kathychan10199's Profile

第一次食已經3年前今次再黎食,水準依舊, 好味!岩岩收工7點過到黎, 唔算多人, 一入就有位啦1. 濃湯豚骨拉麵湯底好飲, 好濃既豬骨湯味! 湯豬肉唔會太肥岩岩好唔會愈食愈油膩~麵有少少軟,岩我口味自己唔鐘意太硬2. 黑蒜油豚骨拉麵朋友食依個賣相好唔錯, 蒜味好香,但又唔會蓋過豬骨湯味道!3.餃子5粒不過不失~ 皮夠薄 !想食拉麵既時候可以再黎Encore~…Read More

Lunch time未到1點黎到已經好多人係門口啦, 好彩朋友提早黎拎定飛!-台南擔仔米粉$36好多肉碎鋪哂係面, 仲有半粒貢丸, 蝦同埋蛋米粉好彈牙, 唔會好淋, 又唔會好硬, 岩岩好!-魯肉飯(細) $33魯肉仲多過飯咁呀, 半肥瘦岩岩好唔會好油膩!-鹽酥雞$37食落覺得炸得有少少耐! 下次可以試其他野~加野飲$11 叫左杯楊桃汁, 依個反而一般般,偏甜!…Read More

晚飯時間7點黎到, 見冇乜人食 好似包場咁叫左香腸魯肉飯, 鹽酥雞飯, 蚵仔煎, 黑糖奶茶-香腸魯肉飯送既份量(香腸+魯肉)唔多, 有少少失望, 魯肉比一般台灣餐廳係更加肥, 食到最後好'漏' 香腸味道好好, 唔會太甜/咸, 不過都係果句, 份量唔多,切得比較薄身-鹽酥雞飯相反依碟鹽酥雞飯就份量大好多啦, 超長既雞扒蓋住飯, 友人都食唔哂呀肉質都幾滑, 唔會太咸, 岩岩好!-蚵仔煎最出色既蚵仔煎! 皮煎到煙煙Un un 有台灣感覺, 蚵仔粒粒都好大粒呀 啖啖肉!-黑糖珍珠奶茶依杯就強調不推薦了, 唔知點解飲落係超級似冬瓜茶, 好懷疑係咪落錯左奶味冇, 黑糖味冇, 茶味都冇, 冬瓜茶味盡對有!…Read More

晚飯時段黎到門口已經有幾Pair客人排隊等入座啦見咁多人等應該味道唔差吧~Order形式好似車仔面咁, 剔想食既食物同面, 可以就咁叫送都可以簡左生腸, 雞翼, 花枝丸,豬耳, 豬手配冬粉!每樣送既份量都幾多, 可以下次叫少兩款, 雞翼幾入味同埋好大隻呀, 不過有d chewy, 可能煮太耐!生腸幾彈牙! 花枝丸都有4舊, 墨魚味都幾濃! 豬手有d就好淋有d就好chewy, 但都可接受!冬粉即係粉絲, 索哂d滷味汁, 好好味!另外仲叫左個人氣爆漿蔥抓蛋餅, 內餡揀左芋泥肉鬆, 以為會好"漏", 但又唔會,仲愈食愈想食 好重芋頭味夾埋肉鬆少少咸咸地岩岩好! 飲品叫左黑糖珍珠奶茶, 唔會太甜, 珍珠都幾彈牙, 好飲!!PS: 座位少少逼 要用地下既籃黎放野！…Read More

見到依間咁多好評，就帶朋友黎食生日飯，但原來都唔係講到咁好的😮‍💨套餐包括左四款菜，我地簡左酸菜魚，好味！酸同辣既程度都配合得好好👍🏻魚生都幾新鮮！食完酸菜魚後滿心期待個邊爐，我地簡左美人鍋。打邊爐食物方面可以用手機落單/出去雪櫃拎款式唔多，可以話係少🤧令人失望海鮮有蝦 蠔 等等 算係最好的肥牛就只有贈送果碟好味，其後落單既肥牛都好一般，肉質粗糙😢最後雪糕原來係比雪糕卷仲要係下次消費先用得😮‍💨食物質素同形式都唔值依個價錢，唔會再黎了，雪糕卷都冇拎。…Read More

第二次黎食啦-口水雞例牌 $38叫左少辣但都幾辣，不過肉質有啲鞋，但仍可接受-酸菜炒肥腸 $55好好味 唔會好乾 辣度又岩岩好 推介推介-乾撈薯粉 跟餐加$8有肉碎 酸菜 花生 都好足料 面有咬口 唔會好淋三碟野份量都好多呀 兩個人食都好足夠啦…Read More

平時行銅鑼灣都有經過依間鋪頭但一直都冇為意原來入面係間餐廳黎架!門面主要見到賣外賣食物, 有不同印尼小食仲有飯盒蝦片等等~晚上7點左右黎到, 已經有人等緊啦, 大約15分鐘就入得!menu超多選擇, 睇到花多眼亂呀!-巴東牛肉班蘭尖塔飯($*88)有D似咖哩牛肉飯不過配班蘭飯味道清新D, 唔會食到好油膩! 汁就有少少辣, 可接受的~見到隔離枱印尼姐姐食魚飯, 好大條好吸引, 下次會試依個haha-半打雞串燒($88)雞肉好滑,冇諗過用燒既方式都整到咁滑, 配沙嗲汁好好味呀!-印尼小食併盤($88)有炸豆腐,炸雞,炸秋葵,炸雞翼, 每款既size都好大舊呀, 食唔哂咁多, 味道就冇乜驚喜啦,下次可以唔食佢~-牛油果沙冰($48)好出色呀, 仲有朱古力醬加左落去, 唔會太甜岩岩好!-柑桔青瓜冰($28)好清新, 仲要有好多青瓜係入面可以食下haha…Read More

第一次黎到Red Lobster食晚餐~食番個龍蝦宴先!頭盤:- Lobster bisque ($58) 又點少得呢, 暖下個胃先, 好濃既龍蝦味道而且有大大舊蝦肉!- Red Lobster Salad ($98)我同朋友都唔想食太多澱粉質, 於是叫個Salad 健康下, 醬汁好味, 蝦肉份量都幾多!主菜:- Live Maine Lobster, Steamed 1LB ($298)蝦肉配醬汁好夾, 1LB唔夠食蝦肉唔會好"Un", 不過冇乜調味料既關係對於我地黎講就覺得爭少少haha - Hawaiian coconut shrimp 3/pcs ($48)好細隻呀 唔係好食到蝦味~ 下次唔會再叫佢啦甜品:- 因為朋友生日, 事先係電話book枱既時候已經講左要有Dessert加寫名~ 不過未知係咩cake黎到既係朱古力蛋糕, 細細件都幾好因為本身味道太甜啦~ 而且manager仲送左件cheese cake比我地, cheese cake係正過朱古力蛋糕好多呀!! 同cheesecake factory有得揮! 下次會再黎食!…Read More

平時經過多，今日第一次黎食！係OpenRice book定位，二人枱既座位空間有啲細，叫左三樣野就放唔落-肉眼扒（7成熟）肉汁好夠，唔會好生又唔會好un，岩岩好！份量都大碟，又有薯菜-芝士薯格超大碟😂😂😂芝士好多 好好味！不過一定要襯熱食，凍左啲芝士硬左就冇咁好味啦，兩個人食唔哂 太大碟啦真係🤣-跟餐既沙律不過不失～份量都多的！…Read More

因為今晚係修頓睇talk show, 就搵下灣仔食邊有咩好食 見到有好耐冇食既咖哩蛋包飯就黎試試啦叫左個太陽蛋燴牛肉汁漢堡飯牛肉味好濃但又唔會好咸 肉質唔會un 個汁都好正 用黎撈飯係可以食曬啲飯另外 朋友叫左咖哩雞肉+燴牛肉汁漢堡蛋包飯甜咖哩同日本味道都好似 不過雞肉冇牛肉咁出色環境都幾好 少少逼 但正因依點令我覺得好似係日本一啲居酒屋既感覺咁會再黎食…Read More

見到OpenRice有優惠下午茶就黎左試啦平日好少有 可以坐到一邊角落位幾舒服，下午茶咸點出色過甜點前菜-黃金蝦夠脆都算多肉上層-牛油果雞肉多士個醬好好味 同雞肉好夾上層-明太子蛋醬三明治 比較普通 蛋同明太子味道唔太明顯中層-薰衣草芝士蛋糕 冇乜薰衣草味中層-雜莓酥餅 士多啤梨同紅莓都好酸中層-焦糖咖啡撻 甜到以為係朱古力底層-英式鬆餅 Clotted cream好差 雪櫃雪到硬哂 根本茶唔到落鬆餅到底層-Vanilla cupcake 本身唔太鐘意cupcake 所以冇食哂 咬左幾啖 都係得個甜字飲品-是日花茶 係麥茶來的 好似759買的樽裝飲品咁haha 整體來說，價錢係吸引的，環境都舒服！食物質素就一般般吧。…Read More

上網睇過依間餐廳環境好靚 打卡一流今次同屋企人黎食，都係黎試下個Afternoon tea!整體黎講都係一般般，飲品要加錢先可以飲到花茶。咸點出色過甜點，份量同款色都足夠，只係甜點味道太甜。不會再黎食了…Read More

同兩位朋友黎食唐宮小聚，之前係荃灣分店食過，味道唔錯終於再黎round 2-沙田乳鴿必食的，皮夠脆，肉唔會好「鞋」不過今次食有少少咸，食完好口渴！-牛肉叉燒幾特別又豬肉又牛肉咁味道好夠 岩岩好，但有啲肉質比較un -椰皇燉雞好好飲，好有椰香味！唔會好咸，下次會再飲-非常山竹個名好得意，其實入面係蟹肉為主，外皮好脆好似咸水角咁-冰鎮咕嚕就同平時食既咕嚕肉差唔多，多叫左冰係到搞到佢凍哂😂都係鐘意食熱既咕嚕肉多啲-大肚婆炒飯唔會再叫，冇特別，仲衰過普通既炒飯味道好淡-酒釀丸子好多粒丸子，好味，甜度岩岩好…Read More

同好耐冇見既朋友黎食晚餐，以前公司係附近已經成日黎食午餐，質素都好好！今日就黎試下佢既晚餐啦餐廳都幾多Set，有二人餐、四人餐、一人餐我同朋友都各自叫左一人餐 牛油煎帶子意大利飯餐湯一如以往都係好味，到主菜，帶子好細粒，得三粒，意大利飯的味道可以，不過食唔悶曬一碟，因為好漏>< 一人餐$2xx-$3xx左右結論都係午餐抵食同埋味道都係午餐既款式比較適合我…Read More

第一次黎依間以阿仙奴做主題既餐廳, 未夠8點已經坐滿客人,好彩係openrice已經book左位.叫左波士頓活龍蝦配白松露意大利粉, 味道岩岩好, 意大利粉又唔會太淋, 龍蝦都算多肉!朋友叫左Parma ham黑松露雜菌意粉, 試食左幾啖, 松露味道好香, 唔錯唔錯!…Read More