今日下午5時許喺呢間店買咗杯芋圓芋泥鮮奶，味道還好，但衛生同工作效率有待改善。工作效率方面好慢，企喺旁邊嘅等緊嘅顧客都話，「咁多人手但做嘢咁慢」，等咗10分鐘左右有個原先冇戴口罩嘅男店員喺店內布簾步出再戴上口罩幫忙，先快返少少，我杯野飲仲要跳咗單嚟叫，行埋去問先比我。因為足足企喺店前成10分鐘，等嘅過程少不免會觀察下店員工作。店內有布簾遮住後勤店員工作，但布簾並沒有完全遮蔽，我見到男店員喺沒有戴口罩之下清潔工具，亦有女店員喺沒有戴口罩之下不時步出店面，同沖緊飲料嘅店員交談。正值第五波疫情，係咪應該不論店面定係後勤員工先戴上口罩再工作呢？…Read More
