lemonkafood的個人專頁

因為自己有孕在身～幫小朋友搞生日會就決定搵到會啦今次揀左 feverfood因為按人數, 食物價錢同運費計過後~ 我地6個大人 4個小朋友 , 人數唔多的情況下揀佢的8個食物包運費的 6-8人餐 真係性價比最高~食物選擇多，最後揀左以下幾款A6 北海道帆立貝野菌炒烏冬配木魚花烏冬岩哂大人同小朋友食味道唔會好濃真係有幾多帆立貝加埋檸B好鍾意食菌類正B1 德國洋腸拼盤配他他醬好多款腸拼在一起仲有款好像lollipop咁好靚, 不過會比平日食的腸咸D, 所以真係要切開細細地食好d~B9 韓式柚子炸雞配甜辣雞醬很推薦的一款味道好,雞肉仲幾滑,炸粉唔會好厚,加唔加醬都好好味。如果再叫多次, 我都會揀佢!B12 日式炸蟹餅小朋友最欣賞的一款味道岩岩好食到入面甜甜地又彈牙C7 即燒菠蘿梳打BBQ美國豬仔骨醬汁非常惹味~豬仔骨唔會煮到老左, 用膠刀都可以分開佢地C10 泰式原隻豬手配秘製汁好多肉如果就咁食會覺得淡左d 一定要點佢個秘製汁, 點完味道岩岩好~小小酸好開胃H10 香脆炸春卷拼咖喱角配甜辣雞醬檸爸話 party 必備~ 凍左都好好食~E1 他他醬蛋沙律番茄迷你牛角包包包牛油味好香~蛋沙律同番茄好夾~送貨幾準時~包裝得好好,無搖到唔靚仔收到果時仲暖暖地~味道好好,份量足，8樣都好夠飽包埋餐具，8人餐就8set，我另外準備小小就ok見大人小朋友都食得開心~覺得無揀錯…查看更多

每個月總有幾日想食素～搵搵下見到原來荃灣無肉食這間店都有做自助餐～下午茶仲只要$50免加一即刻出發，可能真係太抵食，2點半先開始的下午茶，2點已經有人排隊。小編今日閒日來食2點15分到已派第十個左右準時入得去～店員起門口先收錢 再自行揀位店面清潔 門口同拎野食位有提供手消毒酒精，仲有紙巾提供下午茶數埋都好多野食 約40款。有紅米飯，粥，炒麵，連炒銀針粉都有。味道唔係太濃，我覺得ok~亦有提供辣醬。湯一款，是日是佛手瓜湯，好味道沙律，10款。最鐘意佢的鮮果沙律，蘋果爽甜。仲有珊瑚草同雲耳都調得好好味。蒸點，2款。蒸菜包同細馬拉糕。馬拉糕好味道，可惜出左一次就無了甜品，有2款糕 （紅豆糕同白色燕麥糕）甜度適中又彈牙，正。糖水1款，木耳雪耳。大大個雪耳夠足料，可惜我覺得甜左d。炸點，約8-9款。食食下會有新野～推薦春卷，超脆。仲食到迷你煎堆～正。可能近新年有糕食，蘿蔔糕同馬蹄糕都好好味，馬蹄糕入面好多馬蹄粒～又爽又彈牙。蘿蔔糕係素所以無蠟腸，但用了本地蘿蔔～味道唔錯～如果有甜醬就好啦。熱食。當然係好多好多菜～一半係唔同的炒菜。另一半會做其他款，比如微辣的焗薯仔同炆芋頭。不得不提佢個蒸水蛋，有粟米同素肉，超滑，肉有少少dd胡椒味，好味😋可惜又係出一次～飲品～有檸檬水同夏枯草 ，岩哂炸野大滿足～下次會再來！…查看更多

果漾洛神花冷萃咖啡@starbucks 20週年優惠 2020年推出的逢星期2 20蚊一杯 ，3款揀1款我見張圖幾好就揀左佢，一心諗住午後唔好咁飽就無揀星樂冰可能我飲唔慣齋啡類型，只覺得又酸又苦，飲唔到洛神花味，公平地講係好有咖啡味ge，都香ge，但加左酸味就覺得怪，最終飲左幾啖就放棄，食左杯底的西柚就算了 ，西柚新鮮。個杯係幾靚，好像係茶飲的新杯，有品味，影相影出來幾好，岩打卡。如果宜家再俾我揀1次 我絕對會揀星樂冰…查看更多

茶餐廳賣蛋撻，菠蘿油就見得多，賣雞蛋仔同格仔餅就真係少見。如果唔係送仔仔去興趣班，佢又扭食，真係唔會經過見到。寫住馳名雞蛋仔，就即刻點個原味，試下口感同味道。12蚊真係唔算貴。因為都keep住有人買，所以全部都係即叫即做。佢用電熱爐 加熱個雞蛋仔夾，有別於平日個夾直接電發熱。唔知係咪因為咁，個雞蛋仔受熱都好平均。外面少少脆，入面有軟綿綿的部份，口感唔錯。整體唔會太甜，有少少蛋香味，覺得幾好味。同埋如果有時間，可以坐起入面慢慢嘆，唔怕個紙袋焗到淋哂。正…查看更多

同事熱情推薦的食店，抵食高質海南雞飯，大大份都係38蚊，加2蚊仲升級做菜飯。真係心心眼菜飯份量夠多，應該有成碗。真心高興個菜飯係好味果種，菜鮮綠而脆，非平日焗到淋果d，讚呀。除左菜飯，客人仲可以自選油飯或白飯。有機會都想試下個油飯。海南雞肉嫩滑，份量都唔少，仲有脆脆芽菜做配菜，正。配有一隻醬汁，入面應該有d薑絲，同雞肉好match，點左之後更添風味。飯仲配一配中湯，有蘿蔔同佛手瓜，飲落相當清甜，應該是無味精。想encore呀…查看更多

近日見到美心mx做推廣，早鳥時段29元一個很大哦豬扒飯。咁抵，放工即衝去幫襯下。可能因為焗定，好快有得拎，熱辣辣，好香呀。size同正價一樣大細，無縮水。豬扒厚度唔算薄，但攤開係幾大哦。肉夠淋，有肉汁，好味。炒飯底唔算多飯，但連埋肉食都好飽，好滿足。配埋茄汁一齊焗，加幾粒菠蘿，甜甜酸酸都幾開胃。可惜無包野飲，食食下都會口乾，加野飲要6蚊，會無咁抵，所以我就飲水算啦。早鳥係5點半至6點半，真係早了點，下次外賣好d…查看更多

喜愛早上食個熱辣辣的包做早餐，感覺會好醒神。唐記分店多，所以路過買個包，好正。近排好多阿華田產品出現起市面，唐記都有2款，個洗流心華田包仲要平過人其他包，5蚊一個，真心抵食。包個外皮有華田色無華田味，但鬆軟唔會過甜。口感同平日一樣咁好。流心，唔會真係流到滴果隻，像軟身搽包醬。有少少華田味，唔會過甜，正 。華田奶茶比想像中細支，個人覺得無咩奶茶味，反而好濃華田，甜度ok。樽底好多沉底華田，搖暈飲覺得有d粉，唔夠滑。9蚊的話比較想揀豆漿。…查看更多

途經這家飲品店，剛好珍奶癮起，就決心試下。見網上有雜誌提及過蛋糕珍珠奶茶好特別，問下店員推薦普通珍珠奶茶還是這款。佢都建議我試下。所以就點了一杯大的。約5分鐘就可以取了。蛋糕珍奶係無蛋糕。杯底有1/5杯黃黃的忌廉，啜了一口，有小小咸味，很cream很膩。馬上後悔點了這杯。一開始無諗過咁膩，攪左好多入奶茶到。一飲無茶味，係好rich的奶，不得不講係滑左好多，但就算我係食得cream的人，都覺得個cream 勁過平日。大概飲了1/4杯，已經太膩唔想飲了。珍珠係白色珍珠，口感q彈，但無甜味，如果有甜味會好d。個人唔會再飲這個蛋糕奶茶，如有下次會試普通版。…查看更多

每次去迪士尼玩，要食午餐都會行入d 揀迷離莊園嘅大冒險家餐廳。貪佢位多又多選擇，日，韓，所尼都有得揀。今次揀左日式的炸豬扒配雜菜炒飯套餐，有大大塊豬扒仲配了多肉的雞鎚，好多肉呀，夠我同仔仔食。咖喱汁唔辣，少少咸，大人岩食。所以我都無點俾仔仔食，另加18蚊要左碗白飯俾佢，可惜硬左少少。配菜有漬物同米奇形玉子，仔仔食得好開心呀，叉住影相。加配野飲，要左fuze tea，大大杯好夠飲，想再大杯d，可以加4蚊。…查看更多

附近的店都好多人，時間關係入左有位的北豆，是一間酒吧做午市。又因為手打麵要等，所以叫左雞翼刀削面，非常後悔。刀削面淋得利害，入口幾下，已經係糊仔咁。全個面勁油，一層厚厚的油浮起面，每1口麵都好油....如有下次，我會揀飯雞翼只有3隻，無咩肉，比較瘦少。碗中的生菜相對好食好多。包一碗無味精雞腳湯同一杯飲品，我點了紅棗蜜。個湯無味精也無味，店員都俾定鹽自己加，加左一茶匙都係無咩味。紅棗蜜，個杯幾靚，但由於太充料，超甜，如果可以俾多壼水慢慢嘆就好了…查看更多

美心推出的戀戀台食系列，我偏好台食，真係無理由唔試。試左2款便當，都有配肉燥飯，細細個碗都裝得幾滿，好味道。加埋3款配菜，好滿足。最鐘意佢隻香菜，口感像炸菜，送飯一流。加點烏醋豬軟骨便當因為賣哂鹽雞雞所以試左，豬軟骨甜酸味很平衡，放飯唔錯。肉幾多，不過9成都好柴，唔夠軟滑，唔會再揀佢了。加點豆腐鹽酥雞便當 （推薦）好多件雞，肉也多，有d肉汁，唔會過炸，有鹽香，但唔會過咸，雖然唔係100%台灣隻味，但都好接近，想要食多次呀。…查看更多

公司附近都無咩台式飲品店可選，最近就是這家春葉好茶，見店面裝潢有台灣風味，也標榜茶葉和糖都是台灣來的，就試一下波霸奶茶。有點貪心要了大杯的 ，$27，半糖少冰。第1口有驚喜，好有茶香。唔會俾奶味蓋過。珍珠有用糖煮過，甜度岩岩好，口感q彈，唔會過琳。份量都可以，如果多d會更好不過飲了大半杯，感覺開始有點膩，所以下次都係唔好貪心，要中杯會好d。整體ok好味，有奶香有茶香，唔會太稀，但如果有奶泡會更好。可以encore…查看更多

以前在觀塘工作，大盛大大間又抵食，都幾常來。不過晚市真係未試過，久違地來到了觀塘，就約了舊同事來食。晚市沒有優惠套餐提供，所以就單點了食物。日式炒烏冬（雞肉） $60以前午市必點之一，因為炒得香同好味道。今次一見餐牌就點左。但來到個賣相完全唔同，無左個鐵板，多左塊大紫菜墊底。麵嘅份量細左好多，但食完都未至於會餓。味道OK GE,配料同麵比例差不多1：1，所以都係唔多。食到最後先食個紫菜，變到好軟好難咬開，如有下次應該食左紫菜先。汁燒鯛魚腩飯 $65偏細碗，3塊魚，加了麻醬嘅少量沙律菜同粟米，味道普通，價錢來說唔太吸引。晚市應該無下次了。…查看更多

賣相很可愛很有日式風格嘅一款冰皮月餅。品嘗了2盒2人裝冰兔月餅，一共2款口味，所以有4隻兔仔。2款口味包括綠茶朱古力同紫薯冰兔。細過手板，所以唔大隻。餡比較實少少，但唔算太甜，食少少OK。 2款比較起來，朱古力較香同好味。…查看更多

本來係想去買芋泥粿品，不過因為臨近中秋，暫時只有月餅出爐。雖然可惜，但山長水遠來到，真係無理由唔買野走，又見新鮮出爐，即刻入手。潮式月餅 $50/個 ，$190/盒 （一盒4個）口味有款芋泥，綠荳，烏荳沙3款可選。真係非常心動，但芋泥起我食開嘅月餅入面無嘅，加上曾記嘅芋泥粿品係出名嘅，我自己非常欣賞。所以2個我都選了芋泥。如果現場即食 可以選仲熱嘅，帶回家遲d食所以我揀已放涼嘅，避免發霉。回到家中，忍唔住馬上同家人分享，食落去時感受到酥皮做得很出色，皮夠薄同鬆化，非常新鮮。芋泥既部分幾香，不過覺得比以前食甜左d ，一個人食一個就太甜膩了。但都係好食嘅。…查看更多