YvonneLau1944's Profile

呢間餐廳我係荃灣同旺角都經常幫襯，每次都食到好滿足咁離開呢間尖沙咀係排隊無一個好明確指示話比人聽，係邊個方向排隊。荃灣同旺角分店都會有the kulu比人知道張飛係幾號，相反尖沙咀呢間淨係叫人排隊，當時店面至少有5-6 個人 都好混亂咁排⋯然後，個鋪頭大約得9-10 個位。師傅都有4 個都出唔切餐同埋要等好耐先有野食到⋯係我食緊野期間，樓面侍應已經大大聲講我地坐左「20分鐘」 ，係「20分鐘」已經催我地單，以及要求我地調位。完全係毫無禮貌可言！其他人已經比我地入座左好耐，點解唔催佢地單同提醒佢地用餐時間？但我地岩岩坐左20分鐘，開始食緊野就催我地單同調位，唔好意思都無句，我去咁多分店從未試過有呢種不禮貌對待。再者，呢間分店可能適奉岩岩新年後，我明白貨量供應唔夠。但係基本上三文魚腩無、蠔無、海膽都無。個人覺得尖沙咀區有更多坐得舒服、高質既壽司鋪，大家唔一定要去呢間餐廳食。仲有呢間餐廳唔值得浪費時間去排隊食…Read More

曾經好好食既沾麵，係元朗最首屈一指既沾麵 🍜我係早幾日晚飯時間，由於見門外唔洗排隊，即刻諗都唔諗入去叫左一碗原味豚骨沾麵！一入座就比店內濃烈既荀味充斥住我個鼻，如果大家未聞過或者討厭荀既人，你地可能會唔中意呢個味道，或者覺得呢個味道好似「廁所」！呢一點大家小心呀✨首先，原味豚骨沾麵，湯係凍，豚肉切得比較薄身。我好明白一分一分貨呢個道理，所以係呢度唔再對塊肉有任何評價。個湯飲落欠奉豚肉味及比較咸⋯第二，請容許我形容個麵為一pat麵餅，麵為小麥麵，佢係涼冰冰 好有一種擺左好耐既感覺。以及，麵質唔煙韌！如果個湯係熱或者係微溫既，我諗個麵都唔會好難入口既，呢一點真係有小小失水準。我諗到既原因可能客量比較少，員工都無乜心情去煮一碗麵吧！當日員工大部分都坐喺到玩手機，即使有客人或者外送員，佢地都無點特別招呼。係佢以前未裝修，即使好多人排隊同埋有荀味，我都唔介意成日排隊食佢。因為果陣日本老細同員工，每次見到有客人除咗會禮貌用日文打聲招呼，上麵都會日文介紹⋯果陣有一刻好似係日本既感覺同時都係我真真正正係到咩沾麵！裝修後、開分店後，我都間唔中會去食，但食物質素都未至於今次咁😥經歷今次體驗，我覺得可惜同埋失望希望之後會有改善啦…Read More

今日係回復返晚市堂食第一日，眼見人流唔算多，仲有好多吉位。但都係想番屋企慢慢嘆個米線，所以我買外賣啦，等一個外賣至少等廿個，唔緊要啦！拎外賣果陣有個啡頭髮短髮呀姐 態度勁差，又皺眉連叫單號都唔想叫，一d錯過外賣既人 叫人地自己睇下個架啦，其他就直接推外賣去一個外賣架等人自己拎，當時門外都有唔小人等候外賣。咁既服務態度，唔想做不如辭左份工啦，大家只係想查詢一下，買個麵都要受氣😵叫左一個麻辣雞肉米線，同一個紅油木耳個米線完全無味😂😂😂，要用木耳辣汁加落先有番小小辣味如果一間譚仔米線 連麻辣咁基本都做唔好 唔會有下次啦。…Read More