go.out.eathk's Profile

All Day Breakfast $108Butter Croffle $68Fries $28Black Sesame Latte (Oat milk) $48Black Sesame Latte (Almond milk) $48佢哋嘅croffle好大份又鬆化，焗得啱啱好，呢款係最basic無雪糕嘅，簡簡單單配埋牛油同楓糖已經好好食，仲有其他款色都好吸引～All Day Breakfast好豐富，啲菇都炒得好香～另外仲加咗份薯條，上碟係熱辣辣～另外我同朋友都唔飲咖啡，所以叫咗兩杯黑芝麻latte，可以選oat/almond milk，唔會太甜仲有拉花～…Read More

溫泉玉子和風炙燒鰻魚飯野菌白汁黑松露燴飯MochaMatcha Latte間中都會過嚟錦田呢面行吓，今次見到呢間鹿角蕨做主題嘅 cafe幾特別，離錦上路地鐵站行一陣就到，食完仲可以去行吓附近嘅紅磚屋打吓卡添～整體食物有水準，cp值唔錯！野菌黑松露飯有驚喜，芝士好足有咸香，有拉絲效果，飯粒唔會太硬。鰻魚飯好香，肉好厚，配埋流心蛋、炒蛋同燒汁，甜甜哋好開胃。飲品好大杯拉花有心機，mocha飲落唔酸啱口味～店入面仲有兩隻可愛貓貓，望住佢哋都覺得好悠閒，cafe嚟緊會有室內花園，鐘意植物嘅可以嚟試試呀～…Read More

🪄Soup - Pumpkin 🪄 Spinach Pie🪄 Matcha Dirty (丸久小山園若竹)🪄 Wake Up Zombie南瓜湯似係自家製味道，南瓜打得細滑，而且幾大碗。菠菜批比一般連鎖店好食，外層鬆化，菠菜餡幾香。推介抹茶dirty比較少飲到，又靚又好飲，兩者溝埋飲落都好夾，唔會有苦澀味。店家仲有自家製Tiramisu同雪糕，有機會再試！…Read More

不嬲都好鐘意食椰子雞鍋，呢度嘅「火焰三椰雞鍋」湯底，師傅會先用牛油炒一炒啲雞，點火後再倒入原個椰青同椰皇水。雞件份量足夠兩個人食，湯底清甜。好耐無食靚牛，叫咗細份美國安格斯牛肉，油花色澤好靚，牛味又夠濃。手打咸蛋黃蝦丸彈牙但比較細粒。呢度環境舒服，可以慢慢坐吓傾計。…Read More

✦ 牛油果華道夫沙律 $75✦ 大蝦寬條麵 $80呢間cafe menu唔算好多選擇，但估唔到食物有驚喜。而且相比起其他cafe價錢唔算貴。牛油果沙律好睇又好食，入面有埋蘋果片同埋琥珀合桃，牛油果超creamy。夾埋一齊食口感好豐富，雖然無肉但個沙律一啲都唔寡。大蝦寬條麵好香！忌廉加上蝦油蒜片，層次好豐富，香得嚟又唔會好油同埋重口味，難得！寬條麵軟硬適中又好掛汁，大蝦煎到金黃色，每隻都好彈牙，有誠意！推介～～…Read More

一間隱藏喺大圍屋村嘅小店，平日嘅夜晚都坐滿人。環境幾適合同朋友傾吓計，坐得幾舒服，食物擺盤都好精緻。 餐湯 + 煙三文魚沙律叫咗兩個set dinner，餐湯粟米湯有驚喜！飲落香甜，仲食到粟米粒碎，有自家製感覺。沙律上面嘅煙三文魚份量都幾多。特濃牛肝菌黑松露扁意粉配雞樅菌 見好多枱都有叫呢款，放低聞到幾香，醬汁濃稠足夠掛汁，意粉煙韌有咬口。雞樅菌好特別，第一次食，食落幾爽口。秘製香草蕃茄忌廉意大利飯配慢煮豬柳梅叉燒·溫泉蛋平時比較少試蕃茄口味嘅意大利飯。整體醬汁偏濃唔會太酸，叉燒厚切但食落軟身，同溫泉蛋好夾。菠蘿白桃沙冰Dirty我嗌嘅菠蘿白桃沙冰好精緻，質地綿滑，清爽唔太甜！…Read More

早排係官網預訂咗千禧新世界嘅「享‧饗」住宿禮遇～package包下午茶、午餐/晚餐同早餐～晚餐我就選擇試吓呢間日本餐廳，menu總共有7道菜。餐廳座位私隱度高，坐得舒服。✦ 三款季節前菜✦ 鯛魚、吞拿魚及油甘魚✦ 日式煮鰻魚伴洋蔥及雞蛋✦ 吉列池魚✦ 八爪魚酸食✦ 牛肉飯 配味噌湯及醃菜✦ 時令水果/ 雪糕餐牌會定期轉，刺身鮮甜，吞拿魚同油甘魚都好正，而且幾厚切。炸池魚有驚喜！外皮炸得好平均香脆，肉質好嫩滑都幾厚，有魚味！旁邊仲有日式薯仔沙律。牛肉飯好大碗，牛肉算幾靚，但係成個飯就油咗啲，食咗幾淡就算。特別一讚柚子味雪糕，超濃同埋好fresh比較少見。總括嚟講各樣食物都唔錯，但如果食曬嘅話真係幾飽。…Read More

睇完《衛食攻略》嘅介紹，終於有機會嚟到！呢度以四十種唔同嘅咖啡豆同埋虹吸嘅沖法製作咖啡，重點老細強調佢呢度嘅咖啡唔酸唔苦！公司三文治 $40外層麵包搽咗牛油，烘到金黃色好吸引，薄身又脆脆哋好香口。即叫即整熱辣辣，夾住炒蛋、火腿、餐肉同埋芝士，蛋做到一層層好滑！焦糖咖啡 $45其實想問老細會推介用邊款咖啡豆配，但佢可能太忙就無答。你哋如果想有想試嘅可以自己order時揀好一款先！anyways係幾好飲，雖然比我想像嘅焦糖味少，但真係一啲酸味都無，香濃甜度適中。呢度週末坐滿人，坐得比較逼，快快食完就走咗，同埋要自己搵位同埋出去叫嘢食。不過大家經過都值得一試呀。…Read More

成日都經過荃新天地嘅地下見到呢間餐廳，終於有機會試吓。平日嘅夜晚都唔少人，座位都幾闊落，靜靜哋適合同朋友傾計食嘢。我哋叫咗一個set dinner，前菜有湯同黑松露雲吞，主菜係烤西班牙黑毛豬鞍伴香濃燒汁，上碟見到燒得好靚，食落都有驚喜！豬鞍大塊又夠厚，切落去仲幾juicy，邊邊仲有些少脂肪，完全唔鞋口！豬鞍底下係紫薯蓉，甜甜哋但仲保留到紫薯粒，幾有口感又唔膩！另外叫咗蟹肉甲羅燒意大利飯～蟹膏撈埋意大利飯一齊食好香，飯入面仲加咗洋蔥同甜椒，令口感味道更加豐富。餐廳有好多好靚嘅特飲，set dinner半價可以加錢轉，我哋叫咗一杯人魚之淚同酸莓樂園。推介人魚之淚，打卡好靚，飲落酸酸甜甜。餐廳十二月仲有推出咗Christmas special menu，有四人餐，可以試多啲唔同嘢食！…Read More

二訪西貢呢間cafe，佢係位於大街盡頭嘅轉角位，小店大約有十幾個位，無太多花巧嘅打卡位～但最重要係兩次嘅食物好高水準，值得回訪！全日奄列［煙肉蘑菇芝士奄列/薯餅/迷你牛角包/沙律菜/西班牙火腿］擺盤好豐富好吸引！蛋皮柔軟唔乾，奄列切開入面芝士同忌廉好creamy，又唔會好漏，蘑菇亦好夾。伴碟嘅薯餅香脆，成碟都好好食。招牌雞翼 十里香口味唔夠喉又叫多份雞翼，好入味，香草味濃又熱辣辣，正常水準。Mocha店員知道我地想要棋盤格嘅拉花幫我哋轉，影相打卡超靚！同埋好飲一啲都唔酸，黑朱古力味香濃！…Read More

對春水堂嘅情意結，係源自於以前去台灣做嘢嘅回憶。依家當我喺香港想食台灣嘢又唔想亂試嘅時候，我一定會諗起佢！食過林林總總嘅小店後，我發現佢嘅牛肉麵同埋珍珠奶茶係香港數一數二出色。紅燒牛肉麵（半筋半肉）每次都會忍唔住係咁飲啲湯！聞落食落都好香，味道有層次，飲落無油膩感。牛肉亦都好出色！坊間好多都淨係用牛𦟌，呢度係有牛筋，亦有牛肉，超級軟冧！牛筋嗰種軟滑程度唔係度度食到，至於麵偏幼身都幾吸湯。台式芋米糕呢個係見到未食過所以嗌，有驚喜！個樣好似蘿蔔糕咁，但佢就用米造，有少少蝦米嘅咸香。超級外脆內軟，值得一試！茶香肉燥娃娃菜好油，肉燥鞋口，之後唔知點解撈咗花椒油⋯變咗椒麻味⋯ 唔推介呢個。珍珠奶茶最經典嘅味道！飲落唔會死甜同埋有茶香，鐘意佢啲珍珠係細細粒，容易啲咬。…Read More

Matcha Latte Float with Okinawa Brown Sugar Ice-cream 比起配原味嘅牛奶雪糕特別啲，多咗份黑糖香味。雪糕挺身唔會好快溶，同抹茶好夾！抹茶唔會苦澀同埋幾滑…Read More

Marinated Japanese Tomato, Creamy Burrata, fresh Basil 份量偏細，burrata點都好食，但覺得個蕃茄調味略咸，搶咗味道。另外，坐低嘅時候會送上一大盤面包，配欖欖油，唔夠可以refill。Fresh Veal Agnolotti, Roasted mushroom, veal jus 除咗招牌紅蝦意粉之外，呢個都值得一試！餐廳好細心幫我地分咗兩份，所以份量係有相中嘅double。雲吞入面係牛仔肉、火腿同芝士，味道偏重但好食。啲烤菇超級香同juicy！Tiramisu 本身都試埋開心果牛角包，但食唔曬無叫到。Tiramisu整個非常軟滑，蛋香味濃好creamy，唔會食到濃烈嘅酒味。總括嚟講食物唔錯，staff都好nice介紹menu，但係只推介比朋友嚟傾計食飯，因為喺未到半滿嘅情況下，已經好嘈。…Read More

跑馬地老字號明星茶餐廳，開業超過四十年，裝修保留舊時風格，但整體環境乾淨舒服，食物水準比一般茶餐廳高！而且店員態度友善。金獎菠蘿油 寫住金獎第一次嚟無理由唔試吓！菠蘿包雖然唔係熱嘅，但面頭都仍然保持到脆身，麵包咬落鬆軟。夾住嘅牛油都幾厚，係半溶狀態所以好滑！常餐 - 雞扒米粉 + 火腿炒蛋多士唔係講笑估唔到常餐都咁好食！炒蛋好濃蛋香，仲有少少蛋汁，火腿係厚切，厚多士搽滿咗牛油！雞扒輕輕煎過，食落嫩滑又醃得啱啱好，米粉食落又唔鞋口。熱奶茶（茶走）鮮檸真蜜熱奶茶出色！試咗一啖，入口好滑。檸蜜係用咗真蜜去沖，不過佢太重本啦，超多蜜糖勁甜，飲到個杯底都有好多未溶嘅😂…Read More

喺屋村裡面竟然有間咁好味嘅cafe！小店座位只有大約十個，當日星期日嘅晏晝等咗半小時。British Scone - 70% Dark Chocolate 總共有八種口味，隻隻都想試，最後都係要咗朱古力。翻熱過嘅鬆餅好香，個面焗得金黃，食落texture剛剛好，黑朱古力味濃又唔太甜。本身cream cheese係咸咸哋，但係配落朱古力到又夾到喎。Avo and Crab Tartare 上碟砌到好靚，多謝店員比多咗兩片麵包我哋☺️由底至頂分別係牛油果、蟹肉、青瓜同黑松露醬。全部嘢夾埋食落好fresh又滿足，份量都好多，四塊包都差啲唔夠夾！特別一讚個酸種麵包，烘過後更加香口好食！…Read More