沙加仔's Profile

事隔六年，終於寫返食評，當日暫停有當日嘅原因，呢度唔詳談住。始終有超過200篇食評向度，係有啲唔捨得，宜家睇返以前啲寫評有啲都幾白痴又多錯字，哈哈，返正題。最近黎呢邊係食對面間阿元，不過咁多人排得黎 lunch hour都過，所以試下呢間野。閒日lunch hour都幾多位，有啲出奇，可能因為放緊暑假掛，二個人分別叫左唔同餸不過大家都叫喇沙湯底，餸就試左咖哩魚蛋、墨丸、手撕雞、粟米。啲餸最特別我覺得係手撕雞，一般麵檔都無呢個餸，值得一試呢個比較多手工嘅餸，另外三樣就正正常常所以唔特別講，個墨丸爽得黎但唔彈牙但又好有墨魚味好搞鬼。佢標榜$48基本上就無乜可能$48架喇因為好多野都要加錢，加得最勁係昆布麵（+$20）我咁孤寒實唔會加啦！留意返每日special會寫向牆上面。最特別講真絕對唔係啲餸，反而係湯底同麵，前者有喇沙、冬陰、冷麵等，後者可以+$3 叫二種麵，都幾過引。另外，個哥哥仔幾好服務又有禮貌又細心，客人如果驚啲麵汁彈到周圍係仲可以叫佢比個圍巾你擋一擋高危區域。埋單二個人要$105，食碗車仔麵我知廿蚊都食到，但食個拉麵都可以過百啦，所以計埋其特色、服務等其他因素，值得讚嘅。…Read More

好友說受到廣告所影響,想吃自家烏冬,踢完波即興的就來了.等了不久2人就被安排入座於BAR枱,不算迫.翻了翻MENU,不同的冷熱烏冬,主要也是分4種.1.淨烏冬2.什錦天婦羅3.野菜天婦羅4.吉列豬扒,價錢由$15-$40不等.由於想多試一點小食,乾脆叫了一個淨釜揚烏冬,友人則點了海鮮湯烏冬,以及2個小食.其實MENU上也沒有解釋釜揚烏冬是什麼.....因為個人只比較清楚讚岐和稻庭2種,可惜餐牌上沒有好好解釋清楚其特點.先上了釜揚烏冬用一個桶盛著,是完全的一個清湯.....不醮任何汁試試看,口感尚算,但滑卻完全沒有煙韌之感,雖說彈牙如果太彈就會吃到牙軟,但這個烏冬無嚼勁可言,小麥味亦欠奉,實在難以理解"釜揚"之名.過了不久就來了煙肉芝士廣島蠔,相片果然只供參考......蠔只有3小隻,被大量的芝士,煙肉及洋蔥包圍著,不過可笑之處是蠔和其他配料是完全分開的,所以這就成為了2碟小食 - 1.三隻小蠔, 2.芝士洋蔥煙肉. 蠔身很瘦小,所以我只能視這小食為芝士洋蔥煙肉.加拿大芝士炸豬扒比較遲才來,賣相是不錯,不過吃起來又知是龍是鳳,雖然外層蠻脆,芝士落足料,但豬扒肉身偏硬偏乾毫不鬆化.友人食得津津樂道,不過我不會因此給予笑臉~2人加一合起來$160,就算少叫一個小食也要大約$120吧,以一個欠缺質素的午餐來說是偏貴.另亦建議餐廳多點作烏冬上的解說.…Read More

自從在FACEBOOK放了一個名為EAT IS KING的ALBUM,放了不少食物相片,身邊食家就不斷現身留COMMENT交流,令我決心定期同唔同食家出擊,今次再次來到九龍城,隔一條街就少人咁多,當然選這邊啦~未齊人先ORDER,先來個自己組合的豆瓣炒通菜,不過來到後覺得是蒜蓉通菜多一點,通菜尚算嫩,吃到中途才發現豆瓣在中間........結果真的只有中間一習的菜有豆瓣味,炒功出了點問題呢.但太餓,很快就被掃清.之後就上冬陰公了,要了個小的,香就幾香,但比我想像中辣,有點過多了,麻起來被迫急急飲水,令我有點吃不消,個人的辣功還是有待改進.料倒是頗足,菌類比一般的多,蝦幾鮮美,既然無法大口大口飲冬陰公湯,淺嚐後再啜啜蝦上的湯仍是開胃.不能說差,只是個人而言太辣.期待的生蝦來到,由於每人有2隻,一隻醮了青檸泰汁,一隻則原味(刺身~),先食原味~確實幾鮮甜!第2隻,最怕見人整隻蝦在汁中游水,半隻蝦身醮了汁就剛剛好,感受到那酸辣感之餘,不失蝦本身的蝦味.無令大家失望!二食的炸蝦頭像零食,脆得來唔油膩,厲害.平時最多都是啜蝦頭,今次整個吞噬的感覺有點新奇之餘亦幾爽.對於這個生蝦二食組合,眾人一致讚好!蒜蓉包來了,記得趁熱吃~又是4件~真好~外層微脆,想不到內層可以如此鬆軟. 蒜蓉味濃,回味無窮! 雖然無ORDER咖哩相伴,但絕不寂寞.鴨肉湯河,想不到這麼普通,湯底未見是甚麼鴨血或茶,無可否認是芽菜很爽,河粉很滑,但鴨肉本身像是亂放一堆似的,骨亦太多,河粉太碎亦很難夾起.加分位只有芽菜,是最差的一道.四式拼盤,蝦餅比較突出,剛炸起感覺一流,加上蝦本身較惹味,可令'熱氣'的食客也忍不住要一起吃!春卷皮是脆,餡料方面什麼都有一點點,菜絲,芋絲什麼的,正正常常吧~魚肉香茅味過重.葉包雞,無試到!拚盤的每樣東西也除不盡四.豬頸肉賣相欠奉,不過其三層的效果亦不錯.外層,帶點微脆,十分香口,美中不足是有點濃了.中層,肉質鬆化,可能因為有吸油葉的關係,不覺油,另外可選擇淺淺的佐汁.底層,很簿很薄的一層肥肉,剛剛好令整件豬頸肉昇華,稍為多一點或少一點也不行!芒果累白燸米有齊黑白燸米,原來效果真的不錯,白燸米煙煙韌韌帶點粘口,黑燸對就相對硬身中和一下;椰汁微甜,令燸米外表更滑,而且避免很乾的情況出現,令到整體感覺是甜中帶丁點咸,個人頗為喜歡這種口感.芒果有點像前陣子在台灣吃到的紅芒果~很甜很甜~差點忘記原來有甜品送-木瓜南瓜西米露(熱),由於早已計劃及後轉戰甜品店,所以大家都志不在此,但其實這道甜品以送來講是不錯的了,至少木瓜及南瓜味適中,是西米露弄得甜了一點吧.服務及環境是沒什麼特別之處了,不過牆上OUTDATE的價錢,店方確實應該注意一下.食物總來說是蠻好!$100一位,這麼多道菜,而且味道不俗,不會有什麼投訴吧?$220咖哩蟹確實未有財力吃,有機會就帶著銀紙再來吧!見到大家搵到好餐廳好食物而興奮的樣子,亦令人很鼓舞!…Read More

經常在FACEBOOK UPLOAD不同佳餚的相片,引來不少同道中人留COMMENT,今日和某友人完成工作後,一齊SEARCH OPENRICE,就看中了昌發.位置不太起眼,差不多十時才到達,但一點也不冷場.員工好像全都是泰國人,不過溝通沒有問題.客人當中亦不乏泰國人.先點了一個由不少食家推介的遊船河($23),果然不負所望,首先是湯底濃郁,聽聞是豬骨和雞骨煲出來的;其次是配料不錯,有泰國豬肉丸,豬膶,銀芽,通菜等等,尚算豐富;而金邊粉是幾滑及煙韌的.友人說他非常想試冬蔭公,點了個細的($45),材料很多,但鮮味一般,整體微辣,不酸,偏咸,雖然較易入口,但好像不夠正宗吧?糯米釀雞翼$40,驟眼看勁足料,2個人吃一人一隻不用爭,外皮很脆,糯米出乎意料地不會太硬(除了近頭的那一件),微軟的,所以吃起來十分滿足,相比下雞肉確實完全不起眼,味道未能突出,所以那泰醬還是只宜淺嘗了!雖然只有2人,但忍不住要試試燒鰂魚$68~不過心中還是擔心會不會吃不下........上碟時,第一個感覺是:WA!很濃呀?!會不會很咸呢?因為魚面有很多鹽粒.之後揭起魚皮,賣相已經極吸引,一吃起來簡直是一發不可收拾,肉質十分鮮甜,而近魚皮的地方,更加有燒烤香,而且並沒有因為大量鹽粒而變得太咸,推薦!!!!!!最後以椰青作為終結(甜品?),在沒期望之下爆冷成為了我近期試過最好的榔青!椰汁當然是很鮮甜,雪凍了的,很解渴! 之後更掀起椰子肉爭奪戰!雖然相比起椰汁,椰肉不及其鮮甜.份量來說,2個人點一個椰青是可以接受.志同道合,一起四出找好餐廳,美酒佳餚,暢談一番,實在為一大樂事! 人生有個真正朋友的當好極~飲勝!…Read More

在門口的餐牌看來,下午茶餐幾吸引,價錢可接受.入座後一路覺得隱約有點異味,及後更有小昆蟲在頭上飛來飛去,衛生扣分扣分.由進入餐廳開始,至少2分鐘才見到第一個職員的出現,以為吃越式自肋餐.很快就先來了札肉湯河,賣相極差,我連拍照的興致也沒有~札肉有4~5片,每片極簿,其簿之有,只能讚嘆高超的技術........湯不夠熱,河粉太簿,相信一般人吃過後也不會飽.跟熱飲的話賣$23,老實說,這個價錢,這個質素,完全不能接受,老實說句,這個質素不應該拿來賣給客人.雞翼湯河配春卷X3向來都不喜歡煎炸之物被強制浸進湯內.........雞翼皮軟肉偏硬,又細隻,還要只得2隻.......春卷是比較好的一道,炸得香脆.香茅牛肉片撈檬配香茅豬扒這個叫法比較划算,豬扒頗香,份量不少,只是肥肉較多和香茅味較弱.牛肉片的份量亦划多,不過本身肉味不夠濃.人手實在太慢和不足,結帳時更需要催促一下才有人來.食物質素及衛生皆麻麻,試一次就夠.…Read More

雖然6點多已吃了早飯,但近9點之時還是再吃多頓飯;自己不是早睡之人,不吃多一餐一定胃痛.整條街充滿江湖味道~選一間較光猛的.入到店內,侍應哥仔先調配座位給我們,雖然他和宜安街一樣有江湖色彩,但卻十分有禮貌,令我有點意外,心中暗讚.餐廳環境和一般小菜館差不多,不過6月份,有點世界杯氣氛.另外感覺上每枱都有點啤酒的.店內可以吸煙,不過不知道是剛巧或是什麼的,吸煙客都是靠邊的枱.所以感覺上煙味不重.一看餐牌,發現款式都頗多,更重要的是部分都比較特色.上菜速度不慢,先來雜菜煲及椒鹽上肉排.肉排的外表雖然不太特別,但味道確不錯.肉排有著蒜粒,紅椒,蔥香,咬口十分鬆化,加上骨形不太異常,吃起近骨的位置亦十分方便,送白飯實在一流.雜菜煲是擺明沒有特色的了,但4道菜入面已經有3道是肉,這道菜順粹健康一下.不過個人還是喜歡瓦煲多一點;此道菜份量不算多,幸好菜還嫩,味道一般.蕉糖雞翼:由於在餐廳門口及OPEN RICE都有人推薦這道菜,就試了,好像蠻有特色.賣相亦不錯,但由於極度熱,不要因為吸引而立即大口咬下去~外層雖脆但偏硬,可以說是這道菜可以挑剔的一點,甜度比想像中低.內層亦入味;雞翼大大隻,有十數隻,加上有點心思.$40左右絕對值.送啤酒佳品.芝士焗鮮魷另一特色推介,芝士味濃度合適,而且咸芝士味並沒有搶走焗鮮魷本身的香;再者,浸在芝士中的鮮魷沒有因此變得過軟,保留的焗的特色,實在十分成功.堅持要藍妹,不過游說失敗的啤酒姐姐並沒有因此而黑面,抵讚.玩骰盅的食客們實在吵耳,但非戰之罪.整體來講,服務遠比想像中好,凡事確實不能流於表面! 食物質素頗佳加上有點特色,4道菜,2支大啤($22X2),6個白飯,埋單$304,實在值得推介.…Read More

闊別工作逾一個月之久,回來後同事提議到伽倻,由於自己午餐比較少吃韓式,當然急著要去.由TIMES SQUARE或A出口走過去的話一分鐘也不用,要坐升降機,所以不算顯眼.通常樓上店都相對少人,而在門口望視內頭好像不太多人,不想到要等位!(錯覺,因為沒有搭枱這回事,2人份部都給予4人枱,所以不太多人也要等)幸好只等了5分鐘左右就能入座.看見食客當中,有不少是韓國人,相信質素不會太差.沒頭緒,頭兒見此極力推介牛肋骨餐,好!信者得救!最後5人當中有3人叫了這個餐.侍應不一定懂得廣東話,英文也十分勉強,以簡單英文溝通後大約5分鐘就先來了前菜.同事們對泡菜讚不絕口,稱之酸辣度調得好,可惜小弟十分怕辣.....雖然我亦十分認同其美麗的外表,但還是只能吃了一件無辦法,勉強無幸福!菜和芽菜也十分醒胃,不過要留意前菜不是任加的.而那個像蛋角的物體雖然是凍食,但配合了少量蔥絲,得而發揮出其蛋香.主菜牛肋骨終於來到,因為4人枱5人用,基本上連侍應們自己也發現不太夠地方放菜.(但卻仍坐得闊落~)放下主菜後就幫我們剪開方便進食.不過某位同事的牛肋骨剪卻未被完全剪斷,令她有點抱怨.陣陣香味早在侍應剪牛期間撲鼻,吃起來終於明白頭兒何解極力推薦.肉質實在十分嫩滑,而被鎖的牛汁吃起來十分豐盈,加上少量脂肪確實令人難以抵抗,只是近骨的2件有點筋,硬硬的比較難嚼.雖然牛汁被鎖,但餐廳仍然付上少量醬汁在鐵板上,送飯十分一流~白飯夾起來是腍腍的,但吃起來,在口中卻令人感受到白粒鮮明,對我來說十分有趣.呼,一輪紅肉攻勢過來,餐飲點了凍檸茶,可能因為只有2片檸檬吧,不夠酸.侍應出於好意幫忙執拾餐具,但因為大家當時正在嚐餐飲,反而製造了丁點混亂,應該在餐飲到達前就開始執了.雖然服務一般,也總算是友善,環境也舒適,大約一百大元來講吃到這個質素尚算合理.確信推薦牛肋骨…Read More

記得年少時第一次吃甘薑汁撞奶,心是想大甜一番,結果是怎樣大家都心知肚明.就像是2個人起初時在一起,感覺很甜,滿心以為會有什麼將來,幸福,但最後因了解而分開,苦而收場.頗笑頗笑.我知道此刻的我十分配吃薑汁撞奶.早前忽略了這間甜品店,算了,現在也不太遲............鋪面不大,環境頗為窄,大都是摺枱圓椅,有點室內大排檔的感覺.雖然有不少咸點,但已吃了晚飯,還是下次吧.很棒的,可以看到老闆即撞,再在自己面前凝固.最欣賞是真正的即撞.奶質很滑,薑辣味非常強,夠薑人士必定喜愛.沒那麼好薑者,但又想試,其實可以試試非原味,試了好立克味,薑辣味依然不太弱,只是相對地弱而已,不過果真可試出好立克味,令人敬佩~蛋白燉奶,奶味很重,亦十分滑溜,要做的都做了,大致上無什麼可以投訴.只試了甜品,暫感覺不錯,雖然不算太平便宜,但有質素就是了.有時不開心,吃點甜品會比較快樂?即使那不是真的是甜............好好的吃一餐就好~今後將會再來~…Read More

見到這間CAFE好評比率奇高,就提出建議和朋友試試.當時已經22:XX,還是要等位大約15分鐘.所以真的想試的話就不妨卜位.但別因為 29 VS 0 VS 2 太大期望...基本上如果一心想來吃的話,別無選擇,一定會試套餐的了.等候第一碟約為20分鐘,其後每碟為5-15分鐘.芝士蒜蓉包蒜蓉味重,還頗為熱烘烘的,比想像中沒有那麼脆....芝士味亦不突出.整體來說只算是做到基本要求.吞拿魚螺絲粉沙律正如上家所說,吞拿魚不會很腥,沙律醬份量亦剛剛好,最贊同的是不會'水汪汪',洋蔥味頗強.酸忌廉薯條是不錯的一碟,薯條炸得剛好,薯仔很充份,醬汁本來配得不錯,可惜太少醬.香草雞翼基本上我和朋友都未嚐到什麼香草味,像普通煎雞翼一點.蜜汁雞翼幾入味,很香口,大家同是雞翼質素卻有點距離.蕃茄煙肉磨姑意粉份量十足,不過若非這麼大碟,男士們根本吃完太也會餓,煙肉,磨姑,洋蔥都有不少,不過意粉太依賴芝士粉等調味而忽略了蕃茄本身.餐飲+$10要了特飲奶昔,頗為淡的,基本上無什麼奶味可言,而曲奇亦出奇的無味.....整體感覺像很淡的朱古力.相信為玩的話一定不會來的,但與其說它食物美味而聞名,我倒覺得因服務細心有禮而聞名比較說得通.服務是值5分,但食物實在難以認同29篇好評,雖然不差,但讚得太誇了吧.後記:SD卡竟然忽然ERROR要FORMAT,遺失了不少試食照,實在可惜.…Read More

其實看到食評顯示劣評比好評多,心中已經不敢懷有希望,因為OPEN RICE實在幾有參考價值.至於仍然光顧的原因就此略過.(唔信邪?!)等候1小時左右,幸好有書在身,拎飛後或者可以先去逛逛街.餓到傻了眼,被安排到"露天雅座",確實比內頭較不焗促,半空曠的感覺確實幾好;如果坐入面,我環境未必給4分,眼見內頭都比較擠擁...雖然燭光確實幾暗,不過夠光睇餐牌就算了.不過幾款的點菜紙有的單面有的雙面,要留神.侍應覆單時提到:唔好意思無三文魚!下?我果陣覺得珍奇到O咀,細問之下原來關冰島火山灰影響航班事,無計.但我覺得餐廳有責任將此資訊張貼於門口吧?首先來的是MONSTER SUSHI招牌之一的原味燒玉子,外表就一般,可能前排剛吃完一門的玉子,有點被比下去? 味道是不錯,最欣賞係其層次感,蛋亦幾香甜.不過佢絕對唔係所講的即叫即煮,整隻碟都如此熱身,難道不是叮貨???北寄貝樣貌正常,而且是1件1塊而非奸商的1件半塊,但想不到味道卻淡得可憐!外表和咬口確實給予新鮮北寄貝的感覺,味道卻是這樣.....失望.海膽軍艦做不到爽趣紫菜已經不太高興,但味覺再受打擊,又一淡味之作,如果閉上眼吃真的有點懷疑是否海膽.連番受挫,雖然唔腥,但海膽不是唔腥就能收貨吧?雖然我已經餓壞,但對食還是有一點要求吧.帆立貝壽司算是較好的一款,帆立貝本身新鮮,而且身型巨大,吃起來令人滿足.是少數值得推薦的一款.軟殼蟹壽司,外表看來OK,可惜是凍的,雖然咬下去仍然有點脆,味道不怪,但給予欠新鮮的感覺.最後追加哥斯拉卷,招牌菜應該不差吧?外貌確特別,個人覺得有得像專走不平路的彩色車軚.一層一層的咬下去,最外層是炸物,彩色點點沒有特別味道,同為炸物,緊緊接著一層鰻魚,收藏得很成功,中層有壽司飯緩衝一下,因為外面2層也比較膩;內層有蟹柳同蟹膏等,沒有什麼火花.組合性尚可,味道亦尚算不錯,但有點兒膩,只是$35實在太貴,即是$17.5/件!不值這個價錢.服務其實是不錯,至少接觸過的4,5位職員也頗有禮服,只是部分職員有點'大頭蝦'.總結來講,有好幾款食物都金玉其外,$146一位這個價錢來講,食物質素完全追不上,再加上等候時間不短,即使再漂亮的外表,只要試一次就會被拆穿了.…Read More

在香港流行珍珠奶茶初期,通常都係飲輕鬆飲,及後其質素下降,轉而飲COME BUY,貪其珍珠大細合意又彈牙.其實挑這篇食評做個人的第200篇不是偶然,次序故意調了,因為相比平時比較有意思.貢茶對我來講已經唔係咩新鮮事,向佢殺入旺角初時,記得第一次飲最正常的珍珠奶茶,但係甜度過火(我已經很受得甜),奶過多,茶味被掩波不少,對佢珍珠亦未有深刻印象.最近反覆試左幾款,終於重投貢茶懷抱,就以最普通的珍珠奶茶來講,奶茶本身大有進步,甜度適中(甜度始終要自選吧,個人喜歡75%~普遍來說100%都不算太受歡迎),奶的份量亦正常化,令到茶味感大大增加(相對以前),個人最喜歡 少冰+少甜(75%) 的組合!特別的是,最近的奶茶味多了一種"烤茶"味,這種茶味還真吸引我.珍珠,可以再大一點,現在的也可接受,彈牙感重現,挑剔的可以說有點兒"過韌",但現今TOP幾間的珍珠已經越來越似了.........奶茶本身的質素越來越重要.多次來店員都幾友善,等候時間通常為幾分鐘(<10),但偶而有昆蟲出現在放奶茶的枱上.到茶餐廳飲港粵式奶茶到貢茶飲台式奶茶香港不愧係美食天堂,果然可以做到和而不同.…Read More

太餓了，步行期間SEARCH到呢間店好評比例不錯，所以在門外差不多沒看清楚，只見到有位就衝進去。可能旺角租金真係太貴，女人街烏冬或麵店全都勁迫，本來呢間餐廳都會係咁，但係因為坐唔滿，２人亦都坐到４人枱，又唔到講法。在我主動查詢的情況下，男職員亦作意作簡單的推介，不過最後都係自己話番事。竟然無茶而只係水，但係D"水"又唔知點解有Ｄ韓燒味，仲要其中1隻杯底(內裡)有D污糟，當然有叫人換過；真係唔敢問其實係唔係水來的，少飲就妙。蕃茄牛柳粒湯烏冬：太期待佢個湯底，一試，好濃郁，偏杰，不過一試就知唔關浸緊湯果幾舊蕃茄事，係茄膏茄汁開出來，唔係話唔好味，只係同想像中有出入。講開個蕃茄，簡直係成碗烏冬之中至衰，好生，仲好硬身，有欺騙食家(湯底)之嫌。牛柳粒基本上係全熟，有少少韌，相信主要係材料的問題(非上乖材料,但呢個價錢又真係無計)；勝在件數真係夠晒多。全碗最好的配料係洋蔥，熟度亦剛剛好。雞扒湯烏冬：個雞扒都幾差，勁鞋又勁硬，切又切得唔好，Ｄ雞皮痴埋晒隔離果２舊，真麻煩。部份配料就唔錯，溫泉蛋是成功的！鳴門卷基本上好難可以唔好味，而甜豆又真係幾清甜。但係個椰菜學晒蕃茄D衰野，好硬，想健康食下菜都要付出"硬食"的代價，無奈。記得平時睇OpenRice講過，讚岐外形較粗壯，四國至少做到外表是一致的，湯烏冬煙韌度有一點過了火，不是太腍，而是有點兒偏韌，亦唔滑身。豆腐：印象不深，十分正常的一道菜，每客３件，用來冷靜一下。單骨雞翼：最離譜的一道小食，價錢大約是＄１８左右，雖然的確是"４件"，但原來單骨就是將一隻雞翼分開２邊，即係得２隻雞翼，早知叫一客真係４件的普通雞翼好過！！！仲要無味GE，係M記脆香雞翼的無味版!！仲要貴D！BAD LIST！！！！！！食物大多都唔係好掂，我係有D想俾１分味道，但主打的烏冬未至於太離譜，只係小食較差。見到員工都幾勤力有禮，可惜以現時的食物質素，實在事倍功半，間野唔係完全無潛質，真係有D替佢地可惜。由於仲有少量種類未食，會俾多一次機會佢地，無可否認今次俾"ＯＫ"已經係極限了，希望佢地向我下次來之前可以執執D野食。…Read More

由於係SPONSOR的關係，SEARCH觀塘區的話很多時會見到榮華川菜館，見到好評的數目都唔少，就試試吧。入到去，位唔算多，有個卡位"留座"，聽老豆講佢試過其他時間黎食，都係長期"留座"；周圍就迫迫地咁啦，總之唔可以講秘密。杯開花茶幾得意，唔記得左個花名！招呼客人的，主要都係靠個老闆般的男人；招呼都算唔錯，有提議，有查詢，有禮貌，勤快。雖然個人幾重視服務，不過食野始終唔係淨係睇服務......担担麵：鐘意食正宗的話一定會嫌唔辣，不過餐牌上有提到該食品為配合港人口味而故意這樣調的。以非一般担担麵來說，算是不差，強強的麻醬味，濃濃的酸辣味，配合了少量蔥香及麵條。上海粗炒：相對平時食開無咁油，椰菜、瘦肉，都是正常的貨色，可以話係一碟頗正宗而味道正常的上海粗炒，算是不錯的一道，不過大約要＄３７，比出面較平，但在這區來說偏貴。餃子：逞半金黃色，如果“炭屎”的物體少一點就更好；豬肉肉質不錯，煎的時間亦掌握得幾好，皮不算太厚而煎得香口。小籠包：想不到餃子不錯，小籠包竟然咁差？豬肉相信同餃子出處一樣，但小籠包完全無汁，皮又厚，完全唔係果回事。有進步空間，整體唔係話太差，只係小籠包特別衰。如果向呢區突然想食上海菜的話，都會再黎的，反正津白，粉皮，甜窩餅都未試。以果度咁隔涉，人流唔係多，仲要食物唔係話突出得好交關，Ｄ好評數目的確多得有Ｄ奇怪.......不過佢多少並無影響到我呢篇俾的分數。…Read More

已經食過3次，俾晒機會，最終都係通唔ＰＡＳＳ。經常身處觀塘，但竟發現協和街，裕民坊一帶，竟然無乜糖水店.......唔熟路根本唔知仁愛圍果邊有許留山同埋人和，之外最近亦都係APM的滿記........呢間野向康寧道一帶就自然有D獨市FEEL.鋪頭入面位置唔算多，多過６人的話就安排座位就真係有難度，位置亦十位之迫。第一次試盧薈豆花，盧薈當然就無咩味，不過數目都幾多下；豆花竟然無乜落糖水，唔通諗住靠盧薈Ｄ味帶出來？我都唔知係咪我錯（懶係叫得刁轉）。記得呀媽叫左個黑白，以芝麻糊來出豆花的話的確比較合理，但係芝麻糊稀左Ｄ，唔係好夠味。但係老豆就覺得個薑汁撞奶唔錯，但我無試。第二次係食雲石布甸，即係芝麻啦！唉呀，搞乜Ｄ野又係咁乜味架？好淡口！唔好講咩質感口感了，諗住食甜品點知勁淡，真無奈。第三次又玩野，香蕉紫米露，當然我一廂情願以為點樣搞Ｄ　MIX & MATCH，其實只係有香蕉肉向面的紫米露啦...........椰汁落得幾重手，其實紫米露本身唔差，唔玩野唔叫香蕉好了。機會已經俾晒，服務就無咩的了，平均＄２０成但係整體質素真係偏差，街坊生意來講亦絕對唔夠平，即係好味又唔夠人好味，平又唔夠人平。…Read More

早前一直因為門口有壓迫感而未試，今次經表哥推介，決定會一會佢地的煲仔功！座位不算太多，９點到達，剛好有卡位，真好彩。整體是比較迫峽，不過餐牌上的菜尾才是驚人的一部分。諗落其實呢類事情向茶餐廳類的店舖出現都唔係咩特別，快快手點野食先；由於即叫即整，所以唔好要求好快。魚雲煲仔粥：唔推介都唔得，大魚頭好很鮮！　個弼本身已有蔥及東菜等做弼底，加上新鮮的魚雲，令到個粥更香甜！仲要勁大兜，老豆都食得飽～芋頭章魚雞粒煲仔飯：oh no 點解係砂煲而唔係瓦煲架？無咩飯蕉　用料就幾足，成個煲都係餸，不過ｄ芋頭味果然搶晒另外２樣餸的味道；３樣之中最普通的一樣。土魷肉餅煲仔飯：完全係煲仔飯的典範，土魷十分惹味，肉餅火喉剛好，咬上口唔會偏硬或爛，加點點甜豉油搞拌，再大口大口吃，。到最後，拿著瓦煲的手柄，弄些飯蕉出來吃，非常飽滿。不過有位伙計有ｄ無厘頭，我地落左３個煲之後查詢油菜價錢，佢係咁淨係話：“你地等３煲野黎到睇下食唔食得晒先叫啦！”仲要重覆３次，講極佢都唔明我地淨係想問下幾多錢姐。食物質素真係幾高，仲要煲煲都好大兜，我見好多女士都食唔晒，抵食。…Read More