳豬main course, 再加甜品都係$610。set lunch salad: 沙律用少少醋調味， 好開胃。個麵包好鬆軟有火箭菜， Parma harm,同埋芝士， 1個簡單配搭， 但出奇好食。有埋餐湯同小食，但就冇咩特別。 八爪魚前菜：八爪魚好冧， 有埋沙律菜同𩸆制過既魚1齊食好夾味。西班牙蛋餅：里面有臘肉，洋蔥，薯仔，芝士等。臘肉野味， 蛋餅切出黎係有流心。乳豬配蘋果蓉：乳豬比較咸， 但配埋蘋果蓉係岩岩好。Churros: 油炸鬼外脆內軟糯， 朱古力醬近符冇糖，配埋雪糕甜味， 我覺得岩岩好服務貼心，侍應見我大住個肚， 會主動問要唔要放個cushion 墊背，我覺得好窩心…Read More

今日同屋企人訂8個人9點， 我早左到酒樓， 父親節爆晒預左要等1陣。 但裡面d阿姐借晒聾耳陳隻耳，講咩都聽唔到。有d客當大陸酒樓1入即坐又得， 咁我地book位黎做咩， 除左我地，成班人外面等位，唔知等咩野。同阿姐講點解人地可以直入， 明明望住佢地黎得遲過我地， 拎飛又後過我地，阿姐都可以扮聽唔到。坐低左25分鐘都可以冇野食， 又漏單，d野食好唔好食都係重點， 成肚氣。除左我地， 好幾枱都不停狂催單， 同阿姐講幫我地跟1跟， 未講漏咩又走左去，咁跟麥野呀。8個人埋單可以500蚊唔洗， 我就未試過食咁平飲茶，漏晒單又唔飽，成肚氣。…Read More

之前見網站介紹特厚拿破崙， 因為老公鍾意食就訂左， 上網promotion 238蚊， 我訂左朱古力。1打開個盒，真係有d震撼， 最少4吋厚，每1厚都成吋厚餅。上面仲有好多朱古力捲。1切落去唔會散到周圍都係，仲係實淨。食落去，因為太厚，好難做到每啖都有朱古力cream同餅，成個餅會分開晒，餅又餅食， 朱古力餡又分開食。朱古力餡唔太甜， 食得出朱古力都唔差，係濃度高， 香濃口感都滑溜。個拿破崙size有d太大，2個人真係食3日都食唔完。238蚊係性價比高。…Read More

晏就同同事打算試下新開餃子店， 但感覺又貴又普通， 唔值lee個價。原本以為係我同同事個人唔鍾意， 但未打食評，已經見到12個食評有9個喊面。睇黎有好大改善空間。炸醬麵：除左佢係撈麵， 冇1樣似炸醬麵。 個醬汁似滷肉多d, 而且個麵唔係炸醬麵， 似上海都， 間店係sourcing 有問題， 點解可以全間店都係用同1個麵底。成48蚊1個撈麵，價錢都其次， 但真心冇心做好。白菜豬肉餃子（蒸）：皮唔厚，但出黎賣相好醜樣，好似成舊粉團， 我觀察左幾枱上枱，無論咩餡蒸餃都係咁醜樣。豬肉餡冇驚喜唔講係唔覺得同灣仔碼頭有咩分別。泡菜豬肉餃子（煎）：煎得唔夠均勻，有d脆，有d唔脆，內餡都係冇驚喜我同事另外叫左1碗麵都係普通， 我地1個人埋單200蚊，每人100。真心唔值， 手工餃應該更加過質，但冇lor。…Read More

之前已經同同事黎食過1次， 今次又再黎，難過岩岩煎好熱辣辣餃子。豬骨叉燒拉麵+4隻餃子：拉麵湯底普普通通， 冇咩野特別， 唔會過咸或者淡味。叉燒都有少少肥， 唔會過柴。拉麵質感ok, 總括黎講個拉麵不過不失。但重點係餃子到， 餃子係做得出免， 外皮薄， 煎得香脆， 肉餡仲有肉汁。我個人黎講， 我再回頭別天神都係為左個餃子。淨拉麵要85蚊， 但加埋餃子要105蚊，其實我可以淨食餃子，但可惜唔夠飽。我同事會叫佢地甜品加6隻餃子當1餐， 但我冇澱粉不歎。…Read More

今朝1早去十字冰室食早餐，以為普通茶記早餐， 但有少驚喜。滑蛋係必試， 但奶類都唔可以錯過。仿鮑魚火腿通，滑蛋多士：個通粉湯底唔係味精湯， 飲落去似淆出黎既湯底，平時食湯粉我都好少飲d湯，因為感覺唔健康， 今次我都忍唔住飲左好幾啖。個滑蛋係滑， 但唔算好濃奶味。加左8蚊轉朱奶， 真係好好飲。火腿咸牛肉奄列，熱狗腸：個奄列有齊火腿同咸牛肉， 真係滿足晒貪心既人要求。熱狗腸就普普通，但性在夠晒大件頭。埋單1個人82蚊， 同大家樂差唔多， 咁我寧願食十字。…Read More

今日1行7個月同事去食飯，因為鋪頭位置有限，我已經訂左枱我地每個人叫左set， 主食再跟蛋糕同特飲。我已經唔記得個特飲食咩野， 係花茶但太香， 有d人工。煙3文魚牛油果乳酪pancake:煙3魚唔會死咸，牛油果熟既程度岩岩好， 好creamy。 乳酪有d 果jam配pancake食light。係我自己冇留意， 原來可以轉waffle, 應該會仲正。我偷試左同事1塊， 外脆內軟。其他熱食都唔錯， 我試左青咖喱牛肉意大利麵， 個咖哩味係煮到入晒意粉到。蛋糕試左幾款， 好食味道都唔錯， 但未去到記得晒個味道但要提1提大家， 上面d花唔係食用花，所以睇下好啦…Read More

同同事去鰂魚涌食個靚飯， 早d出門口去試蝦麵店， 同事已經食過話好食。 好彩早去到， 1見到門口有人排隊，好彩係買外賣， 堂食我地直入。因為我未試過所以就叫左最classic個個黎試，80蚊包小食同麵， 仲有野飲， 真係好平。蝦肉肉片麵摻摻：個湯一開始我冇為意咁辣， 咳左幾下。但個湯底係好濃海鮮味， 有唔少切半既蝦肉， 個摻摻唔算太掛汁， 但都已經好好味， 食唔停口。小食我叫左個馬拉盞通菜，不過不失。但外面食飯好多時都要加16蚊先有菜， lee到實在太良心。好值得再回頭， 亦難怪咁多笑面正評…Read More

約左朋友去食dinner, 又冇話想食咩野， 上網見到openrice可以訂位就book jor先算。我地叫幾個都係熟食， 上網見d人話吉列牛式者刺甜麻麻地， 因為朋友唔食牛肉， 我又冇特別想食刺生，我地全部叫熟食。炒雜菜：係用燒汁炒， 少少偏咸， 特別係底個d菜，浸住左d汁。牛油果鰻魚燒：份量都幾大有8件，d飯唔會過軟或者硬，牛油果每1件都有2，3塊。算係高水準鰻魚蛋卷：鰻魚份量偏少，我要係到中間個件先有少少鰻魚，但蛋卷蛋部分係勁大舊，但感覺每1啖都係食緊蛋串燒：燒茄子感覺唔到係燒過，似係水煮京蔥唔錯，係燒到有生味出黎。燒魷魚都幾大隻 ok有88折，我地2個人食左150蚊， dinner黎講係差唔多， 但未必話好出色或者好難食。 上菜速度係快， 快到有d懷疑係咪整好晒d野食…Read More

今日有d肌肉痛去太安樓睇醫生，睇完就順手買野食返屋企。平時都經過lee間韓國小店，但就未有機會試下 牛肉飯卷（35蚊）： 1條roll可以分到11件，牛肉量都唔少， 每1啖都有，唔會話頭尾d位就冇牛肉。 係用燒牛肉汁煮左先， 飯卷有蛋，菠菜，黃蘿蔔，味道層次豐富。鰻魚飯卷（35蚊）：里面配菜都差唔多， 但鰻魚味本身味道偏淡，好睇個人口味。芥末炸雞（28蚊）：餐牌寫就4件， 但老細好好人， 我打開其實有5件。 個芥末係甜甜地， 食落去好開胃。菠菜（10蚊）：好抵小菜，10蚊都好大碗， 重麻油香。我會翻兜，味道好食， 我買咁多樣都係108蚊…Read More

平時太少去鰂魚涌食lunch ,因為行開都唔少人排隊， 今日係連假之前出黎relax下。同事仔帶我黎試日本菜，見到餐牌都幾新奇，有花膠鮑魚烏冬都係128蚊。我就叫左炸豬扒烏冬，個烏冬湯底唔似豬骨， 反而近似魚湯底， 食落去冇咁肥膩。碗麵本身都有d配菜，其實都幾大碗。炸豬扒配左沙律菜，豬扒唔油，炸衣夠薄， 豬扒唔係話好多汁， 但亦唔會過乾。85蚊咁大份， 我覺得性價比算好高。隔離枱有d叫龍蝦， 都好吸引，接近200蚊， 都唔係話太貴。食完1點左右， 門口排長龍人氣小店…Read More

今日約左舊同事食飯， 由7個人約約下變左4個人但都係無阻我地聚舊， 多有多約，少有少約。4個人1個set餐夠晒飽前菜有熏蹄煙燻素卷，煙燻腐皮卷有微微煙燻味，包住d紅蘿蔔係係已經煮過，味道好正。熏蹄雖然有肥膏但食落唔膩京蔥炒牛肉好有鍋氣， d京蔥爆炒完有微甜，牛肉食落鬆軟蟹粉小籠包大大隻， 食落有蟹味同爆汁炒清菜半隻北京填鴨，麵粉皮充滿左懷舊味道，唔似其他好薄又冇麵粉味。鴨皮唔算脆，但都唔錯高力豆沙，豆沙微甜， 就算上面有咁多沙糖都唔會過甜見到距離枱打邊爐，都幾正，但3x度係到打就唔好啦…Read More

星期5 例牌去遠d 發掘下好野食， 難得同事陪我行去西灣河，試左西犀廚房。個餐廳都幾大，lunch hr好多人， 唔只上班族， 仲有媽媽帶住小朋友既街坊客。1睇就知應該唔錯。未黎之前上網睇左食評，話烤雞好鞋， 但我都係想叫下黎試。個烤雞上面綠色既青醬係甜甜地， 襯去烤雞到反而唔膩。除左雞胸位係鞋少少， 其實都幾嫩滑，平時我唔敢食咁多皮，但今次我連皮都食晒。薯條就普普通通， 食完半隻烤雞都包晒， d薯條食唔晒跟餐有特飲，似凍檸茶烤雞都係82蚊仲冇加一，真係好抵食。…Read More

前1晚返屋企見到有姐姐派傳單介紹紅館， 雖然office 搬左黎1段時間，但好少去鰂魚涌食lunch。傳單上面基本上得1隻色， 就係紅色。我叫左脆皮鍋燒上海麵（65蚊）， 原本係清湯， 但侍應姐姐問要唔要加辣， 黎到食四川野冇咩理由食清湯， 加左小辣。但個小辣係辣左譚仔10小辣。同事叫埋同1樣既麵， 佢話仲辣過3小辣碗麵係好好食， 有咬口，而且都掛到少少汁， 又麻又辣。食完我同事都話成個口都係麻痹既感覺， 維持左15分鐘都唔散。燒肉唔係廣東我地係燒味鋪個d, 反而似台式紅燒肉。因為有湯， 食落去唔脆， 但味道係唔錯。肥肉位置比較多， 我個人就冇咩quota, 所以試左舊全肥者。跟餐有埋涼茶解辣，唔甜但1杯唔夠喉， 我問左侍應要要多少少。…Read More