Rex.cc's Profile

星期五同屋企食飯，見到屋企附近開咗間台式餐廳，就諗住去試下。餐廳既設計好有台灣風味，都係走簡約古早風格。我地一人叫咗一個套餐，包括鹽酥雞排滷肉飯、三拼牛肉飯定食、特盛紅燒四寶麵、煲仔塔香三杯雞飯，再加小食蕃茄餃子，麻辣豬肚，牛肚。首先佢地既麻辣豬肚牛肚做得好好，d肚好新鮮同埋洗得好乾淨。食落口係有少少辣味，過咗一陣口腔內就會feel到好麻。呢種麻辣味道好上癮，忍唔住狂食咗幾分鐘。另外值得一讚係佢地既套餐份量好豐富，飯餸仲包埋中湯（當日係合掌瓜無花果湯)同埋娃娃菜。價錢又唔貴，仲要唔洗加一!牛𦟌牛腩都煮得好入味，份量係夠曬一個大隻佬食既。佢既麵質感幾Q彈，不過唔係幾掛到湯。雞排份量幾大份，但係炸粉略略過多，唔係好食到雞肉。總體來說，佢既味道比其他台式餐廳無咁濃味，不過食落口就知道呢間餐廳無點落味精，食完唔會熱氣。性價比非常高，係值得既!…Read More

又係同屋企人出黎搵好野食嘅日子啦! 今次一早BOOK左呢間韓國菜，因為我媽咪超愛豬腳，見呢間有得食，同埋評語都唔錯，一於黎試下！豬腳 $240一黎到我地已經比個賣相吸引住，唔單只份量夠，原來仲有好多配菜。可以直接點醬食，或者包生菜食都可以！豬腳肥瘦都算適中，皮上面有黑白芝麻，食落口減低左油膩感！肉質味道都算唔錯！生米酒 $90食豬腳一定要配生米酒！自從去韓國到而家都未飲過正宗生米酒！！泡菜海蝦炒飯 $86泡菜炒飯比我想像中好食，因為我個人鍾意食炒得乾身嘅泡菜炒飯，所以呢間做都到！海蝦爽脆香口，我係咁食海蝦用黎送酒，係幾正嘅！…Read More

前2日同屋企人食飯，去左尖沙咀既一間火鍋店食飯。無諗過人少少，原來食材非常高質!我地叫左個椰子雞鍋底，入面有好多栗米、白蘿蔔、海底椰，非常足料！雞肉都好新鮮！我地即刻飲左2碗湯，好甜好好味！就算加湯，都係加番雞湯，保留番湯嘅鮮味！之後仲見左好多火鍋配料！手切肥牛必食！雪花分佈平均，滾10秒食得！好滑！自家四寶丸大讚！睇得出係人手製作，粒粒好彈牙，非常好食！仲叫左鯇魚、豬紅等等，全部價錢合理，份量都好足夠！…Read More

又食好西時間今日去左中環搭船，係到等緊朋友同時好肚餓，見到呢間可以炸魚薯條就心癢癢咁去試一試啦。呢間鋪面細細，但都有好多唔同既野食揀。所以就同友人揀左以下呢既款野食：炸務鱈魚薯條因為冇哂炸魚薯條就點左呢個，薯條比較幼身，而且要好重薯仔味，裡面好多薯仔咬落好有口感。鱈魚味道十分厚肉而且炸完十分嫩口鮮味十足。最重要係份量十足，正！白啤酒炸生蠔好少地方有得試，所以就好豪氣咁點左2份，滿足大家愛蠔的口慾！蠔既size隻隻都好大隻，而且包住啤酒既炸漿，咬落去好鬆化而且蠔完全保持到鮮味，隻隻都好飽滿而且食落有陣陣啤酒既香味。加埋佢既蒜味醬十分惹味。炸魷魚圈魷魚圈炸漿好薄，啖啖都係魷魚肉，仲炸得岩岩好，完全唔會過老，爽口彈牙，再加檸檬汁既點綴下食落唔會覺得太油膩既感覺。當然我地唔少得點左佢地必飲既鮮檸檬汁，飲落完完全全係檸檬汁，但一啲都唔酸同埋苦澀，配落啲炸野感覺好清新，消滯。繼續又可以食野啦！ …Read More

難得入去香港仔探朋友，天氣涼涼地本身諗住食稻香。點知上到去見到新開的牛一，而且唔需要等8點半已經任食，當然係選擇牛一啦。今次我地選擇左極上美國牛肉加豚肉，豚肉質地一般，但美國牛比起一般肥牛更有肉味，而且唔會鞋口，2個人最後食左6大碟，已經覺得值回票價。除左肉類外仲有個擺得好精緻的自助bar,有好多唔同種類的食品，最特別係出奇地多疏菜，而且屬於一般少見的。而食完野食，仲有自助雪糕機，有兩款唔同口味，特別推介好立克味雪糕，因為出面好難好到，仲有十幾種唔同配料可加，鐘意食雪糕的一定要試啊。…Read More

今日收咗工之後,我同我女朋友就兩個人去撐枱腳,咁搵嚟搵去都唔知覺得有咩食之際,就比我睇到呢間店舖Shine, 咁我哋就膽粗粗去試吓啦。咁入到間餐廳裏面嘅就其實第一眼嘅感覺就會係比較寬躺，唔會有啲好侷促嘅感覺，以西式餐廳來講燈光配合佢哋都做得好好嘅都比較柔和啲，同埋以黄光為主比我個感覺都好有feel嘅。咁一坐低左之後呢到呢就分別帶咗兩個dinner set 啦咁第一樣野就係日式吉列炸蠔配蒜香蛋黃醬，呢個係小菜嚟嘅。咁另外再加上我哋食咗個香煎鵝肝配AOP大蝦意大利粉，跟住就有另外一個甜品拼盤啦再加上一杯嘢飲嘅，另外就加多左一份安格斯肉眼扒配紅酒燒汁。首先第一道菜隻吉列炸生蠔，有三粒啦，咁佢都炸到兩面金黃色，炸粉亦唔會太厚，蠔肉一食落去就唔會太老或者縮水，味道啱啱好。第二道就係香煎鵝肝配大蝦意大利粉，呢個來講呢整體都唔錯嘅，介紹返個材料先有大蝦剪開外層，因為有煎過嘅香味食落去啖啖肉，另外鵝肝就食落去就有好香嘅油脂味，意粉亦都唔會太濃味，所以呢三樣嘢配合得非常之好。另外就係最抵讚嘅第三樣餸，燒安格斯肉眼扒配紅酒燒汁，侍應問我地當時選幾多成熟我哋揀咗七成，嚟到之後，比我想像中同埋預期好，切完之後每1塊肉眼扒都有滲出肉汁擺入個口嗰陣相當juicy。食完之後我哋都覺得是整體來講都有8分，無論係服務上，喺食物質素上，喺衛生上，喺餐廳上嘅空間感，都比到我哋相當滿意嘅質素。下次我都會帶我屋企人黎食。…Read More

女朋友話好掛住韓國既人蔘雞湯，搵左幾間，終於黎到呢間！新開張，一於試下！裝修幾Colorful，比人一種好fresh既感覺！我女朋友本身只係為左人蔘雞湯而來，黎到見到咁多選擇，咁就揀左10分鐘! 揀左4樣野食!高麗人蔘雞湯，濃郁既雞湯加上釀糯米雞，淡淡地，不過女朋友好鍾意，話咁就無味精，好健康！不過，的確係幾香甜，雞肉都好滑！DIY現榨果汁好明顯就係比我女朋友影相呃like，識揀一定要揀全部係生果，顏色靚之餘，會易入口！開機搞左15秒左右就飲得!…Read More

其實好少可會夏天打邊爐，因為會熱到唔開胃，但餐廳冷氣溫度岩岩好，所以成餐都食得好開胃呀。今餐我覺得最值得讚嘅係啲海鮮，超級新鮮。煮完啲海鮮之後個鍋變得超鮮甜，完全唔會腥。另外係呢間餐廳食物嘅種類其實都幾多下，唔會冇野揀，平時打邊爐食開無食開嘅都有，總之都幾岩我口味，特別係個墨魚丸同牛肉，個丸好似係手打咁，同平昤食開嘅都幾唔同，墨太味好出； 個牛肉好厚下，對比平時食開都薄到成張紙咁，呢個真係好抵食。推介!除左食物外，啲姐姐服務態度真係好好，成日時不時過黍幫你換碟，所以真係食得好鬼盡慶呀!百零蚊黍講，真係幾物超所值架!…Read More

友人到過Armour garden吃飯後，就不斷推介食物質素很好，叫我一定要去試試。好吧! 既然想不到去哪兒吃飯，就即管試試吧! 甫進去，覺得環境相當有情調，樓上還有餐枱供客人享用，看上來面積都相當偌大。 我們被安排到旁邊的角落坐，感覺份外寧靜，非常適合與友人聊聊心事。我肚子太餓了，等不及 就點了一份經典二人套餐，還有兩杯特飲: Armour Garden & Ocean。食物運送時間都頗快，等了幾分鐘，侍應哥哥就先端上了兩杯顏色相當治癒的特飲，然後接著送上前菜– 青蘋果鵝肝多士。先說特飲，梳打水加入了新鮮生果汁，感覺好像在喝果汁一樣，還有裡面加了一點點果肉，增加了多重口感。至於，青蘋果鵝肝多士的組合真是值得一讚，蘋果挺新鮮爽口，而且減低了鵝肝的油膩感，多士也烘得頗脆的，三者合上來真是很搭配。還沒吃完，主菜就已經準備端上來 - 烤澳洲牛柳排和忌廉墨魚麵，我超愛吃牛柳的，所以我一定要先吃它，肉質十分豐腴軟稔，嫩滑又多汁，份量還挺大呢! 我和女友人都吃不完。我們差點忘記還有忌廉墨魚麵，味道吃上來剛好，墨魚汁不會太咸，麵條又夠軟身，這個真的值得一讚。最後就當然要吃甜品 - 木糠布甸配上雪糕，這個搭配都不錯呢! 木糠布甸的cream打得相當幼細，而且又不會太甜，質感軟綿綿的，好像在吃BBQ的綿花糖。我把整個木糠布甸都吃光，然後友人就只得吃雪糕呢! 我還偷偷吃了友人一啖雪糕，原來是朱古力曲奇味，可可味都挺重的，但不會過甜，整體都不錯。我還叫友人吃剩一半留給我! 哈哈! …Read More

今晚同港女女朋友慶祝生日，佢指明要試Monster sushi，唯有就下佢。 坐到落去見到佢地個menu轉咗，主打吞拿魚set，仲要係築地直送既。咁就整個鮪魚極味丼一齊食。個碗一上黎，的確夠曬份量，吞拿魚都放得幾足料，有分大小拖羅、赤身同魚蓉。我就即刻試下最鐘意食既拖羅，同一般出面比較係多咗份質感同味道。魚味同油脂味夠重。但建議可以揀再肥少少既魚腩，更加突出其鮮美度。赤身唔錯，配合魚蓉再加少少飯，齒頰留香!試完吞拿魚丼，接著當然要叫一人一個呢到既signature “Monster sushi"!一上枱，貴氣就出曬黎。先試頂頭既魚子醬，味道濃郁!再黎就係少少海膽加生鵝肝醬，又咸又鮮。之後就成個放入口，慢慢細嚼。魚子醬、海膽、鵝肝、魚蓉同大大隻帆立貝一齊融合，使到壽司變身立體化。我地每次都會以呢碟壽司作為呢一餐既結束。幾十蚊就可以試曬名貴食料，掂曬。希望下次再黎試過!…Read More

之前食過一次，食過番尋味！所以今次再帶女朋友過黎食Lunch。今次叫左個厚燒牛舌丼，牛舌本身好軟滑，十分入味，咬落去非常juicy! 加左有洋蔥芝麻，層次口感都提升左好多。仲有沙津同埋滑蛋，食完之後係大滿足！！另外，我朋友叫左天草大王地雞丼。睇雜誌見到大王雞係天草果邊既「特產」，除左天草，其他地方都無機會食到，所以我朋友為左呢款雞而來。大王雞肉質比較厚身，可能係用燒既關係，鎖緊肉汁，特別香甜。加埋日本半煮蛋撈埋黎食，仲香滑！我朋友食無停口！…Read More

若果你是日本迷來說，「天草市」( Amakusa shi) 可能對你也有一點陌生。 它是日本九州熊本縣天草群島的一個城市，亦又名漁鄉之家。這個地方的擁有豐富天然食材「海產」。昨晚與家人來到這間店舖享用我們的晚餐。因可能剛開業不久，我們一家在店內感到很舒適和清幽，加上有Bar枱，令到店內的空間感大大增強。另外它還有一個寬敞的陽台，可以在外用膳。首先，我們當然點選了大家都愛吃的「天草海膽刺身」，它的口感猶如水牛芝士般幼滑，肉質上我發現每一顆都有不同的鮮甜味道，我好奇地問駐場的那位師傅，他的回應是:「因他的海膽是每天都新鮮空運，所以你有這樣的問題不出為奇，市面上大家吃到的都是添加了一些調味用品」接著，就是點了燒鏗魚，口感嫩滑也帶一點燻草味，很特別。師傅也很好客邀請去看他用禾稈草燒與燻，我覺得他們很仔細，明白用火槍直接燒的話會令到魚的口感變質。再者，是熊本蕃薯煙豚，肉質上有點兒像本地的叉燒。而味道上是一種柚子加上辛辣的交錯感，很獨特呢!其次，是喜知次鹽斧燒，之前我與朋友在台中有品嚐類似的烤魚，這個製作有別於其他烤魚，它的鹽加了些蛋白混合形成外觀，在內一層亦包著他們的古老秘方「昆布」，這樣不但不失魚的鮮滑感覺，還保留著原註天草市的獨特風味。之後，是一個七色扇貝，這個扇貝顏值很高啊，也很吸目，在傳統味道上加上少許青檸作一個點綴，擁有甜甜酸酸的感覺，也很逗。而旁邊的那個奇異果也是同一碟內的精華所在。記緊要試喔。最後，來到日本餐廳當然要點和牛，是要點天草黑毛和牛。 它有大理石的外觀，其中的瘦肉和脂肪在一薄層交替重疊，牛肉多汁，適量脂肪的含量，有味道，肉的味道也因而突出。…Read More

今日同朋友黎到呢間好唔顯眼既餐廳食西餐。裝修比較復古，但都好有情調！佢地有dinner set，有湯，有前菜，有野飲，仲有甜品添！先黎麵包，麵包烤過，好香口。如果再脆d就更好味！意大利風乾火腿蜜瓜擺盤好精美，有3片好薄好大塊既火腿，仲有好甜既蜜瓜。薄切火腿岩岩好，不過佢相當大塊，可以用黎夾住蜜瓜食，真係好甜好好食！炭燒美國西冷牛扒伴紅酒汁 $338用炭燒既方法唔係好多餐廳都見到，雖然係炭燒，但都唔會有苦味。西冷牛扒一樣好多汁，好好食！配埋紅酒汁，反而將牛既鮮味釣出，又唔會喧賓奪主！另外仲叫左個雲尼拿味既疏乎厘。特別大個，好厚身，質地唔錯！都非常鬆軟，又唔會太甜！…Read More

同一班人黎食海鮮？一定要揀潮福啦！唔係賣廣告啊！未試過一定要試下！佢地咁抵食係有原因既！而家仲有海鮮set，一齊睇下係咩東東啦！可以先揀粥底，再揀海鮮。海鮮的確唔錯，叫左蝦同石蠔等海鮮。最令我驚喜既係石蠔，好似手掌咁大，蒸完之後唔會縮太細！！而且佢地係少量調味，味道特別好食！！！食完海鮮就食飲食既野啦！聽講呢度有得蒸馬拉糕，一定要黎試下啦！！馬拉糕的確好鬆軟，唔錯既選擇！仲有一定要推介既豬肉丸，入面有梅菜，仲係手打，所以都幾彈牙！食完海鮮又食完其他配料，最後一定係要試海鮮精華粥。因為呢個粥底，集合了所有海鮮既精華，當然，如果你食得越多海鮮，粥底越甜！而且非常之棉，好好食！…Read More

好耐好耐都冇去過食大排檔既美食，於是今日就決定去萬發到食飯，因為坐得舒服得黎又可以食到想食既美食....餐牌睇到花多眼亂，於是一大班人就咩都點啲黎食啦.....一黎到梗係點左個乳豬例牌黎食先，因為黎到呢到一定要叫佢個招牌菜，就係燒乳豬！仲要係即叫即燒，保證新鮮。味道真係超好味，乳豬皮好脆口而且好鬆化，乳豬仲要好厚身，肉質仲好juice ，真係好好味！之後就點左例牌燒鵝黎試下啦....燒鵝肉嫩多汁，皮脆內香，味道岩岩好。係時候要叫芝士海蝦伊麵黎試下，一上枱就聞到芝士味好濃，伊麵好幼滑爽口，一啲都唔淋，海蝦好爽口而且都幾大隻，加埋啲芝士汁，味道唔錯。之後我地叫左碟蒜蓉炒豆苗，份量十足而且超好味，豆苗好爽脆，味道十分好味，值得推介。想食大排檔既美食又點少得蠔餅，蠔餅炸得岩岩好，金黃色澤令人食欲大開，脆卜卜既蛋餅同埋蠔仔既味道好好味。呢到碟碟真係落足本，就連沙拉骨都份量十足，沙拉骨味道唔錯而且愈食愈開胃。最後點左個薯仔牛柳粒真係超好味，味道惹味之餘牛柳粒仲好多汁鮮嫩，薯仔吸收哂牛肉既精華，真係令人一舊接一舊。呢到既野食真係超好味，下次一大班人聚舊一定要再黎食過！…Read More